01/01.txt

@@ -1 +0,0 @@
-\c 1 Já̱wlɨ \v 1 In ila tawrájawí–ii ǎl Ya̱sʉ́a Jáásodʉŋo–lé ʉ́ndʉl ǎl Wʉ́o íní ásáŋ kééŋ tááríkwǎ–sí ʉ́tóŋá kɨt paalí ǎl naa dúítía áláŋ ɨŋɨ. Jáásodʉŋo kila ʉ́tóŋá–sí júní nás kí ila dorá ɨwɨ́ŋɨ́e alá dééŋ meleg dééŋ táárídʉŋo Yáaye–lé áddeŋ piá. \v 2 Yáaye lia namás ʉ́tóŋá nyétꞌíŋ jɨ́bé ǎl yé já̱gɨ́la asá kí Wʉ́o'ŋ belé na kí Ya̱sʉ́adʉŋo'ŋ jɨbé tɨɨlɨ. \v 3 Borapattá ila dʉó'ŋ–ii asá kin domoŋkwǎ'ŋ domoŋa kwa–sí kí dair árdeŋ piá pii. Borapattá kila kwa'ŋ–ii alá a̱rɨ ɨt ǎl dɨ́eŋ dɨó rímmeŋ eŋa–sí kelkaame na ba̱gɨ kawe, ilâíŋ ná tin áláŋ kin ʉ́tóŋá ɨŋɨ dakkis piá.

01/04.txt

@@ -1 +0,0 @@
-Ma̱sɨ́gkwǎ saabe'ŋ dóŋâŋjaní \v 4 In dombore Yáaye–lé ʉ́ndʉl ná ma̱sɨ́gakwǎ saabe–lé dúi alá a̱kʉro–lé ka̱ɨŋ: Ǎw nái bɨŋa  tʉllɨŋ na a̱a̱pɨŋ kanía ǎl ila Dʉó–lé ʉ́ndʉl alá dééŋ kʉttɨ'ŋ ta̱bʉ́ŋ ka̱ɨŋ, \v 5 na alá Ya̱sʉ́a Jáásodʉŋo–lé ʉ́ndʉla alá nʉ́ŋɨ́dʉŋo seekʉŋo–ii, alá dʉó waarkʉŋo–ii asá wǎy–le sállá káwe na alá sʉʉrʉ'ŋ ábakuriŋa'ŋ kuri–ii. Ǎw galaŋa na kʉrro ná kééŋ ge aíla kɨŋa kóel na aíla kɨŋa kí kééŋ kewa káíŋ ka̱tɨ́eŋa–lé a̱lgɨ júndí. \v 6 Na aíla kɨ́ŋa júndí áláŋ kʉrɨŋ keeŋ na áláŋ pǎ̱gɨŋa keeŋ nás dééŋ Wʉ́o Báa–sí táarí káa. Ǎw galaŋa na kʉrro ná kééŋ ge namaŋ níŋ ka̱ɨŋ báŋ ka̱ɨŋ. Ee yáa.

01/07.txt

@@ -1 +0,0 @@
-\v 7 Ba̱gɨ́l,yé kí kútuŋaŋ ʉ́ndʉl, na nʉ́ŋɨ́ bi nʉ́ŋɨ́ níŋ já̱gɨl, namaŋ kila alá yee ká̱wyé, na órréŋá nyét ǎl sʉʉrʉ'ŋ írí ka̱ɨŋ dééŋ ʉʉ́ŋ níŋ komólal. Ee, bát see–i na kí seéŋsee níŋ eeŋ. Ee yáa. \v 8 Wʉ́o Loŋpii in beléŋ, "Ká Alapa na Omega aŋ. Yé ka̱kkɨ́rekʉŋo, alá kee na alá kérrég kéŋá na asá ká̱ɨ́ŋ alá êl."

01/09.txt

@@ -1 +0,0 @@
-Dʉldɨ́ŋkwě'ŋ jalŋiŋola \v 9 Ká Yáaye, dɨ́eŋ bára, ɨdɨ̂ɨ́ŋ alá Ya̱sʉ́–sí arrá ka̱rɨ kʉlʉ, mííneŋjeeŋ–lé na kʉrɨŋ–lé na jɨrɨ́mó'ŋ jɨrɨ́mó–le dɨ́eŋ ampâr dóŋâŋja̱bɨ́dʉŋo aŋ. Ká domnya díg–le aáŋá alá Patmos ka̱rɨ̂ŋɨ, Wʉ́o'ŋ belé'ŋ ʉʉ́ŋ na Ya̱sʉ́a'ŋ jɨbé'ŋíŋ. \v 10 Loŋpii'ŋ Soog–lé ká namá Kʉo Teyyáŋa'ŋ dɨó aáŋá, namá dúíŋ soór ʉrʉ́ sîw kelámi inná ambayá. \v 11 na in beléŋá, "Dombore–lé ʉ́tóŋá kɨt rímmeŋ jáa alá ja̱lʉ nás ma̱sɨ̂gkwǎ saabe–sí áddeŋ jáa, Ipisa na Simirna na Pergamum na Suatira na Sardis na Piladelpia na Lodika."

01/12.txt

@@ -1 +0,0 @@
-\v 12 Namás a̱ɨŋo áláŋ a̱gɨ́l kiíŋ arka kéŋá náis kaa risíŋá, asá bá a̱ɨŋo, namá siirꞌíŋ másárája'ŋ mardába saabe a̱gɨla. \v 13 Híllâ namá dʉó díg kéŋá  ná in lóŋá inná Dʉldɨ́ŋkwě ná másárája'ŋ mardába'ŋ túle kɨɨréliŋi, ná garambʉ̂bʉ kurrâ jíŋí ná kééŋ tarŋa–lé péégéliŋi nás siirꞌíŋ ka̱rtʉ̂m wa̱ssê kéŋá ná dééŋ ógo–lé rɨ́gɨ́ŋá.

01/14.txt

@@ -1 +0,0 @@
-\v 14 Nyɨ́lɨ́w dééŋ ta̱bʉ́ŋ pattâ kéŋá, inná ʉrɨ̂ŋnyɨ́lɨ́w pattâ, inná urány. Kééŋ kʉ́ŋɨ́ bá in lʉ́ŋɨŋɨ  inná utú ǎl lííŋ. \v 15 Na kééŋ tarŋa bá in ulmeliŋi inná nihâs asá utûŋebede–lé kɨɨrʉl, na dééŋ arka bá in lóŋá inná koro suŋŋâ'ŋ kola. \v 16 Na dééŋ dóŋá súru–lé ná in ulmeliŋi inná dʉlé kí dʉlé'ŋ sibîr.

01/17.txt

@@ -1 +0,0 @@
-\v 17 Ǎlbá yee a̱gɨla, namá kééŋ tarŋa–lé kʉrboŋ áwi inná dʉó waitól. Lia yé namái dééŋ dóŋá súru írí jáá ná in kwǎ, "Ka̱lɨ ái tɨ̌ɨba, ká Waarkʉŋo na Ka̱rɨkʉŋo aŋ. \v 18 Ká Sállâkʉŋo aŋ! Ká úsá na naa Ká sállâ aŋ namaŋ níŋ aiŋ báŋ aiŋ! Na ká Wǎy na Utú'ŋ–si gonyâyéŋkwě aiŋ.

01/19.txt

@@ -1 +0,0 @@
-\v 19 Na naa kila ʉ́tóŋá rímmeŋ jáa alá jɨ́ ja̱gɨla, kila ʉ́tóŋá alá naa jállíŋá na kila ʉ́tóŋá áláŋ ta̱bʉ́ŋ eré jalliŋol. \v 20 Na kila úríŋá saabe'ŋ bʉ̌tʉ alá jɨ́ dúíŋ dóŋá súru–lé ja̱gɨla na siirꞌíŋ másárája'ŋ mardába saabe'ŋ bʉ̌tʉ kin gé, úríŋá saabe namá ma̱sɨ́gakwǎ saabe'ŋ melega gé, na másáraja'ŋ mardába saabe namá ma̱sɨ́gakwǎ saabe gé.

01/title.txt

@@ -1 +0,0 @@
-Magara 1

02/01.txt

@@ -1 +0,0 @@
-\c 2 Domoŋasá Ipisa'ŋ ma̱sɨ̂gkwǎ–sí áddeŋ káwe \v 1 Ma̱sɨ̂gkwǎ ǎl Ipisa deém ka̱ɨŋꞌíŋ–sí melega–sí rímmeŋ jáa: 'Dʉó alá úríŋá saabe dééŋ dóŋá súru–lé bǎw ná siirꞌíŋ másárája'ŋ mardába saabe'ŋ táas–lé ɨloŋ ná kin ʉʉŋa beléŋ. \v 2 Ká kɨ́eŋ tááríŋá na dɨ́eŋ táárí tokkê na dɨ́eŋ jɨrɨ́mó'ŋ jɨrɨ́mó–sís aluŋ. Ká aluŋ–si bɨ́ jɨttɨŋakwǎ–sí taga áláŋ á bɨrɨ́móba, na bɨ́ kila kwǎ–sí bárra asá in kɨ́tɨ́méli âl kʉréemeŋa gé maraŋ yeeŋ kʉréemeŋa á geba, namás bʉmmó yeeŋ âl pɨékwǎ ge.

