klero
/
lky_2ti_text_reg
1
0
Fork 0
Files Issues Pull Requests Releases Wiki Activity See in Reader

auto save

This commit is contained in:
Cosmos Ladu 2010-02-01 11:33:11 +03:00 committed by root
parent fde569bac3 868012628c
commit 77ae8e3563
36 changed files with 36 additions and 1 deletions
Show Stats Download Patch File Download Diff File Expand all files Collapse all files

1
01/01.txt Normal file
View File

@ -0,0 +1 @@
\v 1 Nang, Paulo, legerio do Timoteo lia. Ifahu nang Yesy Kristo ara lefahat dinyahina ohozing bokolong ijan ara osuduha isong honyong, ajo Ojok isuka de isong ara amanya. \v 2 Timoteo, amuno nang iye bebe iring lalalai. Ojok Lamonye karik Yesu Kristo Lamolo lohozai zehandie za amiehunu karik ze emora do hoi.

1
01/03.txt Normal file
View File

@ -0,0 +1 @@
\v 3 Esarak nang ahumo do Ojok karik egema nang donyong acha awak nang diri ehandio aning nawak inyong, iring nanyia ihandierek lalahohonyi. Egegigilo dimojo zo iye, Timoteo, oharie ha afaning. \v 4 Awak nang atehuna iye acha atek nang angai inyia ikor iye zoinang. Ara atehu nang iye ikoti, amuno nang de bebe. \v 5 Atek nang ijan iruk iye diri do Yesu! Ahizemi, nehahanyi Lois karik nehazingi Eunice esarahini esuka naso do Yesu Kristo, atek nang dang ijan iruk iye dang do Yesu Kristo iring nehandierek isong!

1
01/06.txt Normal file
View File

@ -0,0 +1 @@
\v 6 Ze eruhon za nahoi Yesu, ezayihi nang iye diterio isak dizagemayo ikoti esorit nesarak iye Ojok ne do omiru lonyia esarahinerek nang ahinasik dohoi ara nang amojo zoiye. \v 7 Ajara Ohoile lo Ojok aindu dohozai, kaang isarak ohozai abangan; zanaboling, esarak ohozai diwonen ha akolon dibangarik Ojok, dimunorik inyong karik homok, karik didefezerek ahuandek hahozai homonyie.

1
01/08.txt Normal file
View File

@ -0,0 +1 @@
\v 8 Dini hejhijan iwon iye de ha ariri ara inyahi iye Lamolo Yesu do homok. Karik hegigilo ijan iwon iye de ha ariri ara iwon iye ara omote hindang, esuka nang dihienit acha eruk nang do Yesu. Zanaboling, iruho ezagemio za asing za hamonyo ibu iye inyahi homok arami hayu. Isarak iye Ojok de angonguna ezagemiza hoko.\v 9 Ihandio de ahani acha aluahu inyong ohozai karik elongu ohozai ara ohozing honyong. Awang Ojok izaluahu ohozai za aning zanabo nayu nehandio ohozai; zanaboling, izaluahu inyong ohozai acha owak inyong esarahina ohozai esoriza ne! Ojok israk Omasaya Yesu disarahina esorit ne dohozai, kaang ahap oyeye.\v 10 Dini do otek ohozing bokolong ijan ochihi Ojok diluahuna isong, acha aindu oholuahani lohozai Omasaya Yesu aindu disorohojo aye anyahi ohozing bokolong Evangelio, hadiri hesarahinerek inyong ohozing disuka ara amanya. \v 11 Za arami zohube efahunerek Ojok nang diwonen ara lefahat, ohetitoni karik ohetienani.

1
01/12.txt Normal file
View File

@ -0,0 +1 @@
\v 12 De egemazihie hedema nang huen, awng nang awon ha ariri, acha atek nang karik eruk nang do Yesu Kristo. Atek nang ijan ochihik inyong ekohohina na eruhon hindang donyong many ofaning lechuhit. \v 13 Iring neruhorik iye do Yesu Kristo karik imuno iye inyong, ozifoze arami hachamai, hezaningu iye zo nang. \v 14 Ojok lezaning hozohoi, ijan ititoye iye de arami hayu nesarak inyong dohoi. Idefeze arami hune ara nayu zesuka za nahoi do Ohoile Lodua lesuk diza ohozai.

