auto save

01/01.txt

@@ -0,0 +1 @@
+\v 1 Nang, Paulo, ohogemani lo Kristo Yesu, legerio amanini na dozai oheruho howon da abore nahito no Roma. Onyimu Ojok nang diwonang ara lefahat, kari adohok nang da dezakuacherek nang arami hayu havuni zonyong. \v 2 Inyia berien kaang izai ivunu diza ahap, acha Ojok ijan izaliehi inyong arami hayu hune zo oihozi zohegerorik opropetat da amaninihio hadua. \v 3 Arami hayu hune ho Olonyi lonyong. Da ahuan no Olonyi letehu izai, oisuni inyong za amukok no Hobu Davide.

01/04.txt

@@ -0,0 +1 @@
+\v 4 Ara da ahuan nanyong nadua, anyahini inyia za akolon ijan inyong Olonyi lo Ojok. Izaliehi Ojok hune da nesarahinerek Ohoile Lodua lonyong inyong esu ikoti diholu ha aye nanyong. Inyong Yesu Kristo Lamolo lohozai. \v 5  Azuk inyong ezalihina dohozai aiji nabolo adohok ohozai iring helefahat. Ihandio hune di ruhorik ohozing ha elulungu halwa donyong karik dibangarik inyong. \v 6 Izai oheruhok hesuka di Roma iwon izai dihiji ho ohozing hazuk Ojok anyimuna diwonen ara ho Yesu Kristo.

01/07.txt

@@ -0,0 +1 @@
+\v 7 Nang legerio amanini na dozai bokolong hozo Roma ho omuno Ojok karik hazuk inyong anyimuna ara ohozing honyong. Amojo nang ijan Ojok Omonye lohozai karik Yesu Kristo Lamolo lohozai zorasai esarahina izai awonen he emora.

01/08.txt

@@ -0,0 +1 @@
+\v 8 Diterio ho nang amanini ne, esarak nang ahumo do hindang zoizai zoheruk bokolong hozo Roma. Acha za za asang zahazuk Yesu Krsito ehandio dohoza inyong nachihi nang ehandio ahani. Esarak nang ahumo donyong acha ohozing he emiri no Roma hochama bokolong eruhon nazai donyong. \v 9 Ojok, legema nang donyong zanayu de ezakuatcho do ohozing arami ho olonyi lonyong, otek ijan nang lachama hadiri dijaran honang ijan juui elecho nang izai ara nang lamojo. \v 10 Efiyo bebe Ojok ara owak inyong nang ditihio izai, diholu achihi nang ainduna dozai.

01/11.txt

@@ -0,0 +1 @@
+\v 11 Amojo nang ahani acha awak nang atihio izai dilwahierek diruhorik karik dibangarik izai Kristo ara nalwa. \v 12 Ajo nang ongida ohozai izakolio ahuandek za anyahina ahuandek angai eruk do Yesu.

01/13.txt

@@ -0,0 +1 @@
+\v 13 Izai heruk honang, operok aria awak nang ainduna ditihio izai. Awang ongida izai itek hune. Ti kaang achihi ainduna dozai acha afuk aning nabo juui dizawejo nang. Awak nang ainduna diruhorik ohozing holwa zehiji hozai Yesu, iring na amesok hamok ha awang ohozing owon ara ho Ojude. \v 14 Awang nang lunga ezakuacho arami hayu do ohozing bokolong ha awang owon ara Ojude, do ohozing hochama Ogrik karik do ohozing ha awang owon ara ikara isong, do ohozing helafioro karik do ha awang ilafioro. \v 15 Za ahani, aning na awak nang bebe inyong ezakuacho na arami hayu dozai hesuka di Roma dang.

01/16.txt

@@ -0,0 +1 @@
+\v 16 Ezakuacho nang kuong abangi arami hayu ha asing hayu hehandio Kristo, acha arami hayu hune inyong oihoi loko loluahunerek Ojok ohozing heruk da aning nazuk Kristo ehandio dosong. Dinyahina aboize, ezaluahu Ojok Ojude ahizemi heruk da arami hayu, zene alwahu ha awang owon ara Ojude. \v 17 Za arami zahayu zohune izaizak Ojok angai isarak inyong ohozing ara nayu honyong. Olo ne da arami hanyia igerio opropeta inyia berien diza amaninihio: "Ohozing hesarak Ojok ara hobis honyong isukai de acha iruk isong inyong."

01/18.txt

@@ -0,0 +1 @@
+\v 18 Ezaizak Ojok lozo hide ijan ingere inyong bebe ho ohozing ha awang obang inyong karik hehandio asing hamonyo. Onyahihi dosong ijan izagemio inyong isong de. Acha ihandio isong asing hamonyo, esarahini dang homok ohozing za awang otek hadiri ho Ojok. \v 19 Ohozing ha owon ara Ojude hotek angai ojak Ojok Ojok, acha azuk Ojok za ahuan ezaliehina  ahani dosong.

01/20.txt

@@ -0,0 +1 @@
+\v 20 Awang ohozing otehu za ahonde zahasong angai ojahiza Ojok. Ti za ayeyo za nanyong ahap, asing hayeyo inyong isarak ohozai atehan inyong--- za ezamijani, ehandazo inyong juui asing hakoli bebe. Ezamijani nabo otek ohozing bokolong ijan ikela inyong fodok fodok za asing hayeu inyong. Awang lobo lochihi ajaran hadiri, "Kaang ohoi iteharik Ojok." \v 21 Juk otek ha awang owon ara Ojude angai ojahiza Ojok, kaang isong izahuyo inyong iring Ojok, dia igigilo isong inyong za asing za hehandio inyong. Ti zanaboling, eterie egigilo asing hebuyang donyong, ara isong awang horasa atehan aning nawak inyong isong ditehan inyong.

01/22.txt

@@ -0,0 +1 @@
+\v 22 Juk isong ojo otek isong arami bebe, awon isong ara ha awang hebuyang, \v 23 ara isong zene awang iruhok ijan obolo Ojok bebe la awang oye. Zanaboling, ehuhumie karik ezahuye achohi hajahiza ohozing hoye ofaning lobo, zene ara isong ayeyo achohi hajahiza ahuen karik echangi hawon ha ahejek aranguan, diholu ayeye achohi harijoro ho omanyajin.

01/24.txt

@@ -0,0 +1 @@
+\v 24 Dini ara Ojok ahorik ohozing ha awang owon ara Ojude dihandio asing hamonyo heleru hamuno isong iring nabolo, asing hegigilo isong dihandio, acha owak isong ehandio isong bebe. Za ahani, eterie awang na abangi ahuandek hohozing homok za aferezerek za nasong ahuandek. \v 25 Dang anyimuni dizahabuyo ojohi ha awang ara hadiri ze eruhon aning nadiri no Ojok. Ezahuye asing hayeu Ojok neruk isong izahuyo Inyong, inyong loyeu asing bokolong, inyong lemamajo ohozai bokolong! Amen.

01/26.txt

@@ -0,0 +1 @@
+\v 26 Dini ahorik Ojok ohozing ha awang owon ara Ojude dihandio asing hariri heleru hawak isong ehandio bebe. Za ahani, ara angoruo halwa eterio aferezo ha angoruo hamok--- aning na awang olo ha aning nawak omanyit. \v 27  Ahani dang, ara obusuha holwa edehi esuka nesarak isong Ojok ha angoruo hasong, Za naboling, awahi aferezerek ahuandek hasong. Ara isong eyau aferezerek na ahuandek ho ohozing homok, aning neyanu ariri. Za ahani, azuk Ojok ezagemio isong za adizihien za ha amuhunyong, za arami zahehandio isong he eyau nyia.

