Merge branch 'master' of C:\Users\hp\AppData\Local\BTT-Writer\temp\lot_act_text_reg\lot_act_text_reg

21/01.txt

@@ -0,0 +1 @@
+\c 21 \v 1 Ninya ebusak hohoi isi, efwo nya hohoi ta ababur many Kos bwo fe nya motye Rode, bwo teyya many Patara. \ \v 2 Dia enyurak hohoi ababur obo an allaŋ’to aari many Fenisia attati hohoi jiŋana itwa honyi ette fwatan.

21/03.txt

@@ -0,0 +1 @@
+\v 3 Hegonyu hohoi afau Ciporo ette busana inyi ahani ihorroŋ attati hohoi fanyan ifau Sirya ette hohoi isuruna to babur imiji Turo nyo owotya ababur ibusaniere asaŋ dia. \v 4 Enyurak hohoi eyiyanak dia ette itoŋo ikosi oŋitek hattarik. Ta adwaran ono Oloyiri iramani isi Paulo ojo, Helo Yerusalem.

21/05.txt

@@ -0,0 +1 @@
+\v 5 Ninya ottubai oŋitek hohoi dia, ebusak hohoi isi ette fwatan. Bwo iniamarai isi hohoi daŋ iko aŋorwo ojo aduri many iler miji. Erigoŋ hohoi ilotifor hari ette mojo dia ette imalayo isi. \v 6 Ejiŋak hohoi ibabur ette isi caharu imiji.

21/07.txt

@@ -0,0 +1 @@
+\v 7 Ninya ebusak hohoi Turo ette hohoi fanyan imiji Tolomo. Efonya hohoi iko illarak hohoi bwo fe etoŋo ikosi oloŋ abotye. \v 8 Nya motye ebusak hohoi isi ette fanyan imiji Cesarea. Ejiŋak hohoi dia ihaji Filipo ettittoni sayyo hun oyiji. Ara nya inyi olo hulya hattarik. Etoŋo hohoi ikonyi. \v 9 Owon inyi iko ŋarryok aŋwan hun ikilai erre hun hofwonni’to.

21/10.txt

@@ -0,0 +1 @@
+\v 10 Etoŋo hohoi dia omuk oŋitek ette obo eyani sayyo ’tuna to Yudea, afure honyi Agabo. \v 11 Ette inyi inefuna agas ono Paulo ette fitaru ahas honyi iko ejek. Ojo inyi, Ikyana Oloyiri ol Olibo jo, Ihwa ana ifitani adi Yudea hutto Yerusalem monye agas ana ette isyarana inyi jyo paganohyen.

21/12.txt

@@ -0,0 +1 @@
+\v 12 Etaniŋu hohoi ania elolya hohoi iko laati jo oŋida Paulo obeŋ olo Yerusalem. \v 13 Ati itarraŋ Paulo ojo, Nyo iyyoti tai bwo itamijata ataji hoŋ bebe? Nyo ehuhuma ni ta ababus dwadi bu iyeri imiji Yerusalem ta afure Hobu Yesu. \v 14 Egonyu hohoi jo obeŋ adi inyi iruk ekyanita hohoi tania edehi hohoi inyi ette jaran, Ijara awahan ono Hobu hetehaniehe.

21/15.txt

@@ -0,0 +1 @@
+\v 15 Ihalu oŋitek huna ehuhumyo hohoi ahwattek hohoi ifwarri Yerusalem. \v 16 Efwo hohoi iko omuk leyiyanak hulo Cesarea hul edaha nya ikohoi bwo isi ette iyaru hohoi ihaji Masona olo Ciporo obo leyiyanani many beryen. Etoŋo hohoi dia.

21/17.txt

@@ -0,0 +1 @@
+\v 17 Ninya lefany hohoi Yerusalem arraŋuni hohoi illarak ta namuno. \v 18 Nya motye efwo hohoi iko Paulo jyo Yakobo bwo amarwak hulo eklesya. \v 19 Ette Paulo ifony isi bwo ittittohi isi erre daŋ ababo hun ihanio nya Hollum ihiji paganohyen te ettiyenita honyi.

21/20.txt

@@ -0,0 +1 @@
+\v 20 Itaniŋuni isi ania ette itahabuyo Hollum. Bwo fe ojori isi, Imijye illa, owoni Yudea hul olwaji bebe esiha arryai hul iruhi bwo fe ifiriwaji bebe jo efahita hunya beryen. \v 21 Iramani isi jo ittiyenio iye aati Yudea hul amanyai iko paganohyen jo oŋida isi obusani efahita huno Mose iko aŋoto bwo emohiti hohoi.

21/22.txt

@@ -0,0 +1 @@
+\v 22 ?Anyo ’tadi ehanio hohoi? Itaniŋuni adi isi jo ifany iye dini. \v 23 Ihwania oŋida iye ihanio ihwa eramak hohoi iye. Owoni dini laati aŋwan hul owoni iko ellama. \v 24 Ifwatta ikosi bwo fe italiboro ahwan hoi ikosi bwo fe odumai edumiti hosi oŋida isi ogiti osi hosi. Tania omijani adi laati daŋ jo obeŋi ekyanita hunia arai ahode, ati iye ta ahwan hoi ihanio erre huno efahita daŋ.

21/25.txt

@@ -0,0 +1 @@
+\v 25 Ati jyo paganohyen hul iruhi, efak nya hohoi awaraga jihosi iramaniere isi aŋoco hohoi jo oŋida isi ihari erre hun isyori te ehuma jyo ajohin, iko nooto, bwo erre hun obuni bun, iko erre somon. \v 26 Teyya iyaro Paulo aati bwo nya motye italibo inyi ahwan honyi ikosi. Ette inyi leten ihaji imojit eneittok itahutaniere jyo laati jo itadwari isi oŋitek huno alibori bwo latuhuno isyori isi ehuma tesi daŋ ababo.

21/27.txt

@@ -0,0 +1 @@
+\v 27 Ninya ilyahai oŋitek hattarik hwa attuba, igonyuni omuk Yudea hulo Asia Paulo ihaji imojit eneittok ette isi itamoryo eluluŋ wati bwo ette inef inyi ette iloŋo jo, \v 28 Aati Israele, olwahata hohoi, nyo atulo olo ittiyenio aati imasik daŋ jo orrohoji efahita iko aati bwo amaji ana. Bwo fe iyaŋuno inyi omuk Grik itwa haji ana ette inyi itarroho amaji on odwa. \v 29 Nyo igonyuni nya isi Paulo imiji iko Trofimo olo Efisa bwo fe isi ette igigilo jo ara dwadi heyaro Paulo inyi ihaji imojit eneittok bwo fe.

