See in Reader
Sun Oct 08 2023 21:19:20 GMT+0200 (GMT+02:00)
This commit is contained in:
parent
566e414b38
commit
6677b3b8c2
|
|
@ -1 +0,0 @@
|
|||
\v 3 Nafa ewolo iyyohoi Sipro, ne egonyu iyyohoi inyia to oko hani ne ihorroŋ no babur, atta iyyohoi efie a Siria man ewueta iyyohoi to Tire, ta mai nafa no ohu babur ebusari innak hirro. \v 4 Ta halu na arrumu nohoi hetiyanak, atta iyyohoi hittole dia holoŋitek hattarik. Odule ifa hiyyo niyya hifia Paulo to Loyiri hijo hotobiaŋa ohu a Yerusalem.
|
||||
|
|
@ -1 +0,0 @@
|
|||
\v 5 Ifa esaha holoŋitek innohoi dia, atta iyyohoi ebusari mai nyia, atta iyyohoi efie ade atta isia daŋ ho ŋoruo iko durre innohosie enyiamari iyyohoi ade to bore gala nyia. Atta iyyohoi rigoŋo aŋati hari lomojori, \v 6 atta iyyohoi hijo to hosie humo to hirro bidaŋ inne ehum isia te iyyohoi. Atta iyyohoi arrek babur ojio isia atta aciahari ahaŋ.
|
||||
|
|
@ -1 +0,0 @@
|
|||
\v 7 Nafa esahak iyyohoi hilluta man to Tire, atta iyyohoi hiba to Ptolemais. Dia atta iyyohoi hifonya iko halasira ejio hidofe ettole dia he isia far lobotie. \v 8 To motie nohonyie, atta iyyohoi efi a Kesaria. Atta iyyohoi ajiŋak nobo haji no Filipo, herarani le ikelesia, lafa ara hitahattarihi, atta iyyohoi hittole he inyia. \v 9 Owuon ifa tuŋani lia iko hoduo aŋwan inne ekila.
|
||||
|
|
@ -1 +0,0 @@
|
|||
\v 10 Atta iyyohoi hittole dia to holoŋitek innak, atta lobo tuŋani lo Yudea awoŋ la ara hekilani, ara ifa fure nohonyie Agabu. \v 11 Ottu ifa inyia te iyyohoi atta adumu hittodit no boŋo no Paulo. Atta efitari hejek innohonyie iko ha innohonyie atta hio, "Ojio Loyiri lo Olibo hijo, 'Ofu iso Judei illo Yerusalem hifit monyie ittodit inna daŋ tiji, atta hisio inyia ta has ho ettaha illo Jentails.'''
|
||||
|
|
@ -1 +0,0 @@
|
|||
\v 12 Ifa etiru iyyohoi hirro niyya, atta iyyohoi iko hiyyo daŋ inna amanya ta mai nyia tana to Paulo hijo hotobiaŋa ohu a Yerusalem. \v 13 Atta Paulo hitiraŋ, "Nyo nia egiama itai, ille eyio ejio hidofe ewuro taji nanaŋ? Awuon nayya la ayyen hijo ahu naŋ hifita, obe ara hidofe hifita hame, ati ahu hidofe naŋ ye to Yerusalem to fure na Habu Yesu.'' \v 14 To hibo na Paulo hiro, atta iyyohoi ebusak inyia atta hidofe hijo, ''Isiara wahan no Hollum hegiamai.''
|
||||
|
|
@ -1 +0,0 @@
|
|||
\v 15 Ta halu ho holoŋitek niyya, atta iyyohoi adumu siwali innohoi atta iyyohoi efie a Yerusalem. \v 16 Atta illak hetiyanak to doŋe no Kesaria ejufari iyyohoi. Atta isia eyyani iko lobo tuŋani lohosie la ara fure nohonyie Mnason, tuŋani lo Sipro, hetiyanani lafa howiti, lafa ewak iyyohoi hittole daŋ he inyia.
|
||||
|
|
@ -1 +0,0 @@
|
|||
\v 17 Nafa eba iyyohoi to Yerusalem, atta halasira efwotu iyyohoi to mune. \v 18 To motie nohonyie atta Paulo efie ikohoi to Yakobo, owuon ifa ettaha ille ikelesia daŋ dia. \v 19 Ifa efony inyia isia, atta inyia hitiara hilima to hosie hirro daŋ innafa egiem Hollum to hiji ho Jential te igem nohonyie.
