Merge branch 'master' of C:\Users\hp\AppData\Local\BTT-Writer\temp\lot_luk_text_reg\lot_luk_text_reg

11/01.txt

@@ -0,0 +1 @@
+\c 11 \v 1 1 Ati to obo oloŋ omojo Yesu jyo obo amaji. Latohu inyi amojo, ojori leyiyanak honyi jihonyi jo, Hobu ittiyenie hohoi amojo ihwa ninya ittiyeniere Yoane leyiyanak honyi.

11/02.txt

@@ -0,0 +1 @@
+\v 2 Attati inyi jaran jihosi ojo, Al imojoti tai ijatta, Monye hohoi ol owon lidou, hotokwata afure hoi, hetettu olobye hoi, hetehaniehe awahan hoi lifau ihwa ihanie lidou.

11/03.txt

@@ -0,0 +1 @@
+\v 3 Isyara hohoi ahana aŋiyo hohoi ottoloŋi. \v 4 Ohohi eyyata hohoi ihwa an ehohiniere hohoi aati horosi hohoi. Heyaro hohoi jyo nesusuta ati itahoru hohoi jyo arrohojita.

11/05.txt

@@ -0,0 +1 @@
+\v 5 Attati inyi jaran jihosi, Kuyya olo obo alatai ihaji motte honyi ta arwe ette jaran, Illa, isyara jihoŋ emunio hunihoi, \v 6 nyo hetek motte hoŋ ’tuna te ewatari honyi bwo obeŋ obo aŋiyo an esyo ni jihonyi. \v 7 Bwo inyi ette itarraŋ ’totwa haji ojo, Hettigemyo ani, nyo awon ni iko aduri hoŋ ihwania lijotiti hohoi bwo fe ihyana ekat haji hoŋ. Abeŋ ni aremik dyoto isyoryere emunio jihoi. \v 8 Eramak ni jihatai ara dwadi bu obeŋ inyi awak dyoto isyoryere motte honyi emunio, al odulo inyi amojo odyoto adi inyi ette isyo inyi erre daŋ hun awak inyi.

11/09.txt

@@ -0,0 +1 @@
+\v 9 Bwo fe ajo ni jihatai, ifiyete bwo isyo adi Hollum jihatai. Ottifyati, bwo inyurana adi itai. Inninnaŋata ekat bwo aŋahi adi inyi jihatai. \v 10 Nyo lya al ifiyo’to jyo Hollum ifwotu adi, lya ol ottifya’to onyurak adi, bwo lya al inninnaŋyo’to ekat aŋai adi jihonyi.

11/11.txt

@@ -0,0 +1 @@
+\v 11 Isyo adi obo monye lonyi amunu al omojo inyi ahami? Obeŋ. Kuyya omojo inyi emune isyo adi monyonyi amorwo? Obeŋ. \v 12 Bwo fe kuyya omojo inyi atelyo, isyo adi inyi eitoni? Obeŋ. \v 13 Kuyya itai hul irrohojata’to omijana isyoryere erre hun oyiji jyo lonyirok hatai, obeŋ adi Monyatai ette dou isyo Oloyiri ol Olibo jyo hul ifiye’to inyi?

11/14.txt

@@ -0,0 +1 @@
+\v 14 Ifuhak Yesu ajok jyo atulo ol obeŋ’to oremik ikyana ati al obusak ajok inyi ette inyi ikyana bwo illillihai laati bebe. \v 15 Ati ojori omuk hulosi ojo, Ifuha inyi ajohin addi ta afure Belsebulin hobu olo ajohin.

11/16.txt

@@ -0,0 +1 @@
+\v 16 Bwo omuk awahi kemyo inyi ette ifiyo inyi te etamijani on ottu’to t’edou. \v 17 Ati omijak inyi egigilita hosi, ette jaran jihosi ojo, Al orryomonie laati hutto lobye ta ahwattek hosi itatturi adi olobye ania. Bwo al aŋalafai laati hutta haŋ ta ahwattek hosi itatturi adi awoyo hosi.

11/18.txt

@@ -0,0 +1 @@
+\v 18 Al ihiharak Sitan adwaran honyi, aŋai adi oremik olobye honyi itoŋo? Ijatta tai jo efuhak ni ajohin ta afure Belsebuli. \v 19 Kuyya efuha ni ajohin addi ta afure Belsebuli, ta anani fure ifuhatai lejifak hatai isi? \v 20 Ati kuyya efuha ni isi ta adwaran Hollum, oŋida imijana tai jo ottu olobye Hollum jihatai ahode.

11/21.txt

@@ -0,0 +1 @@
+\v 21 Al irrirrya olotir ahaŋ honyi ta afyara honyi itoŋoi erre honyi dee. \v 22 Ati al ottu obo al agalik’to inyi ette bwarana inyi, ohoru adi jihonyi afyara hodwo iyihi inyi jo olwahye adi inyi ette hororo erre honyi daŋ. \v 23 Lya el ebeŋ’to egyama ikoŋ inyi amyotoni hoŋ, bwo itisarrayo lya el ebeŋ’to eddudduha ikoŋ.

11/24.txt

@@ -0,0 +1 @@
+\v 24 Al obusak ajok on orroho’to atulo adaha inyi ihotohoto ittifyari amaji yiri ati obeŋ inyi onyurak. Tania ojo inyi jo, Acaharo ni jyo atulo odwo edyehuno ni. \v 25 Al afany inyi onyurak inyi ataji tulo alibo bebe bwo ilaman. \v 26 Tania alo inyi rumana omuk ajohin hattarik hun orrohoji’to agalihini inyi ette isi jiŋana itwa tulo lya ette manya dia. Tania orroho ihwania jyo atulo alya agalik ninya hosyere.

11/27.txt

@@ -0,0 +1 @@
+\v 27 Ati hekyana inyi ekyana ana iloŋo obo aŋotte teluluŋ ette jaran jihonyi, Hotomunoi aŋotte an isiu iye bwo itadasyo. \v 28 Attati Yesu jaran jihonyi, Hotomunohi hya hul itaniŋuni’to ekyanita huno Hollum ette niŋyo isi.