21/30.txt

@@ -0,0 +1 @@
+\v 30 Tania iwuwoŋitai aati hutto miji daŋ. Oŋeri isi arabotye ette inef Paulo bwo fe ipihoroi inyi addi to haji imojit eneittok ette ihyanana ekatin. \v 31 Ojori isi ettoho inyi ati itaniŋu eleittok olo oseŋer jo iwuwoŋitai aati daŋ hutto Yerusalem.

21/32.txt

@@ -0,0 +1 @@
+\v 32 Ette inyi ŋyoron kwak iko oseŋer honyi jihosi. Igonyuni isi eleittok iko oseŋer ette isi busana abahyo hosi Paulo. \v 33 Inef eleittok Paulo ette ifahina oseŋer ifitaniere inyi ta aririk arrihai. Attati eleittok ifiyo aati ojo, ngai ati atulo olo?, bwo, ?Ihanio inyi anyo?

21/34.txt

@@ -0,0 +1 @@
+\v 34 Iwuwoŋitai isi daŋ gele gele many obyaŋari eleittok oremehiniere nyuraniere awoyo hiram an iwuwoŋitarik laati daŋ bebe. Ihwania ifak inyi oseŋer heteyaŋuniehe Paulo ikorokon. \v 35 Ilyahinie isi ikat bwo oseŋer ette kaf Paulo nyo iloŋojitai aati bebe jihonyi. \v 36 Bwo fe iwuwoŋitai aati arryai jojo, Ijatta so hotoye.

21/37.txt

@@ -0,0 +1 @@
+\v 37 Ninya afanyi isi likat ette Paulo jaran jyo eleittok ojo, Awak ni ikyana jihoi omuk erre. Itarraŋ inyi ojo, Imijak iye ekyana Grik? \v 38 Ibeŋ iye ira olo Masir el hetek’to itamoryo laati ette iyaro isi daŋ imur, awati esiha atomwana aŋwan hatarahahi ahattok wati?

21/39.txt

@@ -0,0 +1 @@
+\v 39 Ojo Paulo, Ani olo Yudea olo amiji Tarasa lifau Silisia, inyi amiji on obolo, bwo fe amojo ni jihoi awak ni ikyana jyo laati hulo. \v 40 Aŋatak inyi Paulo likyanari ette inyi wotya iger ikat ette itadwa aati ta aani honyi. Attati isi daŋ dwa ette Paulo itteryo ikyana jihosi te ekyana Ebrei.

22/01.txt

@@ -0,0 +1 @@
+\c 22 \v 1 Ojo Paulo, Illarak hoŋ iko monyye hoŋ daŋ, itaniŋyete iko itayirata obo ekyana hoŋ ana. \v 2 Ninya itaniŋuni isi inyi ikyana te ekyana Ebrei ette isi dwa liŋ liŋ. Attati inyi jaran:

22/03.txt

@@ -0,0 +1 @@
+\v 3 Ani olo Yudea, amiji hohoi an isiunierek ani inyi Tarasa otto fau Silisia. Ettiyenu nya ni jo namiji ana, jyo ettiyanani Gamalio, efahita daŋ hun ogoli huno hohonyok hohoi. Bwo fe efiriwa nya ni te efahita huno Hollum ihwa itai. \v 4 Ettigemyo nya ni ejifak hulo Hobu dwadi many ottohyerek isi. Etifitak nya ni alyawa iko aŋorwo ibabus, \v 5 ihwa omijak ehumani ol obolo’to iko amarwak miji daŋ. Isyori nya isi awaraga jihoŋ liyari limiji Damasko lifitaniere hul owoni’to dia iko iyaŋuniere isi Yerusalem ibahyere.

22/06.txt

@@ -0,0 +1 @@
+\v 6 Ati ninya lattu ni many liger Damasko, idwoŋ nya nafaŋan on obolo t’edou jihoŋ ta afanni. \v 7 Ette ni kwaharu lifau ette itaniŋuna ekyana on ojo, Saulo, Saulo, nyo ittigemyo iye ani? \v 8 Ettaraŋ nya ni ojo, ngai iye Hobu? Ojo inyi jihoŋ, Ani Yesu olo Nasaret al ittigemyo iye.

22/09.txt

@@ -0,0 +1 @@
+\v 9 Igonyuni hunya ewon’to ikoŋ afaŋan ati obeŋi itaniŋuni ekyana an ikyanai jihoŋ. \v 10 Bwo ni ette inyyahina jihonyi ojo, Ehanio adi ni anyo, Hobu? Ojo inyi jihoŋ, Otte, ilo imiji Damasko bwo dia iramani adi jihoi nerre hun awak ni ihanio iye. \v 11 Ati abeŋ nya ni aremik mijo nyo ta anico faŋan bebe tania orihoroi nya ani ta aani many limiji Damasko.

22/12.txt

@@ -0,0 +1 @@
+\v 12 Ottu obo atulo, afure honyi Anania, inyi atulo al ijifatyo’to efahita bwo fe ikikyanatye nya Yudea daŋ hutto miji jo oyyu inyi. \v 13 Owotya inyi liger hoŋ ette jaran, Saulo, illaŋ, omije. Bwo ta asaa ania amijo ni ette igonyuna inyi.

22/14.txt

@@ -0,0 +1 @@
+\v 14 Ojo inyi jihoŋ, Onyimu Hollum olo hohonyok hohoi iye limijaniere nawahan honyi bwo fe ligonyuniere anyarani honyi iko litaniŋuniere netuk honyi. \v 15 Ati ira adi iye ahetamijanani honyi jyo aati daŋ te erre hun igonyu iye bwo fe iko hun itaniŋu iye. \v 16 Ihwania itila iye anyo? Otte, ifwotu batisimo bwo fe illillaunie eyyata hoi addi te eloŋo hoi afure honyi.

22/17.txt

@@ -0,0 +1 @@
+\v 17 Ninya acaharu ni Yerusalem, amojo nya ni to obo oloŋ lihaji imojit eneittok, \v 18 ette ni igonyuna Hobu ta arigya al ikyana jihoŋ ojo, Obusak Yerusalem kokwak nyo obeŋi adi isi ifwotuni ekyanita hoi toni.

22/19.txt

@@ -0,0 +1 @@
+\v 19 Ajo ati ni jihonyi, Hobu omijani isi ta ahwattek hosi jo eniafatyo nya ni aati daŋ hul iruhi’to jihoi ihasik imojiti daŋ ette bahyo isi ette itifitana isi libabus. \v 20 Hara dwo bu ihwa ninya owouno nooto ono etamijanani hoi Setefano awotya nya ni dia bwo fe ette ni iruk jo ijara inyi hotottohorohi. \v 21 Ati ojo Hobu jihoŋ, Ilo ati, nyo efak adi ni iye alamarai bebe jyo paganohyen.