1
01/15.txt Normal file
View File

@ -0,0 +1 @@
\v 15 Itek iye ijan oheruhok bokolong howon de Asia hazuk eloizoro adi zo nang, ho Phygelus karik Hermogenes.\v 16 Ti amojo nang ijan ihandio de Ojok ara nayu da ahang no Onesphorus. Aluahu inyong omiru homok, karik kaang ariri onyio inyiong za ehieno zohindang dihienit. \v 17 Zanaboling, diyinduna honyong hini di Roma, arasa azifeyo nang many inyong arumahina nang. \v 18 Ojok zoijo do Onesiphoyu do ofaning lechuhorik. Itek iye oihosik holuahierek inyong ohosing di Ephes.us

1
01/title.txt Normal file
View File

@ -0,0 +1 @@
Amukok 1

1
02/01.txt Normal file
View File

@ -0,0 +1 @@
\v 1 Iye iring olonyi do nang. Dini ajo nang dang ijan isarak akolon no Ojok za ahani lo Yesu Kristo ze handie iring nayu dohoi. \v 2 Onyahi ohozing hoyu ditienio asing heningu iye zo nang karik zo ohozing homok holwa hazuk anyahina zoihoi zoilia do homok, dang.

1
02/03.txt Normal file
View File

@ -0,0 +1 @@
\v 3 Ongongie aning namonyo iring nanyia angogiorek nang do omiru lezagemierek ohoi zo Kristo, iring nangoierek olosenger loyu aning nezagemierek inyong. \v 4 Itek iye ijan awang olosenger, ojingak da asing ho ohozing di zamunoyerek hohitua hosong. \v 5 Za ahani, awang oheruazak okalaru homok ara awang isong obang asing hajo heza ngeteyo.

1
02/06.txt Normal file
View File

@ -0,0 +1 @@
\v 6 Karik ongida ohoromoni legema bebe ifozu engarai nanyong ahizemi.\v 7 Igigiloi da aning nehezek nang egerohina, acha, ara ihandio iye, isarak iye de lamolo atehan asing bokolong hewak iye atehan.

1
02/08.txt Normal file
View File

@ -0,0 +1 @@
\v 8 Dingongio hohoi ozagemiza, igigiloi Yesu Kristo, onyakuarit lo Habo Davide. Ezadozu Ojok inyong zo hoyak, iring dang netitoyerek nang diza arami ha evangelio. \v 9 Za evengelip zoine ezagemie nang many ehienohina nang iring ozulo lehandio aning namonyo. Ti arai ho Ojok awangi zo ehienit. \v 10 Dini angongio nang ezagemazihien za awahan zo ohozing za hazuk Ojok anyimuna. Ehandio nang ahani dezaluahunerek Yesu Kristo isong, dang, disukarik isong honyong ara amanya da amaji nalibo nesukarik inyong.

1
02/11.txt Normal file
View File

@ -0,0 +1 @@
\v 11 Isukazi za arami za hechama ohoi omiru homok:Ara ezuk ohoi aye ho Yesu, isuka ohoi de dang honyong. \v 12 Ara ingongio ohozai, idefezo ohozai de honyong. Ti ara irisa ohozai inyong, orisa de dang inyong ohozai. \v 13 Ara awang ohozai izifozo iring najo inyong, orasa inyong de azifozo iring nawahi; acha awang inyong izarisayo ahuan nanyong."

1
02/14.txt Normal file
View File

@ -0,0 +1 @@
\v 14 Orasai anyahina hozing hezuk iye adohohina ditienio homok hadiri ho Ojok, asing hanyahi nang iye hune. Isingie isong dihizemi ho Ojok za angalafa za arami za ha awang olwahu, acha zehandio ahani awang olwahu aning nabo karik ochihi ezorohojo ohozing hezaningio. \v 15 Igemai iring nachihi dohoi disarahina Ojok diruhon iye iring ohegemani la awang owon ha ariri, le tienio arami ho Ojok ara nabis, disukarik ohozing bokolong za hadiri henyahini.

1
02/16.txt Normal file
View File

@ -0,0 +1 @@
\v 16 Isukai olamare zo ohozing hochama zo oihozik zohomorio Ojok, acha awang ochamiza hulia isara Ojok zo bangi ara halwa. \v 17 Arami hajahiza ahani ozuroroi kuak iring adiha nedefezo ohozing bokolong. Hymenaeus karik Philetu owoni ara ezamijani ho ohozing arehai honyia ochama ahani. \v 18 Azuk inyia ohozing hulia ezawejo eruhon. Ojori ijan ebuhuna nohoyak azuk afuhon. Zoihoi zoilia esarak isong Okristianohien homok dizawejo eruho do Kristo.

