\v 3 Nao Judas i harem se ol jif pris mo ol lida blong ol laen blong Israel, oli putum Jisas long han blong Paelat blong kilim hemi ded. Nao taem Judas i harem nius ia, hemi sory tumas from fasin we hemi mekem, from we hem nao i salem Jisas. Nao hemi tekem bak 30 sekel silva ia, we i samwe long fiftin taosen vatu i gobak long ol jif pris mo ol lida blong ol laen blong Israel. \v 4 Nao Judas i talem long olgeta se, "Mi mi mekem sin ia, we mi salem Jisas i kam long yufala, we hemi no mekem wan sin natting."  Nao oli talem long hem se, Judas!  Hemia i no impoten long mifala. Hemi no problem blong yu! \v 5 Nao Judas i sakem mani ia, i go daon long floa blong haos blong God. Mo hemi gowei, i hangem nek blong hem long rob nao hemi ded.