01/28.txt

@@ -0,0 +1 @@
+\v 28 Difonihina halwa, acha azuk isong ajaran ijan awang oyu ditehan Ojok, ahorik igigiliza hosong ha awang oyu didefezo isong fodok fodok. Za ahani, eterie ehandio asing ha monyo ha kaang ohozing homok ihandierek.

01/29.txt

@@ -0,0 +1 @@
+\v 29 Omuno isong iring nako dihandio asing bokolong ha awang obis karik asing hamonyo dohomok karik eyarai asing ho hozing homok eriavuni homok zo oihozik zoholwa. Ohain ohozing holwa juui owahi atohio ohozing karik elafereji karik ezezenai ho ohozing kari ezatumie homok karik achamai homok iring za amanan. \v 30 Ochama holwa asing hamonyo do homok karik omongai homok. Ihandio homok za amanan do Ojok karik iring namonyo do homok karik idefeze homok zanamonyo bebe ibu isong izadara da ahuandek hasong dohomok eduhuni oihozik ongejuho hehandierek asing hamonyo. \v 31 Ihandio holwa zoihozik homok hebuyang ha awang isarak Ojok amuno karik awang ihandie aning najo isong dohomok ihandio isong karik juk ohozing hosong awang isong omuno  awang isong ihandio dosong za amiehunu.

01/32.txt

@@ -0,0 +1 @@
+\v 32 Juk isong otek ijan azuk Ojok anyahina ijan ohozing hehandio asing hajak ahani hotohori de, awang isong ihandio asing hamonyo ahani, ti iruhok isong homok hehandio isong.

01/title.txt

@@ -0,0 +1 @@
+Amoko 1

02/01.txt

@@ -0,0 +1 @@
+\v 1 Ichihik izai achama ijan izagemie de Ojok ohozing zehandio zanasong asing ha awang inyong owak. Ti ara izai hejo ahani, izai diri hechama ijan ongida Ojok izagemio izai acha isuka izai dang inyong amanya nyia. Ehandio izai aning najak ahani dang iring nehandio isong. \v 2 Itek ohoi iring nayu ijan ongocho de Ojok ohozing hehandio asing hamonyo hune.

02/03.txt

@@ -0,0 +1 @@
+\v 3 Dini izai hejo ongida Ojok izagemio homok ze ehandio asing hamonyo, juk izai dang za ahuandek zahazai, hegigilozi ijan eburaru izai zo Ojok ara leterio ezagemio no ohozing! \v 4 Ara izai awang hechama, "Ongongio Ojok karik isarak omiru do nang, dini awang nang eloizunu adi za eyaza hundang." Ongida izai itek ijan izilayo Ojok dee hozai diwaha ze eyaza hazai.

02/05.txt

@@ -0,0 +1 @@
+\v 5 Ti zanaboling, acha awang izai izaningio karik izai ida ezawejo neyauna, izagemio izai de Ojok iring nakalaru bebe. Ihandio de hua do omiru lonyahinerek inyong ijan ingere inyong angocho ohozing bokolong ara nayu. \v 6  Odumak de Ojok do ohozing bokolong aning nayu dosong karik iring nazuk isong ehandierek. \v 7 Gususu ohozing hehandio asing hayu, acha owak isong Ojok dizahuyo isong, ara isong awak esuka honyong iring amanya. Okuhak de Ojok isong zoihoi zoilia.

02/08.txt

@@ -0,0 +1 @@
+\v 8 Ti ihandio homok ohozing dimunorik ahuandek hasong edari eruhon do ijan arami hachama Ojok owoni ara hadiri, ara isong ehandio asing hajo Ojok ipali. Ingere de Ojok ezagemio isong ara nakalaru.\v 9  Isak de do ohozing bokolong horasa ehandio asing hamonyo ezagema nabolo bebe karik isara de ezagemiza halwa. Ofuk de hune diri do Ojude heda eruhon arami ho Ojok, acha esarak Ojok dosong aning nayu ijan isong ohozing honyong zanekela, ti ofuk de dang do ohozing howon ara ikara Ojude.

02/10.txt

@@ -0,0 +1 @@
+\v 10 Ti imamajo Ojok, izahuyo, karik isarak ohoile lemora do ohozing bokolong hehandio asing hayu juuui. \v 11 Ihandio de inyong diri do Ojude acha anyimu inyong isong ara ohozing honyong holibo, ti ihandio inyong de dang do ohozing ha awang owon ara Ojude. Ihandio de Ojok ne za nayu, acha awang inyong owak atehan angai obolo homok ohozing. \v 12 Juk ohozing ha awang owon iring Ojude owon ho omanyit lonyia isarak Ojok do Muse arasai eyauana ibu isong awang owon ho omnayit, izorohojo muai Ojok isong ara amanya. Ara inyong de ezagemio Ojude bokolong ha awang obang omanyit lonyong, acha ongochio inyong de isong da arami hajo omanyit.

02/13.txt

@@ -0,0 +1 @@
+\v 13 Obis do Ojok dizagemio isong acha ikara zo ohozing za ha awang otek omanyiza ho Ojok ihuhumahinerek inyong hobisi bebe. Ho obang omanyiza ho Ojok tititi, isong hama hehuhumak Ojok ara hobis bebe. \v 14 Ti do ha awang owoni ara Ojude, ha awang owon ho omanyit lo Ojok, aziforoi omanyiza hule acha obang isong za nawonderek isong, onyahini ijan owon isong ho omanyit zahuandek za hasong, juk awang isong owon ho omanyit lesarak Ojok do Muse.

02/15.txt

@@ -0,0 +1 @@
+\v 15 Onyahik isong ijan otek isong za ahosi za hasong ijan isingio Ojok zo omanyit zo lonyong, acha ohozing abok abok dizajia hosong ara isarak inyong zahuan esukaiza homonyo dia isiyo ahuan nanyong. \v 16 Izagemio isong de Ojok do omiru le ara inyong langoch ohozing za egigiliza za hasong karik ehandiza hosong hozolohop. Ongocho de ohozing za anyahina za nanyong Yesu dingochio isong. Aning ne na anyahik nang ohozing ara nang letitoyo arami hayu dosong.

02/17.txt

@@ -0,0 +1 @@
+\v 17 Zenene awon nang ha aning nabo dinyahina dozai bokolong Ojude hegerierek nang: Iruk izai ijan Oluahu izai de Ojok  za atehan za nazai omanyiza honyia isarak inyong do Muse. Ezadara izai ijan ewon izai ara ho Ojok. \v 18 Itek izai aning namuno Ojok bebe. Acha azuhi etienio izai omanyiza ho Ojok, echihi izai ditehan  asing hani hayu karik dinyimuna dihandio isong. \v 19 Itek izai iring nayu ijan echihi izai anyahina hadiri ho Ojok do ohozing ha awang owoni ara Ojude, karik izai ichihi anyahina ohozing ha awang otek Ojok. \v 20 Itek izai ijan ichihi izai anyahina ohozing heruk ze ebuyang asing ho Ojok karik ohozing hesuka iring akalifinok acha awang isong otek aning naboling nanyong fodok adi. Itek izai ijan hune bokolong acha iwon izai ho omanyit letienio izai hadiri ho Ojok.