|
||||
|
|
@ -1 +0,0 @@
|
|||
\v 20 Ifa etiru isia, atta isia daŋ hitihabwo Hollum, atta isia hijo to honyie, "Toriŋe inni halasik, hara hiyyo to inne eruk to hiji ho Judei alif jai. Awak isia daŋ adule hiriria hifahi. \v 21 Elimak ifa hiyyo isia daŋ hiram nohoi man beren, hijo etiyana iyye hiyyo illo Judei illa amanya to hiji ho Jentail anyar obusak hitiyana no Musa, ejio hidofe iyye elimak to hosie hijo hotobiaŋa ogot durre illohosie, hijo hotobiaŋa hidofe ejufuta imohiti maruahi.
|
||||
|
|
@ -1 +0,0 @@
|
|||
\v 22 Anyar egem iyyohoi nyo? Ofu luŋa isia etiru hijo eba iyye. \v 23 Igiamai hirro inne elimak iyyohoi iyye. Ewuon iyyohoi iko hiyyok illafa elifo. \v 24 Iyari hiyyo hullo ino itilibo wan nohoi he isia, atta iyye adumak hirro innohosie to hosie, anyar ogit isia hosie innohosie. Anyar oyyen hiyyo hijo oteler hirro innafa elimak hiyyo te isia. Anyar oyyen isia hijo ejufuta iyye hifahita.
|
||||
|
|
@ -1 +0,0 @@
|
|||
\v 25 Ati to hirm no halufak ille eruk, egiorok ifa iyyohoi ejio hidofe esio to hosie hituhutita hijo hotobiaŋa isia ehutok aŋati to hibulucita inne esiarahini to rijorihien, tara hotojin inno ciaŋi inne obunak hiyyo iko tara hirro inno somon.'' \v 26 Atta Paulo eyari hiyyo liyya, to motie nohonyie, atta inyia hitilibo wan nohonyie daŋ he isia, atta eno ahotwe haji imojit, atta elimak holoŋitek inne etilibori hiyyo, man esiarahini hisiori te isia daŋ lobotie lobotie.
|
||||
|
|
@ -1 +0,0 @@
|
|||
\v 27 Ifa efi holoŋitek hattarik niyya hisaha, egonyu ifa illak hiyyo illo Asia ojio isia ara illo Judei Paulo owuon ta haji imojit, atta isia daŋ hitidiet iluluŋ nettok binno atta hillum inyia. \v 28 Eyyorro ifa isia hijo, "Itai hiyyo ille Isarail, ituluak iyyohoi. Illohoi tuŋani le etiyana hiyyo daŋ ta masik arria hirro inno orru, obe awak hifahita iko mai inna. Ojio hidofe inyia eyyani hiyyo illo Girik ahotwe haji imojit nohoi man etibwot mai inna no odua.'' \v 29 Egonyu hafa isia beren Trofimo le Efisa he inyia to hotwe bore na gala nyia, egigilo ifa isia hijo eyyani mahu Paulo inyia daŋ ahotwe haji imojit.
|
||||
|
|
@ -1 +0,0 @@
|
|||
\v 30 Omune ifa hiyyo daŋ inno bore gala nyia, atta hiyyo hinyior to honyie atta lumo Paulo. Orihori ifa isia inyia ade ta haji imojit, atta esionok ikatin daŋ inno haji imojit kokwak. \v 31 Ta nafa awahari isia attohe isia, atta sayye nohonyie hiba to habu la mai nyia hijo owuon ifa Yerusalem to jore no orru.
|
||||
|
|
@ -1 +0,0 @@
|
|||
\v 32 Eyari ifa ettok lia loseŋer iko ettaha illohosie atta hinyior te iluluŋ nyia. Ifa ewolo hiyyo habu iko loseŋer illohonyie, atta ebusak lumo Paulo. \v 33 Atta habu lia hinief Paulo, atta elimak to hiyyo hefita inyia ta aririk arik. Atta hifi inyia iko hirro innafa egiem inyia no orru.
|
||||
|
|
@ -353,21 +353,6 @@
|
|||
"20-33",
|
||||
"20-36",
|
||||
"21-title",
|
||||
"21-03",
|
||||
"21-05",
|
||||
"21-07",
|
||||
"21-10",
|
||||
"21-12",
|
||||
"21-15",
|
||||
"21-17",
|
||||
"21-20",
|
||||
"21-22",
|
||||
"21-25",
|
||||
"21-27",
|
||||
"21-30",
|
||||
"21-32",
|
||||
"21-34",
|
||||
"21-37",
|
||||
"21-39",
|
||||
"22-title",
|
||||
"22-01",
|
||||
|
|
|
|||
Loading…
Reference in New Issue