11/29.txt

@@ -0,0 +1 @@
+\v 29 Ottubanie aati imaji abotye ette Yesu itteryo ikyana jihosi ojo, Orroho nelahaji ana. Ottifyai isi etamijani ati obeŋi adi itahutani jihosi obo etamijani arari etamijani ono Yona. \v 30 Nyo ihwa ninya arari Yona ahetamijani jyo aati hutto miji Ninifa, ara adi bwo fe Lonyi tulo etamijani jyo nelahaji ana.

11/31.txt

@@ -0,0 +1 @@
+\v 31 Odyoto adi nobu otto ŋati ihorroŋ iŋocere nelahaji ana. Nyo ottu nya inyi to fau an alama’to itayiruniere olofyoro huno Solomone. Ati imijyete, owon dini obo al agalik’to Solomone.

11/32.txt

@@ -0,0 +1 @@
+\v 32 Odyotoi adi aati Ninifa iŋocere nelahaji ana nyo iloiti nya aati Ninifa atajya hosi ninya ittittoyere Yona jihosi. Ati imijyete, owon dini obo al agalik’to Yona.

11/33.txt

@@ -0,0 +1 @@
+\v 33 Obeŋ obo atulo oswak allomo honyi ette dimana inyi kuyya imuhok ta agufa. Ati oyihak inyi allomo ihide jo oŋida afaŋan afaŋ jyo hul ojiŋuni’to itwa haji. \v 34 Ara nonyek ihwa afaŋan ono nahwan tania al afaŋ inyi on oyyu ifut afaŋan daŋ ihwan tulo. Ati al orroho onyek iryok adi ahwan daŋ. \v 35 Ihwania ihumata jo helaha afaŋan hatai ara edumele. \v 36 Tania kuyya ifut ahwan daŋ iko afaŋan, obeŋ adi obo eryohi. Afaŋ adi inyi bebe ihwa afaŋan ’lomo on olibo’to bebe.

11/37.txt

@@ -0,0 +1 @@
+\v 37 Hekyana inyi iloŋo obo olo Farisei inyi iŋiyere ikonyi ette inyi leten ette itoŋo iger teremeja iŋiyere. \v 38 Ati al igonyu olo Farisei ana illilliha inyi nyo hobeŋ Yesu ofinia ihosyere ŋiyo.

11/39.txt

@@ -0,0 +1 @@
+\v 39 Attati Hobu jaran jihonyi, Itai Farisei, italiboryete tai orwoŋ kos iko asahan bwo idehina atwa an ifut iko enyobita bwo fe arrohojita. \v 40 Itai hul isitajata’to, obeŋ nya lya ol oyyeu’to orwoŋ oyyeu bwo fe atwa? \v 41 Tania italiboroto atwa bwo olibori adi daŋ.

11/42.txt

@@ -0,0 +1 @@
+\v 42 Ati orroho bebe jihatai Farisei nyo isyatta tai aŋati etattomoni ono ema hatai iko aful, bwo erre ihwa huna jyo Hollum, ati ipwahata tai aŋoco on obis iko amuno jyo Hollum. Oŋida imunoti Hollum bwo fe isyatta esyorita jihonyi.

11/43.txt

@@ -0,0 +1 @@
+\v 43 Orroho bebe jihatai Farisei nyo imunoti tai itoŋori imasik huno etahabuyo itwa haji imojit bwo fe imunoti tai efonya wati hutto suk. \v 44 Orroho bebe jihatai nyo irata tai ihwa elumyo hun obeŋi’to oleye bwo aati ette daha ihide hosi nyo obeŋi isi omijani.

11/45.txt

@@ -0,0 +1 @@
+\v 45 Attati lobo olo aŋotok hirre itarraŋ jihonyi ojo, Hettiyanani, ?isiŋyo iye hohoi bwo fe? \v 46 Bwo fe Yesu ette jaran jihonyi ojo, Orroho bebe jihatai bwo fe aŋotok hirre nyo isyatta tai erre hun odiŋi’to jyo aati iwwahari, ati ibyaŋata tai ilwahata isi dwadi ta aani abotye.

11/47.txt

@@ -0,0 +1 @@
+\v 47 Orroho bebe jihatai nyo ibwahati nya itai elumyo huno eyak sayyo hinya ottohori hohonyok hatai. \v 48 Iruhoto tai ehanita huno hohonyok hatai nyo ottohori isi eyak sayyo bwo itai iduhoti elumyo hosi.

11/49.txt

@@ -0,0 +1 @@
+\v 49 Tania ojo nya Hollum jo, Efak adi ni eyak sayyo iko lefahat bwo ottohori adi isi omuk hulosi bwo lomuk ittigemye. \v 50 Tania oŋoti adi jyo nelahaji ana naye ono leyak sayyo hinya oyei’to many t’etteri fau. \v 51 Isi laati many to ye Abele many jyo naye ono Sakaria linya ottohori tehiji etityek iko aji imojit eneittok. Eramak ni itai ahode ahode jo oŋoti adi nelahaji ana.

11/52.txt

@@ -0,0 +1 @@
+\v 52 Orroho bebe jihatai aŋotok hirre nyo ibyaŋata tai ittiyeniete aati ekoi ono olofyoro. Ibyaŋata tai ijiŋana ikoi Hollum ta ahwattek hatai bwo fe itihoto tai hya hul awahi’to jiŋana dia.

11/53.txt

@@ -0,0 +1 @@
+\v 53 Hojiŋu Yesu teyya ette aŋotok hirre iko Farisei wahan aŋalafa jihonyi bebe ette ikyana jihonyi on orroho te erre arryai. \v 54 Nyo ottifyai isi omuk erre to hutuk honyi itisyahiniere inyi.

12/01.txt

@@ -0,0 +1 @@
+\c 12 \v 1 Ninya lattubai laati hul olwaji bebe hul ifudai ette Yesu ikyana jyo leyiyanak honyi ojo, Ihumata irrirrya abula huno Farisei hun arai’to enyobita.

12/02.txt

@@ -0,0 +1 @@
+\v 2 Nyo erre daŋ hun imuhoni italeyehini adi, bwo erre daŋ hun idimani omijani adi. \v 3 Tania erre daŋ hun ikyanati tai idumele, itayiruni adi ta afaŋan. Bwo erre hun ihahayati tai itwa haji iramani adi ihosyere wati.