02/21.txt

@@ -0,0 +1 @@
+\v 21 Da ajara nazai ijan iwon izai ha asing hayu hune acha iye lo Ojude, omonyo bebe ijan itienio iye homok ti ibu iye awang ibang omanyiza iye zahuan! Iye letitoyo ijan ongida ohozing awang ohoholio asing, omonyo bebe dohoi dihoholio asing! \v 22 Iye lenyahi ijan ongida ohozing awang oferi holobo la ara ikara ohomuzani lonyong, omonyo bebe iye leyau eyau naferorik ha azulo na kaang iye imuzayo za ahuan! Iye lenyahik homok da awanga na amojo do ojohi hehuhumio ohozing, omonyo bebe hoi da awangan nedehina asing hune.

02/23.txt

@@ -0,0 +1 @@
+\v 23 Iye lezadara iye ijo, "Awon nang ho Omanyiza ho Ojok," omonyo bebe da awangan nahoi abangan isong omanyiza hule! Za ahani, iye lemorio Ojok! \v 24 Ongida iye awang ijahiza ohonyihio hozoi honyia igerohinerek arami huna diza amaninihio: "Ho owon ara ikara Ojude ochamai asing hamonyo do Ojok acha zehandiza zohosong hohomonyo izai Ojude."

02/25.txt

@@ -0,0 +1 @@
+\v 25 Lobo lozai lazuhi abongio dinyahina ijan awon inyong ara lo Ojok ochihi arumahina nayu ara obang inyong omanyit lesarak inyong do Muse. Ti ara iye, ozulo lazuhi abongio, awang obang omanyit, awang de Ojok ojo iyu iye dihizemi honyong zo ozulo la kaang obongo. \v 26 Onyahi ne ijan iyaru de Ojok juk ha awang owon ara Ojude ha kaang obongo ara ohozing honyong ara obang isong asing hanyahi inyong diza omanyiza. \v 27 Ohozing ha kaang obongo hulia ti ibu isong orasa abangi omanyiza ho Ojok, ojori muai obis Ojok dizagemio honyong iye, acha ebongo iye ti ibu iye irasa ezorohojo no omanyit.

02/28.txt

@@ -0,0 +1 @@
+\v 28 Ikara ohozing hehuhuma do Ojok isong Ojude hodiri, karik ikara abongio na ahuandek hasong isarak Ojok eruhon isong. \v 29 Zanekela, ohozai hazuk Ojok ezakalunyo zolozua hulo isong Ojude hodiri. Azuk Ojok eruhon ohozai karik Ohoile lo Ohoj ezakalunyo ahuandek hahozai, ikara acha ohozai hezahuhumio ahuandek iring nanyahi omanyit. juk awang homok ohozing izahuyo ohozai.

02/title.txt

@@ -0,0 +1 @@
+Amukok 2

03/01.txt

@@ -0,0 +1 @@
+\v 1 Ara awang abongo isak Ojok eruho Ojude awang aning nayu diwonan ara Ojude zo ha awang ara Ojude. Awang abongio eyanu aning nayu dohozai ho Ojude fodok fodok!\v 2  Awonen ara Ojude owon ha asing hayu halwa. Aboize no bokolong acha inyia lo ohohonyok hosong ochama Ojok arami hanyong, arami hanyahi ohozai inyong ngai.

03/03.txt

@@ -0,0 +1 @@
+\v 3 Awang awangan no Ojude azifozo Ojok  onyahi ijan awang de Ojok izalihio iring nanyia ochamarik inyong ihandio inyong? \v 4 Nang Awang, hadiri awang ojo ahani! Ihandio Ojok juui aning nazuk inyong achama, juk awang ohozing ihandio. Ohozing bokolong hesarak Ojok awangan nazifozo arami hachama inyong do ohozai Ojude ipali bebe. Igerio Hobu Davide arami hune: "Dini ongida ohozing bokolong otek ijan aning nezuk izai achama da hadiri, ijan inwinyo izai muai arami ara lobo lesarak izai dihandio aning nepal."

03/05.txt

@@ -0,0 +1 @@
+\v 5 Dini ara awang Ojok izalihio za amonyori za nahozai, ichihi ohozai ajaran ihandio ohozai iring namonyo? Ijan ipal inyong dizagemio ohozai ze engere? (Nang lachama iring nachamarik ozulo.) \v 6 Ongida ohozai awang ijo kuak ijan Ojok zawang ongoche, acha ara awang inyong ongocho, awang de oyu donyong dingocherek ahap!

03/07.txt

@@ -0,0 +1 @@
+\v 7 Ti ochihi lobo ezarangio, "Awonen no Ojok ara lozifozo arami hanyong oleyo zeleerr acha zezamijani, anyahi nang aduala ara ohozing ezahuyo Ojok acha owon inyong ha amiehunu! Dini awang Ojok ojo ikoti ongida nang izagemie zeyauna zohindang, acha ohozing hezahuyo inyong zoinyong. \v 8 Ara aning nechama iye, Paulo, owon ara nadiri, zene ongida ohozai dang ihandio asing hamonyo dirumahinerek ohozai asing hayu iring hamok hune!" Ochama ohozing homok sing hamonyo do nang acha ojo isong achama ahani. Izagemio de Ojok ohozing hochama asing hajak ahani do nang, ara isong de efozu ezagemiza zonyong!

03/09.txt

@@ -0,0 +1 @@
+\v 9 Ichihik ohozai ajaran ihandio de Ojok ohozai ara nayu awang ihandio do howon ara ikara Ojude ara na awang oyu? Awang ohozai ichihi achama ahani! Ojude karik ha ara ikara Ojude azuhi eyauna di izagemio de Ojok isong dang. \v 10 Arami huna hanyia egero di maninihio hesiyo arami hune, Awang ozulo lobis. Juk ozulo lobis aboize awang!

03/11.txt

@@ -0,0 +1 @@
+\v 11 Awang lobo ozulo lotek angai isukai iring nayu. Awang lobo ozulo lowak izifeyo atehan no Ojok! \v 12 Fodok fodok azuk ohozing bokolong eloizunu adi zo Ojok. Iyaru Ojok isong ara ha awang oyu. Awang lobo ozulo lehandio iring nabis; awang, juk aboize awang.

03/13.txt

@@ -0,0 +1 @@
+\v 13 Ipal aning nachama ohozing ne, iring anguajan naindu za ahilame napuche. Izatumie ohozing za aning za nachamarik ohozing. Za aning za nachama isong iriafuni ohozing, iring neriafunerek ahieri namunu ohozing. \v 14 Orasa isong elama no ohozing homok karik ochamai asing hamonyo.

03/15.txt

@@ -0,0 +1 @@
+Ovuoi kuak ditohio ohozing. Da amesok bokolong havuarik isong ezorohojie asing bokolong karik esarahini ohozing amiehunu. Awang otehi angai isukai ho ohozing homok ze emora. Edari ezahuyo no Ojok fodok fodok!

