Thu Jul 08 2021 01:27:32 GMT+0200 (Sudan Standard Time)

01/01.txt

@@ -0,0 +1 @@
+\c 1 \v 1 Li–ii kwa soŋŋâ kʉrro kané, ná kila aldíŋá rímmeŋ káwe kila ʉ́dóŋá'ŋ ǎl dáíŋ tâs–lé ɨŋɨ, \v 2 Alá îsa'ŋ ŋiŋ risíŋá in ǎila kɨŋa kila kwa kaníe, kwa kɨd alá waar ka̱gɨle namá ila belé'ŋ táárí kwǎ kɨŋɨ. \v 3 Na naa ǎl ká kúdííŋ dorol miǐn waar kin ʉ́dóŋá–sí nyéttin táráásiŋ kwě'ŋ a̱gɨla, ka–sí dog gîs tullé lóóŋíti dúíŋ sagal Sopilaas, \v 4 áísáŋ jɨɨ aldí terere  rímmeŋâ, áísáŋ jɨɨ in beé see eeŋ aísa jɨɨ káwlíe.

01/05.txt

@@ -0,0 +1 @@
+\v 5 Yáaye jálíŋodʉŋo'ŋ Da̱a̱rɨŋꞌíŋ Súrrin jâ: ába kuri Hiródꞌíŋ tin–lé Ya̱ʉ́da'ŋ pá̱gɨ kéŋá ná in ka̱rɨ̂ŋɨ Za̱kkrɨ́ya ná a̱bɨla'ŋ dorá'ŋ kwa–lé aáŋá na dééŋ yáa'ŋ kwě a̱lɨ́zabés a̱rʉ̂nꞌíŋ atineaáŋá. \v 6 Yeeŋ kwa a̱w dog Wʉ́o'ŋ ere wá̱rɨga ka̱ɨ̌ŋ, ila namá dééŋ arrá in lóŋ Loŋ piíŋ káálíŋtá na koraŋ nyét–le lôm ás ka̱ɨ́ŋba. \v 7 Marraŋ yeeŋ dogólá ás ka̱ɨŋba ɨdɨɨ̌ŋ ná a̱lɨ́zabés baaru aáŋá, na yeeŋ kwa a̱w dog appâ kɨŋɨ.

01/08.txt

@@ -0,0 +1 @@
+\v 8 Asi díg asá Za̱ka̱rɨ́ya'ŋ kwǎ'ŋ táárí'ŋ della aáŋá, yé Wʉ́o'ŋ ta̱bʉ'ŋ pá̱gɨ aáŋá nás Wʉ́o–sí táárí píéŋí. \v 9 Na yee–sí kí aara'ŋ ja̱bɨ́ ka̱á̱ŋʉl kí kila koraŋa alá pá̱gɨŋa–sí kǎwŋeli, álá Loŋ piíŋ toŋ tiyyâ–lé jee nás sʉ́ʉ́lá̱ sʉ́ʉ́l piyá. \v 10 Na abá sʉ́ʉ́lá̱'ŋ jʉɨ́ŋ tin paago kwa soŋŋâ ǎl paál ka̱ɨ́ŋ ná kʉ́meliŋ–ii.

01/11.txt

@@ -0,0 +1 @@
+\v 11 Za̱ka̱rɨ́ya–sí namá Loŋ piíŋ meleg lóóŋóla ná sʉ́ʉ́lá'ŋ saba gôboŋá'ŋ saba súru'ŋ eré kééŋá ná kɨɨréliŋi–ii. \v 12 ǎlbá já̱gɨ́la namás bíí namá ka̱lɨ tɨ́o nás jáá ná kítíŋ. \v 13 Marraŋ meleg namás in kwǎ,"Za̱ka̱ríya ka̱lɨ aítɨ̂ba, Wʉ́o áisa dɨ́ɨ́ŋ jʉ̂m kelamí. Dɨ́ɨ́ŋ dʉó'ŋ yáa Alízabes áláŋ kwǎ dee tɨɨ̂ námás kona Yáaye janí.

01/14.txt

@@ -0,0 +1 @@
+\v 14 Na jɨɨ áíláŋ bát kilmá sɨmmó eeŋ, Na áláŋ kwa soŋŋâ–sí dééŋ da̱a̱rɨŋꞌíŋ írí kilmaŋa sɨmmó ɨŋɨ. \v 15 ɨdɨ̂ǐŋ ná Loŋpiíŋ kʉ́ŋɨ́–le. áláŋ soŋŋâ appá–ii, Na yé kira wala kira ka̱kkɨ́reŋa asá kwa–sí tɨɨlɨ péllét áláŋ á baaba, NA ásáŋ miǐn dééŋ íya'ŋ dɨó kí kuo tiyyâŋa pis eeŋ.

01/16.txt

@@ -0,0 +1 @@
+\v 16 Na ásáŋ Israílíŋá'ŋ kwa soŋŋâ–sí Loŋpii dɨ́eŋ Wʉ́o–lé wá̱ɨ́ŋa. \v 17 Yé áláŋ Loŋpiíŋ eré ɨlŋɨ́ Elíja'ŋ kʉo na kʉrro'ŋ dɨó, ásáŋ bâŋa–sí kɨ́ kɨ́eŋ dogólá'ŋ suuleŋ piyá na kwa asá ba̱gɨ á ka̱ɨba ná kwa wá̱rɨga'ŋ rɨɨŋ íní ná wá̱rɨga kawŋíyal na áláŋ kwa–sí ásíleŋ piyá ná Loŋpii–lé kawŋíyal.

01/18.txt

@@ -0,0 +1 @@
+\v 18 Za̱ka̱rɨ́ya namá meleg–sí ɨŋo, " Na ká inîǐŋ arrá ay–ii níŋ aráŋ? Ná ká̱ dʉóbain eŋa na dúíŋ yáa'ŋ kwě naŋ dog yáa toy–ii eŋa. \v 19 Meleg namá in jáwí, " Ká Jɨbrɨ̂l aŋ, ká Wʉ́o'ŋ ta̱bʉ'ŋ éérél. Kaa ádden gî káwe áísáŋ jɨɨ írsíŋo na áísáŋ in belé tullê wa. \v 20 Na naa jɨ́ áláŋ dirrig jôŋ ná taga á jírsíŋobaʉ, namaŋ nîŋ ʉʉ eŋ, iláiŋ ná jɨ́ dúíŋ belé see á jeyába ila ǎl dúíti áláŋ dééŋ tin tullê–lé see eŋ."