12/04.txt

@@ -0,0 +1 @@
+\v 4 Ajo ni jihatai illarak hoŋ, hebaŋata hya hul ottohori’to ahwattek wati ati lihalu obeŋi oremehini inyyak ihanio omuk erre. \v 5 Ati eramak adi ni itai jo oŋida ibaŋata ŋai. Abaŋata Hollum ol owon iko adwaran ibironiere itai lihima ihalu attohoro honyi itai. Ajo ni jihatai abaŋata inyi.

12/06.txt

@@ -0,0 +1 @@
+\v 6 Obeŋi itinyyaŋani aheny miet ta agurusi arrihai? Ati obeŋ Hollum ogworo obo olosi. \v 7 Ara dwadi bu ofir hutto hosi hatai ihen Hollum daŋ. Tania hebaŋata, nyo igigilo Hollum tetai agalik aheny.

12/08.txt

@@ -0,0 +1 @@
+\v 8 Ajo ni jihatai jo, lya al iruk’to ani ihosyere wati, iruk adi bwo fe Lonyi tulo inyi ihosyere anjelohyen hulo Hollum. \v 9 Lya al iha’to ani ihosyere wati, iha adi bwo fe Lonyi tulo inyi ihosyere anjelohyen hulo Hollum. \v 10 Lya ol omwaŋa’to Lonyi tulo obusak adi Hollum inyi, ati lya ol omwaŋa’to Oloyiri ol Olibo, obeŋ adi obusanio.

12/11.txt

@@ -0,0 +1 @@
+\v 11 Al iyaŋunie itai lihasik imojiti ihosyere eleittaha kuyya bwo fe ihosyere okuma hebaŋata jo anyo adi itarraŋata tai. Kuyya anyo adi ijatta tai. \v 12 Nyo ittiyenio adi Oloyiri ol Olibo itai jyo nasaa ania anyo adi an ijatta tai.

12/13.txt

@@ -0,0 +1 @@
+\v 13 \v llaŋ jo oŋida inyi ehor ikoŋ orutat. \v 14 Ati ojo Yesu jihonyi jo, Ŋai ihanak ani ahaŋotoni bwo fe ahaharani hatai? \v 15 Attati inyi jaran jihosi ojo, Ihumata helaha adaya ojiŋak itajya hatai nyo obeŋ amanya tulo owon ta alwaji hirre hun owoni’to jihonyi.

12/16.txt

@@ -0,0 +1 @@
+\v 16 Bwo inyi ette ikyana jihosi to obo arryamara ojo, Odo amana hasamani bebe. \v 17 Attati inyi igigilo ta ahwan honyi ojo, Ehanio adi ni anyo nyo obeŋ amaji jihoŋ ihananiere ema hoŋ? \v 18 Bwo inyi ette jaran, Ehanio adi ni ihwa ana, etattur adi ni amugwo hoŋ, ette duhonia nobo on obolo bwo ejuhok adi ni ema dia. \v 19 Attati ni jaran jyo oloyiri hoŋ ojo, Olo, owoni erre jihoi ta aŋasi arryai. Itoŋoi dee, oŋiye, amatai bwo omunoi.

12/20.txt

@@ -0,0 +1 @@
+\v 20 Ati ojo Hollum jihonyi, Iye el isita’to, ta arwe ana ottu adi naye jihoi. Tania arai adi erre hun igyama iye hunia ahuno ŋai? \v 21 Ara ihwania jyo lya ol ottunak’to ebariti honyi, obeŋ inyi abara ihosyere Hollum.

12/22.txt

@@ -0,0 +1 @@
+\v 22 \v jihatai jo, hehawwati ta nesu hatai, ta nerre hun iŋiyete tai ara dwo bu ta aboŋojin hun iyyafatyete tai. \v 23 Nyo agalik nesu aŋiyo, agalik ahwan aboŋojin.

12/24.txt

@@ -0,0 +1 @@
+\v 24 Ikemijyete olohuresi, obeŋi isi oyehini bwo fe obeŋi odeŋuni, obeŋi isi owoni iko omuk amugwo, ati Hollum itaŋiyo isi. Ati igigilo Hollum tetai agalik aheny. \v 25 Ngai obo alatai ol oremik’to itabobolororo ahwan honyi te ehawwa honyi? \v 26 Kuyya ibyaŋata tai iremehina ihanio erre hun omutari’to, nyo ilafuhoti tai te erre omuk?

12/27.txt

@@ -0,0 +1 @@
+\v 27 Ikemijyete ayaburita aŋai isuri isi. Obeŋi isi igyamai, obeŋi bwo fe ikaice, ati ajo ni jihatai jo obeŋi nya aboŋojin Solomone ilamani bebe ihwa ayaburita huna. \v 28 Kuyya ibuya Hollum ayaburita hun isuruni’to ahana ifau bwo motye oswahini, obeŋ adi Hollum itiyyafak itai on oyyu agalik? Aii itai laati hul omuta neruk.

12/29.txt

@@ -0,0 +1 @@
+\v 29 Tania helafuhoti te erre hun iŋiyete adi itai kuyya hun imatati adi itai. \v 30 Nyo ottifyai aati hutta fau erre huna daŋ, ati omijak Monyatai jo iwahata tai erre huna.

12/31.txt

@@ -0,0 +1 @@
+\v 31 Ati ottifyati ahosyere ekoi ono Hollum attati Hollum fonihina erre huna daŋ jihatai. \v 32 Akyoro hoŋ, hebaŋata, nyo awak Monyatai isyarana jihatai olobye.

12/33.txt

@@ -0,0 +1 @@
+\v 33 Itinyyaŋana erre hun owoni’to jihatai bwo isyatta agurusi hwa jyo alocaŋak. Ihuhumana akisi hun obeŋi adi imarwahi. Ottunana ebariti hatai idou jyo amaji on obeŋ’to opwak, nyo obeŋ olohoho teyya kuyya bu neyyu. \v 34 Nyo igigiloi atajya hatai jyo amaji on ottunarik ebariti hatai.