02/03.txt

@@ -1 +0,0 @@
-\v 3 Bɨ́ jɨrɨ́mós baiŋ na kúíŋ kona'ŋ ʉʉ́ŋ tááríŋá tokkéŋa–sí bɨrɨmo ná á bʉmmoba. \v 4 Marraŋ ká in–sís dɨ́eŋ konsa aiŋ, alá bɨ́ ila joiŋí–sí bundí asá waar baáŋá. \v 5 Na naa, bɨŋa ǎw nái ta̱bʉŋ wá̱ɨ́ŋɨ́tɨ illa joiŋí –le ay karra bawŋí asá waar baáŋá. Tʉ́ʉ́beŋ beeŋ na ʉ́tóŋá kɨt báa ǎl waar báa. Abá tʉ́ʉ́beŋ á bɨndelba, ká báŋ dɨ́e–lé êl ná dɨ́eŋ másárája'ŋ mardâb–sí dééŋ lóó–le túga awí. Ila namá dééŋ arrá in lóŋ, ká áláŋ kɨ́eŋ ma̱sɨ̂gkwǎ–sí túga awí.

02/06.txt

@@ -1 +0,0 @@
-\v 6 Marraŋ a̱rɨ tog asá bɨ́ baiŋ bá ni–ii, bɨ́ âl Nikola'ŋ ka̱rɨjʉ́lokwǎ'ŋ tááríŋá–sí banan, kila ǎl ká dog anan. \v 7 Dʉó ɨt nás kɨ́ló kee, ǎw nás a̱rɨ ɨt  kelamí asá Kʉo ma̱sɨ̂gkwǎ–sí beléŋá. Dʉó ɨt nás kóos ʉ́ndʉl, ká bá síŋ yee–sí ɨɨn ná jaiŋꞌíŋ kurú'ŋ kwǎ amí, ǎl Wʉ́o'ŋ rúmány kee.'

02/08.txt

@@ -1 +0,0 @@
-Domoŋ aá Simirna'ŋ ma̱sɨ̂gkwǎ–sí áddeŋ káwe \v 8 Ma̱sɨ̂gkwǎ ǎl Simirana  deém ka̱ɨŋꞌíŋ–si meleg–sí rímmeŋ jáa: Ílla dʉó ǎl Waarkʉŋo na ka̱rɨkʉŋo–ii, alá wai nás sállá eŋa kin ʉʉŋa beléŋ. \v 9 Ká dɨ́eŋ miine na pa̱gɨrɨŋ–sís aluŋ, marraŋ bɨ́ jaawíl kawája baŋ! Ká kila ʉ́tóŋá jɨttɨŋa–sís aluŋ ǎl kila kwa dɨ́eŋ konsa aáŋé ǎl in kámiŋa âl Ya̱ʉ́da gé marraŋ walá Ya̱ʉ́da á geba. Marraŋ yeeŋ illa daara'ŋ kwa gé ǎl Sitanꞌíŋ ge.

02/10.txt

@@ -1 +0,0 @@
-\v 10 Ka̱lɨ ái tɨ̌ɨba áláŋ naa dakki mííneŋ beeŋ. Ba̱gɨ́l Ányádɨɨŋáŋta̱bʉ naa dakki áláŋ kwa dǐi–sí túmná jíŋí, áíláŋ mat karre na áláŋ kí soga weyye mííneŋ beeŋ. Ǎ̱w ná Seejǎ̱ɨkwǎ baŋ annaŋ in lóŋ náis wǎy–lé keeríti, na ká áíláŋ jaiŋ lʉʉt aní ǎl kóosjêldʉŋo'ŋ sáas–ii. \v 11 Dʉó ɨt nás kɨ́ló kee, ǎ̱w nás a̱rɨ ɨt kelamí asá  kʉo ma̱sɨ́gakwǎ–sí beléŋá. Dʉó ɨt nás kóos ʉ́ndʉl wǎy a̱wkʉŋo áwereŋ áŋpiába.'

02/12.txt

@@ -1 +0,0 @@
-Domooŋ asá Pergamumꞌíŋ ma̱sɨ̂gkwǎ–sí áddeŋ káwe \v 12 Ma̱sɨ̂gkwǎ ǎl Pergamum deém ka̱ɨŋ–si meleg–sís rímmeŋ jáa: Ila dʉó asá saar sabbaŋa a̱w sikkáŋa kee kin ʉʉŋa beléŋ. \v 13 Ká ása aluŋ bɨ́ aál baiŋ, lóó alá Sitanꞌíŋ kʉttɨ kee. Marraŋ kúíŋ kona–sí pʉttó béél, na bɨ́ dɨ́eŋ seejǎ̱ɨ–sí dúíŋ eré á bawríŋíba namaŋ dúíŋ nʉ́ŋɨ́dʉŋo seejǎ̱ɨdʉŋo Antipas'íŋ sog–lé, alá dɨ́eŋ táas–lé ka̱wŋɨ, ɨlla lóó–lé alá Sitan kee.

02/14.txt

@@ -1 +0,0 @@
-\v 14 Marraŋ ká ása dɨ́eŋ konsa ótá ittâ aiŋ. Bɨ́ íllâ kwa dǐis baiŋ alá Balamꞌíŋ gʉʉd–sí  ka̱rɨ kʉle, asá Balag –sí gʉʉd páálí áláŋ Izraílíŋá–sí ʉgó ná ka̱tɨ́eŋa káwa, namá illa na̱mɨ́e káwe asá kʉnʉ́so–sí gôbbo ka̱rʉ́l na a̱jɨlɨŋ káwe. \v 15 Kí illa dorá tág, dɨ́eŋ dɨó kwa dǐi ka̱ɨŋ ná Nikola'ŋ ka̱rɨjʉ́lokwǎ'ŋ gʉʉd–sí ka̱rɨ kʉle.

02/16.txt

@@ -1 +0,0 @@
-\v 16 Na naa tʉ́ʉ́beŋ beeŋ na abá á bɨndelba, ká áláŋ naa dakki dɨ́e–lé êl ná dɨ́eŋ konsa kí dúíŋ ʉto'ŋ saar ééro. \v 17 Dʉó ɨd nás kɨ́ló kee, ǎ̱w nás a̱rɨ ɨt kelamí ása Kʉo ma̱sɨgakwǎ–sí beléŋá. Dʉó asá kóos ʉ́ndʉl ká báŋ manna dǐi aní asá jʉ́ʉ́lɨ́ŋ. Na ká illa dʉó–sí dog níŋ dɨ́tó pattâ aní, kí kona kɨwwóŋa ŋ ná dééŋ írí rímmeŋ ɨŋɨ, kila asá dʉó tog dog á keba nás loŋ bás délliŋ illa dʉó loŋ asá yeeŋ–sí bóóyé.

02/18.txt

@@ -1 +0,0 @@
-Domoŋ asá Suatira'ŋ ma̱sɨ̂gkwǎ–sí áddeŋ káwe \v 18 Ma̱sɨ̂gakwǎ ǎl Suartira deém ka̱ɨŋꞌíŋ–si meleg–sí rímmeŋ jáa: 'Wʉ́o'ŋ Kwědee ǎl kééŋ kʉ́ŋɨ́ in lóŋa inná utú ǎl lííŋ na kééŋ tarŋa ná in ulmeli inná nihâs asá utûŋebede–lé kɨɨrʉl kin ʉʉŋa beléŋ. \v 19 Ká ása kɨ́eŋ tááríŋá na dɨ́eŋ joiŋí na seejǎɨ na ájíŋá na jɨrmó'ŋ jɨrmó alaŋ. Ká ása aluŋ bɨ́ naa âl táárí suŋŋâ baw illa–lé suŋŋá ǎl waar báa.

02/20.txt

@@ -1 +0,0 @@
-\v 20 Marraŋ ká in–sís dɨ́eŋ konsa aiŋ, alá bɨ́ illa yáa Jezebel–sí bɨrmel, alá dééŋ suur–sí domoŋdʉŋo ta̱rɨ̂ŋ namás kúíŋ tááríkwǎ–sí gʉʉd paalíti na dǒra rééŋél áláŋ a̱jɨlɨŋ kawe na áláŋ ila na̱mɨ́e kawe asá kʉnʉ́sa–sí gôbbo ka̱rʉ̂l. \v 21 Ká yee paraga aní áláŋ tʉ́ʉ́beŋ eeŋ, maraŋ á kóilba áláŋ dééŋ a̱jɨlɨŋ–lé tʉ́ʉ́beŋ eeŋ.