01/21.txt

@@ -0,0 +1 @@
+\v 21 ila tin–lé kwa namá Za̱ka̱rɨ́ya–sí kaane, kila kwa–sí namás pirje eŋa Za̱ka̱rɨ́ya toŋ tiyyâ'ŋ dɨó innâŋ kurrá kaáŋ ooŋo. \v 22 ǎlbá tawrá koro namá toyŋo ásáŋ kwa–sí risíŋó, yeeŋ namás kɨ́wé yé âl toŋ teyyâ'ŋ dɨó jaluŋa dííg já̱gɨ́la iláiŋ ná yé kééŋá nás kwa–sí kí torí arrítíeŋi marraŋ bás ká̱ɨ́ŋá ná tóíŋ áláŋ risíŋó. \v 23 ǎlbás dééŋ táárí'ŋ tin agíŋí namás ja̱ɨŋo ná tóŋ píŋí.

01/24.txt

@@ -0,0 +1 @@
+\v 24 Asá bá in tin beto, dééŋ yáa'ŋ kwě Elízabes namás oome eŋa namá kí kôlda oos díítinꞌíŋ ooŋo. Yé yáa namá in kwǎ, \v 25 "in ka–sí áísa Loŋpii piá kila ayéŋá'ŋ dɨó ǎl toy eŋa yé áísa kaa tʉllɨŋ pulŋínamá dúíŋ ôra–sí kwa'ŋ tâs–lé túga jáwí."

01/26.txt

@@ -0,0 +1 @@
+\v 26 îsa'ŋ da̱a̱rɨŋꞌíŋ kwa waar si súrren káwe:  Elízabesꞌíŋ kʉʉlɨŋꞌíŋ kôlda oson–dígꞌíŋ dɨó Wʉ́o namás meleg Jɨbrɨ̂l–sí Ga̱lɨ́ɨlꞌíŋ deem Nazaras–lé ádden piá, \v 27 Kwě nɨw selbé–le asá ila dʉó tɨ́o ásáŋ jee alá ɨ́sɨb ka̱rɨ́ya, asá Da̱ʉ̂dꞌíŋ atine aáŋá na ila Selbé'ŋ kona Moos ka̱ɨ́ŋ. \v 28 Meleg namá dêlé nyáŋá nás in kwǎ,"Jaiŋ–lá Jɨ́ ǎl dɨ́ɨ́ŋ tʉllɨŋ saasoŋá eŋa Loŋ pii kíe baŋ. Moo–sí kí kééŋ beléŋá ila namás bát ta̱bʉ urruŋo \v 29 Namás jáá ná ʉrgʉl áláŋ dééŋ arrá rááŋ in kaa dóŋá'ŋ janí–ii.

01/30.txt

@@ -0,0 +1 @@
+\v 30 Marraŋ meleg namás in kwǎ, "Moo ka̱lɨ péllét ái–ii tɨɨ̌ba, iláiŋ nás Wʉ́o–sí dɨ́ɨ́ŋ rɨɨŋ tullé eŋa. \v 31 Jɨ́ ásáŋ dɨo dʉŋo jeeŋ námás kwě dee ja̱a̱rɨ námás kona ' îsa' janí. \v 32 Na yé áláŋ dʉó appâ–ii na áláŋ Wʉ́o appâ kʉŋo'ŋ kwě dee ka̱rɨ́ya. Na Wʉ́o Loŋpii áláŋ yee Wʉ́o Da̱ʉ̂dꞌíŋ kʉtɨ íní. \v 33 Na yé ásáŋ Ya̱gʉ̂bꞌíŋ toŋ bóyé ná dééŋ–i móllóg na dééŋ kʉʉrɨŋ pélét á síŋ a gíŋíba."

01/34.txt

@@ -0,0 +1 @@
+\v 34 Moo namá meleg–sí ɨŋo, "Na in niiniŋ ay–ii níŋ eeŋ alá ká selbé aŋ? \v 35 Meleeg namá in jáwí, "Kʉo tiyyâŋa áláŋ dɨ̂ɨ–lé bʉʉŋol, na Wʉ́o appâ kwaŋꞌíŋ kʉrro áísáŋ nima pɨ́ya̱. Na kwě tiyyâ alá janni áláŋ ja̱a̱rɨ áláŋ Wʉ́o'ŋ kwě dee ka̱rɨ́ya.

01/36.txt

@@ -0,0 +1 @@
+\v 36 Namaŋ Elízabes dɨ́ɨ́ŋ aal ǎl in nâŋ toyy–ii dog ásáŋ kwě kee. Alá yé in kwǎ, âl baaru–ii mááŋ ása kôlda oson dííg kee nás dɨo dʉŋo–ii. \v 37 iláiŋ ná a̱rɨ á keba ása Wʉ́o–sí tárrá–ii. \v 38 Moo namá in jáwí, "Ká Loŋpiíŋ koy–ii aŋ. kalâŋ gîs a̱rɨ ila eeŋ alá jɨ́ juwa." liyáŋ meleg namá júní ná nyáŋa.

01/39.txt

@@ -0,0 +1 @@
+\v 39 Moo Elízabesꞌíŋ nyáŋa ila tin–lé Moo namá ásíleŋ eŋa ná kájíleŋ piá ná Jʉ̂dɨya'ŋ pʉ́gó'ŋ ba̱rʉ'ŋ deém nyáŋa. \v 40 namá Za̱ka̱ríya'ŋ tóŋ ká̱rɨ́ ná Elízabes–sí dóŋá íní Elízabes. \v 41 ǎlbá Moo'ŋ dóŋá'ŋ janí ila kilamí kwě dééŋ dɨó namás ʉ́ʉ́rʉ́óla, Elízabes namás kí kʉo tiyyâŋa pis eŋa.