12/35.txt

@@ -0,0 +1 @@
+\v 35 Iyyafana aboŋojin hatai bwo ijara allomohyen hatai owulori. \v 36 Bwo fe irata ihwa aati hobu hul omijye ta acohuno honyi to olohomo. Al ottu inyi ette inninnaŋ ekat oŋida isi aŋahi jihonyi kwak.

12/37.txt

@@ -0,0 +1 @@
+\v 37 Hotomunohi legyamak hul onyurak hobu isi arrai ta attuna honyi. Ahode ajo ni jihatai iyyafak adi inyi aboŋojin honyi ette iloŋuna isi iŋiyo ette ’tuna isyarana isi aŋiyo. \v 38 Hotomunohi legyamak hya hul onyurak hobu isi omijye ta acohuno honyi dwadi ara ta arwe.

12/39.txt

@@ -0,0 +1 @@
+\v 39 Ati omijana jo hara dwo omijak monye haji jo ottu adi olohoho lihaji honyi baya, omijo dwo inyi bwo fe obeŋ inyi obusak aji honyi owur olohoho ta arwe. \v 40 Ihumata ’ra nyo ta asaa an ibyaŋata tai igigiloti, ottu adi Lonyi tulo.

12/41.txt

@@ -0,0 +1 @@
+\v 41 Attati Petro jaran jihonyi ojo, Hobu, ikyana iye arryamara ana jihohoi kuyya jyo hul omuk daŋ? \v 42 Attati Yesu jaran ojo, Ŋai ati lapit ol oyyu’to bwo fe ilofyoro? Ihanak hobu inyi ihaji honyi isyoryere aŋiyo jyo laati ta asaa ono aŋiyo. \v 43 Hotomunoi apit alya al ottu hobu honyi nyurana inyi ihanio egyama ana. \v 44 Ahode ajo ni jihatai jo ihanak adi hobu apit alya eleittok hirre honyi daŋ.

12/45.txt

@@ -0,0 +1 @@
+\v 45 Ati kuyya orroho apit alya ette igigilo ta ataji honyi jo, illiŋya hobu hoŋ, ette itteryo bahyo legyamak lyawa iko negyamak ŋorwo bwo ette ŋiyo ette mata many orumari inyi, \v 46 ilunyu adi hobu olo apit lya lunyuna ta asaa on obeŋ inyi omijak. Ette hobu bak inyi bebe ette ŋot jihonyi abahyo ono aati hul orrohoji’to.

12/47.txt

@@ -0,0 +1 @@
+\v 47 Bwo apit lya ol omijak’to awahan hobu honyi ette byaŋan ihanio obeŋ bwo fe inyi ihum imijo, abahi adi inyi ta allyoto edasita arryai. \v 48 Ati lya ol otimo’to awahan hobu honyi, bwo ette iyyauna erre hun osiruni ta allyoto, abahye adi inyi kai. Al isyo Hollum jyo obo atulo erre arryai awak inyi ifwotuna jyo atulo alya arryai. Al isyo Hollum egyama on obolo jyo obo atulo awak inyi ifwotuna ayiji an agalik jihonyi.

12/49.txt

@@ -0,0 +1 @@
+\v 49 Attu ni inohyere eema ifau. Ati oyyu kuyya anyurak ni inyi awulo. \v 50 Awon ni iko obo batisimoo an efwotu adi ni bwo fe odyaha ataji hoŋ many atuhoniere ni egyama ana.

12/51.txt

@@ -0,0 +1 @@
+\v 51 Igigiloti tai jo attu ni ifau isyoryere nelik tajya? Eramak ni itai, obeŋ. Ati eyaŋuno ni abwanya. \v 52 Kuyya owoni miet lihaji abotye obwanyai adi isi. Oliwarik adi hulo hunihoi hulo arrihai bwo fe arrihai oliwarik hulo hunihoi. \v 53 Oliwari adi monye lonyi honyi bwo lonyi oliwari monye. Oliwari adi honye ŋarri bwo fe ŋarri honyonyi, bwo hamoni oliwari hamoni honyi bwo fe hamoni honyi jyo hamoni.

12/54.txt

@@ -0,0 +1 @@
+\v 54 Attati inyi jaran jyo eluluŋ wati ojo, Al igonyuna tai nedis ottu t’eddorro holoŋ ijatta tai jo ottu adi ahide, attati inyi ’tuna. \v 55 Bwo fe al igonyuna tai jo ohut oyyami otto hani iŋet, ijatta tai jo onok adi oloŋ, ette nahan ahode. \v 56 Itai enyabak, imijana tai erre hutte dou iko hutta fau, aŋai itimoti tai oŋitek huna?

12/57.txt

@@ -0,0 +1 @@
+\v 57 Bwo fe nyo ibyaŋata tai iŋocete on obis ta ahwattek hatai? \v 58 Kuyya iyaro arrosoni obo alatai ihosyere lokiko oŋida lya opulok eram honyi kwak hebeŋ inyi afany ilokiko ŋadi iyaro inyi ihosyere aŋotoni hirre bwo isyo adi aŋotoni hirre inyi jyo oseŋer ifitaniere ibabus. \v 59 Eramak ni itai jo obeŋ adi lya ohouno many odumari inyi daŋ''.

13/01.txt

@@ -0,0 +1 @@
+\c 13 \v 1 Owoni omuk laati dia hul iramani jyo Yesu eram ono aati hulo Galilea hinya ifak Pilato ittohori isi ta asaa an isyoryerek isi ehumita hosi. \v 2 Attati Yesu itarraŋ jihosi ojo, Igigiloti tai jo orrohoji aati Galilea hulya agalihini hul omuk nyo ittigemye isi ihwania? \v 3 Ati ajo ni, obeŋ. Ati kuyya ibyaŋata tai irwejata t’eyyata hatai iyeti adi itai ihwo nya.

13/04.txt

@@ -0,0 +1 @@
+\v 4 Ara nya hya ’tomon hohottohunik hunya okwahino olobele ono Silom jihosi ette ’tohoro isi. Igigiloti tai jo arai isi aheyyak agalihini aati daŋ hutto miji Yerusalem? \v 5 Eramak ni itai, obeŋ. Ati kuyya ibyaŋata tai irwejata t’eyyata hatai iyeti adi itai ihwo nya.

