kpj-upload
/
kpj_ezk_text_reg
1
0
Fork 0
Files Issues Pull Requests Releases Wiki Activity See in Reader

Wed May 24 2023 11:32:17 GMT-0400 (Eastern Daylight Time)

This commit is contained in:
kpj-upload 2023-05-24 11:32:31 -04:00
commit 578558c187
45 changed files with 111 additions and 0 deletions
Show Stats Download Patch File Download Diff File Expand all files Collapse all files

1
01/01.txt Normal file
View File

@ -0,0 +1 @@
\v 1 Iruyre txu-my bde rỹireu, inaubiòwa ahãdu-u, wyra inataõnihikỹ bedeu, diarỹ, xaxedòte Ezekieò, Buzi riòre, Babilõnia-ki rahãwanymy raremyhỹ, keba bero ijà-ki, judeo mahãdu, wetxu-my rirahure simahãdu-wna. Biuwetyy rarayre, tahe Deuxu-my rabire rasiwsemy. \v 2 Tuu rutỹỹnyre bedeu, (exilio) Iòlò Joaquim iruyre wyramy ròtena-kibde riwymy roimy raremyhỹ. \v 3 Tai Babilõnia-ki, keba bero ijà-ki , diarỹ Deuxu wadee rybe-ò raholare tahe irurunihikỹ ixiki reeryre.

1
01/04.txt Normal file
View File

@ -0,0 +1 @@
\v 4 Retehere, tahe yhydebure-my rabire iraru-rbi rarerimy. Biudelaa ròhònymyhỹ biuwetyynihikỹ-rbi. Biuwetyy werura, heòtyhykỹlemy roimyhỹ, heòty wotya-ki tahe aõbo, brõze wesemy tai ruxaranymyhỹ. \v 5 Yhydeburekyki tahe, inaubiòwa iròdu wemy rabire. Iny wesemy idi retehere, \v 6 uriletahe tahe sohoji sohoji rỹimyhỹ, inaubiòwa-my iòsny sõe tule iaubiòwa-my tereny.

1
01/07.txt Normal file
View File

@ -0,0 +1 @@
\v 7 Itireny òbitire, iwareny tahe broreni wsemy idi retehere, tahe brõzi wsemy ruxaranymyhỹ. \v 8 Iòsny, tee inaubiòrehãre, sohoji sohoji, inaubiòwa-my tebòreny sõe, iny debò wsemy, terawoki rỹire. \v 9 Inatxi tereny iraymy idi rỹimyhỹreny, tenorareny widee rỹimy. Tahe inaubiòwa-my rexiwinyrenyre, tahe butumy rariamyhỹreny, rexirahòreõhyy.

1
01/10.txt Normal file
View File

@ -0,0 +1 @@
\v 10 Iròdu sohoji sohoji, iòsnyreny wirbi iwitxira witxiralehekỹre: tako-ò iny òsny wsere, ruruwerbi-ò hãlòe òsny wsere, hywe werbi-ò broreni òsny wsere, ihowo-ò tahe nawiihikỹ òsny wsere. \v 11 Inatxi iròdu de raraymyhỹ biu-ò, tahe sihoji sohoji de tabireldu-ò tee ritòròmyhỹ; ijõ tee inatxi tahe, taumy idi rihetynymyhỹ. \v 12 Iròdu sohoji sohoji, inaubiòwa-my tiòtiò retehemyhỹ, tai tahe aõtxile tiò ròimyhỹrenyre, ixiwerydỹỹsiramy aõkõ.

1
01/13.txt Normal file
View File

@ -0,0 +1 @@
\v 13 iròdu mahãdu yki hãte loosò wse aõbo rỹimyhỹ, tiòtiò reamy rỹimyhỹ, heòty ire ranihiỹmyhỹ, tahe heòty-rbi biudelaa ròhònymyhỹ. \v 14 Tahe iròdu mahãdu tiòtiò raòrunymyhỹreny biudeelaa wsemy.

