klero
/
lot_mrk_text_reg
1
0
Fork 0
Files Issues Pull Requests Releases Wiki Activity See in Reader

Tue Mar 07 2023 12:55:32 GMT+0200 (Central Africa Time)

This commit is contained in:
klero 2023-03-07 12:55:32 +02:00
parent 1acbdcffd8
commit a5de50b51d
1 changed files with 1 additions and 4 deletions
Show Stats Download Patch File Download Diff File Expand all files Collapse all files

5
12/08.txt
View File

@ -1,4 +1 @@
8 Tania ette isi inefuna inyi ette ’tohoro inyi attati irwoŋoro ahwan honyi to mana addi. 9 ?Anyo adi ihanio lamonye mana? Ottu adi inyi ’tohoro ecyak hulya attati isyarana amana jyo omuk. 10 Ibyaŋata tai iheniete igyerita? Ojo inyi,
“Amorwod inya ihari aduhok Ottu ratan moi etteri lohitir. 11 Ara ana ariŋ an ihanio Hobu, En ellilliha hohoi bebe.” 12 Awahi laati hul itayiruni’to nekyanita iniafatyo Yesu ati abaŋi isi eluluŋ wati nyo omijani isi ahode ikyana inyi arryamara ana tesi. Tania ette isi busana inyi ette fwatan ilet. 13 Ette isi ifahina omuk Farisei iko Erodiahyen jihonyi inyobyere inyi to omuk ekyanita. 14 Tania al ofwonni isi ette isi jaran, Hettiyanani, emijak hohoi jo ibeŋ iye igesem bwo fe ibeŋ iye ibaŋ obo atulo bwo fe ibeŋ iye iwak itamuno obo atulo agalik obo. Ati ittiyenio iye nekoi ono Hollum ahode. Oyyu idumari amusuru jyo hobu Cesare kuyya obeŋ? 15 ?Eduma adi hohoi kuyya obeŋ? Ati omijak inyi enyobita hosi, ette jaran, ?Ikemyete tai ani nyo? Iyaŋuniete jihoŋ arobia, ami ni inyi. 16 Ette isi iyaŋuno. Ette inyi jaran, ?Anaŋai arrijori ana iko nafure ana? Itarraŋi isi, Huno Cesare. 17 Ojo Yesu, Isyatta jyo Cesare erre Cesare bwo fe jyo Hollum erre huno Hollum. Illillihai isi jihonyi. 18 Ofwonni omuk Saducehyen jihonyi, isi aati hul ojori obeŋ nebuhuna
ette isi ifiyo inyi ojori, 19 Hettiyanani, ittiyenio hohoi Mose ojo, “Kuyya oye illa lobo bwo idyaharu ŋorwoi on obeŋ hito jihonyi oŋida illanyi ojuŋori aŋotte isiuniere aduri te illanyi.” 20 Owoni nya illarak hattarik. Oyemu oloŋeu aŋotte ette ye obeŋi duri. 21 Bwo fe etarrihi ayama inyi ette ye obeŋi duri. Ihanio etahunihi bwo fe ihwo nya. 22 Isi daŋ hattarik owoni ikonyi. Oyei daŋ, obeŋi duri. Bwo lihalu hosi oye aŋotte. 23 ?Al ibuhuni aati, ottu adi inyi itoŋo ŋorwoi ŋai? Nyo isi daŋ hattarik ojuŋorik inyi. 24 Itarraŋ Yesu jihosi, Ipalata tai nyo ibyaŋata tai imijana egyerita kuyya bu nadwaran ono Hollum. 25 Al ibuhuni aati to ye obeŋi inyyahi yama ati arai adi isi ihwa anjelohyen hutte dou. 26 Ati ta neram ono nebuhuna to ye, ?ibyaŋata tai iheniete ibuk ono Mose aŋati on ojo ikyana Hollum jihonyi to ’yani on owulo’to? Ojo inyi, “Ani Hollum olo Abramo, Hollum olo Isako bwo fe olo Yakobo.” 