klero
/
lot_rev_text_reg
1
0
Fork 0
Files Issues Pull Requests Releases Wiki Activity See in Reader

Tue Mar 14 2023 22:58:01 GMT+0200 (GMT+02:00)

This commit is contained in:
klero 2023-03-14 22:58:01 +02:00
parent 6b8e02f750
commit 9bfdb2cbf8
3 changed files with 5 additions and 0 deletions
Show Stats Download Patch File Download Diff File Expand all files Collapse all files

1
02/01.txt Normal file
View File

@ -0,0 +1 @@
\c 2 \v 1 Igyoroi jyo anjelo olo eklesya otto miji Efisa jo, Ikyana lya al inef’to elelyefi hattarik ihani iŋet honyi bwo fe adaha ihiji allomohyen hattarik huno nayyel, ojo: \v 2 Amijak ni ehanita hoi bwo egyamita hoi ojo adihan taji hoi. Amijak ni ibeŋ iye iruk laati hul orrohojari’to bwo fe ikemyo iye laati hul ojori era isi efahatx ati inyurak iye agesemita hosi nyo obeŋi isi arai alefahat ahode.

3
02/03.txt Normal file
View File

@ -0,0 +1,3 @@
\v 3 Amijak ni adihan taji hoi iko erre hun idihu iye ta afure hoŋ ta abyaŋan ilafuho iko ebwoyo. \v 4 Ati awon ni iko eram abotye jihoi jo, ibeŋ iye ihwania imuno ani ihwa ninya imunori iye ani tetteri. 5 Tania ogilu amaji an iwotyari iye hebeŋ iye ikwaharo bwo iloito ataji hoi kokwak ihaniere ehanita hunya ihanio iye. Kuyya ibeŋ iye iloit ataji hoi attu adi ni iyari allomo hoi addi to maji honyi. 6 Owon eram abotye on oyyu jihoi jo, iliwari iye ehanita huno laati Nikalao bwo fe ni aliwari isi. 7 Lya ol owon’to iko ayyaha ijara inyi hetaniŋu erre hun ikyana Oloyiri jyo eklesyahyen. Jyo lya al iyyala’to esyo adi ni jihonyi iŋiyere ayyani ono nesu on owon’to imaji Hollum.
8 Igyoroi jyo anjelo olo eklesya otto miji Semuruna jo, Ikyana lya al ara’to etteri iko esidi bwo fe ol oye’to ati inyyak isu, ojo: 9 Amijak ni ettigemita hoi iko elocaŋ hoi, ati ira iye ahabarani. Amijak ni bwo fe agesemita huno laati hul ojori era isi hulo Yudea, ati arai isi aji ono Sitan, obyaŋara hulo Yudea. 10 Hebaŋ ettigemita hun ofwonni adi. Imijye, ottu adi etisyahani ibironia omuk hulatai ibabus ikemyere itai, bwo fe owoni adi ettigemita jihatai to oŋitek ’tomon. Odihu on oyyu many liye bwo esyo adi ni jihoi egorya ono nesu an ilaman’to iyyafaniere ihou. 11 Lya ol owon’to iko ayyaha ijara inyi hetaniŋu erre hun ikyana Oloyiri jyo eklesyahyen. Ati lya al iyyala’to obeŋ adi onyurak adyaha ta naye etarrihi.12 Igyoroi jyo anjelo olo eklesya otto miji Perugamona jo, Ikyana lya ol owon’to iko ademi on ofi’to bebe, ojo: 13 Amijak ni amaji an imanyari iye, inyi amaji ono akurus Sitan, ati igotyere iye afure hoŋ ta agolon bwo ibeŋ iye ibusak neruk hoi jihoŋ dwadi bu to oŋitek hunya ottohorik Antifasa ihiji hatai imaji an amanyari Sitan. Ara Antifasa ahetamijanani hoŋ iko amotte hoŋ ol oyyu’to. 14 Ati awon ni iko omuk erre jihoi nyo owoni omuk laati ikoye hul iruhi nettiyenita huno Balama. Inyi alya al ittiyenio nya Balaka itipalyere laati hulo Israele jo oŋida isi oŋiye erre hun isyori jyo arrijorihyen bwo fe hehaniehe erre somon. 15 Owoni bwo fe omuk laati jihoi hul iruhi ettiyenita huno laati Nikalao. 16 Tania iloito ataji hoi. Kuyya ibeŋ iye iyito attu adi ni jihoi kokwak irryomoniere ikoye ta afere ono etuk hoŋ. 17 Lya ol owon’to iko ayyaha ijara inyi hetaniŋu erre hun ikyana Oloyiri jyo eklesyahyen. Jyo lya al iyyala’to esyo adi ni jihonyi iŋiyere manaz an idimani, bwo fe esyo adi ni jihonyi amorwo on obwor’to, an ikyafani afure aŋejuk. Obeŋ obo atulo omijak afure ania arari lya al ifwotu’to inyi.
18 Igyoroi jyo anjelo olo eklesya otto miji Tiatira jo, Ikyana Lonyi Hollum erre huna, inyi alya ol owon iko oŋite ihwa aŋadyefa hima bwo fe arai ejek honyi ihwa abilata on opipyak’to. 19 Ojo inyi: Amijak ni ehanita hoi iko namuno hoi. Amijak ni neruk hoi iko egyamita hoi bwo nadihan hoi. Amijak ni bwo fe jo oyiji egyamita hoi huttehalu agalihini huttohosyere. 20 Ati awon ni iko obo eram jihoi jo idihu iye aŋotte Jesebele on ojo ara inyi ahiboni. Ittiyenio inyi bwo fe isusuyo apiti hoŋ ihaniere erre somon bwo fe iŋiyere aŋiyo an isyori te ehuma jyo arrijorihyen. 21 Esyo nya ni asaa jihonyi iloicere ataji honyi ati obeŋ inyi awak iloit ataji honyi addi to hirre somon. 22 Imijye, ebirok adi ni inyi ijotit iŋwari bwo fe ettigemyo adi ni hya hul ihanie erre somon ikonyi arari al iloiti isi atajya hosi addi t’eyyata hosi ikonyi. 23 Attoho adi ni aduri honyi bwo fe omijani adi eklesyahyen daŋ jo ani alya attifyani igigilita iko atajya wati. Esyo adi ni jihatai daŋ ababo edumit ihwa osiruni egyamita hatai. 24 Ati jyo hul omuk hutto miji Tiatira hul obeŋi iruhi ettiyenita hunia, abeŋ ni esyo jihosi obo efahi nyo obeŋi isi ijifatye erre hun ogoli’to huno Sitan. 25 Ati ogolihina jyo erre hun owoni’to jihatai many attuniere ni. 26 Bwo fe jyo lya al iyyala’to, al ihanio egyamita hoŋ many isidi, esyo adi ni jihonyi adwaran ilettohori aati daŋ hutta fau. 27 Ilettohori adi inyi isi ta agolon ette ittattur isi ihwa ayyani on obor’to atobok honyi. Bwo fe ara adi adwaran honyi ihwa adwaran an isyo Monyoŋ jihoŋ. 28 Bwo fe esyo adi ni jihonyi elelyef otto taŋatyo motye. 29 Lya ol owon’to iko ayyaha ijara inyi hetaniŋu erre hun ikyana Oloyiri jyo eklesyahyen.

1
manifest.json
View File

@ -47,6 +47,7 @@
"01-17",
"01-19",
"02-title",
"02-01",
"03-title",
"04-title",
"05-title",