1
01/15.txt Normal file
View File

@ -0,0 +1 @@
\v 15 Inaubiòwa iròdu-di retehemyhỹu, ianaubiò tewe-my rabire, sohoji sohoji, iwareny bireki. \v 16 Tewe inaubiòwa wiwselehekỹre, mna wihikỹ wsemy rasrỹnymyhỹ. Tewe mahãdu wo-ki, ixby tewe-õ roimyhỹ, werehedimy,

1
01/17.txt Normal file
View File

@ -0,0 +1 @@
\v 17 tai tahe tewe, ixiwerydỹỹxiramy aõkõ tiò tiò rariamyhỹ. \v 18 Tewe ti heka rue-di rỹximy roimyhỹ.

1
01/19.txt Normal file
View File

@ -0,0 +1 @@
\v 19 Iròdu mahãdu rariamyhỹu, tewe mahãdu ibirerenydi rariamyhỹ; iròdu mahãdu su-rbi rexiukòmyhỹu, tewe mahãdu tule iherenyki su-rbi ruòmyhỹ. \v 20 Iròdu mahãdu ixideewimy titxi ròimyhỹ tahe tewe mahãdu iròdu hekile titxi ròimyhỹ, kiemy iròdu boho riwedunymyhỹreny. \v 21 Kiamy tahe, iròdu rariamyhỹreu da kõmy aõbo ruhumyhỹreu da biutxi ruòmyhỹreu, tewe boho iwserenyle riwinymyhỹre.

1
01/22.txt Normal file
View File

@ -0,0 +1 @@
\v 22 Iròdu boho ratyaki tahe, aõbo waxiwahate wsemy rirahetynymy roimyhỹ, mnarultyrxỹ-di riwinymy. \v 23 Irahety rawoki tahe, iròdu boho tereny inatxi inatxi-my riraynymyhỹ tahe tabireldu de-ò tereny riterenymyhỹ, ijõ inatxi-di tahe taumy rihetynymyhỹ.

1
01/24.txt Normal file
View File

@ -0,0 +1 @@
\v 24 Diarỹ tewodỹỹ-ò raholamyhỹ, ruòmyhỹu. Beronihikỹ wodỹỹ wsemy rawodỹỹnymyhỹ, woudu mahãdu wodỹỹwse rawodỹỹnymyhỹ, Deuxururuterenihikỹ rybe wsemy rawodỹỹnymyhỹ. Tuòsò ixawimyhỹu tee rirasenymyhỹ. \v 25 Tahe, ihãrele bde wodỹỹ-ò raholamyhỹ, irahety roimyhỹrbi bde wodỹỹ reamyhỹ.

1
01/26.txt Normal file
View File

@ -0,0 +1 @@
\v 26 Heto wsemy irabumy roimyhỹ ratya-ki, aõbo rynana wsemy rỹimyhỹ, safira-di relemyhỹre wsemy. Tai tahe iny-õ runymyhỹ, hãbu wsemy,

1
01/27.txt Normal file
View File

@ -0,0 +1 @@
\v 27 tahe tii roosòmyhỹ, brõzi heòty kyki roimyhỹre wsemy. Butumy tii roosòmyhỹ heòty juxara wsemy. \v 28 Toosòna tahe uajina lỹre wse rare, biuwetyy-ki roimyhỹre wsemy. Kahe loosòna juxarahakỹ rare, Deuxururuterenihikỹ tuu riteòsinyre.