02/22.txt

@@ -1 +0,0 @@
-\v 22 Ká yee–sí wajáŋpɨ́tɨ níŋ amíŋi, na ká  kila kwa–sí kojoja suŋŋâ–lé níŋ amíŋi alá kíeŋ mʉʉsɨnɨŋ kawe, namaŋ níŋ yeeŋ kééŋ koraŋa jɨttɨŋa–lé tʉ́ʉ́beŋ kɨŋɨ. \v 23 Na ká áláŋ kééŋ dogólá–sí aldó ná aw. Kila namá kééŋ ka̱rɨjʉ́lokwǎ ge. Lia ma̱sɨ̂gkwǎ nyét ásáŋ bá kalŋa ká âl illa dʉó aŋ alá kilmaŋa na júúrúŋá–sí kʉlgʉ́té ʉrgʉl, na ká áláŋ bɨ́ dɨ́eŋ dɨó dʉó bi dʉó–sí kééŋ tááríŋá'ŋ temen kééŋ dʉléŋá aní.

02/24.txt

@@ -1 +0,0 @@
-\v 24 Marraŋ dɨ́eŋ dɨó kwa dǐi alá Suatira ka̱ɨŋ alá in gʉʉd–sí ka̱rɨ á kʉ́leba, na asá illa a̱rɨ–sí á kɨ́wɨ́tɨ́aba alá Sitana'ŋ bʉ̌tʉ kʉlgʉ́te ka̱rɨa, ká bɨŋa–sí in gís ámiŋ, áíláŋdɨ́rrô keer tog dog írí á a̱gɨ́ba. \v 25 Bá délliŋ a̱rɨ ɨt–sí pʉ́ttôn bǎ̱ɨ asá baiŋ namaŋ níŋ ká á̱ɨ́ŋa.

02/26.txt

@@ -1 +0,0 @@
-\v 26 Dʉó ɨt nás kóos ʉ́ndʉl na dúíŋ áare–sí pii namaŋ jágíŋi–lé, ká ye–sí báŋ bá̱rʉ́ŋá'ŋ taál aní, \v 27 na yé áláŋ yeeŋa–sí kí dáwrá'ŋ táatá̱sʉ tɨ̌ɨ, na yé áláŋ yeeŋa–sí dokké dókkên piá inná daalú'ŋ belgáŋá, \v 28 délliŋ inná asá ká dúíŋ Báa–lé taála oomé áláŋ bá̱rʉ́ŋá–sí ǎ̱ɨ. Na ká yee áláŋ úrí súurꞌíŋ aní. \v 29 Dʉó ɨt nás kɨ́ló kee, ǎ̱w nás a̱rɨ ɨt kelamí asá Kʉo ma̱sɨ̂gkwǎ–sí beléŋá.'

02/title.txt

@@ -1 +0,0 @@
-Magara 2

03/01.txt

@@ -1 +0,0 @@
-\c 3 \v 1 Ma̱sɨ̂gkwǎ ǎl Saridis deém ka̱ɨŋꞌíŋ–si meleg–sí rímmeŋ jáa: 'Jlla dʉó asá Wʉ́o'ŋ kʉo saabe na úríŋá saabe kee kin ʉʉŋa beléŋ. Ká ása kɨ́eŋ tááríŋá aluŋ. Bɨ́ kí kona sálláŋa baiŋ, marraŋ bɨ́ waitólá baŋ. \v 2 Ba̱lɨŋolas, nás a̱rɨ ɨt asá saí na a̱rɨ ɨt asá dakki piá áláŋ waí–sís ka̱kkɨ́ré báa, ilâíŋ ná ká ʉmmó ná kɨ́eŋ tááríŋá dúíŋ Wʉ́o'ŋ kʉ́ŋɨ ás agíŋíebba.

03/03.txt

@@ -1 +0,0 @@
-\v 3 Na naa a̱rɨ ɨt gí ta̱bʉ́ŋ ʉ́ndʉl asá boomé na asá kelbámi. ba̱gɨ báa na tʉ́ʉ́beŋ beeŋ. Abá ás ba̱lɨŋolaba, ká báŋ in êl inná kaam, na bɨ́ ásáŋ á baluŋba ká â̱y tin lé–ii áláŋ dɨ́eŋ konda êl. \v 4 Marraŋ dog bɨ́ báis ba̱ɨ́ŋ nás Saris dɨó kwa ittâ baiŋ alá kéŋ jʉrɨŋa rúbbá á káweba. Ká áláŋ kíeŋ ka̱lɨŋa na áláŋ jʉrɨŋa pattáŋa kiŋíal, ilâíŋ ná yeeŋ kééŋ temena gé.

03/05.txt

@@ -1 +0,0 @@
-\v 5 Illa dʉó asá kóos ʉ́ndʉl–sí jʉrɨŋa pattáŋa in síŋ kiŋíal inná yeeŋ. Na ká kí seéŋsee kééŋ kona–sí jaiŋꞌíŋ dombore–lé áŋ áásoba mááŋ áláŋ kééŋ kona–sí dúíŋ Báa'ŋ ta̱bʉ́ŋ na kééŋ melega'ŋ ta̱bʉ́ŋ tawrá awí. \v 6 Dʉó ɨt nás kɨ́ló kee, ǎ̱w nás a̱rɨ ɨtkelamí asá Kʉo ma̱sɨ́gakwǎ–sí beléŋá .'

03/07.txt

@@ -1 +0,0 @@
-Domoŋ asá Piladelpian'ŋ ma̱sɨ̂gkwǎ–sí áddeŋ káwe \v 7 Ma̱sɨ̂gkwǎ ǎl Piladelpia deém ka̱ɨŋꞌiŋ meleg–sí rímmeŋ jáa: Kiŋ illa dʉó Teyyâkwaŋ na Seekʉŋo'ŋ ʉʉŋa gé asá pa̱a̱lɨ́tɨ ná dʉó á keba ásáŋ taga ʉ́rrɨ́, na asá ʉ́rrɨ́tɨ ná dʉó á keba ásáŋ taga pa̱a̱lɨ́ kin ʉʉŋa beléŋ. \v 8 Ká ása kɨ́eŋ tááríŋá aluŋ. Ká dɨ́eŋ ta̱bʉ́ŋ gis tʉ́sʉ́ palaŋ undí illa alá dʉó á keba ásáŋ taga ʉ́rrɨ́. Ká aluŋ–si bɨ́ ása kʉrro ɨttá baiŋ marraŋ, dog bá dúíŋ ʉʉ–sí ba̱gɨ báa na kúíŋ kona–sí á baaríŋíba.

03/09.txt

@@ -1 +0,0 @@
-\v 9 Ká kila kwa'ŋ níŋ oro áa ǎl Sitanꞌíŋ daara'ŋ kwa gé. Yeeŋ ǎl in kámiŋa âl Ya̱ʉ́da gé na Ya̱ʉ́da á geba, marraŋ namá pɨé kawe. Yeeŋ–sí níŋ undí ná kélal náis bɨŋa–sí kɨ́eŋ tarŋa'ŋ ta̱bʉ́ŋ ta̱bʉŋa sʉ́ʉ́ ka̱bɨ́al, na yeeŋ bá síŋ kɨwe ká ká áíla bɨŋa wǒel. \v 10 Ɨdɨ̂ɨ́ŋ ná bɨ́ dúíŋ ʉʉ–sí ba̱gɨ báa ǎl jɨrmó'ŋ jɨrmó'ŋꞌíŋ risíŋ. Ká dog gíŋ bɨŋa jarri'ŋ tin–lé aáno illa alá da̱ldɨŋ nyét–le ʉ́ndʉl áláŋ kwa nyét–sí arri ǎl sʉʉrʉ́ ka̱ɨŋ. \v 11 Ká naa dakki ʉ́ndʉl. A̱rɨ ɨt–sí pʉttó bǎ̱ɨ asá baiŋ, áísáŋ dʉó tog dog  dɨ́eŋ sáas á rɨ́éba.

03/12.txt

@@ -1 +0,0 @@
-\v 12 Dʉó asá kóos ʉ́ndʉl–sí báŋ dúíŋ Wʉ́o'ŋ toŋteyyâ'ŋ na tobá áa. Na yé dʉ́t dééŋ paál áŋ kúróba. Ká báŋ dééŋ írí dúíŋ Wʉ́o'ŋ kona na dúíŋ Wʉ́o'ŋ deemꞌíŋ kona rímmeŋ áa, deem dɨwwô ǎl Jurusalam ka̱rɨ́a, ǎl jaawíl dúíŋ Wʉ́o'ŋ –lé kee ná dǔu bʉʉŋel. Na dog níŋ dééŋ–le kúíŋ kona kɨwwóŋa tágá rimmeŋ áaa. \v 13 Dʉó ɨt nás kɨ́ló kee, ǎ̱w nás a̱rɨ ɨt kelamí asá kʉo ma̱sɨ́akwǎ–sí beléŋá."