01/42.txt

@@ -0,0 +1 @@
+\v 42 Namá jɨlɨ́l piyá ná in kwǎ, "âlbá jɨ́ jaŋ yáaŋa'ŋ dɨó náis bora pattá káwe, na bora pattá jâ ila kwě'ŋ–ii asá dɨ́ɨ́ŋ dɨó kee. \v 43 Marraŋ kaáŋ ʉʉ́ŋ ŋɨ náis kaa in ʉʉ tullé eŋ, áláŋ dúíŋ Loŋpiíŋ íya dûy–lé ʉ́ndʉl áíláŋ kaa já̱gɨl? \v 44 Péttin ǎlmíŋ dɨ́ɨ́ŋ dóŋá'ŋ janí dúíŋ dɨ́lo paago, kwě dúíŋ dɨó bá kí kilmá'ŋ sɨmmɨŋ ʉ́ʉ́rʉ́ ŋóla. \v 45 Bora pattâ–ii alá ila belé see jeyá alá Loŋ pii kwǎ, na yee ila belé básíŋ see eeŋ."

01/46.txt

@@ -0,0 +1 @@
+\v 46 Moo'ŋ kona asá yé kíeŋ Wʉ́o–sí mʉjjé pi–ii: Moo namá in kwǎ, "Dúíŋ kuy–ii Loŋ pii–sí ba̱gɨ pi–ii, \v 47 Na kúíŋ kʉo–sí ná kilmaŋa sɨmmó ge Wʉ́o dúíŋ jopó dʉŋo'ŋ ʉʉ̌ŋ.

01/48.txt

@@ -0,0 +1 @@
+\v 48 ɨdɨ̂ɨ́ŋ nás yee–sí koy–ii da̱lʉ̂llꞌíŋ lóóŋéli kwa miǐn attô namaŋ porreŋa nyét báŋ gíŋ bora pattá ka̱rɨ́ya. \v 49 iláiŋ nái Wʉ́o appâ gîs kaa a̱rɨ appâ piyá tiyyá bás kééŋ kona gé.

01/50.txt

@@ -0,0 +1 @@
+\v 50 Na dééŋ urma kila kwa–lé péégél ǎl yee ka̱lɨ kaawe, porreŋa bi porreŋa ǎlbá kʉ́ndʉla. \v 51 Yé kí kééŋ kʉrro ʉ́dóŋá appâŋa piyá kí dééŋ durú, yé kila kwa–sí nyét perra piyá asá kí kɨ́eŋ kʉrro doŋgóré kɨ́ndélíŋá.

01/52.txt

@@ -0,0 +1 @@
+\v 52 kʉrɨŋa sís dû wá̱ɨ́ŋŋa kɨ́eŋ kʉttɨŋa–lé, marraŋ namá da̱lʉ́la–sí írí já̱gɨ. \v 53 Yé kwa durŋa sís kí ʉ́dóŋá tulléŋa pispiá, namá marraŋ kawâjja–sí pʉttôŋa–sí ádden piá.

01/54.txt

@@ -0,0 +1 @@
+\v 54 Yé dééŋ koy–ii Israîl–sí saas nyiǐŋí ásáŋ á yɨ́alba ásáŋ urma kee \v 55 Namaŋ Biráim–sí kí kééŋ atineŋaŋ namaŋ níŋ kee (in náiŋ asábá yé kééŋ Wʉ́oŋa ta̱bʉŋa kwǎ–sí kwǎ."

01/56.txt

@@ -0,0 +1 @@
+\v 56 Moo kí Elízabes dákkin kôlda ɨɨs–si kʉʉ́ŋɨ namá tóŋ píŋí. \v 57 Yáaye jálo dʉŋo'ŋ da̱a̱rɨŋ: Asábá ila tin dakki piá áláŋ Elízabés kiri, bá kiri namá kwě dee ééla. \v 58 Jɨɨrána na aala namá in kel kámmíe ása yee–sí Loŋpii urma appâ paalí, namá kíeŋ kilmaŋa sɨmmó arrá tág ɨɨŋɨ.

01/59.txt

@@ -0,0 +1 @@
+\v 59 Soog oson na ɨɨsꞌíŋ–dɨó namá kɨ́sɨ́ŋʉl asáŋ ila kwě–sí kande naŋ kôli ásáŋ kona kí dééŋ bâ Za̱ka̱rɨ́ya'ŋ kaníya. \v 60 Marraŋ dééŋ íya bá jáwla ná in kwǎ, "Lôlo Kééŋ kona ásáŋ Yáaye gé." \v 61 Yeeŋ namás in aáŋé kɨ́ɨ́ŋ ala'ŋ dɨó dʉó ála á keba nás kila kona kee."

01/62.txt

@@ -0,0 +1 @@
+\v 62 Liya namás dééŋ âba–sí kí jiǐma kiimé, ásáŋ in kʉ̌mal kwě–sí kona ay–ii síŋ kaníyal, \v 63 Yé namás in kwǎ ásáŋ loo kéélal, namás in rímmeŋ piyá kééŋ kona ása Yáaye gé. Kwa–sí namás pirje eŋa.

01/64.txt

@@ -0,0 +1 @@
+\v 64 In nálaŋ ʉto namás jáá ná pa̱a̱lɨ́ŋtɨ na dééŋ dáálí nás perra jállíŋ namás tuuŋa ná risíŋ nás Wʉ́o–sí bora pattá pi–ii. \v 65 kééŋ jɨɨrá̱na–sí namá ma̱y eŋa. Pʉ́gó'ŋ ba̱rʉ ǎl Yôda kééŋá. \v 66 Namá kila ʉ́dó nyéttinꞌíŋ risíŋá, kwa nyét ǎl in belé kil kámmíe namás kí kilmaŋa kábé, namás kayé ná in ká miŋa? "bát yíe in kwě dúíti áláŋ kii eeŋ, bá iláiŋ kééŋá ná Loŋpiíŋ dóŋá kí kíe ka̱ɨ́ŋ.

01/67.txt

@@ -0,0 +1 @@
+\v 67 Za̱ka̱rɨ́ya'ŋ kona: Dééŋ bâ Za̱ka̱rɨ́ya namás kí kuo tiyyáŋa pis eŋa, namás Wʉ́o'ŋ belé risiŋo namá in roo, \v 68 "ǎ̱w ná bora pattâ Loŋ piíŋ–ii  Isríílꞌíŋ Wʉ́o iláiŋ ná éla ásáŋ kééŋ kwa–sí nyiŋí nás jópó.