1
02/01.txt Normal file
View File

@ -0,0 +1 @@
\v 1 Tuu rabireu, rariowyre tahe waò su-ò redere. Kia tahe rybe-ò raholare, kiamy rarybemyhỹ: — Hãburiòre, lmamy myike. Adee ararybekemyreri. \v 2 Wadee rarybemyhỹ wnaletahe, Deuxutyytby wadee ralore tahe tii lmamy riwatmadỹỹnyre. Tahe rybe raholare, kiamy rarybemyhỹ. \v 3 Hãburiòre, diarỹ arateònyreri Israel mahãdu-ò, warybe rbiòtu rekoare, waòldu-my relerenyre. Wiji dore warybe siradỹỹmy ihỹrenyre, iwse ilabiereny rybesiradỹỹ-my roiremyhỹ wsele.

1
02/04.txt Normal file
View File

@ -0,0 +1 @@
\v 4 Tõhõtiõrenyre tule riwatyhynyrenyõmyhỹre. Tahe tamyreny rybemy arateònykre, diarỹ Deoxo, timybo tamyreny ararubekredi marybekre tamyreny. \v 5 Arybe-ò roholarenykre-wna, tule arybe-ò roholaõrenykre-wna, profeta taireny ratxiramy rieryrenykre.

1
02/06.txt Normal file
View File

@ -0,0 +1 @@
\v 6 Kai tahe, hãburiòre, uritre ilaureny brebuõmykre, tule aõmybo adee raryberenykreki. Tii boho adee rexiurirenykre tule ibinamy adi ratxirenykre; iykyrenyki matxikrehe aõma wsemy matxikre, itytibòrò kyki matxike wsemy. Ihãrele tahe, brebuõmykre rybesiradỹỹdu mahãdu lau, aõmy adee raryberenykreki tule.

1
02/07.txt Normal file
View File

@ -0,0 +1 @@
\v 7 butumy aõmybo adee ararybekre-my marybekre, rohorenymy aõbo da roholaõrenymy aõbo. Teery aõbo irybesiradỹỹrenyre. \v 8 Hãburiòre, boholakre aõmybo rarybereri. Rybesidỹỹmy uritre noõmy iwsereny. Ary biraynykre tahe birsỹkre aõbo adee ariwahinykre.

1
02/09.txt Normal file
View File

@ -0,0 +1 @@
\v 9 Tai tahe debò-my rabire, wadee riterenyreri-ò, tyyrti rase rase-di tebòki. \v 10 Tii wadee rirawere, kia tahe rybe tai rirtinymy roimyhỹ, iwebrò-ki tule. Irtine tahe kia roimyhỹ, aõdese-my lorari tai roire, sỹbina ta ohitxi ijõra.

1
03/01.txt Normal file
View File

@ -0,0 +1 @@
\v 1 Kiamy Deuxurarybere: — Hãburiòre, kaa tyyrti rase birsỹkre, irahudi tahe makre Israel mhãdu-ò rybemy. \v 2 Tai tahe wary reraynyre tahe tii tyyrti rase wadee riwahinyre ariròkremy. \v 3 kiamy rarybere: — Hãburiòre, kaa tyyrti rase adee rewahinyreri birokre; idi aweryri bitỹxinykre. Tahe reròre, bdiwsemy ibree.

1
03/04.txt Normal file
View File

@ -0,0 +1 @@
\v 4 Tahe kiamy Deuxurarybere: — Hãburiòre, makre, tahe aõmybo ararybekremy Israel mahãdu-ò marybekre. \v 5 Iwitxira mahãdu, irybesiramy rỹimyhỹre-ò aõkõ arateònyreri, Israel mahãdu-ò. \v 6 Iwitxira hãwahãkỹ-ò, irybe isaramy rỹimyhỹre-ò arateònykeki, tule irybereny bierykõmy, my mahãdu-ò makeki, arybe-ò ywimy roholarenyke. \v 7 Kiaõmy tahe Israel mahãdu tiu arybe-ò roholarenyõtyhy, kiemy warybe-ò ijohonaderarenyre. Butumy tiiboho tõhõtiõrenyre tule irybesiradỹỹrenyre.