03/14.txt

@@ -1 +0,0 @@
-Domoŋ asá Lodika'ŋ ma̱sɨ̂gkwǎ–sí áddeŋ káwe \v 14 Ma̱sɨ̂gkwǎ ǎl Lidika deém ka̱ɨŋꞌíŋ–si meleg–sí rímmeŋ jáa: Ila dʉó ǎl Eeyáa ka̱rɨ́a na ǎl seejǎ̱ɨdʉŋona nʉ́ŋɨ́dʉŋo seekʉŋo na Wʉ́o'ŋ jetéréŋá'ŋ ka̱rɨ–ii, kin ʉʉŋa beléŋ. \v 15 Ká ása kɨ́eŋ tááríŋá aluŋ. Bɨ́ walá lúllá á baŋba walá tokké á baŋba. Ká wǒeliŋi álâŋ bɨ́ lúllá wala gal tokké baáŋá! \v 16 Naa ɨdɨ̂ɨ́ŋ ná bokké á baŋ, ná lúllá á baŋba wala tokké á baŋba, áíláŋ dúíŋ ʉtó aráŋ.

03/17.txt

@@ -1 +0,0 @@
-\v 17 Bɨ́ in bámiŋ "Kɨ́ kawaja kaŋ na ása ka̱wa̱jɨŋ suŋŋâ koomé ná a̱rɨ tóg dog á kǒelba." Marraŋ ás bɨ́wélba âl taltála na ragasána na pa̱ga̱rɨŋa na ka̱ra̱ŋa na pogoŋa baŋ. \v 18 Ká ʉʉ́ŋsee gís ámiŋ áláŋ dúi–lé siir balu asá kí utú kɨɨrʉl. áláŋ mat kawája beeŋ. Dúi–lé jʉrɨŋa pattáŋa bulu áláŋ taga biŋí áláŋ dɨ́eŋ pʉgɨŋ óorakwaŋ paál á jáwíŋíba. Dúi–le kʉ́ŋɨ́'ŋ dawa bulu áláŋ kɨ́eŋ kʉ́ŋí–le biŋí na taga lóó ba̱gɨ́l.

03/19.txt

@@ -1 +0,0 @@
-\v 19 Ká kila kwa nyét–sí álá wǒel, upúríti na dǒra awíti. Naa kíkurrâ boiŋí na tʉ́ʉ́beŋ beeŋ. \v 20 Ká tʉ́sʉ́–le éérél ná tʉ́sʉ́ aldi. Abá dʉó díg dúíŋ arka kelamí nás tʉ́sʉ́ pa̱a̱lɨ́, ká báŋ dée–lé oo náa kíe na̱mɨ́e káa na yé báŋ dúi–lé êl ná kíe na̱mɨ́e káa.

03/21.txt

@@ -1 +0,0 @@
-\v 21 Dʉó asá kóos ʉ́ndʉl–sí, ká bá síŋ ɨɨn ná kíe dúíŋ kʉttɨ'ŋ írí kôŋ, inná asá bá ká kóos éla ná kí dúíŋ Báa dééŋ kʉttɨ'ŋ írí kóóŋó. \v 22 Dʉó ɨt nás kɨ́ló kee, ǎ̱w nás a̱rɨ ɨt kelamí asá Kʉo ma̱sɨ́gkwǎ–sí beléŋá."

03/title.txt

@@ -1 +0,0 @@
-Magara 3

04/01.txt

@@ -1 +0,0 @@
-\c 4 \v 1 Lia asá kin ʉ́tóŋá bɨtʉl, namá nʉ́ŋɨ́ awí namá jaawíl tʉ́sʉ́ palaŋ a̱gɨla! Na ʉrʉ́ sîw inná ambayá, ǎl waar kelámi náis kaa risíŋá, ná in beléŋá, "Íne írí jêl náis a̱rɨ ɨt áwli ǎl in lóŋ áláŋ eeŋ lia alá kin ʉ́tóŋá ɨŋɨ." \v 2 Iddálaŋ ká namá Kʉo Teyyáŋa'ŋ dɨó aáŋá. Híllâ jaawíl, namá kʉttɨ kayé, namá dʉó díg kéŋá ná illa kʉttɨ'ŋ írí ǎ̱wɨŋɨ. \v 3 Na dʉó ǎl híllâ ǎ̱wɨŋɨ namás jaluŋa julmiŋol kéŋá inná kɨ́tóŋá jaluŋakwǎ tárráŋ, inná rées na ga̱ldɨ́. Na bɨdɨgɨ̂r ná in ulmeliŋi inná dɨ́tó silinysilíny kɨrró nás kʉttɨ–sí dorol piá.

04/04.txt

@@ -1 +0,0 @@
-\v 4 Illa kʉttɨá̱rɨ́ŋá–le namá kʉttɨŋa kerŋa weyyéŋá a̱w na oŋŋal ka̱ɨ́ŋ, na sábáŋáta̱bʉŋakurráŋakwǎ weyyéŋá a̱w na oŋŋal ná ka̱ɨ́ŋ ná kila kʉrttɨŋa'ŋ írí ká̱wɨŋɨ. Na yeeŋ–sí namás jʉrɨŋa pattáŋa kiŋíe na siirꞌíŋ–si taaja ta̱bʉ́ŋ ka̱ɨ́ŋ. \v 5 Na illa kʉttɨ–lé ná kuyíŋjúlmólaŋa kúréliŋi na wiísꞌíŋ kola rimitîti na da̱ɨ́lꞌíŋ kola rimitîti.  kʉttɨ'ŋ ta̱bʉ́ŋ namá sʉ́llama saabe ka̱ɨ́ŋ ná lííŋiŋŋi. Kin namá Wʉ́o'ŋ kʉo  saabe gé.

04/06.txt

@@ -1 +0,0 @@
-\v 6 Na dog híllâ illa kʉttɨ'ŋ ta̱bʉ́ŋ a̱rɨ díg kéŋá ná in jóŋá inná mandara'ŋ roo, ná in kéŋá inná teltel. Na illa kʉttɨ'ŋ lóóŋ túle na illa kʉttɨ'ŋ á̱rɨ́ŋŋá–le namá karába sálláŋa oŋŋal ka̱ɨ́ŋ ná kɨ́eŋ sǔrŋá nás kʉ́ŋɨ́ píssiŋ ka̱ɨ́ŋ.

04/07.txt

@@ -1 +0,0 @@
-\v 7 Karâb sállâ déégkʉŋo namá in lóŋá inná mʉʉrʉ́, na karâb sállâ a̱wkʉŋo namá in lóŋá inná nuŋí, na karâb sállâ ɨɨskʉŋo namás wa̱jɨ in kéŋá inná dʉldɨ'ŋ kwě'ŋ wa̱jɨ, na karâb sállâ oŋŋalkʉŋo namá in lóŋá inná dʉʉl ná arda píéŋí. \v 8 Na kila karába sálláŋa oŋŋalꞌíŋ dɨó karâb  bi karâ namás pělega osondííg kéŋá na kɨ́eŋ sǔrŋá na pělega'ŋ dǔu namás kʉ́ŋɨ́ píssiŋ ka̱ɨ́ŋ. Na kí luul na tóó péllét á kɨɨréliba bá in beléŋá, "Teyyâ, teyyâ, teyyâ bá Wʉ́o Loŋpii ka̱kkɨ́rekʉŋo–ii, alá kérrég kéŋá na alá kee na asá ká̱ɨ́ŋ áláŋ êl !"

04/09.txt

@@ -1 +0,0 @@
-\v 9 Na tin bi tin asá kila karába sálláŋa ye–sí galaŋa páálítía na ba̱gɨ pɨe na assós beléŋá illa dʉó–sí alá kʉttɨ'ŋ  írí kee ná ǎ̱w, illa dʉó alá namaŋ níŋ kee báŋ kee. \v 10 Na kila sábáŋáta̱bʉŋakurráŋakwǎ weyyéŋá a̱w na oŋŋal dééŋ ta̱bʉ́ŋ kʉrboŋ ká̱wɨ kee. Yeeŋ ɨ́eŋ taaja illa kʉttɨ'ŋ ta̱bʉ́ŋ kawrítía ná in kámiŋa, \v 11 "Jɨ́ in lóŋ, dáíŋ Loŋpii na Wʉ́o ásáŋ galaŋa na ba̱gɨ na kʉrro joomé, ilâiŋ ná jɨ́ ótáŋá nyét jetéré, na dɨ́ɨ́ŋ áare'ŋ ʉʉ́ŋ yeeŋ namá ka̱ɨ́ŋ na yeeŋ tééríŋíe."