22/22.txt

@@ -0,0 +1 @@
+\v 22 Itaniŋuni nya isi ekyanita honyi many ekyana ana attati isi iwuwoŋitai jojo, Ottohoro atulo alya, obeŋ inyi osiru iswori. \v 23 Ati iwuwoŋitai isi bebe ette igwas aboŋojin hosi ette kur iko aboro ahide. \v 24 Ifak eleittok olo oseŋer heteyaŋuniehe Paulo itwa korokon ikemyere inyi ta abahyo inyuraniere awoyo hiram an iwuwoŋitarik laati jihonyi.

22/25.txt

@@ -0,0 +1 @@
+\v 25 Ati al ifiti isi inyi to ofito, ojo Paulo jyo oseŋeritanani, Obeŋi itihi jihatai ibahyere atulo olo Roma hobeŋi oŋoti eram honyi? \v 26 Al itaniŋu oseŋeritanani alya ana olo inyi jyo eleittok hosi ifiyere inyi ojo, Ihanio adi iye anyo jyo atulo olo? Ara dwadi olo Roma.

22/27.txt

@@ -0,0 +1 @@
+\v 27 Tania ottu eleittok jihonyi ette jaran, Iye olo Roma? Ojo Paulo, Afe. \v 28 Ojo oseŋeritanani, Aduma nya ni agurusi arryai irari olo Roma, bwo Paulo ette jaran, Ati isiuni nya ani to Roma. \v 29 Tania hinya daŋ ojori’to ekem inyi ette busana inyi kwak. Abaŋ bwo fe eleittok jo etifitak inyi atulo olo Roma.

22/30.txt

@@ -0,0 +1 @@
+\v 30 Ati nya motye awahi isi mijana errosit ono Yudea inyi attati eleittok houna inyi bwo ette iramana ehumak eleittaha iko lewwak hiram ittubaniere ahwattek hosi. Ette inyi iyaŋuno Paulo ette itawojihina lihosyere hosi.

23/01.txt

@@ -0,0 +1 @@
+\c 23 \v 1 Ikikorik Paulo jihosi ette jaran, Illarak hoŋ, olibo amanya hoŋ ihosyere Hollum many iko ahana. \v 2 Attati Anania, ehumani ol obolo’to, ifahina hinya owotyai’to liger Paulo hatabahyehe inyi lihutuk. \v 3 Ati ojo Paulo jihonyi, Abak adi iye Hollum. Ira iye ihwa olohitir an ibuyai. Ijo iye iŋot ani te efahita ati ibak iye ani asai, ariŋ on ojori efahita hehaniete.

23/04.txt

@@ -0,0 +1 @@
+\v 4 Hul owotyai’to iger honyi ette jaran, Imoryo iye ehumani ol obolo’to olo Hollum? \v 5 Ojo Paulo, Illarak hoŋ, abeŋ dwo bu ni amijak jo ara inyi ehumani ol obolo’to nyo igyoroni jo, “Oŋida ibyaŋata tai ikyanati on orroho jyo eleittok hatai.”

23/06.txt

@@ -0,0 +1 @@
+\v 6 Ati ninya igonyu Paulo jo arai lomuk ahulo Saducehyen bwo omuk ahulo Farisei ojo inyi jihosi, Illarak hoŋ, ani Afariseitanani nyo ara monyoŋ olo Farisei. Amijak ni jo ara te eyihina en eyihiniere hohoi ta nebuhuna layak on okemyerek isi ani lilokikoi ana. \v 7 Ninya likenu inyi erre huna ette Saducehyen ŋalafa iko Farisei ette isi bwanya. \v 8 Nyo ojori Saducehyen jo obeŋ nebuhuna, bwo fe jo obeŋi anjelohyen, bwo fe ojori nya isi jo obeŋ oloyiri, bwo Farisei fe iruhi huna daŋ.

23/09.txt

@@ -0,0 +1 @@
+\v 9 Tania owon nya newuwoŋita on obolo bwo omuk hulo egyorok hulo Farisei owotyai ette jaran, Ebeŋ hohoi enyurak obo ariŋ on orroho jyo latulo olo. Hara hekyana dwadi obo oloyiri kuyya anjelo jihonyi. \v 10 Attati naŋalafa on obolo bebe dyoto, ette eleittok olo oseŋer baŋi jo lafwonni adi hotto hya ’tohoro Paulo, ette inyi ifahina oseŋer hetefwahi iyaro inyi t’ehiji hosi ikorokon.

23/11.txt

@@ -0,0 +1 @@
+\v 11 Nya motye owotya Hobu ihosyere Paulo ette jaran, Itagolo ataji hoi nyo ihwa iramak iye etamijanita toni imiji Yerusalem, iramak adi iye bwo fe imiji Roma.

23/12.txt

@@ -0,0 +1 @@
+\v 12 Ninya afaŋ amotye ottubanie omuk Yudea ette illama jo, Ebeŋ adi hohoi enyyak ŋiyo kuyya emata many ettohori hohoi Paulo. \v 13 Owoni nya laati atomwana aŋwan hul ikyanai ihwania.

23/14.txt

@@ -0,0 +1 @@
+\v 14 Ofwoi isi jyo ehumak eleittaha iko amarwak ojori, Ellama hohoi jyo ebeŋ adi hohoi ettir obo aŋiyo many ettohori hohoi Paulo. \v 15 Tania ifahina nekyana jyo eleittok olo oseŋer jo, heteyaŋuniehe Paulo jihohoi oŋida hohoi enyyak kemyo inyi. Al adaha inyi ikoi, ettoho adi hohoi inyi.

23/16.txt

@@ -0,0 +1 @@
+\v 16 Ihwania lonyi hanie Paulo itaniŋu eram ana ette inyi leten ikorokon iramaniere Paulo. \v 17 Iloŋ Paulo oseŋeritanani ojo, Iyaro eito olo jyo eleittok hatai nyo owon obo eram jihonyi an awak inyi ikyana.

23/18.txt

@@ -0,0 +1 @@
+\v 18 Ihwania iyaro inyi leito alya jyo eleittok olo oseŋer ette inyi jaran, Eloŋu ani Paulo el ifitani ojo jihoŋ, iyaro eito olo jyo eleittok hatai nyo awak inyi ikyana omuk erre jihoi. \v 19 Orihu eleittok olo oseŋer leito alya ta aani jyo obo aŋati, ette jaran, Anyo riŋ an iwak iye iramana ani?

23/20.txt

@@ -0,0 +1 @@
+\v 20 Itarraŋ inyi, Ojori Yudea jo efiyo adi isi iye iyaŋuniere Paulo ilokiko motye, ihwa awahi isi ittifya eram honyi. \v 21 Ati heruk ekyanita hosi nyo arrai laati atomwana aŋwan hul ocoroni’to jo, ebeŋ adi isi eŋiyo kuyya emata, hebeŋ isi ettoho Paulo. Ihwania itilai isi iye iyaŋuniere inyi.