1
02/19.txt Normal file
View File

@ -0,0 +1 @@
\v 19 Ti hadiri ho Ojok owoni. Ojahiza iring amokok na aduhit nako, nazuk lobo egerohina arami huna: "Otek Lamolo ohozing howon ara honyong," karik "Ohozing bokolong hojo owon inyong ara la Lamolo ongida izawejo ehandio asing homonyo beb."\v 20 Dihang ho ozulo lobara bebe owoni dia ikara ti obiziha ha amocho hehuhumie za abindangir, ti dang obiziha ha amocho hayeuni za ahiek karik amotong. Amocho ho obiziha ha ayiel ha abindang igemarik do ofaning lobolo bebe. Ti igemarik obizaha ha amotong karik ahiek hulo do operok ha awang obolo.\v 21 Dini, ohozing ha awang ihandio asing hamonyo disuka hosong igemai de ara nayu ho Lamolo. Ojahiza de isong iring asing hanyierek hefozu asing bokolok hegema nayu. Oyu de isong bebe do lohito digemarik egema nako donyong, egema nayu bokolong, diri.

1
02/22.txt Normal file
View File

@ -0,0 +1 @@
\v 22 Herasa awahan asing hamonyo hamuno oduri hotik dihandio. Zanaboling, okemie ehandio asing habis. Okemie diruhon do Ojok karik omunoi inyong. Okemie isuka ze emora. Isukai aboize ho ohozing hezahabuyo Lamolo zozajia zo hosong. Hedaha ho ohozing homok howak elafere da asing ha awang olwahu. \v 23 Hechama hosong, acha itek iye ijan ara ohozing hachama asing hebuyang, eterie ezezena.

1
02/24.txt Normal file
View File

@ -0,0 +1 @@
\v 24 Ti ongida ohozing hegema do Ojok awang izezena. Zanaboling, ongida isong oyu do ohozing bokolong, karik ongida isong isarak omiru lezilayo do ohozing. \v 25 Zajara, ongida isong onyahi za nayu do ohozing helafere hosong. Kuya isarak de Ojok dosong omiru lewaharik avuni de itehan hadiri. \v 26 Za ahani kuya isong de igigilo ara nabis ajahizi ohozing hezuk aburaru zo hiyene nazuk ositan alohoohina. Inyong osital izatumio isong diyaru isong dihandio aning nawak inyong isong dihandio.

1
02/title.txt Normal file
View File

@ -0,0 +1 @@
Amukok 2

1
03/01.txt Normal file
View File

@ -0,0 +1 @@
\v 1 Awak izai ditehan huna: do omiru lozechuhit kaang Lamolo onyahu, omonyo muai bebe. \v 2 Omuno muai ohozing ahuandek hasong nakalaru lobo. Omunoi muai arobiahio. Izadarai muai bebe za ahuandek zahasong. Izadarai Muai. Imomorie muai homok. \v 3 Awang muai obangi ahazingie ho omonyehio hosong. Awang isong isarak ahumo za aning za nabo. Awang isong izahabuyo muai Ojok. Awang isong muai omuno ahangizek hasong. Idari muai esuka zemora hohozing homok. Imomongai muai ohozing homok. Awang muai isong izakolu ahuandek. Omonyori isong muai dohomok. Awang isong muai omuno aning nayu.\v 4 Izanyangak isong muai ohozing heruk isong ibangi. Ihandio de isong muai asing hamonyo kuong egigilo. Izadara isong muai, karik isong ehandio asing hezamunoyo isong za ha amunoring Ojok.

1
03/05.txt Normal file
View File

@ -0,0 +1 @@
\v 5 Ojahiza muai isong hezabuyo Ojok, ti idari muai isong okolon nawak Ojok esarahina dosong. Isuka olamare zo ohozing hojak ahani. \v 6 Ohozing hulia iwiwilahini angoruo hebuyang dihorihina isong divuna dihangizek hosong. Zene ara isong ezatumio angoruo hua didefezo isonf egigiliza hosong. Angoruo hune hayana omiru bokolong, dini ara isong aziforo ohozing homonyo hulia dihandio asing hamonyo bokolong hamuno isong dihandio. \v 7 Juk ohozing juui owak etiena asing angejuho, Kaang isong itienu ainyong diri nawon ara nadiri.

1
03/08.txt Normal file
View File

@ -0,0 +1 @@
\v 8 Zo oihoi zoilia inyia owak Jannes karik Jambres ezawejo Muse, inyong da nawak ohozing hulia ezawejo ohozing za abangi hadiri. Azuk ohozing hulia ezzoroja zo ogigiliza zohosong. Awang ihandio nayu da arami ha eruhon. \v 9 Ti, awang isong de orumak halwa da asing hehandio isong, acha homok holwa otehuni muai rirng nayu ijan awang ohozing otek aning nabo. Ojahiza de iring nateharik ohozing ho Israile ijan ho Jannes karik Jambres ibuyangi.