04/title.txt

@@ -1 +0,0 @@
-Magara 4

05/01.txt

@@ -1 +0,0 @@
-\c 5 Murul na Wʉ́o'ŋ Dolêŋkwě \v 1 Lia namá murul a̱gɨla illa dʉó'ŋ dóŋá súru–lé alá kʉttɨ'ŋ írí ǎ̱wɨŋɨ. Illa murulꞌíŋ sabbaŋa a̱w dog–lé namá rima ka̱ɨ́ŋ, illa murul–sí namás kí ósoma saabe ósom ka̱ldʉl. \v 2 Ká namá meleg ka̱kkɨ́re a̱gɨla ná kí ʉrʉ́ sîw belé tawrá jáwíti, "Kɨé ná nii–ii ásáŋ in murul–sí pa̱a̱lɨ́ na kééŋ ósoma duu?"

05/03.txt

@@ -1 +0,0 @@
-\v 3 Jaawíl wala gal sʉʉrʉ'ŋ írí wala gal sʉʉrʉ'ŋ dɨó dʉó tog dog á kéŋába ásáŋ taga illa murul–sí pa̱a̱lɨ́ ná dééŋ dɨo já̱gɨl. \v 4 Naa ká namás aá ná kí kurrâ oom ɨdɨ̂ɨ́ŋ ná dʉó ás bʉ́lɨ́ŋɨ́ba ǎl nii–ii ásáŋ illa murul–sí pa̱a̱lɨ́ wala gal áláŋ dééŋ dɨo já̱gɨl. \v 5 Lia sábáŋáta̱bʉŋakurráŋakwǎ'ŋ dɨó díg namáis in kwǎ, "A joomba! Yʉda'ŋ órre illa Mʉʉrʉ́–sí ja̱gɨ́l, Dǎ̱ʉdꞌíŋ Dɨɨrɨ́e–ii nás kóos éla. Na yé kʉrros kee ásáŋ illa murul na kééŋ ósoma saabe–sí pa̱a̱lɨ́."

05/06.txt

@@ -1 +0,0 @@
-\v 6 Ká Dolêŋkwěs a̱gɨla ná illa kʉttɨ'ŋlóó'ŋ túle kɨɨrél, na karába sálláŋa oŋŋal na sábáŋáta̱bʉŋakurráŋakwǎ nás dorol káwe. Illa Dolêŋkwě namás in lóŋítíeŋi inná asá ka̱wŋɨ. illa Dolêŋkwě namás kolpa saabe na kʉ́ŋɨ́ saabe kéŋá, ǎl Wʉ́o'ŋ kʉo saabe gé ǎl sʉʉrʉ nyét–le áddeŋ káwe. \v 7 Namá nyaŋá ná illa murul–sí illa dʉó'ŋ dóŋá súru–lé bawa ǎl kʉttɨ'ŋ írí ǎ̱wɨŋɨ.

05/08.txt

@@ -1 +0,0 @@
-\v 8 Indálaŋ lia ǎlbá murul bawa, kila karába sálláŋa oŋŋal na sábáŋáta̱bʉŋakurráŋakwǎ weyyéŋá a̱w na oŋŋal namá Dolêŋkwǎ'ŋ ta̱bʉ́ŋ kí kʉrŋa kʉ́ʉl. Na dɨ́eŋ dɨó dʉó bi dʉós goŋgoŋjárrá kéŋá. Na siirꞌíŋ mubbara koŋa–lé kééliŋi nás sʉ́ʉ́lá dɨó píssiŋ ka̱ɨ́ŋ. Kila sʉ́ʉ́lá aláWʉ́o'ŋ kwǎ'ŋ jʉ̌ma gé.

05/09.txt

@@ -1 +0,0 @@
-\v 9 Namás kona kɨwwóŋa káwe alá in beléŋá, "Jɨ́ nii jaago áláŋ illa murul jabúŋ nás kééŋ ósoma já̱wlɨ, ilâiŋ nái jɨ–sí daabeŋ káwe, na kɨ́ɨ́ŋ kewa nás Wʉ́o–sí órré bi órré na belé bi belé–le na kwa'ŋ daara bi daara–lé na ba̱rʉ bi ba̱rʉ–lé kwa'ŋ dulum jáyé. \v 10 Na jɨ́ yeeŋ–sí jundí ná Wʉ́o'ŋ kʉrɨŋꞌíŋ kwa na pǎ̱gɨŋa kɨŋɨ na yeeŋ áláŋ sʉʉrʉ'ŋ írí kuriŋ gé."

05/11.txt

@@ -1 +0,0 @@
-\v 11 Lia namá nʉ́ŋɨ́ awí, namá melega suŋŋâ'ŋ arka kelámi nás dɨ́eŋ diigiŋ jɨɨ́lo á kéŋába, líriŋa'ŋ líríŋá na dɨ́eŋ diigiŋ nás jɨɨ́loá kéŋába, míriŋa'ŋ míriŋa nás kʉttɨ na karába sálláŋa na sábáŋáta̱bʉŋakurráŋakwǎ–sí téréremerere pɨ̌e. \v 12 Na kí ʉrʉ́ síw in beléŋá, "adaolêŋkwě asá daábeŋ káwe nii–ii, ásáŋ kʉrro na ka̱wa̱jɨŋ na rɨɨŋ na ka̱kkɨrɨŋ na ba̱gɨ na galaŋa na mʉjjé bóóyé!"

05/13.txt

@@ -1 +0,0 @@
-\v 13 Lia namá karâb bi karâb–sí jaawíl na sʉʉrʉ'ŋ írí na sʉʉrʉ'ŋ dɨó na koró kelámi na kila karába nyét ǎl dɨ́eŋ dɨó ka̱ɨŋ ná in beléŋá, "Ǎ̱w mʉjjé na ba̱gɨ na galaŋa na ka̱kkɨrɨŋ ná illa dʉóǎl kʉttɨ'ŋ írí kee na illa Dolêŋkwě'ŋ gé namaŋ níŋ ka̱ɨŋ báŋ ka̱ɨŋ!" \v 14 Kila karába sálláŋa oŋŋal namá in aáŋé, "Ee yáa!" sábáŋáta̱bʉŋakuráŋakwǎ namá kí kʉrŋa kʉ́ʉl ná ba̱gɨ káwe.

05/title.txt

@@ -1 +0,0 @@
-Magara 5

06/title.txt

@@ -1 +1 @@
-Magara 6
+Magara

20/01.txt

@@ -1 +0,0 @@
-\c 20 \v 1 Lia namá melege a̱gɨla ná jaawíl bʉʉŋeliŋi. Ná yé dʉrʉmꞌíŋ gonyâyéŋkwě dóŋa tɨɨ́lɨŋɨ. Naŋ dog nyirríŋ appâ  dóŋa tɨɨ́lɨŋɨ. \v 2 Namá illa málál–sí dá̱bbɨ́ŋ tɨ̌o illa alá tóórígꞌíŋ nʉ́ʉ́m–ii alá Ányádɨɨŋáta̱bʉ wala gal Sitan–ii ná kí ayéŋá líri rɨgo. \v 3 Namá dʉ́rʉ́m ímíŋi na pá̱á̱gɨ́s nás ɨwo, áláŋ naa bá̱rʉ́ŋá–sí júúleŋ taga á piába namaŋ síŋ ayéŋá líri agíŋíal. Lia báŋ kí tin ittî baj kundía .

20/04.txt

@@ -1 +0,0 @@
-\v 4 Lia namá kʉttɨŋa a̱gɨla. Kila kwa alá taála kaníe ásáŋ kwa–sí kande  namá kʉttɨŋaꞌŋ írí kayé. Naŋ dog kila kwaꞌŋ kuíŋá a̱gɨla alá dɨ́eŋ jɨbé Ísaꞌŋ ꞌíŋ ʉʉ́ŋ na Wʉ́oꞌŋ beléꞌŋ ʉʉ́ŋ ta̱bʉŋa kándé. Ná yeeŋ karâb a̱a̱sɨ wala gal dééŋ jaluŋ–sí ba̱gɨ á káweba walá kɨ́eŋ a̱rɨ́ŋá–le wala gal kɨ́eŋ koŋa–lé dééŋ ósom á kaníeba. Namás  sállá kɨŋɨ ná kí Jáásodʉŋoŋ ayéŋa líri kuriŋa ka̱ɨ́ŋ .

20/05.txt

@@ -1 +0,0 @@
-\v 5 Kwa waitólá kerŋa sállá ás kɨŋɨba namaŋ–si ayéŋá líti agíŋíe. In namá sállájeeŋ díígkʉŋo–ii. \v 6 Ná dʉó asá sállájeeŋ díígkʉŋo–lé sá̱dɨ́eŋ eŋa bá borapattádʉŋona teyyâ–ii ! Wǎy a̱wkʉŋo kwa kininiŋꞌíŋ írí kʉrro ás keba, maraŋ yeeŋ áláŋ Wʉ́o na jáásodʉŋoꞌŋ pǎ̱gɨŋa kɨŋɨ, na yeeŋ áláŋ kíeŋ kí ayéŋá líri kuriŋa gé.