23/22.txt

@@ -0,0 +1 @@
+\v 22 Attati eleittok ifahina leito alya addi ojo, Heramak obo atulo jo iyaŋuno iye asayyo huna jihoŋ. \v 23 Ette inyi iloŋuna oseŋer arrihai ette jaran jihosi, Saa hottoŋwan ta attari iyarai oseŋer esiha arrihai iko hul owoni iko akusani atomwana hattarik iko omuk esiha arrihai hul owoni iko afyara. Oŋida isi iyarai Paulo many Cesarea. \v 24 Bwo fe oŋida isi iyaŋunie akusani hun anyalami ikafari Paulo jyo mandir Filice.

23/25.txt

@@ -0,0 +1 @@
+\v 25 Ette inyi igyoro awaraga jyo Filice ojo. \v 26 Ani Klaudio Lisia, egyoro ni jyo mandir hohoi Filice, efonyo ni iye bebe. \v 27 Inefuni nya Yudea atulo olo bwo fe ojori isi ettoho inyi ati attu ni iko oseŋer hoŋ itahoruniere inyi nyo amijak nya ni jyo ara inyi olo Roma.

23/28.txt

@@ -0,0 +1 @@
+\v 28 Ati attifya nya ni errositi hosi bwo fe eyaŋuno ni inyi ihosyere lokiko hosi. \v 29 Ihwania anyurak ni arrasani isi inyi to omuk erre huno efahita hosi ati obeŋ obo arrasak inyi obo eram an itasiru aye kuyya ababus. \v 30 Ihalu iramani jihoŋ omuk laati hul awahi ’tohoro inyi tania efak ni inyi jihoi bwo efak ni arrasak honyi hefwahi ’rosyo inyi ihosyere hoi.

23/31.txt

@@ -0,0 +1 @@
+\v 31 Tania ifak eleittok oseŋer hya iko Paulo ta arwe ette isi fwatan ette iyaro inyi many imiji Antipatra. \v 32 Nya motye acaharai omuk oseŋer ikorokon bwo adahai hul owoni iko akusani hosi iko Paulo. \v 33 Ninya lafanyi isi Cesarea isyori isi awaraga jyo mandir bwo iyaŋunie isi Paulo ihosyere honyi.

23/34.txt

@@ -0,0 +1 @@
+\v 34 Ihenio inyi awaraga ette ifiyo amiji ba Paulo. Itaniŋu inyi jo ottu inyi to Silisia ette inyi jaran, \v 35 Amijo adi ni eram hoi al afanyi arrasak hoi. Bwo ifak inyi Paulo itoŋori ikorokon ono Erode bwo irrirryai oseŋer inyi.

24/01.txt

@@ -0,0 +1 @@
+\c 24 \v 1 Ihalu omuk oŋitek miet ottu Anania ehumani ol obolo’to iko omuk amarwak bwo fe obo enyaluhoni, afure honyi Tertulo. Ette isi iwwaha errositi hosi jyo Paulo ihosyere hobu. \v 2 Ninya liloŋuni isi Paulo itteryo Tertulo ’rosyo inyi ojo: Iye Filice, eleittok ol oyyu, nyo teye etoŋo hohoi iko nelik tajya bwo fe te ekyanita hoi efwotu hohoi egyamita hun oyiji to fau hohoi. \v 3 Esyo hohoi jihoi ahumo on obolo te erre huna daŋ.

24/04.txt

@@ -0,0 +1 @@
+\v 4 Ati itayirye jihohoi do, owoni omuk ekyanita kai. \v 5 Enyurak hohoi atulo alya ol orroho bebe. Itamoryo inyi atajya Yudea ifauhyen daŋ bwo fe ara inyi eleittok olo omuk laati hul ipali’to hul ijifatye’to Anasaretanani lya. \v 6 Ojo nya inyi etarroho aji imojit eneittok ati enef hohoi inyi. Ette hohoi jaran eŋot inyi te efahita hohoi.

24/07.txt

@@ -0,0 +1 @@
+\v 7 Ati ottu Lisia, eleittok olo oseŋer, bwo inyi ette iyaro Paulo ta agolon, \v 8 ette ifahina arrosok honyi ifwannari iwwahari jihoi. Al ikemyo iye inyi inyurak adi iye erre omuk daŋ hun errasak hohoi jihonyi. \v 9 Bwo fe Yudea hul owoni’to ikonyi ojori arai ekyanita honyi ahode.

24/10.txt

@@ -0,0 +1,2 @@
+\v 10 Ninya aharak mandir Paulo ikyanari, ojo inyi:
+Amuno ni bebe iwwahari eram hoŋ jihoi nyo ira iye ahaŋotoni hirre hohoi ta aŋasi arryai. \v 11 Imijak iye ihwania allaŋi oŋitek ’tomon harrihai hama jo noloŋ inya alari ni Yerusalem imojori. \v 12 Obeŋi nya bu isi onyurani ani etaŋalafyo obo atulo kuyya itiwuwoŋyo neluluŋ wati ihaji imojit eneittok, ara dwo bu kuyya ihaji imojit iko itwa miji. \v 13 Bwo fe ihwania obeŋi isi oremehini italeyuna nelahode ono errositi hosi jihoi.

24/14.txt

@@ -0,0 +1 @@
+\v 14 Ati eramak ni iye ana jo etahabuyo ni Hollum olo hohonyok hohoi te ekoi on ojori laati orroho, ati eyihi ni bwo fe efahita iko egyerita huno eyak sayyo daŋ. \v 15 Bwo fe eyihi ni jyo Hollum ihwa en iyihinierek isi jo owon adi ebuhuna ono ayijok wati iko arrohojak. \v 16 Tania ehuhumyo ni ataji hoŋ oŋitek daŋ’jo heteliha jyo Hollum iko jyo laati.

24/17.txt

@@ -0,0 +1 @@
+\v 17 Ihwania ihalu omuk aŋasi, attu ni Yerusalem iyaŋuniere esyorita jyo aati hoŋ. \v 18 Ninya ehanio ni ihwania onyurani isi ani ol olibo ihaji imojit eneittok bwo obeŋ eluluŋ wati jihoŋ bwo obeŋi ewuwoŋita ati ofwonni nya omuk Yudea hulo Asia. \v 19 Oŋida dwo isi owoni dini irrosyere ani ihosyere hoi al owoni omuk erre itajya hosi.

24/20.txt

@@ -0,0 +1 @@
+\v 20 Ikefya hulo, kuyya onyurani nyadi isi obo ariŋ on orroho jihoŋ to ninya awotyari ni ihosyere monyomiji. \v 21 Owon nya ariŋ abotye hama an elyet nya ni jihosi ninya awotyari ni ihosyere hosi jo, ta neram ono nebuhuna ono layak iloŋuna tai ani ihosyere hatai ahana.

24/22.txt

@@ -0,0 +1 @@
+\v 22 Ati omijak Filice eram ono ekoi ono Hobu attati itilliŋyeo isi ojo, Al attu Lisia eleittok olo oseŋer aŋot adi ni eram hoi. \v 23 Attati isyarana efahita jyo oseŋer jo oŋida irrirryai inyi ati ohouna inyi bwo fe aharana mottyarak honyi iyaŋunie nerre hun iyahini isi inyi.

