\c 5 \v 1 Punda tudu sumu sasedotxi, kôydu ni ômê di pôvô, ê sa kôydu pê pôji tlaba,da pôvô ni kwa di Dêsu, pa flêsê tantu ofeta mo saklifisu plô pekadu. \v 2 Ê sa kapaji di tlata ku paxênsa inen ku na sêbê fa ku ka fe mali,punda êlê tembete sa lojadu di flakêsa. \v 3 Plôvia di kwa se êlê tembeté plixisá flêsê saklifisu plô pekadu dê plopi, axen mo ê ka fa plô pekadu di pôvô
\v 4 Ku nê uã ome na ka toma honla se pa êlê me fa, aji ê sa samadu plô Dêsu, mo ku Alon fô. \v 5 Axen, Klistu tembete na honla Êlê me fa, Ê fe di sumu sasedotxi, maji ixi ku fê fla:" Bô sa nima Mu; Un gela Bô oze.
\v 7 Djina dja ku Ê bi ni kani, Ê flêsê lason ku suplika,ka klama ku awa wê ni wê da ngê xi ku sa kapaji di stlavé di motxi, plôvia di piadadji Dê, Ê fô kutadu. \v 8 Ê pôji sa mina, ê sêbê kumpli da kwa ku Êsfli.
\v 9 Modu ku ê fô plepaladu, Ê bila fôntxi di stlavason pala semple da tudu ngê ku ka têndê. \v 10 Sa mandadu plô Dêsu mo Sumu sasedotxi segundu odji di mekisédeki. \v 11 Ni kwa se, nontê yô ka pa non fla, maji ê ka da matxi di fla, punda mali muntu di têndê.
\v 12 Ni ola se nansê toka mêsê za, andêjime ê sa plixisunantawo ku ngê xina nansê plumê ximentu di palavla Dêsu.Nansê toka lêtê, na sa kume lizu fa. \v 13 Punda tudu ngê ku ka bêbê lêtê tan sa novu ni palavla di zustxisa pundaê sa uã mina anzu. \v 14 Modu ku modu, kume lizu sa pla ngê tamé, ngê xi, ku nisêbê sa tlenadu ku sêbê di pompla ben ku mali.
\c 6 \v 1 Anton, bomu dêsa ni kwa ku non sêbê ni plavla di klistum bômu sa fotxi wó. na bia fla, ni fundamentu kulependimentu di obl matxi da fe ni Dêsu fa. \v 2 Nê fundamentu ku xina di butxismu, pê non, lesulêson di motxi nê zutxi pala semplê. \v 3 Non tembete ka fa inen kwa se xi Dêsu mêsê.
\v 4 Punda, ê na ka pôji sa inen ngê xi ku bê kandja uã vê za, ku plôva don di liba,liba memblu di Suplitu Santu. \v 5 Lentla ni bon palavla di Dêsu, di pôdê di tempu ku ska bi. \v 6 Zawo inen kyê, ê na ka bila da di inen lêpêndê fa.Sa punda inen bila klusifika pa inen me,ku plopi mina Dêsu fê uã objtu di vlegônha publiku.
\v 7 Punda tla ku ka kukusumi suba ku ka kyê ka da kume bau pa inen ngê xi ku ka tlaba nê, Dêsu ka da benson. \v 8 Maji sê da npian ku ablôlhos, ê bwa fa ku ê na ka tada di sa maiuadu fa. Fin dê sa di kêma.
\v 9 Inen amadu, non sa kônvexidu ni kwa bwadu ni lispetu nansê, kwa ni lispêtu di stlavason, antawo ku non ka fla di modu sé. \v 10 Dêsu na sa injustu di kêsê di stluvisu nansê fa ku amôlê ku nansê musa ni nomi Sum, ni ixi ku nansê stlivi da santu i sa nê ka fé.
\v 11 Non gôgô montxi axi ku kada uã nansê ka fé penhu sé me antê fin, ku uã spelansa gwadadu. \v 12 Na bila pligisosu fa, sa imitadô di inen s ku, plô mê fe ku paxensa, ka léda plómesa.
\v 13 Punda ola Dêsu fa plómesa Dê da Ablon, ku ê tê ni uã ngê maxi tamé dôkê di zula fa Ê zula dê mé. \v 14 Ê flá: Nga da bô bensa setu axi bila klesenta bô montxi axi. \v 15 Di modu se, ê nganha kwa ku a plômêté ola ê gwada ku paxensa.
\v 16 Ngê ka zula ku ngê maxi tam dôkê da tudu ku inen ka fe di konflima zulamentu. \v 17 Ola Dêsu dixidi di musa maxi klalu, da inen lêdêlu di plômêsa di kwalidadxi di plopósitu Dê ku na ka muda fa.Ê da galatia ku zulamentu. \v 18 Ê fé plô ômê di dôsu kwa ku na ka muda fa, ê sa impusivé Dêsu fla mintxila, pa non sé ku xê di gôló kamya kôndê,pa non ta fotxi ni kloson pa non pega flimi axi ni spelânsa ku a da non.
\v 19 Ku non tê mo ângula sêgulu flimi ni alima nonku ka lentla vala véu. \v 20 Andji Jizu, ku bê ni wê non, lentla ni lugê non bila Sumu Sasedotxi pala semplé, segundu odji di Melkisêdeki.
See in Reader
tsDesktop
linguaforo