20/07.txt

@@ -1 +0,0 @@
-\v 7 Iladɨo abás ayéŋá líri agíŋíe, Sitan–sí dééŋ túmná báŋ karûl. \v 8 Ná báŋ kúró ná bá̱rʉ́ŋá–sí júúleŋ piá alá kí jǐim júuj na Majúuj ka̱rɨ́a kila alá sʉʉrʉꞌŋ korgi oŋŋal–lé ka̱ɨŋ. Na yé áláŋ yeeŋa–sí geerꞌíŋ ɨsó. Na dɨ́eŋ diigiŋ nii–ii inná rooꞌŋ ŋáány.

20/09.txt

@@ -1 +0,0 @@
-\v 9 Yeeŋ sʉʉrʉ nyétꞌíŋ írí perra kɨŋɨ nsmás Wʉ́oꞌŋ kwaꞌŋ ka̱lda̱gaꞌŋ kóyó na illa deem térérémerere káwe ǎl Wʉ́o kóel. Maraŋ namá utú jaawíl bʉʉŋo ná kila kwa–sí amí asá kóyó  na deem–sí térérémerere káwe . \v 10 Lia illa Ányádɨɨŋáta̱bʉ, alá yeeŋ–sí júúleŋ piá, namá utúꞌŋ bǎw kamíŋíe alá kí daáru lííŋ, illa lóó–le alá karâb a̱a̱sɨ na  domoŋdʉŋo pɨédʉŋo–sí kamíŋíe. Yeeŋ–sí  kí luul na tóó níŋ jággá kaye ná namaŋ níŋ ka̱ɨŋ báŋ ka̱ɨŋ.

20/11.txt

@@ -1 +0,0 @@
-\v 11 Lia namá kʉttɨ pattâ appâ a̱gɨla na dʉó ǎl dééŋ írí kayé. Sʉʉrʉ na jaawíl namá dééŋ wajɨ–lé bíe, maraŋ wasá lóó á bʉ́léba áláŋ déé–le jɨa̱ . \v 12 Lia namá kwa waitólá appáŋa na dokkéŋa a̱gɨla ná kʉttɨꞌŋ ta̱bʉ́ŋ kééréliŋi. Namá domboreŋa pa̱a̱lɨ́ŋɨ́e. Lia namá dombore keer pa̱a̱lɨ́ŋɨ́, illa alá jaiŋꞌíŋ dombore–ii. Namá kwa waitólá–sí kí kila ʉ́tóŋá jánsá kayé alá kila domboreŋaꞌŋ dɨó rímmeŋ ɨŋɨ, kí kila ʉ́tóŋáꞌŋ dorá alá yeeŋ káwe.

20/13.txt

@@ -1 +0,0 @@
-\v 13 Roo namás kila kwa waitólá–sí éla alá dééŋ dɨó ka̱ɨ́ŋ. Wǎy na Utú namás kila kwa–sí waitólá–sí éla alá dɨ́eŋ dɨó ka̱ɨ́ŋ. Dʉó bi dʉó–sí bá jánsá kayé, kí kila ʉ́tóŋáꞌŋ dorá ǎl yé pía. \v 14 Lia Wǎy na Utú–sí namá utúꞌŋ bǎw kamíŋíe. Utúꞌŋ baw namá wǎy a̱wkʉŋo–ii . \v 15 Dʉó ɨt nás kééŋ kona jaiŋꞌíŋ domboreꞌŋ dɨó á bʉ́lɨ́ŋɨ́eba, bá utúꞌŋ bǎw kamíŋíe.

20/title.txt

@@ -1 +0,0 @@
-Magara 20

21/01.txt

@@ -1 +0,0 @@
-\c 21 \v 1 Lia namá jaawil dɨwwô na sʉʉrʉ dɨwwô a̱gɨla, illâíŋ ná jaawil waarkʉŋo  na sʉʉrʉ waarkʉŋo wa̱rɨ ɨŋɨ, na roo naa á keba. \v 2 Namá deem teyyâ Jurusalam dɨwwô–sí a̱gɨla, na jaawíl Wʉ́o–lé kéŋá ná bʉʉŋeliŋi, nás in ásíleŋ káwe inná bɨrsɨl asá dééŋ jaré–si doldólé káwe.

21/03.txt

@@ -1 +0,0 @@
-\v 3 Namá kʉttɨ–lé ʉrʉ́ sîw kelámi ná in beléŋá, " Ba̱gɨ́l! Wʉ́oꞌŋ jaiŋꞌíŋ lóó naa kawꞌŋ dɨó kee. Yé áláŋ kíeŋ kóol. Na yeeŋ áláŋ kééŋ kwa kɨŋɨ, na Wʉ́o kí dééŋ dorol áláŋ kíeŋ gé ná dɨ́eŋ Wʉ́o eeŋ . \v 4 Na yé ásáŋ kɨ́eŋ kʉ́ŋɨ mírmira bi mírmira–sí paasó. Na naa híllâ wǎy na mʉʉnɨŋ na kola na wa̱y áŋ ka̱ɨŋba, illâíŋ ná ótáꞌŋ táara toykʉŋo paasiŋo".

21/05.txt

@@ -1 +0,0 @@
-\v 5 Lia illa dʉó ǎl kʉttɨꞌŋ írí kayé namá in kwǎ, " Ba̱gɨ́l ká ótáŋá nyét–sí kɨwwóŋa awíti." Naŋ dog in kwǎ, "in ʉʉ–sí  rímmeŋ jáa, ilâíŋ ná kin ʉʉŋa seeŋakwǎ na seeŋa gé. " \v 6 Namáis kaa in kwǎ, " Ótáŋá nyét ɨŋɨ ! Ká Alapa na Omega aŋ na juuŋ na Jágíŋi aŋ. Dʉó ɨt ná buur–ii bá síŋ jaiŋꞌíŋ koroꞌŋ pojor–lé koro hǒo aní.

21/07.txt

@@ -1 +0,0 @@
-\v 7 Dʉó asá kóos ʉ́ndʉl báŋ kin ótáŋá mɨrot piá. Na Ká áláŋ dééŋ Wʉ́o eeŋ na yé ná dúíŋ kwědee eeŋ. \v 8 Maraŋ kaaluŋa na seejǎ̱ɨwa̱rɨkwǎ na kwa anyágá na kuíŋájǎ̱ɨkwǎ na ajɨlɨŋkwǎ na sanyítakwǎ na kʉnʉ́soꞌŋ ba̱gɨjáakwǎ na pɨékwǎꞌŋ mɨrot báŋ utúꞌŋ baw–ii illa alá kí utú daáru lííŋ. In utúꞌŋ baw namá wǎy awkʉŋo–ii".

21/09.txt

@@ -1 +0,0 @@
-\v 9 Lia melega saabeꞌŋ dɨó díg asá  maúna saabe kéŋá asá   jʉ́ʉ́rá ka̱rɨkwǎ saabe dɨó píssiŋ ka̱ɨ́ŋ namá êl náis risiŋo, ná in beléŋá, "jéla náis bɨrsɨl áwli, Dolêŋkwěꞌŋ yáakwě." \v 10 Namáis kí Kʉo Teyyáŋaꞌŋ dɨo pʉ́gó appâ kurrâꞌŋ írí nyaŋá náis Jurusalam, Deem Teyyâ–sí paalí ná Jaawíl Wʉ́o–lé kéŋá ná bʉʉŋeliŋi.

21/11.txt

@@ -1 +0,0 @@
-\v 11 Illa deem namá kí Wʉóꞌŋ galaga úlmélíŋí. Na dééŋ júlmóla ná in lóŋá inná dagâg tárra na inná rées naŋ in ser kéŋá inná teltel. \v 12 Na tirja appâ kurrâs kéŋá kí tʉ́sʉ́ŋá weyye an awiŋ na melega weyye na a̱w ná tʉ́sʉ́ŋáꞌŋ wʉoŋa ka̱ɨ́ŋ. Izrǎilꞌíŋ órréŋá weyye na a̱wꞌíŋ kona ná tʉ́sʉ́ŋá–le rimmeŋ káwe. \v 13 sabba bi sabba–lé tʉ́sʉ́ŋá ɨɨs ka̱ɨ́ŋ, ɨɨs sabbaꞌŋ ere na ɨɨs sǎ̱ɨdꞌíŋ ere na ɨɨs rɨ́ɨꞌŋ ere na ɨɨs dʉgʉ́ꞌŋ ere.

21/14.txt

@@ -1 +0,0 @@
-\v 14 Na deemꞌíŋ tirja ebedeŋa weyye na a̱w–sí kéŋá ná dɨ́eŋ írí Dolêŋkwěꞌŋ  kʉréemeŋa weyye na a̱wꞌiŋ kona ka̱ɨ́ŋ . \v 15 Illa meleg aísa kaa risiŋo jarriꞌŋ ba̱rɨs  kéŋá alá siir–lé káwe áláŋ deem na kééŋ tʉ́sʉ́ŋá na tirjaŋa–sí arri.