24/24.txt

@@ -0,0 +1 @@
+\v 24 Ihalu omuk oŋitek ocohuno Filice iko ŋorwoi honyi Durusila an ara’to ono Yudea. Ati itasaru inyi Paulo itaniŋuniere eram ono neruk honyi jyo Yesu Kristo. \v 25 Ninya itaniŋu inyi ekyanita huno Paulo te eram ono ayiji bwo atehyo taji iko aŋoco on ottu’to, abaŋ Filice ette inyi jaran, Ilo do, kuyya al awon asiruna miji jihoŋ eloŋo adi ni iye.

24/26.txt

@@ -0,0 +1 @@
+\v 26 Attati inyi igigilo jo kuyya itulunyak adi Paulo inyi agurusi, tania iloŋuta inyi Paulo ikyanari ikonyi enyyahita arryai. \v 27 Ninya allaŋi aŋasi arrihai, orutak nya Porco Festo amaji ono Filice bwo awak inyi itilik Yudea ette Filice busana Paulo ibabus.

25/01.txt

@@ -0,0 +1 @@
+\c 25 \v 1 Ninya afany Festo ifau ania ihalu oŋitek hunihoi olo nya inyi to Cesarea many Yerusalem. \v 2 Nyo iramani ehumak eleittaha iko eleittaha hulo Yudea eram ono Paulo jihonyi bwo ilolyahini jihonyi, \v 3 iloŋuniere Paulo many Yerusalem. Nyo igigiloi isi ifwarri irrari inyi ikoi ittohori.

25/04.txt

@@ -0,0 +1 @@
+\v 4 Ati itarraŋ Festo jihosi ojo, Ifita Paulo ifau Cesarea bwo awak ni leten ihwania dia. \v 5 Ette inyi jaran jihosi, Ijara omuk eleittaha hatai efwo ikoŋ. Kuyya owon obo eram jyo atulo olo oremehini isi ’rosyo inyi.

25/06.txt

@@ -0,0 +1 @@
+\v 6 Ihalu omuk oŋitek hottohunik kuyya ’tomon, olo inyi Cesarea ilokikoi. Nya motye itoŋo inyi imaji lokiko ette iloŋuna isi heteyaŋuniehe Paulo jihonyi. \v 7 Ninya ottu inyi ette Yudea hul ofwoi’to to Yerusalem wotya ihosyere honyi irrasaniere inyi erre arryai hun obeŋi’to italeyehini nelahode. \v 8 Ojo Paulo, Abeŋ ni amesyo efahita Yudea kuyya amyana aji imojit eneittok, ara bu amoryo Cesare, obeŋ ’tuŋ.

25/09.txt

@@ -0,0 +1 @@
+\v 9 Ati awak Festo itilik atajya Yudea ette jaran jyo Paulo, Iwak iye leten Yerusalem iwwahari eram hoi dia ihosyere hoŋ? \v 10 Ati ojo Paulo, Awotya ni ihwania ilokiko ono Cesare. Oremik ana. Imijak iye abeŋ ni ehanio obo ariŋ on orroho jyo Yudea.

25/11.txt

@@ -0,0 +1 @@
+\v 11 Kuyya ehanio ni on orroho bwo fe osiru jihoŋ aye, abeŋ ni afuho. Ati kuyya orrosi isi ani asai obeŋ tulo oremik itujulumonia ani jihosi. Ati ejulum ni jyo Hobu Cesare. \v 12 Inyyak Festo iwwaha iko ewwak hirre hama ette jaran jyo Paulo, Ijo iye iyaro adi iye eram hoi jyo Cesare, ilo ati jyo Cesare.

25/13.txt

@@ -0,0 +1 @@
+\v 13 Ihalu omuk oŋitek ofwonni Hobu Agripa iko ŋorwoi honyi Bernika many Cesarea irraŋuniere Festo. \v 14 Arasai nya isi dia oŋitek arryai attati Festo iwwaha eram ono Paulo jyo hobu Agripa jo, Owon obo atulo ol obusak nya Filice ibabus. \v 15 To ninya awanari ni Yerusalem, iramani ehumak eleittaha iko aati eleittaha hulo Yudea inyi jihoŋ ojori, ijara ani aŋot eram honyi. \v 16 Ajo nya ni jihosi jo, abeŋ ni aremik isyarana inyi jihatai nyo obeŋ efahi ono Roma ojo oŋida isyori obo atulo jyo aati horos honyi hobeŋi iwwahai eram honyi ihomomite hosi bwo inyi itarraŋ erositi hosi.

25/17.txt

@@ -0,0 +1 @@
+\v 17 To ninya ottubarik isi dini abeŋ nya ni elliŋya ati nya motye alo ni imaji lokiko bwo etiloŋu ni inyi. \v 18 Ninya owotyai arrosok honyi obeŋi isi arrasani inyi omuk erre hun orrohoji ihwa egigilo ni. \v 19 Ati aŋalafai isi ikonyi ta neruhita hosi bwo fe iko to obo atulo afure honyi Yesu linya oye’to, bwo ojo Paulo, isu inyi. \v 20 Ati abeŋ nya ni amijak aŋai aŋot adi ni neram ania, attati ni ifiyo Paulo kuyya awak inyi ijulum many jyo olokiko eneittok otto Yerusalem.

25/21.txt

@@ -0,0 +1 @@
+\v 21 Ati olwaha nya Paulo jihoŋ lirrirryari inyi libabus many eyari inyi eram honyi jyo hobu Cesare. Ania, efak ni lomuk loseŋer lirrirryari inyi many ifahinierek inyi jyo Cesare. \v 22 Ojo Agripa jyo Festo, Awak ni itaniŋuna nekyana ono atulo alya ta ahwan hoŋ. Ojo Festo, Itaniŋu adi yo motye.

25/23.txt

@@ -0,0 +1 @@
+\v 23 Ojo nya motye, ofwonni Agripa iko ŋorwoi honyi Bernika te etahabwo on obolo ette jiŋana ihaji ono lokiko iko oseŋer arryai ojo eleittaha hul omuk. Attati Festo ifahina heteyaŋuniehe Paulo. \v 24 Ojo Festo, Hobu Agripa, ikatai daŋ hul afanyi’to dini, imijyete atulo lya olo. Inyi alya inya iwuwoŋitarik laati Yudea jihoŋ dini bwo fe Yerusalem jo, ijara inyi hotoye.