01/69.txt

@@ -0,0 +1 @@
+\v 69 Yé kɨŋa–sí gis jopó dʉŋo ka̱kkɨ́re ééla dééŋ koy–ii Da̱ûdꞌíŋ tóŋ. \v 70 (In nálaŋ alá Yé kí dééŋ domoŋ kwǎ tiyyâŋa'ŋ dorá tóóríg kwǎ), \v 71 áísáŋ káíŋ gârima–lé na kwa nyét áila kɨŋa̱ kanane–lé lópó.

01/72.txt

@@ -0,0 +1 @@
+\v 72 Nás káíŋ Wʉ́oŋa–sí urma paalí náŋ dééŋ sǎrta tiyyâ lóŋíti, \v 73 Sǎrta'ŋ a̱lɨ́pe ila asá dáíŋ Wʉ́o Birâim–sí já̱bɨ́. \v 74 áísáŋ kɨŋo káíŋ kârima'ŋ koŋa–lé jópó,áíláŋ kʉrro íní nás yee táárí kâ na asáŋ ka̱lɨ kiǐlma á kaŋba, \v 75 Kí tɨyyɨŋ na kí wa̱rɨgɨŋ na dééŋ ta̱bʉ'ŋ eré kí káíŋ sooga nyéttin.

01/76.txt

@@ -0,0 +1 @@
+\v 76 Na jɨ́ dúíŋ kwě, jɨɨ áíláŋ Wʉ́o appâ kʉŋo'ŋ domoŋdʉŋo ka̱rɨ́ya ɨdɨ̂ŋ ná jɨ́ áláŋ Loŋpiíŋ ta̱bʉ'ŋ eré joo nás yee dorá joo ásáŋ kééŋ kwa–sí jopóŋó'ŋ, \v 77 domoŋ jaagó kí ila dorá ásŋ kɨ́eŋ ka̱ttɨ́eŋa jááso .

01/78.txt

@@ -0,0 +1 @@
+\v 78 Dáíŋ Wʉ́o'ŋ urma'ŋ ʉʉ́ŋ, bá yé–ii náis dʉlé jaawíl kórél, \v 79 ásáŋ  kwa kila–sí erreŋ ǎl lóó dɨkkô–lé ka̱ɨŋ na ǎl wayyiŋ nimá ka̱ɨŋ. áísáŋ ta̱bʉ'ŋ poyí ná–ii dóŋá'ŋ dóra já̱bɨ́."

01/80.txt

@@ -0,0 +1 @@
+\v 80 Kwě namás tʉ́yɨ́ namá kí kʉo ka̱kkɨ́rɨ́ eŋa namá jutá ooŋo namaŋ–si Israílíŋá–sí nyét lóóŋóla.

01/title.txt

@@ -0,0 +1 @@
+Magara 1

02/01.txt

@@ -0,0 +1 @@
+\c 2 \v 1 îsa'ŋ da̱a̱rɨŋ: kila sooga–lé, Roománíŋá'ŋ ába kuriŋa'ŋ ta̱bʉ Ga̱ɨsa̱r Agustus bá dáálí rááŋa áláŋ ba̱rʉŋa'ŋ kwa–sí nyét kɨɨ́lol. \v 2 namá jɨɨ́lo waar kuwaŋ–sí kuuŋe li–ii asá Kiríniyos Sʉ́ʉ́rɨya a̱kʉ́ro'ŋ ta̱bʉ aáŋá. \v 3 Kwa bi kwa namá nyétkɨ́eŋ elelŋa–lé kawŋíe áLáŋ Kɨ́eŋ kona rimmeŋ káwal.

02/04.txt

@@ -0,0 +1 @@
+\v 4 ɨ́sɨb namás jáwla ná deem Nasaras–lé nyaŋá alá Ga̱lɨ́le kéŋá ná jáápa ná Da̱ʉ̂dꞌíŋ deem Betlaham nyáŋa alá yʉ̂dɨya kéŋá ɨdɨɨ̌ŋ ná yé Da̱ʉ̂dꞌíŋ órré'ŋ kwa–lé aáŋá. \v 5 Namá kí Moo arrá keéŋe, áláŋ kɨ́eŋ kona rímmeŋ káwal asá yé tɨ́o ásáŋ jee naŋ asá dakki eŋa áláŋ kiri.

02/06.txt

@@ -0,0 +1 @@
+\v 6 ila dɨo ǎl li–ii ka̱ɨ́ŋ, namá kééŋ soga pʉʉgʉl áláŋ kiri. \v 7 Namá dééŋ kwě ta̱bʉ kwaŋ–sí kiri asá kwě dee kéŋá. Namás kí jʉrɨ nɨo nás tabbâna–lé lupo ɨdɨ̂ɨ̌ŋ ná yeeŋ sóólá'ŋ tóŋ lóó ás kʉmmé ba.

02/08.txt

@@ -0,0 +1 @@
+\v 8 Wʉoŋa na Melega: ila lóó–le namá nîŋ wʉoŋa ka̱ɨ̌ŋ náŋ paál ka̱ɨŋ ná síŋ ʉrɨ́ŋá'ŋ jaánó della kawe. \v 9 Loŋ piíŋ meleg namás yeeŋ–sí suur palí, na Loŋpiíŋ galaŋa nás yeeŋ–sí erreŋe namá ka̱lɨ soŋŋâ tɨ́o.

02/10.txt

@@ -0,0 +1 @@
+\v 10 Meleg namás in kwǎ, "ka̱lɨ áy–ii tɨɨ̂ba, ká kilmá'ŋ sɨmmɨŋ soŋŋâ'ŋ belé tullés aiŋ, áísáŋ waa ná kwa–lé nyét páágó. \v 11 Bɨŋa–sí attô Jááso dʉŋo gîs ka̱a̱rɨŋ Da̱ʉ̂dꞌíŋ deém! Ná Jáásodʉŋo–ii Loŋpii! \v 12 Na in dɨ́eŋ ósom–ii: Dê–lé kwě síŋ bʉmmóŋ nás kí jʉrɨ nɨɨ̌ŋ nás tabbâna'ŋ írí lúpíŋ."