21/16.txt

@@ -1 +0,0 @@
-\v 16 Deem–sí in kʉtʉmʉl inná ká̱rá̱ma̱tâg na dééŋ muut na wa̱ssɨŋ bá arrá téssiŋ gé. Meleg namá illa deem–sí kí jarriꞌŋ ba̱rɨ arra, namá bʉ́ló ná muut kɨlʉmítira líriŋa a̱w na píríŋa a̱w na weyyéŋá a̱w (2,220) –ii Dééŋ muut na wa̱ssɨŋ na kʉrrɨŋírí bá arra téssiŋ gé. \v 17 Na dog dééŋ tirja arrq ná duráŋá píri na weyyéŋá oŋŋal (144) kéŋá kí dʉldɨꞌŋ kwěꞌŋ jarri;ŋ dorá asá meleg táárí pieŋi .

21/18.txt

@@ -1 +0,0 @@
-\v 18 Na tirja–sí kí rées kʉtʉmʉl deem–sí gal kí siir ser kʉtʉmʉl na siir ná in ser kéŋá inná mandara . \v 19 Deemꞌíŋ tirjaꞌŋ ebedeŋa–sí namás kí kɨ́tóŋá tárráŋáꞌŋ órréŋá nyét bírnyá káwe. Dííkʉŋo namá rées kéŋá na a̱wkʉŋo namá dɨ́tó silinysiliny ʉyo kéŋá na ɨɨskʉŋo namá dɨ́tó dɨɨdɨɨ kéŋá na oŋŋaalkʉŋo namá dɨ́tó silinysilíny kɨrrô kéŋá . \v 20 na ooskʉŋo namá dɨ́tó silinyslíny uyú kéŋá na osondíígkʉŋo namá ga̱ldɨ́ kéŋá na seebekʉŋo namá dɨ́tó silinysilíny úlá kéŋá na tammankʉŋo namá dɨ́tó silinysilíny kɨrrókɨrró kéŋá na tiisekʉŋo namá dɨ́tó silinysilíny soónâŋkoro kéŋá na weyyékʉŋo namá dɨ́tó silinysilíny kɨrrókɨrró pattápattá kéŋá na weyye na díígkʉŋo namá dɨ́tó silinysiíny núnyánúnyá kéŋá na weyye na a̱wkʉŋo namá  dɨ́tó silinysilíny da̱lɨ́m kéŋá .

21/21.txt

@@ -1 +0,0 @@
-\v 21 Na tʉ́sʉ́ŋá weyye na a̱w namá sa̱mmɨta weyye na a̱w ka̱ɨ́ŋ ná tʉ́sʉ́ bi tʉ́sʉ́–sí kí sa̱mɨt tog káwe. Na deemꞌíŋ oro–sí namá kí siir ser káwe ná in ser kéŋá inná mandara. \v 22 Na ká íne deém Toŋteyyâa á a̱gɨ́laba, ilâíŋ ná Wʉ́o Loŋpii Ka̱kkɨ́rekʉŋo na Dolêŋkwě dééŋ Toŋteyyâ gé .

21/23.txt

@@ -1 +0,0 @@
-\v 23 Illa deem dʉlé wala gal dúal–sí á kóelba ásáŋ ye–sí lóóerriŋe, ilâíŋ nás Wʉ́oꞌŋ galaga ye–sí erriŋeli na Dolêŋkwěná dééŋ másárája–ii . \v 24 Na bá̱rʉ́ŋá áláŋ deemꞌíŋ hěrra–lé kɨ́lŋɨ́a na sʉʉrʉꞌŋ ábakúriŋa ásáŋ kɨ́eŋ galaga dée–lé kélal . \v 25 Illa deemꞌíŋ tʉ́sʉ́ŋá ásáŋ kí soog nyét pa̱a̱lɨ́ŋá ná péllét ásáŋ á ʉ́rrɨ́ŋɨ́alba, ɨdɨ̂ɨ́ŋ ná híllâ luul áŋ keba.

21/26.txt

@@ -1 +0,0 @@
-\v 26 Kwa ásáŋ dée–lé bá̱rʉ́ŋáꞌŋ galaga na ba̱gɨ kélal. \v 27 Maraŋ a̱rɨ rúbbá á keba áláŋ dée–lé ká̱rɨ́ wala dʉó á keba alá a̱rɨ nayág pii wala gal pɨé pii áláŋ dée–lé ká̱rɨ́. Bá délliŋ kila kwa gé áláŋ ka̱rɨ́a alá kɨ́eŋ kona Dolêŋkwěꞌŋ jaiŋꞌíŋ dombore–lé rímmeŋ ɨŋɨ.

21/title.txt

@@ -1 +0,0 @@
-Magara 21

22/01.txt

@@ -1 +0,0 @@
-\c 22 \v 1 Lia meleg jaiŋꞌŋ koroꞌŋ roo gís paalí. Na  kééŋ koro nás ser na teyyá in gé inná teltel, ná Wʉ́oꞌŋ kʉttɨ na Dolêŋkwěꞌŋ kʉttɨ–lé eeríŋá. \v 2 Illa roo namá kí deemꞌíŋ oroꞌŋn túlé ja̱ɨ́l. Na illa rooꞌŋ sbba bi sabba–lé ná jaiŋꞌíŋ kurú kee. Na illa jaiŋꞌíŋ kurú kwǎꞌŋ órréŋá  weyye na a̱w–si kee ná dúal bi dúal kɨrel. Na illa jaiŋꞌíŋ kurúꞌŋ nyúlúmá–sí kíes bá̱rʉ́ŋá–sí dááweŋ kawe.

22/03.txt

@@ -1 +0,0 @@
-\v 3 Na naa ɨ́de naála áŋ keba. Maraŋ Wʉ́oꞌŋ kʉttɨ na Dolêŋkwǎꞌŋ kʉttɨ áláŋ deém ka̱ɨŋ na kééŋ tááríkwǎ áláŋ yee ba̱gɨ. káwa. \v 4 Yeeŋ Wʉ́oꞌŋ wa̱jɨ níŋ ka̱gɨ́lal, na kééŋ kona–sí áláŋ kɨ́eŋ a̱rɨ́ŋá–lé rímmeŋ káwa. \v 5 Na naa híllâ luul áŋ keba. na yeeŋ másárájáꞌŋ hěrra wala gal dʉleꞌŋ hěrra áŋ kǒeliba, ilâíŋ ná Wʉ́o Loŋpii yeeŋa–sí síŋ erriŋ. Na yeeŋ áláŋ ábakuriŋa gé namaŋ níŋ ka̱ɨŋ.

22/06.txt

@@ -1 +0,0 @@
-\v 6 Lia meleg  namáis kaa in kwǎ, " Kin beléŋá seeakwǎ na seeŋa gé. Na Wʉ́o Loŋpii ǎl domoŋkwǎ–sí upurel, dééŋ meleg áddeŋ piá ásáŋ kééŋ tááríkwǎ–sí a̱rɨ ɨt paalí ǎl dúíti áláŋ naa dakki eeŋ. \v 7 Loŋpii namá in kwǎ, " Ba̱gɨ́l, ká naa dakki ʉ́ndʉl. Borapattá ila dʉóꞌŋ–ii ǎl in domboreꞌŋ dɨó domoŋkwǎꞌŋ domoŋ–sí ba̱gɨ pii."

22/08.txt

@@ -1 +0,0 @@
-\v 8 Ká Yáaye dʉó ɨt aŋ ǎl kin ʉ́tóŋá–sí kelámi na a̱gɨla. Na ǎlbá kelámi na a̱gɨla, namá illa melegꞌíŋ tarŋa–lé kí kʉrŋa óóŋó áláŋ yee ba̱gɨ áa aísa kaa kila ʉ́tóŋá–sí paalítíŋi . \v 9 Maraŋ yé namáis kaa in kwǎ," Illa ʉʉ–sí á jáaba! Ká dog bá ampâr táárídʉŋo in aŋ inná jɨ́ na kɨ́ɨ́ŋ bârŋa domoŋkwǎ, namaŋ kila kwa nyét alá in domboreꞌŋ domoŋ–sí ba̱gɨ káwe. Bá délliŋ Wʉ́o–sí ba̱gɨ jáa.

22/10.txt

@@ -1 +0,0 @@
-\v 10 Namáis kaa in kwǎ, " In domboreꞌŋ dɨó domoŋkwǎꞌŋ domoŋa–si miliny as jáaba, illâíŋ nás tin dakki piá áláŋ kin ʉ́tóŋá nyét ɨŋɨ. \v 11 Jɨttɨŋjáadʉŋo ǎ̱w ná ʉ́tóŋá jɨttɨŋa piá na dʉó ta̱bʉ rúbbá ǎ̱w na ta̱bʉ rúbba ǎ̱w na dʉó wǎ̱rɨg ǎ̱w na ʉ́tóŋá wǎ̱rɨga piá na dʉó teyyâ ǎ̱w ná teyyâ ǎ̱w."