25/25.txt

@@ -0,0 +1 @@
+\v 25 Ati abeŋ ni anyurak omuk erre jihonyi hun itasiruni’to aye tenyi. Bwo fe inyi ihwania ta ahwan honyi awak ijulum jyo Cesare bwo fe ajo ni efak inyi dia. \v 26 Ati abeŋ ni amijak anyo adi egyorok ni jyo hobu tenyi. Tania eyaŋuno ni inyi jihoi, hobu Agripa, oŋida iye bwo fe ikyem inyi linyuraniere neram honyi an aremehiniere ni igyoroniere jyo Cesare. \v 27 Nyo obeŋ oyyu ifahiniere ababus ihwo olo jyo hobu bwo ebeŋ egyorok nerre hun ojori ihan inyi.

26/01.txt

@@ -0,0 +1 @@
+\c 26 \v 1 Ojo Agripa jyo Paulo, Ikyanai huno hoi. Attati Paulo ikaf aani honyi jyo hobu ette jaran: \v 2 Esiru ani amjii bebe, hobu Agripa, nyo aremik ni ahana ikyana jihoi te errositi daŋ huno Yudea jihoŋ. \v 3 Nyo imijak iye emohiti iko emanyiti daŋ huno Yudea. Tania itaniŋye jihoŋ.

26/04.txt

@@ -0,0 +1 @@
+\v 4 Omijani Yudea emanyiti hoŋ daŋ ninya hara ni ahito limiji hohoi iko limiji Yerusalem. \v 5 Omijani isi bebe kuyya ikyanai isi nelahode, jo amanya nya ni te efahita hun ogoli huno Farisei.

26/06.txt

@@ -0,0 +1 @@
+\v 6 Bwo fe ihwania awotya ni ilokiko dini te eram ono ecorit inya ocorok Hollum jyo hohonyok hohoi. \v 7 Iyihini awoi hohoi ’tomon harrihai daŋ te ecorit ana, bwo fe omojotye isi ta afanni iko ta attari. Bwo fe te eram ana lerrosoni nya ani Yudea. \v 8 Nyo igigiloti tai jo ogol bebe jyo Hollum itubuhuniere atulo to ye?

26/09.txt

@@ -0,0 +1 @@
+\v 9 Egigilo nya ni jo oŋida ehanio ni erre arryai itihotyere afure Yesu olo Nasaret. \v 10 Etahawwayo nya ni isi to miji Yerusalem bwo fe etifitatta nya ni aati Hollum arryai ibabus te ekyana ono ehumak eleittaha. Iyarai nya isi littohori ette bwo fe ni aŋot isi jo hoyehi. \v 11 Etabahyo nya ni isi enyyahita arryai ihasik imojiti jo oŋida isi ihari Yesu bwo fe te ejorya on obolo ettigemyo ni isi many ifauhyen omuk daŋ.

26/12.txt

@@ -0,0 +1 @@
+\v 12 Tania adaha nya ni to obo oloŋ ikoi Damasko te ekyana ono ehumak eleittaha. \v 13 Attati ni igonyuna ta afanni afaŋan an afaŋ’to bebe agalik oloŋ. Itafaŋ nya inyi ani iko aati hunya edaha’to ikoŋ. \v 14 Ette hohoi daŋ kwaharu ifau ette ni itaniŋuna obo ekyana te ekyana Ebrei on ojo, Saulo, Saulo, nyo ittigemyo iye ani? Odyaha ataji hoi ania te ettigemita.

26/15.txt

@@ -0,0 +1 @@
+\v 15 Ati ajo ni, ngai iye Hobu? Bwo ojo Hobu jihoŋ, Ani Yesu al ittigemyo iye. \v 16 Otte ati te ejek hoi, nyo aleyo ni jihoi te eram abotye. Anyimu ni iye igyamari jihoŋ irari ahetamijanani te egonyuna hoi ani bwo fe iko to omuk erre hun etaleyehi adi ni ta ahwan hoŋ jihoi. \v 17 Etalahu adi ni iye to has wati bwo fe jyo paganohyen. Nyo efak ni iye jihosi, \v 18 litahutaniere nelahode jihosi liloicere atajya hosi te dumele lifaŋan bwo fe to dwaran Sitan jyo Hollum. Ette adi isi nyurana nabusana ono eyyata hosi iko amaji lihiji wati hul italibori ta neruk hosi jihoŋ.

26/19.txt

@@ -0,0 +1 @@
+\v 19 Tania hobu Agripa, abeŋ ni amesyo netamijani on ottu’to t’edou. \v 20 Ati eramak nya ni laati hutto Damasko ahosyere bwo lihalu hulo Yerusalem, bwo ati hutta fau Yudea daŋ iko paganohyen, jo oŋida isi iloiti atajya hosi jyo Hollum bwo fe hehaniehe ehanita hun osiruni’to jyo laati hul oniŋye’to. \v 21 Te eram ana inefuni Yudea ani to haji imojit eneittok ette jaran ettoho ani.

26/22.txt

@@ -0,0 +1 @@
+\v 22 Ati olwak Hollum ani jyo noloŋ nya many iko ahana. Tania etoŋo ni dini ihwania litamijananiere laati daŋ erre hunya ikiluni eyak sayyo iko Mose jo ofwonni adi isi. \v 23 Ojori nya isi jo, ittigemye adi laati Kristo bwo fe ara adi inyi letteri wati daŋ libuhuniere to ye ette adi inyi itahutana nafaŋan jyo laati hohoi iko jyo paganohyen.

26/24.txt

@@ -0,0 +1 @@
+\v 24 Ninya hekyana inyi ihwania attati Festo ikyana on okwat jihonyi ojo, Paulo, ahode isita iye. Isita iye ta amijana hoi erre arryai. \v 25 Ati ojo Paulo jihonyi, Festo, illaŋ, abeŋ ni esita, ati ekyana ni nelahode ahode. \v 26 Nyo omijak hobu nerre huna daŋ bwo fe aremik ni ikyana isi daŋ jihonyi nyo amijak ni jo obeŋi isi itidimye. Omijani laati daŋ isi.

26/27.txt

@@ -0,0 +1 @@
+\v 27 Hobu Agripa, ?ibeŋ iye iruk nekyanita huno leyak sayyo? Amijak ni luŋa jo iruk iye. \v 28 Ojo Agripa jyo Paulo, To oloŋ ono ahana igigilo iye jo ituruk iye ani a Kristyano? \v 29 Ojo Paulo, Ahode ihosyere Hollum awak ni iye iko laati hulo daŋ ifwanna ratan ihwa ani luŋa arari hama ta naririk huna.

26/30.txt

@@ -0,0 +1 @@
+\v 30 Attati hobu dyoto iko Festo iko Bernika bwo laati daŋ hinya itoŋoi’to ikosi. \v 31 Ofwoi isi daŋ aŋati, ette jaran, Obeŋ atulo olo ihanio omuk erre hun itasiruni’to naye kuyya dwo bu ababus. \v 32 Ati ojo Agripa jyo Festo, Aremik dwo ni houna inyi hara dwo obeŋ inyi ojo jo ejulum inyi many jyo Cesare.