1
03/10.txt Normal file
View File

@ -0,0 +1 @@
\v 10 Timoteo, ezuk iye aziforo aning nazuk nang etienio iye. Etehu iye angai esuka nang. Etehu iye angai awak nang egema do Ojok. Etek iye angai eruk nang inyong. Ettehu iye angai esuka nang ze emora juk ibu nang izagemie. Etehu iye angai amuno nang Ojok karik oheruhok. Etehu iye angai arasa nang egema do Ojok juk inyia oko bebe dihandio ahani.\v 11 Etehu iye angai owak ohozing atohio nang. Etehu iye ohoizik bokolong hezagemierek nang ibu nang da Antioch, Iconium, karik Lystra. Ezagemie nang bebe da amesok hua, ti azuk nang Lamolo eduhuna adi ze ezagemiza hua bokolong. \v 12 Diri, esarak isong ezagemio do ohozing bokolong howak esuk zoihoi zo lezahabuyerek Yesu Kristo. \v 13 Ohozing homonyo karik ohehandak hamonyo orasai de dihandio asing hamonyo. Iyarai de ohozing adi za hadiri, ara isong de dang ahorik homok diyaru isong adi dang.

1
03/14.txt Normal file
View File

@ -0,0 +1 @@
\v 14 Ti dozai, orasai ehandio asing hezuk iye etienuna di handio, karik asing heruk iye ijan obisi. Igigiloi nang acha nang inyong letienio iye asing hune. \v 15 Igigiloi dang ijan juk iwon iye ara oizo loti, etienu iye ainyong ojo Ojok diza amaninihio. Ochihi hune etienio iye angai izaluahu Yesu Kristo ohozai, ara eruk ohozai donyong.

1
03/16.txt Normal file
View File

@ -0,0 +1 @@
\v 16 Ovuni amaninihio bokolong zo Ohoile lo Ojok, dini ongida ohozai iherio isong ditienierek hadiri ho Ojok. Ongida ohozai dang iherio isong diwiwilahina ohozing diruhon da hadiri. Dang dizabisierek ohozing ara hazuhi eyauna. Ditienierek ohozing angai ihandie asing habis. \v 17 Ongida ohozai ihandio asing hune dizalimierek Ojok oheruhok bokolong karik disarahina inyong aning nawak inyong dihanierek asing bokolong hayu.

1
03/title.txt Normal file
View File

@ -0,0 +1 @@
Amukok 3

1
04/01.txt Normal file
View File

@ -0,0 +1 @@
\v 1 Ara Kristo de laindu kuak didefezo, ongocho inyong de ohozing ho hesu karik ohozing hazuk aye. Zene inyong ho Ojok hengengelio nang di nanyahina iye \v 2 dizakuacho arami ho Kristo. Ongida iye awang ida ehandio hune helik di handio helik ahani. Izaruhohina ohozaing do hune ibu isong azuk ehandio hepal. Onyahi dosong za awang iyau. Izakolie isong diziforo Kristo. Ihandie asing hune ibu iye itienio isong, karik ongida iye iruk ezilayo isong dihandio ara nakalaru.

1
04/03.txt Normal file
View File

@ -0,0 +1 @@
\v 3 Anyahi nang iye hune, acha oindu muai omiru inu homok ohozing zo ohozai awang ozifozo aning netienio Ojok diri. Zanaboling, orumahini muai ohozing holwa hetienio ijan oyu do ohozing dihandio aning nabo nawak isong ehandio. Zo oihoi zoilia, orasa isong de amijo da aning angejuk karik nekela dizalimo.\v 4 Izaweje de ezaningio da ha diri, ara isong ezaningio do oyendok hebuyangak. \v 5 Ti dohoi, Timoteo, idefeze ahuan nahoi iring nayu juk owon angai. Ongida iye iruk angongio ezagemiza hako. Ihandie egema ne titoyo na evangelio. Ingohi egema ehandio iye digemarik da Lamolo.

1
04/06.txt Normal file
View File

@ -0,0 +1 @@
\v 6 Anyahi nang iye asing hune, acha aindek nang aye de nang ediaharu ahap ne. Ajahiza nang de iring ohutie na avino lo obuhohini di altari ara esorit do Ojok. Nang iring ohongetani lehandio iring nayu dilafa. \v 7 Ajahiza nang ohongetani lazuk engohina angeta nanyong. Azuk nang ehandio aning nachihi nang ehandio dibangarik Ojok. \v 8 Zene emunit nezilayo nang acha azuk nang esuka zoihoi zo lobi do Ojok. Ongocho de nang Lamolo zoihoi zo lobis. Isarak inyong de emunit nyia do nang ara inyong laindu ikoti. Ara inyong da esarak do ohozing bokolong hezilayo ainduna nanyong ikoti za amuno.