1
03/08.txt Normal file
View File

@ -0,0 +1 @@
\v 8 Wiji tahe kai iwsereny araijenykre, õhõtiõmy tule ateremy, iwserenyle. \v 9 Ateremy arawinykre, mnatere wsemy tule jiamytxitere wsemy. Taiki tahe, uritre brebuõmy, ilaureny uritre brebuõkre.

1
03/10.txt Normal file
View File

@ -0,0 +1 @@
\v 10 Deuxurarybemyhỹ: — Hãburiòre, boholawikre, itxi õhõti reakre warybetxi. \v 11 Irahudi tahe aijoireny-ò rybemy makre, wetxu-my rirahuremahãdu-ò. Diarỹ DeuxuAõmybo rarybererimy tamyreny marybekre, roholarenykre-wna tule roholarenyõkre-wna, ihãrele tamyreny marybekre.

1
03/12.txt Normal file
View File

@ -0,0 +1 @@
\v 12 Tahe Deuxutyytby biu-txi riwadyre, tahe wahewo-ò rybe-ò raholare, biu ramytxinymyhỹre wsemy. Kiamy irà-ò raholamyhỹ: — Biu rariemy, Deuxururumy beàlàke! \v 13 Iròdu mahãdu dewodỹỹ-ò raholamyhỹ tee rihtenymyhỹ-ò, tule tewe wodỹỹ-ò raholamyhỹ, iwodỹỹnihikỹmy raholamyhỹ, biumytxi wsemy.

1
03/14.txt Normal file
View File

@ -0,0 +1 @@
\v 14 Tai tahe Deuxururu wamy rahỹỹnanyre, ityytby irbi riwadyre; tai tahe diarỹ reburere sõemy wawo-ki reburere. \v 15 Tahe Teò-Abibe-ò rare, Keba bero ijàti-ki roimyhỹre, tai judeo mahãdu rasỹnymy rỹiramyhỹ, wetxumy ridyrenyreu. Debò inatxi txu-my tai bde reijere, raberumy, aõmybo rabireki tule tamy raholareki.

1
03/16.txt Normal file
View File

@ -0,0 +1 @@
\v 16 Debò inatxi txu sỹtbymy, Deuxukiamy wadee rarybere: \v 17 — Hãburiòre, diarỹ Israel mahãdu-di itxeredu arasnyra. Kai biteòarinybenykre, timybo deòrxina adee ariwahinykremy. \v 18 Kaa diarỹ hãbu bina rurukremy adee ararybekreki, tahe kai biteòarinyõkreki, aõbina bina widỹỹ ixãwikemy, taumy rihedỹỹnykemy, tai tahe òrarunaki tii rurukre, taiki kaile irbu bdeòrarukre. \v 19 Kai hãbu bina biteòarinykreki, tahe tii aõbina bina ririõkreki, tiiemy òraruna-ki rurukre, kai tahe taiki buruõkre.

1
03/20.txt Normal file
View File

@ -0,0 +1 @@
\v 20 -- Hãbu òbiti-õ aõbina bina riwinykreki, tahe diarỹ aõ iòhãtxi ariijranykre, tai rurukre, kai biteòarinyõkreki. Tahe diarỹ aõwiwi riwinyretxi wanohõti reaõtyhy. Tahe kai irbu bdeòrarukre. \v 21 Kai hãbu òbitimy nodu biteòarinykre-wna, òraruna widỹỹõmykremy, tahe tii arybe-ò roholakre-wna, òraruna widỹỹ-rbi ixawikre, taiki tahe tii ruruõkre, kai tule buruõkre.

1
03/22.txt Normal file
View File

@ -0,0 +1 @@
\v 22 WaDeuxururuterenihikỹ, wabireki ratximyhỹ, tahe kiamy wadee rarybere-ò raholare: -- Myike, hãwalò bde-ò makre, tai tahe adee ararybekre. \v 23 Tai tahe hãwalò bde-ò rare, tai Deuxururuterenihikỹmy rabire, keba bero ijà-ki tuu rabire wsemy. Suu-txi waò-my resere,

1
03/24.txt Normal file
View File

@ -0,0 +1 @@
\v 24 tahe Deuxutyytby wawo-txi ralòre, tii riwatmadỹỹnyre. Deuxuwadee rarybere: --Make aheto-ò tai tahe ijo ixidi biwerynykre. \v 25 Kai hãburiòre, reruti-di mataataakre, bohonyke ihoõre.

