Sat Oct 07 2023 09:12:58 GMT+0200 (GMT+02:00)

07/29.txt

@@ -0,0 +1 @@
+\v 29 Ata Muse huruat ade tara honye ifa etiru inya hiro inia; ata inya hira ahatamononi ta fau no Midian, ata inya hira a monye to durre lohorik. \v 30 Ifa ellaŋ ŋasi tomwana aŋwan niya, ata anjilo aliew to honye to doŋe no Sinai, iya ŋadief no hima no owulo to tim.

07/31.txt

@@ -0,0 +1 @@
+\v 31 Ifa egonyu Muse hima, ata inya hililiha to hiwolo nohonye hima nya; ifa ehutok inya aŋati anyar ehum inya egonyu na annyar, ata hutuk no Hollum hiro Teya hijo, \v 32 'Naya Hollum lo monyie hoi, Hollum la Abramo, iko le Isako, ojo lo Yakobo.' Ata Muse hikikiro bino ata baŋi riŋai adia.

07/33.txt

@@ -0,0 +1 @@
+\v 33 Ojo Habu to honye, 'Todumu hamuha ade to hejek hoi, nyo odua mai nia ewetariiye. \v 34 Egonyu naya luŋa hitigiama no hiyo ilalaŋ ta Masir; etiru naya hiyorita nohosie, ati awoŋ naya afau etuluahari isia; iyania woŋ, awak naya efahakiye a Masir.'

07/35.txt

@@ -0,0 +1 @@
+\v 35 Ata isia hijo, Muse ile lafa ebo isia, ifa ejo isia, 'ŋai ehumak iye ettok iko haŋotoni lohoi?' Inya lia lafa efahu Hollum hatara te iyohoi ettok ojo ara hetuluahani. Efahu Hollum inya ta hani na anjilo lafa oliew to Muse to tim. \v 36 Ata Muse edihori isia ade to Masir, ta halu hihuma nohonye to hosie iduariti iko hituhutita ta Masir iko to Hari no odo, iko to tim ta ŋasi tomwana aŋwan. \v 37 Inya Muse lafa lia ojo to hiyo ile Isarail, 'Etidiet iso Hollum hekilani ta hatai tara ilasira hoi, hekilani iya naya.'

07/38.txt

@@ -0,0 +1 @@
+\v 38 Inya tuŋani lia lafa owuon te iluluŋ to tim iko anjilo lafa ero to honye to doŋe no Sinai. Inya tuŋani lia lafa owuon ho monyie hohoi; Inya tuŋani lafa omoju hiro no owuar ata hisio iyohoi. \v 39 Inya tuŋani lafa ebo monyie hohoi abaŋ; ata asulai inya ade tara hosie, ojo ta tajaa inohosie ata yite hijo enyak isia aciahari a Masir. \v 40 To nya ata isia hijo ta Arone, 'Toyek te iyohoi johin ilo oremik edihori iyohoi. Ojo to Muse lia, le eyani iyohoi ade ta fau na Masir, ebe iyohoi eyen hiro ino eba to honye dia.'

07/41.txt

@@ -0,0 +1 @@
+\v 41 Ata isia ayeu tawo to holoŋitek niya ata eyani hatara ahisiori to rijori, ata mune te igem na has ino hosie. \v 42 Atati Hollum hiloit isia man esio isia hetihabuoi haher ino ido, iya egioro to buk no hekilak, "Obe ifa itai esio ta nanaŋ ciaŋ no oye na ara hisiori nahatai to tim ta ŋasi tomwana aŋwan, haji ne Isarail?

07/43.txt

@@ -0,0 +1 @@
+\v 43Eruk ifa itai hitole ta haji no Molek iko haheri ojo jok lara fure nohonye Refano, iko rijorihien inafa eyyeu itai ata hidofe hitihabuo isia: eyari iso naya itai alarimai tara Babilonia.' \v 44Owuon ifa monyie hohoi iko hiyen no hiro inafa eba to tim, iya nafa elimak Hollum, ta nafa erarari inya iko Muse, hijo isiara inya hemak iya egonyu inya. \v 45Titi nia ina nafa eyari monyie hohoi ata isia eyani inya afau iko Josua. To hosiere ho monyie hohoi, hiro ino doŋiok inafa efuhai monyie hohoi ade ata ahoru fau nohosie nafa esio Hollum to hosie. Ati arasa ifa titi nya ta fau nya man otuni holoŋ no Davide, \v 46Lo arumu mune to hosiere ho Hollum ata hifia hijo harumu iso inya hittoloji to Hollum lo Yakobo. \v 47Ati Solomone ifa oduhok to Hollum haji. \v 48Ati obe inya lia Letok amanya ta hajik ino oyeuni ta has ino hiyo iya ojo hekilak hijo, \v 49' Ara ido hittoloji nanaŋ ojo fau ara hara iko hejek inanaŋ. Hara iso nari haji nia eremik itai aduhok ta nanaŋ? Ojo Habu, tahu ati mai na ayiriari naya? \v 50Hobe ara has inanaŋ oyeui hiro inia daŋ?' \v 51Ati itai hiyo hulo ogol hosi ejo ebe eŋoto ta tajia iko yohe inahatai, edule itai hibo Oyiri lo Olibo; ehuma itai iya ehuma ifa monyie hatai. \v 52Ilari hekilak ilia obe ifa monyie hatai etigiama? Otohe ifa isia hekilak ilafa oliew ta haliew no haduarani lobotie; ata itai iyania hira hetinyaŋak iko hatohok ilohonye, \v 53itai hiyo ilafa omoju hifahi nafa ehuhumak anjilohien, ata itai enyie herruk.'' \v 54Ifa etiru etaha ilo Yudei hiro ino ero Stifen, ata tajia inohosie ŋoto bino to hiro inafa ero inya, ata isia daŋ hirita hala inohosie te Stifen. \v 55Ojo Stifen tuŋani lafa efut ho Oyiri lo Olibo, riŋai ahide ido toktok ata inya egonyu ohwo no Hollum; ata inya egonyu Yesu oweta ta hani he inyat no Hollum. \v 56Ata Stifen hijo, ''Itiwolo, egonyu naya ido aŋa ojo onyi Tuŋani oweta ta hani he inyat no Hollum.'' \v 57To hetiru nohosie hiro ino ero inye, ata isia esionok yohe inohosie ojo eyoro bino, ata isia daŋ anobotie aruhari inya. \v 58Ata isia epihori inya ade to doŋe nya ata isia hitiara hipuda inya, ata suti ilafa daŋ afiatak boŋojin inohosie to hejek ino lobo nyarhaluti la ara fure nohonye Saulo. \v 59Iya nafa epudari isia Stifen, odulei inya hililoŋo Hollum ata hijo, ''Habu Yesu, omju Oyiri nanaŋ." \v 60Origoŋo inya ta fau ata hililoŋo bino no lokwat ''Habu, baŋa ehianak hiyata huna to hosie. ''Nafa lejo inya ania ata inya ajotori.