03/19.txt

@@ -0,0 +1 @@
+\v 19 Itek ohoi ijan aning nesingak omanyit ti do ohozing howahi dibangan. Ojone ijan Ojude kuya ha awang owon ara Ojude dia ikara Ojude awang ochihini dichama aning naboling nekela ara Ojok lawak ezarangit heyaunerek. \v 20 Ikara ijan acha azuk ohozing ehandio asing hawak omanyit lo Ojok ijan efufusu de Ojok egeriza heyaza hasong acha kaang lobo ihandio asing hua fodok fodok. Zahadiri, za atehan za nahozai omanyiza ho Ojok onyahi ijan ezuk ohozai eyauna.

03/21.txt

@@ -0,0 +1 @@
+\v 21 Ara Ojok lajo ibis ohozai honyong ikara za abangan za nahozai omanyit lesarak inyong do Muse. Egerie inyia do omanyiza karik opropetat ijan omiehi Ojok eyaza hahozai zo oihoi zolekela. \v 22 Efufusio Ojok amanini negerohinerek eyaza hahozai acha eruk ohozai da aning nehandio Yesu Kristo dohozai. Ihandio Ojok hune do ohozing bokolong heruk do Kristo, acha iyaru inyong ijan awang aning nekelio Ojude karik ha awang owon ara Ojude.

03/23.txt

@@ -0,0 +1 @@
+\v 23 Azuk ohozing bokolong ehandio aning namonyo, azuk ohozing bokolong abuaharu dirumahina  aning nayu nazuk Ojok esarahina dosong. \v 24  Ifufusie amanini neyaza hahozai za aiji za nanyong dimiehinerek eyaza hahozai, kuong ohozai ehandio aning nabo nayu. Azuk Yesu Kristo azuhohina hune zezaluahuna za nanyong ohozai.

03/25.txt

@@ -0,0 +1 @@
+\v 25 Onyahi Ojok ijan iloicho Kristo engere nanyong zezangeruna ahozo nanyong do omiru loyerik inyong, ongida ohozai iruk aning nehandio inyong dohozai. Esoriza no Kristo onyahi ijan ehandio Ojok za nayu. Awang kodien lobo legigilo ijan ehandio inyong iring nayu, azuk inyong akuoro eyaza hanyia iyau ohizing berien huna, acha inyong ozulo lelik ozaji. \v 26 Odohok Ojok Kristo diye za ahuandek za hahozai. Zehandio ahani, azuk inyong anyahina ijan inyong lehandio za nayu, karik anyahi ijan ochihi inyong efufusio zanayu amanini neyaza ho ohozing bokolong heruk do Yesu.

03/27.txt

@@ -0,0 +1 @@
+\v 27 Ikara ijaran acha ibang izai omanyiza ho Muse inyong nefufusierek Ojok amanini neyaza hahozai. Dini awang aning nabo nezadararik ohozai ijan iruhon no Ojok ohozai za abangan za nahozai omanyiza hule. Zanaboling, owon ahani za eruhon za nahozai Kristo inyong nefufusunerek Ojok amanini na eyaza hahozai. \v 28 Dini aleyo zeleer ijan isarak Ojok lobo ozulo ara lobis honyong ara iruk ozulo le do Kristo--- ikara ara obang ozulo le omanyit.

03/29.txt

@@ -0,0 +1 @@
+\v 29 Izai hewon ara Ojude ongida izai diri igigilo ijan izai hama heruhok de Ojok! Ongida izai itehu ijan iruk inyong de ohozing ha awang owon ara Ojude, \v 30 acha iring neruhorik izai bebe ne, Ojok lodia aboize. Inyong Ojok aboize lia inyong oyeu Ojude--- hazuhi abongio--- honyong dia acha iruhi do Kristo, karik Ojok dang  oyeu ha awang owon ara Ojude--- ha kaang obongie---dia honyong za ahuan, acha iruk isong dang do Kristo.

03/31.txt

@@ -0,0 +1 @@
+\v 31 Ara ijo izai ijan isarak ohozai Ojok abisan za ahuan za nanyong acha eruk ohozai do Kristo, onyahi ijan awang omanyit igema? Zahadiri awang. Zanaboling, orasa omanyit diri awonen nadiri.

03/title.txt

@@ -0,0 +1 @@
+Amukok 3

04/01.txt

@@ -0,0 +1 @@
+\v 1 Abramu inyong inyong ohohonyi lohozai ho Ojude loyu bebe. Dini igigilozi ainyong ichihik ohozai eienuna za asing hafuk da Abramu. \v 2 Ara ze ehandio zo na Abramu asing hayu inyong nesarahinerek Ojok inyong ara lobis honyong holefeng, izadarazik zohune do ohozing, ( ti, juk za ahani, awang inyong ochihi dizadara do Ojok zoinyong). \v 3 Iyiu igero diza amaninihio ijan eruk Abramu da aning najo Ojok ihandio inyong donyong, za ahanyia, inyong neyaru Ojok ijan Abramu obis honyong olefeng.

04/04.txt

@@ -0,0 +1 @@
+\v 4 Zene ara ifozu ohoza aduma da egema nehandio ohozai, adumiza hua awang owoni ara esoriza. Zanaboling, iyarai isong ara asing herumak ohozai. Ahani dang, ara ihandio ohozai aning nabo disarahina Ojok zoio ho ohozai, zene awang inyong de owon ara esorit. \v 5 Ti da hawon, izabisak de Ojok honyong holefeng ohozing honyia awang izahabuyo inyong berien. Zanaboling, eruk isong inyong dene, ara Ojok eyaru isong ara hobis honyong holefeng.

04/06.txt

@@ -0,0 +1 @@
+\v 6 Iring ne, Ojahiza iring nayia igerohinerek Davide da amanini no oyendok ho ozulo leyaru Ojok ara lobis honyong holefeng kuong egema zoinyong: \v 7 "Angai de oyu inyong do ohozing hazuk Ojok amiehina eyaza hasong, ha awang inyong omijo de eyaza hasong ikoti. \v 8 Angai oyu de do ohozing ha awang inyong okanio amanini neyaza hasong.

04/09.txt

@@ -0,0 +1 @@
+\v 9 Za ayiji ahani ikara aning ne nawon de ara no Ojude hamaring. Awang, aning ne afuk da ha awang owon ara Ojude dang. Itek ohoi hune, acha igero diza amaninihio ijan iruk Abramu do Ojok, dini ara Ojok eyaru inyong ara lobis honyong holefeng. \v 10 Igigilozi omiru lehandierek Ojok hune da Abramu. Ihandio hune kaang obongie Abramu, ikara diholu.

04/11.txt

@@ -0,0 +1 @@
+\v 11 Emimingak Ojok ijan ongida obongie Abram diholu ho oingazi holwa diput heruhuna no Ojok inyong. Abongio inyong nanyahi ijan azuk Abramu abisan ho Ojok. Dini ichihik ohozai etienuna ijan iyaru Ojok Abramu dowon ara ohohonyi lo ohozing bokolong heruk donyong, juk ohozing hakabong obongoi. \v 12 Zo oihoi zoilia, iyaru Ojok ohozing hulia ara hobis honyong holefeng. Iring ne, iyaru Ojok Abramu iring ohohonyi lohozai bokolong howon ara Ojude hadiri, isong, Ojude bokolong ha awang owon ha ezamijani nabongio dihuandek hosong, ti---zanakalaru bebe---hesuka iring ohohonyi lohozai Abramu kaang inyo obongie, ibu inyong iruk do Ojok.