13/06.txt

@@ -0,0 +1 @@
+\v 6 Ikyana bwo fe Yesu arryamara ana ojo, Owon aŋaboli limana ono obo atulo ette inyi ’tuna ’tifya aŋer iŋaboli ania ati obeŋ inyi onyurak omuk. \v 7 Ojo inyi jyo errirryani mana honyi ojo, Attifya ni aŋer jyo aŋaboli ana ta aŋasi hunihoi bwo abeŋ ni anyurak omuk. Ayafai inyi addi. Nyo itihok inyi afau oboijai?

13/08.txt

@@ -0,0 +1 @@
+\v 8 Ati itarraŋ errirryani mana ojo, Hobu, idehi do jyo neŋa ana abotye bwo arom adi ni awoyo honyi ette ihanana aworot jihonyi. \v 9 Kuyya al oŋiju inyi aŋer, oyyu; kuyya al obeŋ oŋi, ayefu adi ni inyi addi.

13/10.txt

@@ -0,0 +1 @@
+\v 10 Ittiyenio nya Yesu ihaji imojit to oloŋ sabato. \v 11 Owon nya obo aŋotte on okudo ahwan honyi ta aŋasi ’tomon hohottohunik, obeŋ inyi oremik itabisana ahwan honyi.

13/12.txt

@@ -0,0 +1 @@
+\v 12 Ninya igonyu Yesu inyi, iloŋu inyi aŋotte nya ette jaran jihonyi ojo, Hanioŋ, aŋida ahwan hoi ihwania. \v 13 Attati Yesu iyyabana ahas honyi jihonyi. Teyya kwak abis ahwan atulo ania ette inyi itahabuyo Hollum. \v 14 Ati iloŋojita eleittok olo aji imojit nyo itaŋida Yesu aŋotte to oloŋ sabato ette jaran jyo laati ojo, Owoni oŋitek ille hun igyamarik aati. To noŋitek hunia ifwanna ifwotuniete aŋidari, obyaŋara to sabato.

13/15.txt

@@ -0,0 +1 @@
+\v 15 Attati Hobu jaran, Itai enyabak, ?ibyaŋata tai daŋ ihohitati esuŋ hatai to bore to noloŋ sabato ittata tai iyaro ihari? \v 16 Ijatta tai jo oŋida ŋarri Abramo ana an ifitak Sitan ta aŋasi ’tomon hohottohunik obeŋi ohohini ta aŋwai honyi to noloŋ sabato?

13/17.txt

@@ -0,0 +1 @@
+\v 17 Likyana inyi nerre huna, ette laati daŋ hodwo iŋiŋyalai’to inyi iloriri. Bwo fe aati omuk ette muno te erre hun obolori’to hun ihanio inyi.

13/18.txt

@@ -0,0 +1 @@
+\v 18 Bwo fe Yesu ette ifiyo ojo, Ara olobye ono Hollum ihwa anyo? Etarrijohi adi ni inyi iko anyo? \v 19 Orrijori inyi iko aŋeryo bule an iyaro atulo ette idulana imana honyi. Isuru inyi ette ’tuna ratan ayyani on obolo ette aheny hutte dou duho asik hosi litanata honyi.

13/20.txt

@@ -0,0 +1 @@
+\v 20 Bwo fe inyyak inyi jaran jo, Etarrijohi adi ni olobye Hollum iko anyo? \v 21 Orrijori inyi iko abula hun iduhu aŋotte ette iharrwahina iko efwa many ayafutarik daŋ.

13/22.txt

@@ -0,0 +1 @@
+\v 22 Bwo inyi ette leten ta atwajin misihi ette itittiyenaro aati many Yerusalem. \v 23 Attati lobo ifiyo inyi ojo, Hobu, omutari adi hul italahunie? Bwo ojo inyi jyo laati daŋ, \v 24 Ottifyati bebe ijiŋaniere te ekat ol ottida’to. Nyo olwaji hul ottifyai’to ijiŋaniere ati obeŋi isi oremehini jiŋana.

13/25.txt

@@ -0,0 +1 @@
+\v 25 Odyoto monye haji ette hyanana nekat haji bwo itai ifwanna inninnaŋyere nekat bwo ijatta tai, Hobu, Hobu, aŋahi hohoi nekat. Itarraŋ adi inyi jihatai ojo, Abeŋ ni amijak itai. Ifwanna tai tai? \v 26 Ijatta adi itai jihonyi ojo, Eŋiyo nya hohoi bwo emata ikoye, bwo fe ittiyenio nya iye lilofirihi hohoi. \v 27 Ati ojo adi inyi ojo, Eramak ni itai, abeŋ ni amijak itai. Ifwanna tai tai? Ifwatta addi, itai hul ihaniete’to erre hun orrohoji’to.

13/28.txt

@@ -0,0 +1 @@
+\v 28 Owon adi ayyo iko aŋutta hala iholoŋ an igonyuniete adi itai Abramo iko Isako ojo Yakobo iko eyak sayyo daŋ ilobye Hollum bwo itai irasati ilet. \v 29 Bwo ofwonni adi laati t’ettedwoŋi holoŋ iko t’etteddorro holoŋ bwo fe ta aŋaco daŋ ette itoŋo ilobye Hollum. \v 30 Ati aati huttehalu ofwoi adi ahosyere bwo huttohosyere ofwonni adi ihalu.

13/31.txt

@@ -0,0 +1 @@
+\v 31 Ofwonni omuk Farisei hul ojori jihonyi ojo, Ilo addi, nyo awak Erode ’tohoro iye. \v 32 Attati inyi jaran jihosi, Ifwatta iramana olobeyok lya jo, etaŋidaryo ni laati bwo fe efuhatyo ni ajohin ahana iko motye bwo ara oloŋ itahunihi esidi hoŋ. \v 33 Oŋida ani adaha ahana iko motye many oloŋ itahunihi nyo obeŋi oremehini ’tohoro eyani sayyo arari limiji Yerusalem.