02/13.txt

@@ -0,0 +1 @@
+\v 13 Séttin namá melega'ŋ dáldá appâ lóóŋála alá jaawíl ka̱ɨŋ nás kí ila meleg lʉddʉŋol nás Wʉ́o–sí mʉjjé pɨe, \v 14 "Ná in beléŋá Galaŋa Wʉ́o lé–ii alá írí sîw kee na a̱a̱pɨŋ sʉʉrʉ'ŋ írí kwa kila–lé asá yee–sí dɨ́eŋ rɨɨŋ tullé–ii."

02/15.txt

@@ -0,0 +1 @@
+\v 15 Liya alá melega wʉoŋa–sí júndíe ná jaawíl píŋíe, wʉoŋa namás kayé ná suúr kírsiŋa ná in kámiŋa, "kaál koo Betlaam ná ka̱gɨ́l ʉʉ ɨd alá eŋa aísa Loŋpii dééŋiŋ risiŋo, namá kí kajala Betlaam keéŋé ná ka̱a̱gʉl." \v 16 Namá Moo–sí na Ɨ́sɨb–sí kʉmmé na kwě dee ittî nás tabbâna'ŋ írí kee nás ʉŋɨ .

02/17.txt

@@ -0,0 +1 @@
+\v 17 Ǎlbás ila kwě–sí ka̱gɨle, Namás ila belé–sí ba̱rʉŋa kulíe asá yeeŋa–sí kwě'ŋ aáŋé. \v 18 Na kwa nyét asá ila belé kel kámmíe asá wʉoŋa a̱ǎ̱ŋɨl bás pírjeŋ káwe. \v 19 Marraŋ Moo kila ʉʉŋa–sí nyét bás kí kilmá bawa, namá nîŋ ta̱bʉ'ŋ ʉ́ndʉla. \v 20 Liya wʉoŋa namá kawŋíe nás Wʉ́o–sí mʉjjé kawe, na kééŋ galaŋa'ŋ kírsiŋa, na ʉ́dóŋá alá kel kámmíe na alá ka̱gɨle bá seeŋa ɨŋɨ, in asá yeeŋa–sí kowe.

02/21.txt

@@ -0,0 +1 @@
+\v 21 Îsa sís Wʉ́o sís dóŋa kayé: Soog oson na ɨɨs–lé abá ila tin paago áláŋ yee–sí kande, namás kona Îsa kaníe, kona kila asá yee–sí ila meleg íní miǐn ila âl yee dééŋ íya'ŋ dɨó á kayéba.

02/22.txt

@@ -0,0 +1 @@
+\v 22 Asá bás dɨ́eŋ tin ila agíŋí asá yeeŋ kwa–sí kí Mûsa'ŋ dáálí'ŋ dorá tiyyá kawe, Ɨ́sɨbɨŋ kí Moo namá kábé nás Jʉrsalam keéŋé ásáŋ Loŋpii–sí káwlíya. \v 23 in ná ábá Loŋpiíŋ dáálí–le rímmeŋ eŋa, "alá in beléŋ kwě dee bi kwě dee nás bikir–ii bás Loŋpii–sí kanníya." \v 24 Na ǎ̱w nás deépa ka̱rʉ́ʉl ǎl Loŋpiíŋ dáálíle kee, orráŋá gʉ̌mboŋa'ŋ sogóŋéŋá, wala gal orráŋá Sʉnɨ́ŋá'ŋ pʉdʉ́gá'ŋ sogéŋá.

02/25.txt

@@ -0,0 +1 @@
+\v 25 Íne Jʉrsa̱la̱m namá dʉó kééŋá ná sɨmon ka̱rîŋɨ, ná dʉó wá̱rɨg kééŋá naŋ ta̱gɨ kééŋá. Namá kééŋá nás Israîlíŋá'ŋ jopó jaana, naŋ dog kʉo tiyyáŋa dééŋ írí ka̱ɨ́ŋɨ́. \v 26 Ila belé–sí yee aáŋés kí kʉo tiyyáaŋa'ŋ dorá Yé áláŋ á wayíba namaŋ níŋ Loŋ pii Jááso dʉŋo–sí já̱á̱gɨl.

02/27.txt

@@ -0,0 +1 @@
+\v 27 Namás kʉo a̱rgɨ́e nás toŋ tiyyâŋa'ŋ mátár nyeéŋé. Asá kwě'ŋ wa̱lɨŋa ila kwě Îsa–sí dɨó kéle ásáŋ kɨ́eŋ áádéŋá káwa inná ǎlbá dáálí–le rímmeŋ ɨŋɨ, \v 28 Sɨmon namás kí koo bawa nás Wʉ́o–sí mʉjjé piá nás in kwǎ, \v 29 "Ába kuri Loŋpii iná abá Jɨ́ juwaJɨ́ naa dɨ́ɨ́ŋ koy–sí jundí, ná kí maale sooga kurráŋa úúŋú.

02/30.txt

@@ -0,0 +1 @@
+\v 30 Iláiŋ ná kúíŋ kʉ́ŋɨ́ dɨ́ɨ́ŋ jopó–sí já̱gɨ́le, \v 31 ila jopó asá jɨ́ kwa nyéttǐŋ kʉ́ŋɨ́–le testes jâ. \v 32 Hérra'ŋ tawrá jawí ila alá jâra nyétle péégél áláŋ tʉ́ʉ́beŋ kɨŋɨ na kɨ́ɨ́ŋ galaŋa kɨ́ɨ́ŋ kwa Israílíŋá– le."

02/33.txt

@@ -0,0 +1 @@
+\v 33 Kwě dee'ŋ íya na bâ–sí bát si kila beléŋá ma̱yɨ ɨŋɨ. \v 34 Ǎl sɨmon kwǎ, lia Sɨmon namás yeeŋa–sí bora pattá piyá na dééŋ íya Moo–sís in kwǎ, "in kwě–sí íne Israîl dɨó bás déllin iláiŋ ka̱a̱rɨŋɨ áláŋ dééŋ ʉʉ́ŋ kwa soŋŋâ káwyáal na kwa soŋŋâ nás gal kaáwlal, namá ila ósom eeŋ náŋ kwa kaareli– \v 35 Naŋ áláŋ kilmaŋa soŋŋâ'ŋ bisara'ŋ arrá kóró, na jɨ–sí áíláŋ kilmá soŋŋâ sondorg eeŋ inná aíla saar kilmá bétél."