04/13.txt

@@ -0,0 +1 @@
+\v 13 Anyahi Ojok da Abramu ho onyakuarit honyong ijan owong de ahap iring nasong. Ti dichama honyong ahani, ikara acha obang inyia Abramu omanyit. Zanaboling, acha iruk Abramu ijan ihandio de Ojok aning nazuk inyong achama. Dini Ojok esarak Abramu iring lobis honyong holefeng. \v 14 Ara owon ahap ara no ohozing za abangan za nasong omanyit lo Ojok, zene awang oyu diruhon do Ojok da aning nabo, ara ochamiza honyong awang owoni ara aning nabo. \v 15 Iyiuna isong haguang hune, ojo Ojok dimanyit honyong ijan izagemio inyong ohozing ha awang obang ara nayu inyong. Dang iyiuna, ja ngai, ijan do ohozing ha awang owon ho omanyit, oko bebe da awangan nabangi inyong.

04/16.txt

@@ -0,0 +1 @@
+\v 16 Dini acha iruk ohozai do Ojok inyong nefozu asing hanyia azuk inyong achama disarahina dohozai ara esoriza, acha oyu inyong. Isarak inyong asing hune do ohozing bokolong heyaru inyong ijan onyakuarit ho Abramu---ohozai Ojude heruk, ho owon ho omanyit lo Ojok karik eruhi donyong, karik howon ara ikara Ojude ha awang owon ho omanyit lo Ojok ti heruk donyong iring nehandierek Abramu. Acha iyaru Ojok Abramu iring ohohonyi lodiri lohozai bokolong oheruhok. \v 17  Aning na najo Abramu da Abramu diza amaninihio: "Esarak nang iye de ara ohohonyi la elulungi ha amukoko bokolong." Efozu Abramu hune zo Ojok lezadozu ohozing disujon kari ayeu asing kuong aning nabo.

04/18.txt

@@ -0,0 +1 @@
+\v 18 Iruk bebe da arami hachama Ojok hune, juk awang arami hako donyong dirumahinerek anyakuarit acha abolo isong ha afure nanyong dirumahina akalifinok. Anyahi Ojok da Abramu ijan owon inyong de ara ohohonyi la amukoko  ha elulungi halwa za ajaran, "Olwari de anyakuarit hahoi iring ohiliefi hozohide." \v 19  Awang inyong ida ijan ihandio de Ojok aning nazuk inyong achama, juk otek inyong awang ahuan nanyong ochihi edefezo akalifonit (inyong, diholu bokolong, oingazi esiha aboize ha abolori), karik otek inyong ijan kaang Sarah owonderek ha akalifinok, hahari zene, acha abolo inyong bebe.

04/20.txt

@@ -0,0 +1 @@
+\v 20 Awang ojo awang hune ofuk fodok ijan awang Ojok ihandio aning najo inyong ihandio inyong. Zanaboling, eruk do Ojok ara nako bebe, karik esarak ahumo do Ojok da aning nalo inyong ihnadio.\v 21  Iruk inyong dang ijan ochihi Ojok ehandio aning nawak inyong de ehandio. \v 22 Karik inyong neyaru Ojok Abramu  ara ozulo lobis honyong holefeng.

04/23.txt

@@ -0,0 +1 @@
+\v 23 Arami hozo maninihio, "Iyaru Ojok inyong ara lobis honyong holefeng acha iruk isong donyong, "ikara ha Abramu hama. \v 24 Egerohini dang dohozai, heyaru de Ojok hobis honyong holefeng acha iruk ohozai donyong, lesara Lamolo lohozai Yesu disujon ikoti diholu ha aye nayong. \v 25 Iruhok Ojok ohozing ditohoro Yesu acha za asing za hahozai homonyo. Ara Ojok esarak Yesu disuka ikoti acha owak Ojok isahina ohozai disuka honyong.

04/title.txt

@@ -0,0 +1 @@
+Amukok 4

05/01.txt

@@ -0,0 +1 @@
+\v 1 Azuk Ojok esarahina ohozai honyong holefeng acha eruk ohozai do Lamolo lohozai Yesu Kristo. Dini ewon ohozai dene he emora ho Ojok. \v 2 Acha za aning zanazuk Kristo ehandio dohozai, ojahiza azuk Ojok angahina oihiet dohozai divuarik da amaji naijorik inyong  do ohozai. Dini emuno bebe acha itek ohozai ijan hezilayo ijan ongara de Ojok hohozai abolori nanyong.

05/03.txt

@@ -0,0 +1 @@
+\v 3 Ara ohozai hezegemie acha emorihunu ohozai do Kristo, ohozai dang imuno acha itek ohozai ijan ara ohozai hezagemie, ohozai hezatiena dingongio asing deee. \v 4 Karik itek ohozai ijan ara ohozai hengongio ezagemiza deee, eruk Ojok ohozai. Ara ohozai hetek ijan eruk Ojok ohozai, etek ohozai kuong egigilo hekela ijan ihandio de inyong asing habolo dohozai. \v 5 Karik itek ohozai kuong egigilo hekela ijan  ifozu ohozai de asing hezabuho ohozai hezilayo hune, acha omuno ohoai Ojok iring nakalaru. Ohoile Lodua lonyong, lesarak inyong dohozai, isarak ohozai atehan angai omuno ohozai Ojok.

05/06.txt

@@ -0,0 +1 @@
+\v 6 Ara ohozai hawang ichihi ezaluahuna ahuandek hahozai, Kristo inyia, do omiru lonyimu Ojok, oyee zohozai, juk awang ohozai izahabuyo Ojok fodok fodok. \v 7 Oko do ozulo lobo diye za ahuan zo no ozulo lobo, juk ozulo le obis bebe, juk zo ozulo zoloyu kuya owon de ozulo lengere diyerik.

05/08.txt

@@ -0,0 +1 @@
+\v 8 Ti, zo no Ojok, oihoi lonyahi inyong ohozai ijan omuno inyong ohozai inyong nayerik Kristo zohozai herasa ohozai awangan nezaningio Ojok. \v 9 Dini oleyo zeleer ijan izaluahu de Kristo ohozai ze engere no Ojok de eyauna nahozai acha ibis ohozai acha oye Kristo za ahuandek zahahozai ezawou ahozo nanyong za eyaza za hahozia.

05/10.txt

@@ -0,0 +1 @@
+\v 10 Juk ohozai inyia iwon ara omerok honyong esarak Ojok ohozai ara omorot honyong acha ayee Olonyi lonyong zohozai. Za esu zo no Kristo ikoti, oleyo zeleer ijan izaluahu de Kristo ohozai. \v 11 Karik ikara hune ti! Zene imuno ohozai dang acha azuhi esarahina ohozai ara omorot ho Ojok, za aning za nazuk Yesu Kristo ehandio do ohozai.

05/12.txt

@@ -0,0 +1 @@
+\v 12 Azuk ohozing eyauna bokolong acha azuk Adam, ozulo ohezemoni loyeu Ojok eyauna inyia berien. Zeyauna za nanyong, inyong aye diholu. Dini ohozing hesuka zo omiru le awoni ara oheyak, ara isong bokolong ayezi. \v 13 Iyau ohozing diza ahap kaang Ojok isarak omanyit lonyong do Muse ti awang inyia oihoi lobo lotehunere eyauna do omanyit.

