lpx_luk_text_reg-archive/09/37.txt

\v 37 To motie to nohonyie, ifa aciohini isia to doŋe aŋolon, atta inyia hiboŋ he iluluŋ no hiyyo. \v 38 Niyya, atta lobo tuŋani hilulwo to hiji he iluluŋ hijo; “Hetiyanani, attana nayya iyye, towolo lonyi hanaŋ, ara inyia hiito hanaŋ lobotie ija. \v 39 Ewolo iyye, eniefita oyiri no lorru inyia, kwak man afanini habunak to hutuk nohonyie. Obe lebusuta inya to holoŋi, ebusak inyia to golon, atta hidofe eriafu inyia no lorru lebusak inyia. \v 40 Attana nayya heyiyanak illohoi hefuhai ade tara honyie, ati obe oremik.”