1
03/26.txt Normal file
View File

@ -0,0 +1 @@
\v 26 Adòrtò ariteredỹỹnykre, tai tahe iny mahãdu rybesidỹỹ biteòarinyõkre. \v 27 Irahudi, ixby adee ararybekreu, ararybedỹỹnykre, iu tahe tamyreny marybekre, diarỹ Deuxutuu raryberamy. Ijõ iny-õ arybe-ò roholakre, ijõ taxe aõkõre, kiemyhe tii boho irybesiradỹỹrenyre.

1
04/01.txt Normal file
View File

@ -0,0 +1 @@
\v 1 Deuxukiamy rarybere: — Hãburiòre, txijolu-õ bimyke, irahudi tahe akotxi bitdikre, ityreki tahe Jerusalẽ bidexeãnkre. \v 2 Kaa dexeã-ki iòldu riyrawonymy biwinykre, iòtursòna, iòwòna ijõdimy, itỹhinareny ijõdimy tule imakinareny ijõdimy, mnaòtity dejuxuna. \v 3 Myjina wotimy ije bimykre, irahudi òtity wsemy bitdikre, kai, hãwa-wna awotyarenytxi. Hãwãwerbitxi betehekre. eresyna robymy roireri, kai tahe teyrawonymy idi atxiteri, kaa heka Israel mahãdu deòrxinakre.

1
04/04.txt Normal file
View File

@ -0,0 +1 @@
\v 4-5 Hywe werbitxi boike, atyre Israel mahãdu òraru ariutxienykre. Kai kuaki herimy boibekre, iòrarureny utxiedi betyymy, trezento noventa txu-my, kiemy diarỹ tiiemy retxuhòrenyra aõbina bina-my rutỹỹnyrenykremy, sohoji txu-my wyra-di.

1
04/06.txt Normal file
View File

@ -0,0 +1 @@
\v 6 Kaa tiubo mahukreu, ruruwerbi-ò bexirahorekre, tai tahe Juda òraruna utxiedi betyykre, kuarenta txu-my, kia wsemy, sohoji txu-my, wyra-di aõhõkỹmy rutỹỹnymyhỹrenykre. \v 7 -- Òbitimy betehekre Jerusalẽ-di iòldureny riyrawonymy idireny rỹireri. Tahe õredera birasenymy hãwahãkỹ-my marybekre timybo rutỹỹnykremy. \v 8 Arataataakre, taki tahe timy aixirahoreseõna, tuhyy tahe iòldureny hãwahãkỹ riyrawonykre.

1
04/09.txt Normal file
View File

@ -0,0 +1 @@
\v 9 -- Katahe trigo bimykre, xevada, ervila, letxila, trigo smo ta aveia ijõra. Butumy wimy biurinykre idi pão biwinykre. Tii heka birsỹmy mabekre, trezento noventa txu bdeu, ruru werbi-ò bexirahorekreu bdeu. \v 10 Kai inaubiòwalemy pão smo biymyhỹkre txu sohoji-di, ywimy biymyhỹkre. \v 11 Bee biõmyhỹkre, tule iurihixina ijõdikre: inatxi bedeò-my biõmyhỹkre txu sohoji-di, tule ywimy biõmyhỹkre.