02/36.txt

@@ -0,0 +1 @@
+\v 36 Ɨ́de Panalꞌíŋ kwě nɨw ǎl Anné ka̱rɨ̂ŋɨ dog domoŋdʉŋo kééŋá. Ǎl aserꞌíŋ óré–le kééŋá. Yé namá marraŋ soŋŋá toy eŋa. Anné kí dééŋ jaré ayéŋá oson na a̱w–si kʉʉ́ŋɨ asá yeeŋ suur keéŋé, \v 37 Liya namá birmît sayí namaŋ kééŋ ayéŋá weyyéŋá oson na ɨɨs na oŋaal pa̱a̱gʉl. Yé toŋ tiyyâ–sí péllét á júndíba, marraŋ bâŋ Wʉ́o–sí ba̱gɨ pii ná sîŋ luul na tóó borrá bʉʉ́ŋél naŋ sîŋ jʉ́ʉ́mel. \v 38 Na kí ila tin yáa namá dɨ́elé êl nás Wʉ́o–sí assó piá naŋ dog kila kwa–sí nyéttin kwě'ŋíŋ–si risiŋo ǎl Jʉrsa̱la̱mꞌíŋ jopó–síkááníŋí.

02/39.txt

@@ -0,0 +1 @@
+\v 39 Liya abá Moo na Ɨ́sɨb kila ʉ́dóŋá nyét kááwe ǎl Loŋpiíŋ dáálí kôyil, Yeeŋ namás ka̱ɨŋʉl Ga̱lɨ́lɨ dɨ́eŋ deem Nasaras–lé kawŋíe. \v 40 Kwě namás tʉ́ɨ́y nás ka̱kkɨ́ré eŋa naŋ si kí rɨɨŋ pis eŋa naŋ Wʉ́o'ŋ tʉllɨŋ dééŋ suúr kééŋá.

02/41.txt

@@ -0,0 +1 @@
+\v 41 Îsa kwě toŋ tiyyâ–lé: Ayé bi ayé dééŋ íya na bâ bâŋ Jʉrsalam írí jándo'ŋ sǔbu'ŋ kanníya. \v 42 Ǎlbá kééŋ ayéŋá weyye na a̱w pa̱a̱gʉl, lia Îsa namá nîŋ kíeŋ sǔbu'ŋ arrá kanníya. \v 43 iláiŋ ná kila kwa'ŋ áádéŋá ka̱ɨ́ŋ. asá bás sǔbu agíŋí asá dééŋ íya kí dééŋ bâ kawle ná tóŋ kawŋítíeŋi ,Îsa kwě namás Jʉrsa̱lam ka̱rɨ'ŋ sayí, ná dééŋ íya na dééŋ bâ ás kalŋaba. \v 44 Yeeŋ kí soog nyét namá kɨleŋe, namás in dɨó ka̱ɨŋ Îsa kwě ǎl dáldá'ŋ dɨó kee, lia namás kawle ná kɨ́eŋ aala na ampâra'ŋ dɨó kóili.

02/45.txt

@@ -0,0 +1 @@
+\v 45 Liya asá á kʉmméba, namás ka̱ɨŋʉl ná Jʉrɨ́sa̱la̱m kawŋé áláŋ yee koiŋíya. \v 46 Liya soog ɨɨsꞌíŋ írí namá keéŋé nás toŋ tiyyáa'ŋ márár kʉmmé, ná kee ná gʉʉdpáálíŋá'ŋ dɨó ǎ̱w, nás kíeŋ beléŋá kel aam, na jɨ́ŋoŋa dî jɨ́ɨ́lel. \v 47 Dʉó bi dʉó bás kelamí bás pirje eŋa in kwě ʉ́dóŋá'ŋ arrá ay–ii rá̱ɨ́ŋél na jɨ́ɨ́ŋoŋa–sí ay–ii jáwíti.

02/48.txt

@@ -0,0 +1 @@
+\v 48 Dééŋ íya na bâ albá ka̱gɨle namás káálíŋá tɨe, dééŋ íya namás in kwǎ, "Dúíŋ kwě ay–ii lóŋ nái kɨŋa in nâŋ júyó? Nái jundí ká na dɨ́ɨ́ŋ bâ in nâŋ kí kurrâ koiŋí. \v 49 Yé namá in jáwí, "Na bɨ́ kaa kaáŋ gibóil? Bɨ́ ás baluŋ bâ ká áláŋ dúíŋ âbba'ŋ tóŋ a̱w? \v 50 Marraŋ yeeŋ ila belé'ŋ arrá á ka̱rʉ́lba asá Îsa yeeŋa–sí beléŋá.

02/51.txt

@@ -0,0 +1 @@
+\v 51 Yé namá yeeŋa–sí ba̱gɨ piá namás kawle ná ta̱bʉ Nasarasꞌíŋ ere kawíe. marraŋ dééŋ íya ʉ́dóŋá–sí kí dééŋ kilmá bawa. \v 52 Îsa namás suúr na rɨɨŋ–lé tʉ́ɨ́, nás Wʉ́o na kwa–sí dééŋ rɨɨŋ tullé eŋa.

02/title.txt

@@ -0,0 +1 @@
+Magara 2

03/01.txt

@@ -0,0 +1 @@
+\c 3 \v 1 Yáaye jabaŋadʉŋo dorá jáwŋel: Ayé weyye na oos–lé alá Ka̱ɨsar Toborosꞌíŋ kʉrɨŋ–lé kééŋá, na Pantas Pilaat Yʉ̂dɨya'ŋ a̱kʉ́roŋa'ŋ ta̱bʉ kééŋá, na Hirôd álá Galíílꞌíŋ ta̱bʉ kééŋá na dééŋ bára Pilip alá A̱tʉ́rɨya na Tarakunusꞌíŋ ta̱bʉ kééŋá, na Lisinas alá Abilíne'ŋ ta̱bʉ kééŋá, \v 2 Ila tin–lé alá Annas na Ká̱ɨpa pá̱gɨŋa appʉ̂ŋa ka̱ɨ́ŋ Wʉ́o'ŋ belé namá Za̱ka̱rɨ́ya'ŋ kwě Yáaye–lé paago, ila tin–lé ǎl Yáaye jutá kééŋá.