27/01.txt

@@ -0,0 +1 @@
+\c 27 \v 1 Ninya lawon adaha Italya ta ababur eyarai nya Paulo iko lomuk ababus jyo eleittok olo oseŋer hulo Agusto, afure honyi Julio. \v 2 Ejiŋak hohoi jyo ababur ninya ottu’to to Adramito bwo ojo nya inyi alo jyo omuk amisihi hutta fau Asia ilotifor hari. Tania ebusak nya hohoi olotifor ette fwatan ta ababur iko lobo latulo olo Tesalonika ifau Masedonia, afure honyi Aristako.

27/03.txt

@@ -0,0 +1 @@
+\v 3 Nya motye efany hohoi Sidon. Ati omehino nya Julio jyo Paulo ette harana inyi hetelo jyo mottyarak honyi liŋiyere. \v 4 Ninya ebusak hohoi amaji ania edaha hohoi ta ababur iwoyo Ciporo nyo ohuco oyyami bebe. \v 5 Ette hohoi ’laŋan aari etteger Silisia iko Pamfilia ette fanyan jyo Mira ifau Licea. \v 6 Dia onyurak eleittok olo oseŋer ababur obo ono Alesandria on olo Italya ette itajiŋana hohoi dia.

27/07.txt

@@ -0,0 +1 @@
+\v 7 Edaha nya hohoi kai kai to omuk oŋitek ati efany hohoi Cindo ta nettigemyo on obolo. Ninya arasari oyyami hucere bebe ebeŋ hohoi eremik fanyan dia ati edaha hohoi iwoyo Kreto iger Solomone. \v 8 Ta nettigemyo ono oyyami edaha hohoi kai ette fanyan jyo amaji an ifurani amaji yiri ilyaha amiji ono Lasea.

27/09.txt

@@ -0,0 +1 @@
+\v 9 Nyo allaŋi oŋitek arryai bwo fe oyeyer nya adaha hosi, allaŋi bwo fe oŋitek huno aferuna. Ihwania ojo Paulo jihosi, \v 10 Hotto hulo, egigilo ni orroho adi jihohoi el efwo hohoi ihwania. Olitohi adi ababur iko erre daŋ huttotwa bwo fe ara heye hohoi. \v 11 Ati eleittok olo oseŋer obeŋ itaniŋu ekyanita huno Paulo ati oniŋyo inyi ekyanita huno monye babur.

27/12.txt

@@ -0,0 +1 @@
+\v 12 Iwwahai isi ette jaran, Oyyu adi lefwo hohoi kwak nyo orroho amaji ania itoŋori ta ameyu. Kuyya el efany adi hohoi Finis, amiji ono Kreto ottohide, oyyu adi itoŋori dia ta ameyu. \v 13 Ninya al ottu oyyami kai to wor ojori isi oyyu adi adaha ihwania ette isi busana amaji ania ette fwatan ilyahari olotifor ono Kreto.

27/14.txt

@@ -0,0 +1 @@
+\v 14 Ati ihalu kai odyoto oyyami on obolo’to bebe an ifurani Erekilo. \v 15 Attati inef ababur ette iloit inyi ette iyaro addi. \v 16 Iyaro oyyami hohoi kokwak ilyaha ilotifor ono obo aful an ifurani Kauda ette hohoi ifitana atogol ono ababur.

27/17.txt

@@ -0,0 +1 @@
+\v 17 Okemye isi ihuhumaniere atogol on ogol, ati ihalu al ohuco oyyami bebe bebe abaŋi isi jo ŋadi isi esyak amorwoi ette isi houna aboŋo ono ababur bwo oyyami ette hutaru isi hama. \v 18 Nya motye, nyo eyaro oyyami ababur bebe, ette isi itteryo ibiryo hirre hun iyatye isi ihari.

27/19.txt

@@ -0,0 +1 @@
+\v 19 Ihalu amotye nya inyyahi isi ibirotya asenuhi iko nerre hutto babur. \v 20 To oŋitek arryai obeŋ nya oloŋ afaŋ kuyya bu elelyefi nyo obolo asiŋit attati aati byaŋan inyyak igigilo ta nesu.

27/21.txt

@@ -0,0 +1 @@
+\v 21 To oŋitek arryai obeŋi isi oŋiye, attati Paulo dyoto ’tehiji hosi ette jaran, Hotto hulo, oyyu dwo kuyya itayiryete nya itai ani. Kuyya erasa nya hohoi Kreto ebeŋ dwo hohoi enyurak ettigemita ihwo huna. \v 22 Ati itagoloto atajya hatai nyo obeŋ adi obo alatai oye. Olito adi ababur hama.

27/23.txt

@@ -0,0 +1 @@
+\v 23 Nyo ta arwe ana owotya anjelo olo Hollum ihosyere hoŋ, inyi Hollum al ara’to a Hobu hoŋ el etahabuyo ni. \v 24 Ojo inyi, Paulo, hebaŋ, nyo iwotya adi iye ihosyere Cesare bwo fe italahu adi Hollum aati daŋ hul ledahati’to ikoye. \v 25 Ihwania itagoloto atajya hatai nyo eyihi ni jyo Hollum jo idwoŋ adi ihwa ikyana nya inyi jihoŋ. \v 26 Ati oŋida hohoi dwo ewotya jyo obo aful.

27/27.txt

@@ -0,0 +1 @@
+\v 27 Ihalu oŋitek ’tomon haŋwan iyaro oyyami hohoi ta arwe ihiji hari an ifuri Adria. Ihiji harwe igigiloi aati hul igyamai’to ababur jo elyaha hohoi jyo obo olotifor. \v 28 Tania okemye isi awudori hari ette nyurana inyi ayardahyen atomwana aŋwan. Ihalu kai inyyahi isi kemyo awudori ette nyurana ayardahyen atomwana hunihoi. \v 29 Abaŋi nya isi jo ŋadi isi esyak amorwoi ette isi itadohina abilat aŋwan hun iryatani ta aririk hun odiŋi ’tehalu babur hun inefi’to ababur ifau ette isi mojo jo ijara afaŋan hetettu.

27/30.txt

@@ -0,0 +1 @@
+\v 30 Bwo fe ojori omuk hulosi efuho to babur itwa togol on odiha. Itusuruni isi atogol ania itwa hari, ojori efwo adi isi inefuna omom ono ababur ta abilata iko ta aririk. \v 31 Ojo Paulo jyo eleittok olo oseŋer iko oseŋer, Al obeŋi aati hulo daŋ arasai itwa babur obeŋi adi itai italahuni. \v 32 Tania oŋoti oseŋer ofi huno atogol ette atogol leten addi itwa hari ahania.