1
04/09.txt Normal file
View File

@ -0,0 +1 @@
\v 9 Timoteo, ozemie ainduna donang kuak. \v 10 Demas lediaharu nang alo di Thessalonica, acha inyong esu no zohop ne bebe dang. Cresens lalo di Galatia, kari Tito alo di Dalmatia.

1
04/11.txt Normal file
View File

@ -0,0 +1 @@
\v 11 Ara Luka lohorasa ho nang. Iduhu Marko ara iye iyanu honyong. Ihandie hune acha ochihi inyong aluahuna nang bebe. \v 12 Azuk nang efahahina Tychicus di Ephesus. \v 13 Ara iye leindu, iyanu ha abongo nediehunu nang di Troas do Carpus. Iyanu dang ha asing hegierorik, gususu hehuhumie za amuhun hechangi.

1
04/14.txt Normal file
View File

@ -0,0 +1 @@
\v 14 Ehandio nang Alexander leduongo abindangir ara namonyo. Izagemio de Lamolo inyong da aning nehandio inyong. \v 15 Ongida iye dang ingengelio inyong ara tuhudi acha ihandio inyong aning nawak inyong dizawejerek etitoyo nahozai. \v 16 Omiru ohezemoni lawezarik nang dilokiko dinyanyahierek egema hindang, kaang heruk homok howeza ho nang dizakolio nang. Esuka isong bokolong olamare. Ojok za awang izapalio isong zohune.

1
04/17.txt Normal file
View File

@ -0,0 +1 @@
\v 17 Ti ara lamolo aweza ho nang karik alwahu nang. Esarak nang ara loko, dichamarik ho nang arami hanyong karik dizaningierek Ogentail donyong. Zoihoi zoilia ezaluahu nang Ojok zoyee. \v 18 Izaluahu de Lamolo nang za asing hamonyo he handio isong. Iyanu nang de dee da amaji nedefezerek inyong dihide. Ohozing zezahuye inyong ara amanya. Amen.

1
04/19.txt Normal file
View File

@ -0,0 +1 @@
\v 19 Izamandahi Priscilla ha Aquila. Izamandahi ohozing hozohong ho Onesiphorus. \v 20 Erastus lesuka da abore nahito no Korinth. Di Triphimus, ediehunu nang inyong di bore nahito no Miletus acha omuai inyong inyia. \v 21 Iyindu kaang ohomio. Izamandayo iye Eubulus, karik Pudens, Linus, Claudia, karik olarok bokolong. \v 22 Lamolo zewona ho ohoile lozai. Inyong zoijo dozai bokolong.

1
04/title.txt Normal file
View File

@ -0,0 +1 @@
Amukok 4

1
front/title.txt Normal file
View File

@ -0,0 +1 @@
2 Timoteo

2
manifest.json
View File

@ -1 +1 @@
{"project":{"id":"2ti","name":""},"type":{"id":"text","name":"Text"},"generator":{"name":"ts-android","build":176},"package_version":7,"target_language":{"name":"Lokoya","direction":"ltr","anglicized_name":"Lokoya","region":"Africa","is_gateway_language":false,"id":"lky"},"format":"usfm","resource":{"id":"reg"},"translators":["Lokoya tab"],"source_translations":[{"language_id":"en","resource_id":"ulb","checking_level":"3","date_modified":20170329,"version":"9"}]}
{"project":{"id":"2ti","name":""},"type":{"id":"text","name":"Text"},"generator":{"name":"ts-android","build":176},"package_version":7,"target_language":{"name":"Lokoya","direction":"ltr","anglicized_name":"Lokoya","region":"Africa","is_gateway_language":false,"id":"lky"},"format":"usfm","resource":{"id":"reg"},"translators":["Lokoya tab","Jordan Anguramoi oHIA","fitzpatrickat"],"source_translations":[{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"udb","checking_level":"3","date_modified":20170221,"version":"9"}],"finished_chunks":["front-title","01-title","01-01","01-03","01-06","01-08","01-12","01-15","02-title","02-01","02-03","02-06","02-08","02-11","02-14","02-16","02-19","02-22","02-24","03-title","03-01","03-05","03-08","03-10","03-14","03-16","04-title","04-01","04-03","04-06","04-09","04-11","04-14","04-17","04-19"]}