13/34.txt

@@ -0,0 +1 @@
+\v 34 Yerusalem, Yerusalem, amiji an ittohyo’to leyak sayyo bwo fe irwoŋyo hya hul ifak Hollum jihoi. Awak ni ’tubana lonyirok hoi jihoŋ enyyahita arryai ihwa on ottubaniere ahohoro akiyehi honyi itwa hiwa honyi, ati iha iye. \v 35 Ahode idehi Hollum aji hoi jihoi ahania. Bwo ajo ni jihoi, ibeŋ adi iye inyyak igonyuna ani many iholoŋ an ijo iye, Hotomunoi lya ol ottu’to ta afure ono Hobu.

14/01.txt

@@ -0,0 +1 @@
+\c 14 \v 1 To oloŋ sabato olo Yesu iŋiyere aŋirya lihaji obo eleittok olo Farisei, attati laati ikikorihina jihonyi. \v 2 Owon nya bwo fe lobo latulo dia ol owon iko obo aŋwai ono abalaco. \v 3 Attati Yesu ifiyo aŋotok hirre iko Farisei ojo, Odwa itaŋidaryere atulo to noloŋ sabato?

14/04.txt

@@ -0,0 +1 @@
+\v 4 Attati isi dwahino ette Yesu iyaro atulo alya ette itaŋida ette ifahina inyi hetelo. \v 5 Inyyak inyi ikyana jihosi ojo, Ŋai obo alatai ol okwahino asigirya honyi kuyya eteŋ litwa hirre bwo inyi obeŋ ipihu inyi addi to noloŋ sabato? \v 6 Bwo isi obeŋi itarraŋi jihonyi ta nerre hunia.

14/07.txt

@@ -0,0 +1 @@
+\v 7 Attati inyi ikyana arryamara jyo hya hinya iloŋuni iŋiyere, nyo igonyu inyi isi onyimuni amasik hun oyiji itoŋori. Ojo jihosi, \v 8 Al iloŋo obo alatai jyo alomone, hetoŋo jyo amaji ono eleittok ara bwo hottu obo atulo al ara eleittok jihoi. \v 9 Ojo adi latulo al iloŋuno’to iye ojo, Isyarak olo amaji hoi. Tania ilo adi iye ta ariri jyo amaji obo.

14/10.txt

@@ -0,0 +1 @@
+\v 10 Ati al iloŋoro iye, ilo, itoŋoi jyo amaji on ofyaha’to. Bwo al ottu leloŋoni wati, ottu adi jaran jihoi ojo, Illa, waŋ, itoŋoi imaji on oyyu’to ana, tania iwon adi iye iko nolohwo ihosyere hul oŋiye’to. \v 11 Nyo lya al itahabworo’to ahwan honyi, itiloririji adi, bwo lya ol omyana’to ahwan honyi itahabuhini adi.

14/12.txt

@@ -0,0 +1 @@
+\v 12 Tania ojo Yesu jyo lya al iloŋu inyi ojo, Al ihuhum iye aŋiyo on obolo heloŋ illarak hoi kuyya bu orryahat hoi, kuyya aati hutta haŋ hatai, kuyya aati hatai hul abarai’to, ŋadi isi iloŋuni iye obo oloŋ iŋiyere ikosi.

14/13.txt

@@ -0,0 +1 @@
+\v 13 Ati al ihuhumyo iye akarama iloŋu alocaŋak, arrohojak, aŋurak, iko aŋodok. \v 14 Bwo ifwotu adi iye namuno nyo obeŋi isi oremehini inienuna iye iŋiyere bwo ifwotu adi iye edumit hoi iholoŋ an ibuhunierek aati hul oyiji’to.

14/15.txt

@@ -0,0 +1 @@
+\v 15 Ati litaniŋu lobo ol oŋiye’to ikosi neram ana, ette jaran jyo Yesu ojo, Hotomunoi atulo ol oŋiyo’to aŋirya ilobye Hollum. \v 16 Ati ojo Yesu jihonyi ojo, Ihuhumyo nya obo atulo naŋiyo on obolo bebe ette iloŋuna aati aaryai. \v 17 Al ara asaa ono aŋiyo, ifak inyi apit honyi hetelo iloŋuno aati nyo attubai nerre daŋ.

14/18.txt

@@ -0,0 +1 @@
+\v 18 Bwo isi daŋ ababo ette ikyana elyati hosi. Ojo ebotye jihonyi ojo, Enyyaŋu ŋole ni nobo amana tania awak ni leten mijo. Ajo ni jihoi, ilo iramak inyi. \v 19 Bwo fe lobo ette jaran, Enyyaŋu ŋole ni attamoti husuŋ miet, ajo ni alo mijo. Ajo ni jihoi, ilo iramak inyi. \v 20 Bwo lobo ojo, Ayama ŋole ni aŋotte, tania abeŋ ni aremik leten.

14/21.txt

@@ -0,0 +1 @@
+\v 21 Attati lapit cohuno ette ramana eleittok eram ana. Tania ijorya eleittok bebe ette jaran jyo lapit honyi ojo, Ilo lilofirihi miji kokwak bwo iloŋunie dini alocaŋak, arrohojak, aŋurak bwo aŋodok. \v 22 Attati lapit jaran jihonyi ojo, Leittok, ehanio ni ihwa ikyana iye ati harasa amaji.

14/23.txt

@@ -0,0 +1 @@
+\v 23 Attati eleittok jaran jyo lapit ojo, Ilo ikota daŋ orrosunie omuk oŋida ofwonni daŋ dini jo oŋida aji hoŋ ifut hiny hiny. \v 24 Nyo ajo ni jihatai jo, Obeŋ adi obo jyo hya hul iloŋuni ahosyere iniŋ aŋiyo hoŋ.

14/25.txt

@@ -0,0 +1 @@
+\v 25 Attati eluluŋ wati arryai fwatan iko Yesu bwo inyi ette jaran jihosi, \v 26 Al ottu obo atulo jihoŋ ol obeŋ oliwari monyonyi iko honyonyi, ŋorwoi, onyirok, hutta haŋ honyi, haniarak honyi iko nesu honyi luŋa, obeŋ inyi oremik ratan aheyiyanani hoŋ. \v 27 Bwo fe ol obeŋ’to olororo akruce honyi ette jifaro ani obeŋ oremik ratan aheyiyanani hoŋ.