05/14.txt

@@ -0,0 +1 @@
+\v 14 Ti itek ohozai ijan zo omiru lonyia isukarik Adam many do omiru lesukarik Muse, eyau inyia ohozing bokolong, ara isong ayezi za arami zohune. Ayezi ohozing bokolong, juk ohozing hakaang ourio esingiza zo Ojok iring nehandierek Adam. Eyau na Adam aindu do ohozing bokolong, iring nehandierek Kristo, lonyia oindu aholu lo, oindu dang iring no ohozing bokolong. \v 15 Ti esorit nesarak Ojok ikara iring eyau na Adam. Acha eyau Adam, ara ohozing bokolong aye. Ti acha za ahuan zo no ozulo aboize, Yesu Kristo, aye zo ohozai bokolong, Isarak ohozai Ojok esorit na esuka ara amanaya, juk awang ohozai ichihi difozuna inyong.

05/16.txt

@@ -0,0 +1 @@
+\v 16 Karik owon oihoi lobo lekelarik esorit no Ojok za eyau na Adam. Acha ze eyauna za na Adam, ohozing bokolong hozoput honyong eyauni, dini ara Ojok anyahi ijan ongida izagemie ohozing bokolong. Ti iring esorit na nelihan no ozaji, ara Ojok esarak ohozai disuka honyong holefeng. \v 17 Oye ohozing bokolong za aning zenehandio ozulo aboize, Adam. Ti zene hohozai holwa  arumahini ijan azuk Ojok esarahina za aiji do hozai esorit nabolo bebe---awang ohozai ichihi difozuna: azuk esarahina ohozai honyong holefeng. Aleyo dang ijan idefezo ohozai de ho Kristo dihide. Ofuk de hune za aning zenehandio ozulo aboize, Yesu Kristo, dohozai.

05/18.txt

@@ -0,0 +1 @@
+\v 18 Dini, za awangan zo no ozulo aboize, Adam, ezaningio omanyit lo Ojok, ongida ohozing bokolong izagemie. Ahani dang, zo ozulo aboize, Yesu, dihandio honyong iring nabis za abangi za nayong Ojok hesuka inyong karik aye, dosong disuka ara amanya. \v 19 Za ahuan zo no ozulo aboize inyia, Adam, awangan nanyong abangan Ojok inyong neyaunerek ohozing holwa. Za ahani dang, za ahuan zo no ozulo aboize, Yesu, dibangi honyong Ojok diye honyong isarahinerek inyong ohozing holwa ara nabis honyong holefeng.

05/20.txt

@@ -0,0 +1 @@
+\v 20 Isarak Ojok omanyit lonyong do Muse do otehunerek ohozing kodien buaya azuk isong eyauna; ti dirasa ho ohozing eyauna ara nalwa, orasa Ojok ehandio iring nayu ara nakalio dosong na awang isong ochihik efozuna. \v 21 Ihandio ahani da, awang izarijie do ohozing hoye acha eyau isong, esorit nayiji nayong isarak isong de ara nabis honyong holefeng. Zia ara isong achihi esuka ara amanya acha za aning zenehandio Yesu Kristo Lamolo lohozai dosong.

05/title.txt

@@ -0,0 +1 @@
+Amukok 5

06/01.txt

@@ -0,0 +1 @@
+\v 1 Kuya ezarangio de lobo da arami hazuk nang egerio ijan acha azuk Ojok ehandio iring nayu dohozai, kuya ongida ohozai irasa eyauna dizabolorio ayuji nanyong. \v 2 Awang , awang ove! Ijahiza ohozai ohozing hzuk ayeza, ha awang ochihi dihandio aning nabo namonyo. Dini ongida ohozai awang irasa ehandio eyauna. \v 3 Nanyia ebaptisierek ohozia aboize ho Yesu Kristo na, ingengelio Ojok ohozai ara hoye ho Kristo di kruce honyong. Awang izai itek hune?

06/04.txt

@@ -0,0 +1 @@
+\v 4 Dini, nanyia ibatisierek ohozai na, ingengelio Ojok ohozai aboize ho Kristo diza ahilame nanyong. Ojok Lamonyo za akolong zananyong ezadozu Kristo zo ohoyak; iring nabo nen, isarak de ohozai disuka esukit la esuka oihoi ongejuk. \v 5 Iring nengengelierek Ojok ohozai aboize ho Kristo diye honyong, isarak inyong de ohozai dibuhuna honyong zo hoyak.

06/06.txt

@@ -0,0 +1 @@
+\v 6 Ingengelio Ojok ohozai oheyak iring hazuk aye ho Kristo, disahinerek echuhit da ahuendek hahozai heyau hune. Za ahani, awang ohozai inyak eyauna. \v 7 Acha ozulo lazuk aye awak inyak iyauna.

06/08.txt

@@ -0,0 +1 @@
+\v 8 Da engengelio no Ojok ohozai ara hazuk aye aboize ho Kristo diye do omiru loyerik inyong, iruk ohozai ijan isuka ohozai de honyong. \v 9 Itek ohozai ijan da esarahina no Ojok Kristo disu diholu ha aye nanyong, awang Kristo oye ikoti. Awang aning nabo nesarak inyong aye ikoti.

06/10.txt

@@ -0,0 +1 @@
+\v 10 Da aye nanyong, alo adi kuong ekoho za ahap nahozai neyaza, awang inyong inyak iye ikoti, ti acha isu inyong ikoti, isu digemarik do Ojok. \v 11 Zo oihoi zoilia, ongida izai ingengelio ahuandek hazai ring nengengelierek Ojok izai: izai ohozing ohoyak, ha awang ochihi eyauna ikoti, ti izai dang ohozing hesuka, hesuka digema do Ojok karik emorihune ho Yesu Kristo.

06/12.txt

@@ -0,0 +1 @@
+\v 12 Dini ara iszai hewak eyauna, hehorihina ahuandek hazai dihandio aning newak izai. Iyiuna ijan oyeza ahuandek hazai ofaning lobo.\v 13  Hehandiezek za ahuandek zahazai aning nabo namonyo. Zanaboling, esarahina ahuandek hazai do Ojok irin ohozing hesu diholu ha ha awonen ara hazuk aye. Ahuandek hazai bokolong zehandie asing ho Ojok. Ohorihina inyong zesarak izai dihandio asing habis. \v 14 Ara izai hemuno eyauna, hehandieze! Omanyiza honyia isarak Ojok do Muse hulo awang isarahini izai awangan neyauna. Ti edefu izai Ojok karik za ayiji oluahu izai da awangan neyauna.

06/15.txt

@@ -0,0 +1 @@
+\v 15 Igigilo do ohozai zone ijan  acha awang omanyiza honyia isara Ojok do Muse hulo izaweo ohozai zeyauna karik Ojok ehandio dohozai za nayu, onyahi ijan ohorik Ojok ohozai arasa neyauna. Awang fodok fodok ahani! \v 16 Ara eruk iye abangan lobo, ara iye iwon ara ongacha lonyong. Ara ibang iye ibu iye iwak eyauna, zene iye iwon ara ongacha le eyau ara iye de iye za ahani. Ti ara ibang iye Ojok, zene ara iye iwon ara ongacha lonyong, karik za ahani, iye ihnadio aning nabis nawak Ojok iye dihandio.

06/17.txt

@@ -0,0 +1 @@
+\v 17 Inyia berien iyau izai zo oihozik zohewak izai eyaunerek--- izai inyia ara ongachani ha eyau. Zia ara izai iterio abangi zozozajia aning netienio Kristo izai. Esak nang ahumo do Ojok zoinyia. \v 18 Dini zene awang izai inyak eyauna ikoti; awang eyau owon ara lohito lozai. Zanaboling, izai ongachani ho Ojok, lobis bebe lo.