27/33.txt

@@ -0,0 +1 @@
+\v 33 Ninya ilyaha afaŋan motye, ojo Paulo jihosi, Iŋiyete obo aŋiyo nyo ara ahana oŋitek ’tomon haŋwan an ibyaŋata tai iŋiyete ta abaŋi. \v 34 Ihwania iŋiyete aŋiyo itagolyere ahwattek hatai nyo obeŋ obo ofiti to hosi hatai olito. \v 35 Ojo inyi ana ette iduhuna emunio ette jaran humo jyo Hollum ihosyere hosi ette ibibeny ette ŋiyo.

27/36.txt

@@ -0,0 +1 @@
+\v 36 Attati isi daŋ itagol atajya hosi ette ŋiyo bwo fe. \v 37 Era nya hohoi daŋ awati esiha arrihai iko omuk atomwana hattarik heille itwa babur. \v 38 Ninya ifoŋi isi daŋ ibironi isi ema daŋ itwa hari jo oŋida ababur itawwaha.

27/39.txt

@@ -0,0 +1 @@
+\v 39 Ninya afaŋ amotye igonyuni isi olotifor ati obeŋi isi omijani ara inyi afau anani. Ati igonyuni isi obo egu iko asuluŋayo ette isi jaran eruharo ababur dia. \v 40 Teyya ohouni isi abilat iko aririk ’totwa hari ette kafana aboŋo ono oyyami ette ruharo ababur ilotifor. \v 41 Ati ninya ilyaha olotifor, isyak ababur asuluŋayo iko amaji on obeŋ owudo. Iryet awoyo otto homom babur isuluŋayo bwo ehalu babur ette wuro te epipoŋi hari iko oyyami.

27/42.txt

@@ -0,0 +1 @@
+\v 42 Ojori oseŋer ettoho ababus ŋadi omuk riŋyarai itwa hari many ilotifor ette fuho. \v 43 Ati itik eleittok isi nyo awak inyi italahuna Paulo. Iramak inyi hul omijani ariŋita ihari oŋida isi olluhini ihari iriŋyari ilotifor. \v 44 Bwo hul omuk inefuni abauhyen iko omuk asaŋ hun owurunie’to to babur ette fwatan ilotifor tesi. Ihwania efany hohoi daŋ ilotifor.

28/01.txt

@@ -0,0 +1 @@
+\c 28 \v 1 Eris hohoi daŋ ifau, enyurak hohoi afure ono aful ana inyi Melita. \v 2 Omehinie laati hulo Melita jihohoi bebe. Inahini isi neema jihohoi isujari nyo asayo ahide bwo fe ihacoro jihohoi bebe.

28/03.txt

@@ -0,0 +1 @@
+\v 3 Iduhu Paulo omuk eyek ette ihanana ihima ati ottu epakidaŋ totwa ette illullur aani Paulo. \v 4 Ninya igonyuni laati amunu ania illullur aani honyi, ette isi jaran ta ahwattek hosi, Ahode ara atulo olo ahattohoni. Dwadi iris inyi to hari oŋoti aye jihonyi.

28/05.txt

@@ -0,0 +1 @@
+\v 5 Attati Paulo illillihana amunu itwa hima bwo aani honyi obeŋ odyaha. \v 6 Itilai aati ette ikikorihina jihonyi nyo igigiloi isi oyejak adi naani honyi kuyya oye adi inyi kwak. Ati gaa igonyuni isi obeŋi omuk erre jihonyi, ette isi jaran ara inyi ajok.

28/07.txt

@@ -0,0 +1 @@
+\v 7 Owoni amatta hun ilyahai jyo amaji ania huno hobu olo aful ania afure honyi Pubilo. Iloŋu inyi hohoi ihaji honyi ette isyo hohoi aŋiyo ta oŋitek hunihoi. \v 8 Attati monye Pubilo ŋwai bebe iko ayoti bwo fe onok ahwan honyi bebe. Alo Paulo jihonyi ette mojo ette iyyabana ahas honyi jihonyi ette inyi ŋidari. \v 9 Ninya itaniŋuni laati ehani ana ette aŋwak daŋ hulo aful ania fwanna jyo Paulo ette inyi itaŋida isi daŋ. \v 10 Isyori isi esyorita arryai jihohoi bwo fe al efwo hohoi ta ababur obo ifihani isi erre daŋ hun ewak hohoi itwa babur.

28/11.txt

@@ -0,0 +1 @@
+\v 11 Ihalu omuk ayafajin hunihoi ebusak hohoi aful ania ta ababur obo an itoŋotyo dia ta ameyu. Inyi ababur ono Alesandro on owon iko arrijori ono aturot ihide honyi. \v 12 Ninya efany hohoi ifau Siraco ette hohoi rasa dia oŋitek hunihoi.

28/13.txt

@@ -0,0 +1 @@
+\v 13 Ihalu efany hohoi imiji Rejuma ette oyyami inyyak ’tuna to wor. Ihalu omuk oŋitek arrihai efany hohoi imiji Puteli. \v 14 Enyurak hohoi dia omuk illarak ette itoŋo ikosi oŋitek hattarik. Ihalu efany hohoi Roma. \v 15 Itaniŋuni illarak hya teyya jo efwonni hohoi ette isi fwanna irraŋuniere hohoi many amaji lokiko ono Apio bwo fe jyo akulubi hunihoi. Ninya igonyu Paulo isi ojo inyi humo jyo Hollum bwo itagol ataji honyi.

28/16.txt

@@ -0,0 +1 @@
+\v 16 Teyya efany hohoi Roma ette Paulo itoŋo iko oseŋeritanani abotye ihaji abotye. \v 17 Ihalu omuk oŋitek hunihoi iloŋo Paulo eleittaha hulo aati Yudea hul owoni dia ifwanniere jihonyi. Ette inyi jaran jihosi, Hotto hulo, abeŋ nya ni ehanio obo ariŋ on orroho jyo laati hohoi kuyya emohiti huno hohonyok hohoi ati ifitani nya isi ani ibabus Yerusalem ette isyo ani jyo aati Roma. \v 18 Iwwahai isi neram hoŋ bwo fe awahi isi hohina ani nyo obeŋi isi onyurani obo ariŋ on osiru’to ittohori ani.

28/19.txt

@@ -0,0 +1 @@
+\v 19 Ati ihari Yudea hohina ani attati ni jaran ejulum ni eram hoŋ jyo Cesare ati abeŋ ni arrasak laati Yudea obo ariŋ. \v 20 Ihwania eloŋo ni itai ikyanari jihatai nyo ifitani isi ani te eram lya al iyihini Israele.

28/21.txt

@@ -0,0 +1 @@
+\v 21 Ojori isi jihonyi, Ebeŋ hohoi efwotu obo awaraga to Yudea te eram hoi bwo illarak hohoi hul ofwonni dini obeŋi ikyanai omuk erre hun orrohoji teye. \v 22 Ati ewak hohoi etaniŋuna to hutuk hoi eram ana nyo etaniŋu hohoi jyo laati daŋ jo orrohoji laati hul iruhi’to ihwania.