lpx_act_text_reg/10/30.txt

\v 30 Atta Kornelio hijo, "Era holoŋitek ena aŋwan ta far inna, amojo ifa nayya ta sa hitahotongwani to hotwe haji hanaŋ; itiwolo, atta lobo tuŋani wueta to hosiere hanaŋ lo lowulo boŋojin. \v 31 Ojo inyia "Kornelio etiru Hollum mojo no hoi, ojo hisiorita innohoi to lociaŋak elimak Hollum igem nohoi. \v 32 Iyyania ifahak lobo tuŋani a Joppa hellilloŋo to hoi tuŋani fure nohonyie Simone, la ara Peturu. Etole inyia ta haŋ no hehuhumani lo muhunyo la ara Simone, aŋati ha hari." \v 33 To nia efahuni naŋ hijo anyar iyye ettu. Anyiar iyye ta hawoŋ to nohoi. Iyyania, ewuon iyyohoi daŋ to hosiere no Hollum, anyar etiru hirro bidaŋ innafa ojo Habu to hoi tojo.''