06/19.txt

@@ -0,0 +1 @@
+\v 19 Nang legerio dozai zo ohuzuk zolotek ohozing bokolong. Inyia berien iwon izai ara ongachani da asing hewak izai dini ara izai ihandio asing bokolong ha asing hebot karik hamonyo. Ti zene ongida izai ihandio ara nayu iring nehandierek Ojok, disarak inyong izai orobokang ara ohozing honyong. \v 20 Oso ara hadiri ijan inyia berien, isyka izai iring ohozing ha awang owon ha akolon no Ojok karik abisan (acha ihandio izai asing hanyahi ahosi hazai hamonyo dihandio.) Kaang izai ihandio asing habisi. \v 21 Ti ainyong aiji nesuka kuong Ojok nyia dozai? Ehandio na asing ha awang ahosi hazai oju dihandio asing heyaru izai adi zo Ojok ara narasa.

06/22.txt

@@ -0,0 +1 @@
+\v 22 Ti zene ongida izai awng iyau ikoti. Awang izai iwon ara ongachani ahanyia. Zanaboling, ezuk izai awonen ara ongachani ho Ojok. Zanabo, azuk esarahina izai orobokang iring ohozing honyong, ara inyong de esarak izai esuka ara narasa, honyong. \v 23 Ohozing  bokolong hehandio aning naindu dihosi hosong dihandio ifozuni de adumiza, dang, ti aduma nyia inyong aye: Isuka isong de hamaring zo Ojok ara amanya. Ti do Ojok, awang oduma adumiza hamok do ongachani honyong fodok fodok. Zanaboling, isarak dohozai esorit neijaa: ohorik ohozai zesukai honyong ara amanya, emorihune ho Yesu Kristo Lamolo lohozai.

06/title.txt

@@ -0,0 +1 @@
+Amukok 6

07/01.txt

@@ -0,0 +1 @@
+\v 1 Izai heruk ho nang, itek izai omanyiza. Dini itek izai diri ijan ongida ohozing obang omanyiza ho Ojude ti homijo isong.

07/02.txt

@@ -0,0 +1 @@
+\v 2 Ezamijani, nogida angoruozi izaningio arami ho ozulo lonyong ara amanya nehesujorik inyong. Ti ara onde lonyong laye, awang inyong ihandio iring inyong nohomuzaye. Aburak omanyit inyong za amuza. \v 3 Dini ara olo do ozulo loboling homijo onde lonyong, iyau inyong de eyau naferi ho ozulo lekela zo lonyong. Ti ara azuk onde lonyong aye, awang inyong inyak abangi omanyit. Zene ara omuzayo inyong ozulo lobo, awang inyong owon he eyau na aferi ho ozulo lekela.

07/04.txt

@@ -0,0 +1 @@
+\v 4 Zo oihoi zoilia, olarok ha ahanerok hundang, ara eye izai ho Kristo di kruce, awang omanyit lo Ojok idefezo izai. Ichihik izai dimorihunu ho Kristo, dizahabuyerek izai Ojok Ichihik izai ehandio ahani acha esu izai ikoti. Azuk Ojok ezadefahina do Kristo, karik azuk inyong ezadozuna Kristo  zo ohoyak. \v 5 Ara inyia ohoi hehandio asing hesarak igigiliza hahoi hamonyo ohoi dihnadio, ezuk ohoi etienuna omanyit lo Ojok, ara ohoi iwak eyauna ara nlawa. Dini ehandio ohoi asing hamonyo heruk isarahina Ojok  ebuayo ohoi zonyong ara amanya.

07/06.txt

@@ -0,0 +1 @@
+\v 6 Ti zene azuk Ojok aburahina ohozai za abangan no Omanyit lo Muse---ijahiza ohozai hazuk ayeza da awang omanyit onyahinerek ohozai ainyong ehandio. Ihandio Ojok hune dohozai dizahuyerek ohozai inyong zo oihoi ongejuk lonyahi ohozai Ohoile, zo ohoi ongoroi lowak omanyit.

07/07.txt

@@ -0,0 +1 @@
+\v 7 Ijo ohozai ijan owak ohozing eyauna ara nakalaru ara otek isong omanyiza ho Ojok? Ara ahani omonyori omanyiza hule. Awang, awang omonyori! Awang omanyit omonyo! Ti owon ara hadiri ijan awng nang atek ainyong eyau ne manya nang etienuna inyong diza omanyit. Ezamijani, awang atek ijan omonyo diwahan aning na awang owon ara nahoi many nang etienuna ijan ojo omanyit, "Ongida iye awang iwak aning na ara ikara nahoi." \v 8 Karik za arami zahachama esingit hune, awahan hindang za amonyori diwonan ha asing ho ohozing homok isarak nang zowaha zo oihozik aria. Ti ara awang omanyit, awang dang eyau.

07/09.txt

@@ -0,0 +1 @@
+\v 9 Inyia berien kaang nang atek aning nawak omanyit, eyaunda nang inyia kuong egigilo aning nabo nazuk nang ehandio. Ti ajara nang atek ijan azuk Ojok esarahina ohozai omanyit, kuak nang atek ijan nang lodi yauna, \v 10 ara nang atek ijan nang lesuka hamaring zo Ojok. Omanyit leruk isarahina nang amanya mak, ara abang nang inyong, leyaru nang zanaboling diye.

07/11.txt

@@ -0,0 +1 @@
+\v 11 Ara nang lawak eyauna, nang egigilo ijan esuka nang de ara amanya ara abang nang omanyit bebe. Ti epal nang: Nang legigilo ijan arasa nang eyauna do omiru lia dang. Za hadiri, Ojok inyia lolo ibuayo nang zonyong ara amanya acha awang abang omanyit diri. \v 12 Dini itek ohoi ijan oyu bebe omanyit lesarak Ojok do Muse. Awang epal da asing bokolong hesingak Ojok ohozai dihandio, oyuji karik olibori.

07/13.txt

@@ -0,0 +1 @@
+\v 13 Iruk ohozai ichama ijan omanyit lesarak Ojok do Muse, loyulo, iyaru ohozai adi zo Ojok! Hadiri awang ihandio ahani! Ti zanaboling, omanyit, loyu, isarak ohozing diwahan eyauna. Atek nang ijan za ahani, alama nang inyia  bebe zo Ojok. Karing dang, acha etienu nang aning nesingak Ojok, nang atek ijan aning nehandio nanng iyanu eyau diri. \v 14 Itek ohoi ijan omanyit oindu zo Ojok izakalunyo esukaiza hohozai. Ti awon nang ara ozulo lowak ehandio asing heyanu eyau. Ojahiza azuhi eringahina nang diwonen ara ongacha la asing ha awak nang diyauna--- ongida nang ehandio asing bokolong hawak nang ehandio.

07/15.txt

@@ -0,0 +1 @@
+\v 15 Asing hehandio nang, awang nang atek anyo. Hune, omiru lobo awak nang ehandio asing hayu ha awangnang ehandio. Karik omiru lobo awang nang awak ehandio asing hamonyo hehandio nang. \v 16 Dihandio honang asing hamonyo ha awang awak ehandio, eruk nang ijan oizak nang omanyit lo Ojok oihoi lobi.