03/03.txt

@@ -0,0 +1 @@
+\v 3 Yé namá ba̱rʉŋa nyét–sí soor kóíŋí ǎl Ʉ́rdʉnꞌíŋ túgáŋá–le ka̱ɨ́ŋ, yé namás kwa–sí tʉ́ʉ́beŋ jeeŋꞌíŋ jaaba'ŋ risíŋ ásáŋ ka̱ttɨ̂eŋa ká̱á̱sʉl.

03/04.txt

@@ -0,0 +1 @@
+\v 4 Inná abá Azâya'ŋ ʉʉŋa'ŋ dombore–lé rimmeŋ eŋa, ǎl domoŋdʉŋo kééŋá ná in beléŋ, "Dʉó díígꞌíŋ arka ná miǐn jutá ʉrʉ́ ladi ná in beléŋ, 'Loŋpii sís dorá baáŋo Yee–sís perdelas wá̱rɨg bawí.

03/05.txt

@@ -0,0 +1 @@
+\v 5 Baayn bi baany ǎ̱w ná ʉ́rrɨ́ŋɨ́, na pʉ́gó bi pʉ́gó na ŋorrá–sí a̱w ná bʉtte kawíya, na koraŋa korroŋa–sí ǎ̱w ná wá̱rɨg kawíyal, na koraŋa kossêŋa–sí ǎ̱w ná bírnyá káwal, \v 6 Na kʉldɨŋa nyét ǎ̱w ná Wʉ́o'ŋ jopó–síka̱gɨ́lal."

03/07.txt

@@ -0,0 +1 @@
+\v 7 Yáaye kila kwa'ŋ dáldá ǎl kʉ́ndʉlɨŋɨ ásáŋ kí koro ka̱bɨŋɨ, namás in kwǎ bɨ́ kin abdargaŋa'ŋ atineŋa ki–ii náis in kwǎ, "Álaáŋ Wʉ́o'ŋ kilmá'ŋ tʉkkɨn–sí baan ǎl ʉ́ndʉl?

03/08.txt

@@ -0,0 +1 @@
+\v 8 Ʉ́dóŋá kila bâ asá in púlŋítíya ǎlbɨ́ kɨ́eŋ ka̱ttɨ́eŋa–lé tʉ́ʉ́beŋ beŋa, na as buuŋba ásáŋ suur–sí in buwa, kɨ́ birâim sís kaiŋ âl dáíŋ bâ–ii, íla namá iláiŋ–ii nás ká bɨŋa–sí ámiŋ Wʉ́o abá kôil ásáŋ kin kɨ́tóŋá–le birâim–sí dogólá rááŋ ásáŋ bá rááŋ.

03/09.txt

@@ -0,0 +1 @@
+\v 9 Naa ba̱w námáŋ aasili áláŋ kurúŋá–sí kɨɨ̌ŋá–le beet. Na kurú bi kurú ná kwě tullé á kirelba báŋ kande ná kamíŋíal ná útu ka̱bɨ́yal."

03/10.txt

@@ -0,0 +1 @@
+\v 10 Kwa'ŋ dáldá namá in ɨŋo, na naa kaa níŋ kâ gél?" \v 11 Yáaye namá in jáwí, "dʉó abás jebeŋa a̱w kee bá ǎ̱w ná kí ila dʉó kaŋgare asá pélét á keba, namaŋ ila dʉó asá na̱mɨ́e kee bá ǎ̱w ná in nálaŋ piyá."

03/12.txt

@@ -0,0 +1 @@
+\v 12 Ɨ́de dog dɨgɨnɨ́e kwǎ kéle ásáŋ ka̱bɨŋɨ, namá Yáaye–sí in kɨ́ɨ́ŋʉl, "Gʉʉdpáálí na naa kaa níŋ kâ gél?" \v 13 Namá in jáwí, "Dɨgɨnɨ́e kila–lé soŋá abaráŋba ǎl in lóóŋ áláŋ baráŋ."

03/14.txt

@@ -0,0 +1 @@
+\v 14 Namá dog ka̱lda̱ga̱ díŋa jɨ́ŋɨŋoŋa kéle, Na naa kaa níŋ kâ gél? Yáaye namá in jáwí, "Kwa–lé sôŋgoŋa kí durú abráŋba, na kwa–sí ja̱nɨŋa kí zʉʉr írí abiŋíba. ǎ̱w nái kɨ́eŋ sôŋgoŋa kila tɨɨlɨ aíla kanníya."

03/15.txt

@@ -0,0 +1 @@
+\v 15 Kwa namá ka̱ɨ́ŋ ná kááníŋí, na kɨ́eŋ kilmaŋa–lé in kawrítíeŋ–ii mat áláŋ yé–ii Jááso dʉŋo. \v 16 Yáaye namá in kwǎ, "ká bɨŋa–síkí koro gîs a̱bʉŋ, marraŋ dʉó kee ná dúilé soŋŋâ ka̱kkɨ́ré–ii ná ʉ́ndʉl. Ila dʉó ǎl ʉ́dʉl ká nii á awelba ásáŋ kééŋ perêtta'ŋ boota taga ʉló. Yé bɨŋa–sí kí kʉo tiyyâŋa gí síŋ lɨó ni ná ǎl utú dáwrá–sí tiyyá pii.

03/17.txt

@@ -0,0 +1 @@
+\v 17 Kééŋ kaya dééŋ si dóŋa ka̱ɨŋ asá dééŋ dɨ́ɨ́róŋ kééŋ gomoŋa pááró ná sʉrre'ŋ dɨó jíŋí marraŋ yɨo–sí námá kí ila utú sʉʉ asá á wa̱ɨtelba.