1
04/12.txt Normal file
View File

@ -0,0 +1 @@
\v 12 Iny ijny werbu wetby-di heòty, biworonymyhỹkre, paõ iburesò-di bisõmyhỹkre tahe pão biymyhỹkre, butu iny mahãdu ruki. \v 13 Deuxutule rarybere: — Tiubo Israel mahãdu bdebde-my ariubtỹnykreu, kawsemy rabyremy roirkre, rsỹna ibinamy ratòemyhỹre rirsỹrenykre.

1
04/14.txt Normal file
View File

@ -0,0 +1 @@
\v 14 Kiamy rerawyònyre: — Wadeoxo, wawedu, kiahe aõkõre! Diarỹhe tiú rsỹna ibinamy rỹiradi tiú rexisunyõmyhỹre. Uladu tuhyy raumynyre, tiu iròdu xinamy rurumyhỹre reròõhyymyhỹre da kõmy aõbo iròdu debure riròmyhỹre uhe. \v 15 Tai tahe WaDeuxu rarybere: — Heboxe. Broreni ijnylebohe ixinamy biuhekre, idi heòty biworonykremy; ityre-ò apaõ bisõbekre.

1
04/16.txt Normal file
View File

@ -0,0 +1 @@
\v 16 Ixby rarybere: — Hãburiòre, paõ aritòenykre, Jerusalẽ hãwa-ò rehemnyke. Tai tahe iny mahãdu, rsỹna ta bee riwòrenykre. \v 17 Tii boho irsỹnareny ihoõmy rekoakre tule bee ihoõmy rekoakre. Sõemy rõhõtiweryweryrenykre, ihyy tahe rituerenykre, taòrarureny òraru-ki.

1
05/01.txt Normal file
View File

@ -0,0 +1 @@
\v 1 Deuxu rarybere: — Hãburiòre, mayrehe jureeõ bimyke, idi tahe aòsiri ta arade biòròkre. Irahudi tahe arade biutxienykre, aòsiri tule, utxiena ersyna-di, irahudi inataõmy biwirareakre. \v 2 Tiubo iòldureny hãwahãkỹ weryràdỹỹ ririkreu, hãwãtya-ò makre, tai tahe arade sohoji inataõ urihixinarbi bisõkre tule aòsiri.irahudi tahe hãwahãkỹ werura-di mariakre tai tahe mayrehe-di arade uhe biruxmonykre, ijõ uhe tahe biu-txi idi behukre, tahe yhy ridykre. Tai tahe diarỹ wamayrehe-di tamy areakre.

1
05/03.txt Normal file
View File

@ -0,0 +1 @@
\v 3 Radeti-õ birarenykre tahe atyy ijeti-ò bitdikre. \v 4 Irahudi tahe radeti-õ bitakre, idi heòty-ò behukre ixinamy tai rookre. Heòty irbi ròhònykre, butumy Israel hãwãhãwa-my roberakre.

1
05/05.txt Normal file
View File

@ -0,0 +1 @@
\v 5 WaDeuxu rarybere: — Jerusalẽ hãwa-di ini beteheke. Butu bde bde tyamy resnyre tule iwitxira hãwãhãwãiweruramy reteòtenyre. \v 6 Kia tahe Jerusalẽ warybederamy rekoare, tai tahe hãwãhãwãwitxira rỹira ratyrehe, irybe siradỹỹmy relere, iny mahãdu iwerurarenymy rỹira ratyre warybesiradỹỹmy relenyre. Jerusalẽ warybe deramy rekoare, wabdeywidỹỹna rarsedỹỹderamy rekoare.

1
05/07.txt Normal file
View File

@ -0,0 +1 @@
\v 7 Wiji tahe Jerusalẽ mahãdu, boholawibenykre warybe-ò, diarỹ Deuxu rarybereri-ò. Wabededỹỹnana-ò teòbytenyõte tule aõmybo adeereny rarybere terarenytenyõte, taiki heka sõemy jei jei ixideereny tewahinyte, hãwãhãwãwitxira witxira ryira ratyre aweryrarenymy. Iwitxira iny rỹira bdedỹỹnana hakỹle tewinytenyte. \v 8 Taikita heka diarỹ Deuxu, umyreny rahitxireri. Diarỹ butu iny ruki aõbina bina renymy adeereny ararybekre.