14/28.txt

@@ -0,0 +1 @@
+\v 28 Kuyya awak obo alatai duho aji on ohodo’to, itoŋo inyi ahosyere do lifau ette ihen arobia honyi imijyere kuyya oremehini isi ituhoniere egyama honyi. \v 29 Nyo ŋadi al ihanak inyi etawoni haji do bwo labeŋ inyi otuhonio, osuhotyerek adi aati inyi. \v 30 Ojori adi isi, Itteryo nya inyi aduho haji ati obeŋ oremik tuhonia.

14/31.txt

@@ -0,0 +1 @@
+\v 31 Kuyya awak obo hobu arrem iko obo, ahosyere do igigilo inyi jo kuyya oremik inyi iko aati honyi alif ’tomon ’rem iko aati alif atomwana arrihai. \v 32 Kuyya obeŋi isi oremehini, halamaji hya, ifak inyi atulo itimwaraniere isi. \v 33 Ihwo nya, lya ol obeŋ’to obusak nerre honyi daŋ obeŋ oremik ratan aheyiyanani hoŋ.

14/34.txt

@@ -0,0 +1 @@
+\v 34 Oyyu amile, ati al ilik amile, aŋai adi inyyahini eŋolito honyi? \v 35 Obeŋ bwo fe inyi oremik itayyu obo ariŋ, oŋida ibiro inyi addi. Lya ol owon’to iko ayyaha ijara inyi hetaniŋu.

15/01.txt

@@ -0,0 +1 @@
+\c 15 \v 1 Obo oloŋ ofwonni lamojok musuru iko leyyak jyo Yesu itayiryere nettiyenio honyi. \v 2 Bwo Farisei iko legyorok ette mumwaŋa ojori, Iloŋuta atulo olo leyyak ette ŋiyo ikosi.

15/03.txt

@@ -0,0 +1 @@
+\v 3 Ette Yesu ikyana jihosi ta narryamara ana ojo, \v 4 Kuyya owon obo alatai iko akyoro nesiha abotye bwo obo abotye olitohi, obeŋ adi inyi idehi huna atomwana hottoŋwan hohottoŋwan imur ette leten ’tittifyaru aker ania many onyuraniere inyi? \v 5 Bwo fe al onyurak inyi naker nya olorok inyi ilohoho ta amuno.

15/06.txt

@@ -0,0 +1 @@
+\v 6 Lafany inyi imiji iloŋu inyi mottyarak honyi iko orryahat honyi ojo, Hamunoti ikoŋ nyo anyurak ni naker hoŋ odwo olitohi’to. \v 7 Ajo ni jihatai jo owon adi amuno on obolo lidou ta leyyani abotye al iloit’to ataji honyi t’eyyata honyi, agalik jyo hul omuk atomwana hottoŋwan hohottoŋwan hul oyiji’to hul obeŋi’to iloiti atajya hosi.

15/08.txt

@@ -0,0 +1 @@
+\v 8 Kuyya owon obo aŋotte hatai iko agurusi atomwana ’tomon, bwo olitohi obo agurus abotye, obeŋ adi inyi inwok neema ette fyeyo afau haji ette ’tifya bebe many onyuraniere inyi? \v 9 Al onyurak inyi inyi iloŋu inyi hutto onyihari honyi iko hutta haŋ honyi ette jaran jihosi ojo, Hamunoti ikoŋ nyo anyurak ni agurus hoŋ odwo olitohi’to. \v 10 Ihwania ajo ni jihatai jo, Omunoi anjelohyen hulo Hollum ta leyyani abotye al iloit’to ataji honyi t’eyyata honyi.

15/11.txt

@@ -0,0 +1 @@
+\v 11 Bwo Yesu ette jaran, Owon nya obo atulo iko lonyirok arrihai. \v 12 Bwo alahalu ette jaran jyo monyonyi ojo, Monyoŋ isyarak jihoŋ orutat hoŋ. Attati inyi harana jihosi ebariti honyi.

15/13.txt

@@ -0,0 +1 @@
+\v 13 Lihalu omuk oŋitek kai iddudduhu alahalu nerre honyi daŋ ette leten jyo obo afau an alama ette tuhonia erre honyi daŋ ta asilara honyi. \v 14 Latuk inyi agurusi honyi, bwo ahure on obolo ette ’tuna jyo afau ania ette inyi ilocaŋ.

15/15.txt

@@ -0,0 +1 @@
+\v 15 Attati inyi leten itoŋo iko obo atulo ette atulo lya isyo jihonyi egyama ono eyyahatyo bataha. \v 16 Bwo fe awak inyi ŋiyo aŋiyo bataha hun arai erre asai. Nyo obeŋ obo atulo isyo jihonyi aŋiyo.

15/17.txt

@@ -0,0 +1 @@
+\v 17 Ati ninya attu inyi igigilo on oyyu ojo inyi, Arai legyamak monyoŋ omukaja hul owoni’to iko aŋiyo on oŋiye isi ette fituna nobo, bwo ni aye dini iko ahure. \v 18 Acaharu adi ni jyo monyoŋ bwo ajo adi ni jihonyi, Monyoŋ, eyyau ni ihosyere Hollum bwo fe ihomon hoi. \v 19 Tania obeŋ osiru jihoŋ irari olonyi hoi. Ihanak ani ahegyamani hoi.

15/20.txt

@@ -0,0 +1 @@
+\v 20 Attati inyi dyoto ette leten jyo monyonyi. Ati halama inyi igonyu monyonyi inyi ette mehino jihonyi ette ŋyoron ette ifony inyi bwo fe ette hut ayyaha honyi. \v 21 Ati ojo lonyi honyi jihonyi ojo, Monyoŋ, eyyau ni ihosyere Hollum iko ihomom hoi tania abeŋ ni asiru irari olonyi hoi.