22/12.txt

@@ -1 +0,0 @@
-\v 12 Ísa namá in kwǎ, " Ba̱gɨ́l ká naa dakki ʉ́ndʉl, na ká kí kúíŋ dʉléŋá, na jáíseŋjáaŋ aŋ, na dʉó bi dʉó–sí báŋ kí illa a̱rɨꞌŋ dorá awí alá yé piá. \v 13 Ká Alapa na Omega aŋ na waarkʉŋo na ka̱rɨkʉŋo aŋ na Juuŋ na jágíŋi aŋ .

22/14.txt

@@ -1 +0,0 @@
-\v 14 Borapattá kila kwaꞌŋ–ii alá kɨ́eŋ garambʉ̂bʉŋa kale, ásáŋ mat aar ka̱ɨŋ ásáŋ jaiŋꞌíŋ kurúꞌŋ kwǎ kámmíal na áláŋ mat deém kí tʉ́sʉ́ŋá ka̱rɨ́a. \v 15 Ásaŋa na sanyítakwǎ na ajɨlɨŋkwǎ na kʉnsʉ́oꞌŋ  ba̱gɨjáakwǎ namaŋ dʉó bi dʉó alá kóel áláŋ pɨéŋá na ʉ́tóŋá sa̱rgɨŋa pii, illa deemꞌíŋ paál ka̱ɨŋ.

22/16.txt

@@ -1 +0,0 @@
-\v 16 Ká Ísa, dúíŋ meleg ádeŋ áa áísáŋ bɨŋa ma̱sɨ́gkwǎꞌŋ ʉ́tóŋá kinꞌiŋꞌíŋ, jɨ́be. Ká Dǎ̱ʉdꞌíŋ dɨɨre–lé aŋ naŋ–sí dééŋ Atine aŋ naŋ Úrí Súurꞌíŋ teyyâ aŋ,"

22/17.txt

@@ -1 +0,0 @@
-\v 17 Kʉo Teyyáŋa na bɨrsɨl in kámiŋa, "Jêl." Na ǎ̱w illa dʉó asá kelaam na in kwǎ, "Jêl." Ná ǎ̱w illa dʉó alá buur–ii ná êl. Na ǎ̱w illa dʉó asá jaiŋꞌíŋ koro kóel nás hǒo bǎw.

22/18.txt

@@ -1 +0,0 @@
-\v 18 Ká dʉó bi dʉó–sís  sá̱wgeŋ aw asá in dombore–lé domoŋkwǎꞌŋ domoŋa–sí kelaam: Abás dʉó díg in dombore–lé a̱rɨ nyií, Wʉ́o bá síŋ illa dʉó–sí kila jʉ́ʉ́rá nyií asá in domboreꞌŋ dɨó káwlíe. \v 19 Na abá dʉó díg in dombore–lé domoŋkwǎꞌŋ domoŋa–sí paaso, Wʉ́o báŋ illa dʉó nisil ɨt bǎw  asá dʉó jaiŋꞌíŋ kurú na deem teyyâ–lé kee, kila asá in domboreꞌŋ dɨó káwlíe.

22/20.txt

@@ -1 +0,0 @@
-\v 20 Yé asá kin ʉ́tóŋá–sí jɨ́bɨ́tɨ in beléŋ, " Kí seéŋsee, ká naa dakki ʉ́ndʉl" ,Ee yáa, Loŋpii Ísa jéla!. \v 21 Ǎ̱w ná Loŋoii Ísaꞌŋ tʉllɨŋ kí Wʉ́oꞌŋ kwa  nyéttiŋ–ii Eeyáa.

22/title.txt

@@ -1 +0,0 @@
-Magara 22

LICENSE.md

@@ -1,47 +1,4 @@
 
-<<<<<<< HEAD
-<<<<<<< HEAD
-## Creative Commons Attribution-ShareAlike 4.0 International
-
-### Human-Readable Summary 
-  
-
-The Creative Commons Attribution-Share Alike 4.0  International  License is available at
-http://creativecommons.org/licenses/by-sa/4.0/.
-
-#### This is a human-readable summary of (and not a substitute for) the License.
-  
-
-### You are free to:
-
-
-*  **Share** — copy and redistribute the material in any medium or  format.
-
-*  **Adapt** — remix, transform, and build upon the material for any purpose, even commercially.
-
-   The licensor cannot revoke these freedoms  as long as  you follow the license terms.  
-
-### Under the following terms:
-
-*  **Attribution** —You must give appropriate credit, provide a link to the license, and indicate if changes were made. You may do so in any reasonable manner, but not in any way that suggests the licensor endorses you or your use.
-
-*  **ShareAlike** — If you remix, transform, or build upon the material, you must distribute your contributions under the same license as the original.  
-
-*  **No additional restrictions** — You may not apply legal terms or technological measures that legally restrict others from doing anything the license  permits.
-
-
-### Notices:
-
-* You do not have to comply with the license for elements of the material in the public domain or where your use is permitted by an applicable exception or limitation.
-
-* No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
-
-  
-
-This PDF was generated using Prince (https://www.princexml.com/).
-=======
-=======
->>>>>>> dde5966567a564d9ca95be686fa95118f0e548a9
 # License
 ## Creative Commons Attribution-ShareAlike 4.0 International (CC BY-SA 4.0)
 
@@ -70,7 +27,3 @@ You do not have to comply with the license for elements of the material in the p
 No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
 
 This PDF was generated using Prince (https://www.princexml.com/).
-<<<<<<< HEAD
->>>>>>> 84c3396a0636e6998cce5e2c0d1601b3a0bda540
-=======
->>>>>>> dde5966567a564d9ca95be686fa95118f0e548a9

front/title.txt

@@ -1 +0,0 @@
-Tawrájawí'ŋ Dombore

manifest.json

@@ -3,11 +3,11 @@
 	"format": "usfm",
 	"generator": {
 		"name": "ts-desktop",
-		"build": "195"
+		"build": "55"
 	},
 	"target_language": {
-		"id": "fvr-SS-fur",
-		"name": "Fur / Poor",
+		"id": "fvr",
+		"name": "Fur",
 		"direction": "ltr"
 	},
 	"project": {
@@ -27,66 +27,15 @@
 			"language_id": "en",
 			"resource_id": "ulb",
 			"checking_level": "3",
-			"date_modified": "2022-03-24T15:58:30.8027537+00:00",
-			"version": "21-05"
+			"date_modified": "2017-11-29T00:00:00+00:00",
+			"version": "12"
 		}
 	],
 	"parent_draft": {},
 	"translators": [
-		"PGA",
-		"Tɨgor kurtá kôs",
-		"Addên Selbé'ŋ Sáár"
+		"Tɨgor kurtá kôs"
 	],
 	"finished_chunks": [
-		"front-title",
-		"01-title",
-		"01-01",
-		"01-04",
-		"01-07",
-		"01-09",
-		"01-12",
-		"01-14",
-		"01-17",
-		"01-19",
-		"02-title",
-		"02-01",
-		"02-03",
-		"02-06",
-		"02-08",
-		"02-10",
-		"02-12",
-		"02-14",
-		"02-16",
-		"02-18",
-		"02-20",
-		"02-22",
-		"02-24",
-		"02-26",
-		"03-title",
-		"03-01",
-		"03-03",
-		"03-05",
-		"03-07",
-		"03-09",
-		"03-12",
-		"03-14",
-		"03-17",
-		"03-19",
-		"03-21",
-		"04-title",
-		"04-01",
-		"04-04",
-		"04-06",
-		"04-07",
-		"04-09",
-		"05-title",
-		"05-01",
-		"05-03",
-		"05-06",
-		"05-08",
-		"05-09",
-		"05-11",
-		"05-13",
 		"06-title",
 		"06-01",
 		"06-03",
@@ -95,12 +44,10 @@
 		"06-09",
 		"06-12",
 		"06-15",
-		"07-title",
 		"07-01",
 		"07-04",
 		"07-07",
 		"07-09",
-		"07-11",
 		"07-13",
 		"07-15",
 		"08-title",
@@ -218,39 +165,6 @@
 		"19-14",
 		"19-17",
 		"19-19",
-		"19-21",
-		"20-title",
-		"20-01",
-		"20-04",
-		"20-05",
-		"20-07",
-		"20-09",
-		"20-11",
-		"20-13",
-		"21-title",
-		"21-01",
-		"21-03",
-		"21-05",
-		"21-07",
-		"21-09",
-		"21-11",
-		"21-14",
-		"21-16",
-		"21-18",
-		"21-21",
-		"21-23",
-		"21-26",
-		"22-title",
-		"22-01",
-		"22-03",
-		"22-06",
-		"22-08",
-		"22-10",
-		"22-12",
-		"22-14",
-		"22-16",
-		"22-17",
-		"22-18",
-		"22-20"
+		"19-21"
 	]
 }