Mon Feb 13 2023 20:20:47 GMT+0200 (GMT+02:00)

13/11.txt

@@ -0,0 +1 @@
+\v 11 Köti dene ta den adi saa aje jukin, diŋit aje po nagon ta ködyö pupurwe ’i i doto. Kogwon soŋinana yi gwe nyona ko lwökö lwölwöŋ na yubbe yi a kokwe nu. \v 12 Tukwaje aje ’baka, kak gwe nyona ko waran. Nyena ti yi rusuŋdye ta kaŋo konesi ti mudwe, ko ti yi jupukiŋdye ta tito möriesi logon a ti parara.

13/13.txt

@@ -0,0 +1 @@
+\v 13 Ti yi wöröni ta ’bura gwoso ŋutu lo wörö i tuparan, ’bayin i to ’betan, kode i meran, kode i toluŋ, kode i koŋdya na ŋo nagon a wuya kana, kode i mörö, kode i yulön. \v 14 Ama jupukiŋdye ta Matat Yesu Kristo a tito kasu möriesi; an ta ko yeyeju ta i toyimönöju na ’dekesi ti mugunya kasu ti na kak.

14/01.txt

@@ -0,0 +1,8 @@
+\c 14 \v 1  Wuji ta ŋuto logon a lomunyan i yupet nanyit, ama an ta ko rerenya ta ko lepeŋ i kulya ti yeyeesi dyadyalesi. 2Miret mana; lele ŋuto gwon ko yupet i nyesu na ŋo liŋ, ama ŋuto logon a lomunyan i yupet lo nyesu ’dötilön ka ’de. 3Ti ŋuto logon nyesu ŋo liŋ lo gwe ti lauŋdya ŋuto logon ti nyesu kine ŋo liŋ lo; a ti nye logon ti nyesu ŋo liŋ lo gwe ti ’duŋökiŋdyö ŋuto kulya narok logon nyenyesu ŋo liŋ lo, kogwon Ŋun a wu lepeŋ.
+4Do a ŋa logon ’duŋgö kulya ti köliŋönit lo lele ŋuto? Kine a kulya ti matat lonyit logon a monye kita i ’duŋgö na kulya ti lepeŋ, kode nye gwo ’dan go kode nye a ’doro. Iŋkoi, lepeŋ ’diri mo gwo ’dan go kogwon Matat bubulö tiŋdu lepeŋ i gwo ’dan go.
+5Nene miret köti mana; lele ŋuto yeyeju adi lele lor a lo ’but lwölwöŋ kulye perok, a lele yeyeji adi perok liŋ gwon jojo. Ti ŋutu liŋ geleŋ geleŋ denuŋdye ’bura kase i yeyeesi ko se yeyeju nyo. 6Nye lo ’debba lor lo, lepeŋ ’debba ŋilo lor anyen bu ’ya Matat; a nye logon nyesu ŋo liŋ lo köti nyesu anyen bu ’ya Matat, kogwon nye titiŋdu Ŋun tinate. Nye logon ti nyesu ŋo liŋ lo köti ti nyesu anyen bu ’ya Matat, kogwon nye titiŋdu Ŋun tinate.
+7Kogwon lele likaŋ ’bayin logon gwolor gwoso i ’dekesi kanyit, köti lele likaŋ ’bayin logon twatwan gwoso i ’dekesi kanyit. 8Koyi gwon jörun yi gwon jörun a ti Matat, a koyi twatwa a yi twatwane a ti Matat. Nyenagon koyi gwon jörun kode twatwa yi gwon a ti Matat. 9Ŋina a kwe nagon Kristo a twan a iŋge ŋien i twan, anyen nye böŋö gwon a Matat lo ŋutu lo twatwa ko lo gwon jörun kilo. 10Ama do ŋilo ŋuto, ko nyo nagon do ’duŋgö kulya ti luŋösur lo yubbö lo arabat? Kode do ŋilo ŋuto, ko nyo nagon do lauŋdya luŋösur lo yubbö lo? Kogwon yi liŋ mo gwogwo ’dan ko Ŋun i komor i ’duŋöki na putesi kaŋ; 11kogwon kulya ti Ŋun na wuro kune tuggö adi,
+Nan Matat lo kulya adi,
+’Diri ’diri gwoso na gwoŋdi nan na, ŋutu liŋ mo rurugwuŋö köyö i komor,
+iŋkoi, ŋutu liŋ mo ruruk adi nan a Ŋun.
+12Nyenagon yi liŋ geleŋ geleŋ mo totoleurukin kulya kaŋ ko Ŋun i komor.

manifest.json

@@ -205,6 +205,9 @@
 		"13-01",
 		"13-03",
 		"13-06",
+		"13-08",
+		"13-11",
+		"13-13",
 		"14-title",
 		"15-title",
 		"16-title"