15/22.txt

@@ -0,0 +1 @@
+\v 22 Ati iloŋo monye legyamak honyi ojo, Iyaŋuniete aboŋo an ilaman’to bebe itiyyafana inyi, bwo fe ihanak ahatim lihani honyi, iko amuha ihejek honyi. \v 23 Iyaŋuniete atawwo ol ofir’to bebe bwo oŋototo, haŋiyete bwo fe hamunoti. \v 24 Nyo aye nya lonyi hoŋ olo, bwo ihwania lisu. Olitohi nya inyi, bwo ihwania aleyo. Attati isi muno bebe.

15/25.txt

@@ -0,0 +1 @@
+\v 25 Owon nya lonyi honyi ahouti imana bwo hottu inyi ilyaha ihaji itayiru inyi nedolo iko ahya. \v 26 Iloŋu inyi legyamani ette ifiyo jihonyi ojo, Anyo eram dia? \v 27 Itarraŋ inyi ojo, Attu illa hoi bwo isyak monyohoi atawwo ol ofir’to nyo acohuno illa hoi ol oyyu.

15/28.txt

@@ -0,0 +1 @@
+\v 28 Tania iloŋojita nya inyi bebe ette hara ajiŋana lihaji. Attati monye jiŋuna jihonyi ette iloŋuna inyi. \v 29 Bwo inyi itarraŋ jyo monyonyi ojo, Aii, egyama ni jihoi aŋasi arryai bwo fe abeŋ ni eha efahita hoi bwo iye ibeŋ isyo ani lobo naker an aŋot ni imunori iko orryahat hoŋ. \v 30 Ati lattu lonyi hoi olo ol otuk agurusi hoi daŋ ta amanya iko aati asomok, bwo iye ittu isyahina inyi atawwo ol ofir’to.

15/31.txt

@@ -0,0 +1 @@
+\v 31 Attati monye jaran, Lonyi hoŋ, emanya iye ikoŋ aŋasi daŋ bwo fe arai erre hoŋ daŋ ahunohoi. \v 32 Ati oyyu jihohoi imunori ahana nyo oye nya illa hoi olo, ati ihwania lisu; olitohi nya inyi, bwo ihwania aleyo.

16/01.txt

@@ -0,0 +1 @@
+\c 16 \v 1 Attati Yesu ikyana jyo leyiyanak honyi ojo, Owon nya lobo abarani iko labusuti honyi. Itisyahini laati abusuti jyo abarani jo, Otuk inyi erre hoi asai. \v 2 Bwo inyi ette iloŋuna abusuti ette jaran jihonyi ojo, Nyo etaniŋu ni erre hoi ihwania? Iramak jihoŋ negyama hoi ono nelobusi nyo atuhuno egyama hoi jihoŋ.

16/03.txt

@@ -0,0 +1 @@
+\v 3 Igigilo inyi ta ataji honyi ojo, Ehan ’tadi ni aŋai? Nyo eya eleittok hoŋ nelobusi hoŋ addi. Abeŋ ni aremik romo bwo fe eloriri ni atileŋita ihaŋitek wati. \v 4 Amijak ni anyo adi ehanio ni jo oŋida isi omojuni ani ihasik hosi al atuhuno egyama ono elobusi hoŋ.

16/05.txt

@@ -0,0 +1 @@
+\v 5 Attati inyi iloŋuna aati horosi leittok honyi ette jaran jyo letteri ojo, Owoni asaŋ leittok hoŋ jihoi baya? \v 6 Bwo inyi ette jaran jihonyi, Asofiahyen hiyali esiha abotye. Attati inyi jaran jihonyi, Itoŋoi, igyorok aduma hoi atomwana miet. \v 7 Ojo inyi jyo lobo, Arai hunohoi omukaja? Bwo inyi ette jaran, Asofiahyen alif abotye huno ometi. Ojo inyi jihonyi, Itoŋoi, igyorok aduma hoi atomwana hottohunik.

16/08.txt

@@ -0,0 +1 @@
+\v 8 Attati eleittok jaran jyo labusuti ol orroho’to ojo, Oyiji ehanita hoi nyo ilofyoroji laduri hulo elahaji ana agalihini lonyirok afaŋan. \v 9 Tania ojo Yesu jihosi ojo, Orrehuna orryahat hatai ta ahwattek hatai te ebariti hutta fau jo oŋida al atuhuno jihatai ifwotuni adi isi itai jyo amanya on osyo’to fur.

16/10.txt

@@ -0,0 +1 @@
+\v 10 Lya al ihanio’to on oyyu te erre hun omutari’to ihanio adi inyi on oyyu bwo fe te erre hun obolori’to. Bwo fe lya al ihanio’to on orroho te erre hun omutari’to ihanio adi inyi on orroho bwo fe te erre hun obolori’to. \v 11 Tania kuyya ibeŋ iye ihanio on oyyu te ebariti hutte fau, ŋai adi isyo jihoi ebariti huno nelahode? \v 12 Bwo fe al ibeŋ iye irrirrya on oyyu erre huno obo atulo, ŋai adi ottu isyarana jihoi erre hoi?

16/13.txt

@@ -0,0 +1 @@
+\v 13 Obeŋ obo atulo oremik igyama jyo eleittaha arrihai. Nyo oliwari adi inyi olobotye bwo fe omuno obotye. Kuyya bu awak adi inyi olobotye bwo fe omyana obotye. Ibyaŋata tai iremehina igyamari jyo Hollum bwo fe jyo ebariti.

16/14.txt

@@ -0,0 +1 @@
+\v 14 Bwo fe Farisei hul omunoi’to agurusi itaniŋuni erre huna ette isi suhotyere inyi. \v 15 Bwo Yesu ette jaran jihosi ojo, Itai hul itahutana’to ehanita hatai hun oyiji ihomomite wati, omijak Hollum atajya hatai daŋ. Nyo oliwari Hollum erre hun itahabuye laati.

16/16.txt

@@ -0,0 +1 @@
+\v 16 Odulori nya nefahita huno Mose iko egyerita huno eyak sayyo many ottuniere Yoane Batista. Many ta asaa nya ittiyenie asayyo hun oyiji huno nolobye Hollum bwo ojiŋani aati dia ta agolon. \v 17 Ilyaha jyo nedou iko nafau apwahan agalik apwahan ono obo ekyana abotye ono efahita.