27 Obyaŋara inyi Hollum olo layak ati ara inyi olo leswok nyo dwadi oyei isi, isui isi. Ipalata tai bebe. 28 Ottu obo olo egyorok al itaniŋu’to isi itarisai. Attati inyi itaniŋuna jo itarraŋ Yesu jihosi on oyyu, tania ifiyo inyi Yesu ojo, Anani efahi on obolo’to jyo efahita daŋ? 29 Ati itarraŋ Yesu jihonyi, Efahi on obolo’to daŋ ana, “Itaniŋyete laati Israele, Hollum Hobu hohoi inyi Hollum abotye. 30 Oŋida imunoti Hollum Hobu hatai ta atajya hatai daŋ, ta nesu hatai daŋ, te egigilita hatai daŋ, iko ta nagolon hatai daŋ.” Efahi on obolo’to ana. 31 Efahi etarrihi ana, “Omunoti hutto lonyihari hatai ihwa ahwattek hatai.” Obeŋ obo efahi agalik huna. 32 Ojo olo egyorok jihonyi, Hettiyanani, itarraŋ iye on oyyu, ijo iye ahode jo Hollum inyi abotye, bwo fe obeŋ obo arari inyi. 33 Oyyu bwo fe imunori inyi ta atajya hohoi daŋ, te egigilita hohoi daŋ, iko ta agolon hohoi daŋ, bwo fe imunori hutto onyihari ihwa ahwattek hohoi. Oyiji erre huna agalihini ehuhumita hun isyori jyo Hollum. 34 Itaniŋu Yesu jo itarraŋ inyi al ilofere bwo ojo jihonyi, Ibeŋ iye ilama to lobye ono Hollum. Ihalu ana abaŋi isi daŋ ifiyere inyi omuk erre. 35 Hettiyenio Yesu ihaji imojit eneittok ifiyo inyi aati ojo, ?Aŋai ojori legyorok ara Kristo lonyi Davide? 36 Ikyana Davide al ifut iko Oloyiri ol Olibo ojo, “Ojo Hobu Hollum jyo Hobu hoŋ,
Itoŋoi oŋyatai hoŋ, Many ehananiere ni amyorok hoi ebalori hejek hoi.” 37 Iloŋo Davide inyi ta ahwan honyi Hobu, tania aŋai ara inyi o lonyi honyi? Ihwania omunoi eluluŋ wati itaniŋyo nekyana Yesu. 38 Hettiyenio inyi, ette inyi jaran, Ihumata mijo egyorok hul adahai’to ta aboŋojin hun ohodori’to, awahi isi laati hutto suk ifonyai isi ta abaŋi. 39 Bwo fe awahi isi itoŋori jyo amasik huno etahabuyo ihaji imojit. Awahi isi amasik hun oyiji’to bebe itoŋori al oŋiye isi akarama. 40 Ohoruni isi asaŋ to hasik obiloŋi ati omwanani isi arrohojita hosi te emojiti hun obolori’to. Ifwotuni adi isi abahyo on obolo bebe. 41 Itoŋo Yesu ifau ihosyere senuk imojit gurusi imijyere aati hul ifihye agurusi hosi itwa senuk imojit gurusi. Bwo fe abarak arryai isyori agurusi hun olwaji. 42 Ati ottu elocaŋ ihidahi ette itadohina atarifa itwa senuk. 43 Iloŋo Yesu leyiyanak honyi ette jaran jihosi, Ahode ajo ni jihatai jo obolo esyoryo elocaŋ ihidahi ana agalik daŋ hul ifihani’to agurusi hosi itwa senuk. 44 Nyo isyori isi daŋ t’ebariti hosi ati t’elocaŋ honyi isyarak inyi daŋ hun owoni’to jihonyi.
\v 8 Tania ette isi inefuna inyi ette ’tohoro inyi attati irwoŋoro ahwan honyi to mana addi. \v 9 Anyo adi ihanio lamonye mana? Ottu adi inyi ’tohoro ecyak hulya attati isyarana amana jyo omuk.