07/17.txt

@@ -0,0 +1 @@
+\v 17 Dini ikara acha awak nang eyauna inyong neyau nang. Zanaboling, eyau nang acha awahan neyauna inyong nesarak nang eyauna. \v 18 Atek nang ijan ara aziforo nang aning nawak nang olefeng awang nang achihi ehandio aning nabo nayu. Atek nang hune acha awak nang ehandio aning nayu, ti nang ehandio aning na awang oyu.

07/19.txt

@@ -0,0 +1 @@
+\v 19 Awang nang ehandio asing hayu ha awak nang ehandio. Zanaboling, nang lehandio asing hamonyo ha awang nang awak ehandio isong hehandio nang. \v 20 Ara nang lehandio asing hamonyo ha awang nang awak ehandio, ikara ijan diri awak nang ehandio asing hune. zanaboling, awahan hindang namuno eyauna isarak nang eyauna. \v 21 Arumak nang, zene, ijan aning nafuhiza juui inyong nawo ijan ara nang lawak ehandio aning nayu, owon aning namonyo dizua ho nang nekohio nang dihandio aning nayu.

07/22.txt

@@ -0,0 +1 @@
+\v 22 Do osukeza hudang ongejuho amuno nang bebe do omanyit lo Ojok. \v 23 Ti, atek atehu nang ijan owon akolo nekela nawon diza ahuan hindang. Ida inyong aning nawak ahu hindang ehandio, esarak nang ehandio aning nesarak esukaiza hundang ongoro hulo dihandio.

07/24.txt

@@ -0,0 +1 @@
+\v 24 Ara nang leyaru hune, egigilo nang ijan nang ozulo la awng oyu. Awang nang ozulo lobo dihouna nang za asing hawak ahuan hindang bebe, da awang nang ebuanu zo Ojok. \v 25 Esarak nang ahumo do Ojok zo Yesu Kristo Lamolo lohozai inyong nehoni ohozai adi zedefa za asing za hawak ahuandek hahozai. Dini za ahosi zahahozai, Nang do oirik lobo awak abangan omanyit lo Ojok. Ti dang, do omiru homok esuka zo esukaiza zohomonyo hewak ohozai hedefezo nang acha nesukaiza zohundang heyau ongoro hulo.

07/title.txt

@@ -0,0 +1 @@
+Amukok 7

08/01.txt

@@ -0,0 +1 @@
+\v 1 Dini awang de Ojok ongocho iring namonyo karik ezagemio ohozing hemorihunu ho Yesu Kristo. \v 2  Isarak ohozai Ohoile lo Ojok esuka zo oihoi ongejuk acha emorihunu ohozai do Kristo. Za ahani, awang nang enyak eyauna ara nang negigilo eyauna, karik awang nang ehua zo Ojok.

08/03.txt

@@ -0,0 +1 @@
+\v 3 Izemio ohozai abangan omanyit lo Ojok disukarik ohozai honyong, ti awang oyu digigilo ijan ichihi ohozai---awang ohozai ichihi ezawejo eyauna. Dini ara Ojok alwahio ohozai zanabo: Ifahu Olonyi lonyong diza ahap do odumarik eyau nahozai. Oindu Oizo lonyong ha ahuan najahiza nahozai hazuk eyauna hulo. Oindu Oizo lonyong disarahina ahuan nanyong iring afulit ne eyau nahozai. Azuhon nanyong ehandio ahani, anyahi dang ijan eyaza hahozai diri omonyori bebe, ajo ozulo leyau ikoti izagemie de. \v 4 Dini ichihik ohozai ehandio asing bokolong hawak Ojok dimanyit honyong. Ihandio ohozai hune, ikara iring nehandierek ohozai zohomonyo hewak ohozai hulo, ti zanaboling zesuka iring nawaharik Ohoile lo Ojok ohozai disuka. \v 5 Ohozing hesuka zesukaiza zohosong homonyo igigiloi azifoizo no esukaiza hule. Ti ohozing hesuka iring nawak Ohoile lo Ojok igigiloi asing ho Ohoile ti.

08/06.txt

@@ -0,0 +1 @@
+\v 6 Ohozing hegigilo bebe omanyiza omonyo hosong hulo awang isukai ara amanya. Ti ohozing howak aning nawah Ohoile lo Ojok esukai de ara amanya karik awoni he emora. Nang ze nyanyahie hune.\v 7  Many ohozing awahan aning nawak esukaiza hosong, isong hehandio iring nekela do Ojok. Awang isong obang omanyit lonyong. \v 8 Ohozing hehandio asing hamonyo hawak ozajia hosong ehandio awang izamunoye Ojok.

08/09.txt

@@ -0,0 +1 @@
+\v 9 Ti awang ohozai idehi omanyiza hohozai homonyo didefezo ohozai. Zanaboling, hesarahina Ohoile lo Ojok didefezo ohozai, acha isuka inyong diza ohozai. Ara Ohoile loindu zo Kristo lawang isuka diza ohozing, awang isong owon ara ho Kristo. \v 10 Ti zesukarik zo no Kristo diza ozai zo Ohoile zo lonyong, ingengelio Ojok ahuandek hazai ara hazuk aye, dini awang izai inyak eyauna. Krik inyong engengelio ohoilehio hozai  ara hesu, acha azuk inyong izai ara nabis honyong holefeng.

08/11.txt

@@ -0,0 +1 @@
+\v 11 Esarak Ojok Yesu disuka ikoti diholu ha aye nanyong. Acha isuka Ohoile lonyong dozai, isarak de dang Ojok ahuandek hazai, hawon de ara haye hune, esuka ikoti. Esara Kristo esuka ikoti diholu ha aye nanyong, karik isarak inyong izai de esuka ikoti zesarahina Ohoile lonyong dihandio.

08/12.txt

@@ -0,0 +1 @@
+\v 12 Zene, oheruhok honang, iwon ohozai hesu iring naizahinerek ohozai Ohoile. Awang owahi ohozai zesukai omanyiza ongoro hewak ohozai hulo. \v 13 Ara ihandio izai asing hamonyo hawak ozaijia ongoro hozai, awang izai de diri isuka ara amanya ho Ojok. Ti ara izawejo Ohoile izai zehandio asing hua, ara izai de isuka ara amanya.

08/14.txt

@@ -0,0 +1 @@
+\v 14 Iwon ohozai hobang Ohoile lo Ojok araakalifinok ho Ojok. \v 15 Ahani acha ezuk ohozai efozuna zo Ojok Ohoile la awang isarak izai abangi Ojok ikoti. Awang izai iwon ara ongachani hobang lohito losong. Zanaboling, Ohoile lia isarak ohozai awonen ara akalifinok ho Ojok. Izainihok ohozai Ohoile di   koron do Ojok, "Iye lala Monye!"

08/16.txt

@@ -0,0 +1 @@
+\v 16 Ohoile zahuan inyong iruhok aning najo ohoilehio hohozai, ijan ohozai akalifinok ho Ojok. \v 17 Za awonen za nahozai ara akalifinok ho Ojok, ifuzu ohozai  ofaning lobo aning najo Ojok isarak inyong do ohozai. Ara ohozai ifozu inyong aboize ho Kristo. Ti ongida ohozai izagemie zehandio asing hayu iring nanyia ihandierek Kristo, do obangarik ohozai ojok.