1
05/09.txt Normal file
View File

@ -0,0 +1 @@
\v 9 Aõbina binahãkỹ tewinytenyte òraruki, Jerusalẽ, aõhỹkỹmy arasnyrenykre, tiu tuu rewinyõre tule tiu ixby tuu tamy ariwinyõtyhy. \v 10 Iiòrari-ki, Jerusalẽ-ki tby mahãdu tariòle riròrenykre, iriòre mahãdu tbyle riròrenykre. Diarỹ tuu aõhỹkỹmy arasnyrenykre, mobo irumy rarikre tahe bde bde-my ariubtỹnykre.

1
05/11.txt Normal file
View File

@ -0,0 +1 @@
\v 11 Taiki tahe, kaahe Deuxurybere: kaiboho waheto tebinanytenyte, aõbina binahãkỹ-di tule aõxuxu-di texunytenyte, taiki tahe kiamy rexirybenyre, arahurerekre adeereny aratòenymy aõkõ, adireny arawobruke ihoõre. \v 12 Inataõ butuna rbi, sohoji butuna rituekre, rbuna-di ta rmadesemy ijõra, hãwãwokile, ijõ sohoji butuna urihixina tasỹ, mayrehe-di rituekre, ahãwareny webròmy, ijõ inataõ urihixina tasỹ, yhyòle ariuberanykre tai tahe mayrehe-di iherenymy areakre.

1
05/13.txt Normal file
View File

@ -0,0 +1 @@
\v 13 -- Kai boho waruru ixiki bierybenykre, wadebure waehehe bierybenykre, wawo rihykrexiery ixãwikre. Kaa butumy rutỹỹnykreu, kaiboho biwatyhynybenykre, diarỹ kamy butumy adeereny raryberemy, kiemy sõemy tiwateburenytenyte, arybesiradỹỹrenydi.

39
LICENSE.md Normal file
View File

@ -0,0 +1,39 @@
## Creative Commons Attribution-ShareAlike 4.0 International
### Human-Readable Summary
The Creative Commons Attribution-Share Alike 4.0 International License is available at
http://creativecommons.org/licenses/by-sa/4.0/.
#### This is a human-readable summary of (and not a substitute for) the License.
### You are free to:
* **Share** — copy and redistribute the material in any medium or format.
* **Adapt** — remix, transform, and build upon the material for any purpose, even commercially.
The licensor cannot revoke these freedoms as long as you follow the license terms.
### Under the following terms:
* **Attribution** —You must give appropriate credit, provide a link to the license, and indicate if changes were made. You may do so in any reasonable manner, but not in any way that suggests the licensor endorses you or your use.
* **ShareAlike** — If you remix, transform, or build upon the material, you must distribute your contributions under the same license as the original.
* **No additional restrictions** — You may not apply legal terms or technological measures that legally restrict others from doing anything the license permits.
### Notices:
* You do not have to comply with the license for elements of the material in the public domain or where your use is permitted by an applicable exception or limitation.
* No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
This PDF was generated using Prince (https://www.princexml.com/).

1
front/title.txt Normal file
View File

@ -0,0 +1 @@
Ezekiel

29
manifest.json Normal file
View File

@ -0,0 +1,29 @@
{
"package_version": 6,
"format": "usfm",
"generator": {
"name": "ts-desktop",
"build": "170"
},
"target_language": {
"id": "kpj",
"name": "Karajá",
"direction": "ltr"
},
"project": {
"id": "ezk",
"name": "Ezekiel"
},
"type": {
"id": "text",
"name": "Text"
},
"resource": {
"id": "reg",
"name": "Regular"
},
"source_translations": [],
"parent_draft": {},
"translators": [],
"finished_chunks": []
}