03/18.txt

@@ -0,0 +1 @@
+\v 18 Na yáaye kwa–sí kí beléŋá soŋŋâ kʉrro íní naŋ si belé tullê'ŋ gʉʉdpulŋí. \v 19 Marraŋ ǎl Yáaye Hɨrôd A̱kʉ́ro'ŋ ta̱bʉ–síúpúrí, ǎl Hiróda–sí jáwí âl dééŋ bára'ŋ yáa'ŋ kwě kééŋá, namaŋ kil ʉ́dóŋ nyét alá yé piyá \v 20 Hɨrôdꞌíŋ ʉ́dóŋá soŋŋá ɨŋɨ kí inîŋ alá Yáaye–sí tɨ́o ná túmná já̱bɨ́.

03/21.txt

@@ -0,0 +1 @@
+\v 21 Îsa'ŋ jaaba na dééŋ dɨrɨ́e: Asábá kwa nyéttiŋ–sí ka̱a̱bɨŋɨ, liya namás Îsa sís ka̱a̱bɨŋɨ, na ila tin–lé alá yé kééŋá ná jʉ́mela namá jaawil pa̱a̱lɨ́ŋɨ́. \v 22 Ná kʉo tiyyâŋa dééŋ írí in bʉʉŋʉl inná orrá, namá jaawíl ʉrʉ́ díg êl ná in belé'ŋ, "Jɨ́ dúíŋ–si kwě dee jaŋ, ǎila Ká wéel Ka–sí dɨ́ɨ́ŋ írí kilmá gi saa soŋŋá sɨmmó–ii."

03/23.txt

@@ -0,0 +1 @@
+\v 23 Naa Îsa'ŋ ayéŋá namá weyyéŋá ɨɨs ka̱ɨ́ŋ, ǎl si dééŋ Wʉ́o'ŋ táárí tuuŋa. Na ila kwě namá yé kééŋá ǎl kwa kɨ́eŋ ta̱bʉŋa–lé in kawrítíeŋi–ii, ása Ɨ́sɨb Hali'ŋ kwě–ii, \v 24 Na Hili Mattatꞌíŋ kwě, na Mattat Lebe'ŋ kwě, Lebe Melke'ŋ kwě, na Melke Janne'ŋ kwě, na Jenne Ɨ́sɨbꞌíŋ kwě.

03/25.txt

@@ -0,0 +1 @@
+\v 25 Na Ɨ́sɨb Mattayaasꞌíŋ kwě, na Mattayaas Amosꞌíŋ kwě, na Amos Noomꞌíŋ kwě, na Noom Esel'íŋ kwě, na Esel Nagayꞌíŋ kwě, \v 26 Na Nagay Maasꞌíŋ kwě, na Maas Mattayaasꞌíŋ kwě, Na Mattayaas Saminꞌíŋ kwě, na Samin Josegꞌíŋ kwě, na Joseg Juda'ŋ kwě.

03/27.txt

@@ -0,0 +1 @@
+\v 27 Na Juda Jananꞌíŋ kwě, na Janan Resa'ŋ kwě, na Resa Zurbaabilꞌíŋ kwě, na Zurbaabil Seltelꞌíŋ kwě, na Seltel Nerɨ'ŋ kwě, Nerɨ \v 28 Milki'ŋ kwě, na Melki Adde'ŋ kwě, Adde kusami'ŋ kwě, Elmadamꞌꞌiŋ kwě, Elmadam Erꞌíŋ kwě, \v 29 Na Er Jashuwa'ŋ kwě, na Jashuwa Elezarꞌíŋ kwě, na Elezer Jaramꞌíŋ kwě, na Jaram Mattáꞌiŋ kwě, na Matt lepeŋ kwě.

03/30.txt

@@ -0,0 +1 @@
+\v 30 Na Lepe Sɨmonꞌíŋ kwě, na Sɨmon Juda'ŋ kwě, na Juda Ɨ́sɨbɨ'ŋ kwě, na Ɨ́sɨb Jonamꞌíŋ kwě, na Jonam Elikimꞌíŋ kwě, \v 31 Na Elikim Mele'ŋ kwě, na Mele Manna'ŋ kwě, na Manna Mattasa'ŋ kwě, na Mattasa Nanusanꞌíŋ kwě, na Nanusan Da̱ʉ̂dꞌíŋ kwě, \v 32 na Da̱ʉ̂d Jesse'ŋ kwě, na Jesse Obedꞌíŋ kwě, na Obed Baazꞌíŋ kwě, na Bawaz Salamonꞌíŋ kwě, na Salamon Nosanꞌíŋ kwě.

03/33.txt

@@ -0,0 +1 @@
+\v 33Na Nosan Amminadabꞌiŋ kwě, na Amminadab, Na Aminadab Adaminꞌiŋ kwě, Adamin Arni 'ŋ kwě, na Arni Hizoronꞌíŋ kwě, na Hizoron Perezꞌíŋ kwě, na Perez Juda'ŋ kwě, \v 34 Na Juda Ya̱gʉ̂bꞌíŋ kwě, na Ya̱gʉ̂b Isâ'ŋ kwě, na Isâ Birâimꞌíŋ kwě, na Birâim Teera'ŋ kwě, na Teera Nahûrꞌíŋ kwě, \v 35 Na Nahûr Sidogꞌíŋ kwě, 

03/36.txt

@@ -0,0 +1 @@
+\v 36 Na Seela kainanꞌíŋ kwǎ, na kainan Arapasadꞌíŋ kwě, Arapasad Seemꞌíŋ kwě, na Seem Nû'ŋ kwě, na Nû Lemagꞌíŋ kwě, \v 37 Na Lemag Matasalꞌíŋ kwě, na Matasal Enogꞌíŋ kwě, na Enog Jeredꞌíŋ kwě, na Jered Malalꞌiŋ kwě, na Malal Kinanꞌíŋ kwě, \v 38 Na Kinan Enosꞌíŋ kwě, na Enos Seesꞌíŋ kwě, na Sees Adamꞌíŋ kwě, na Adam Wʉ́o'ŋ kwě.

03/title.txt

@@ -0,0 +1 @@
+Magara 3

04/01.txt

@@ -0,0 +1 @@
+\c 4 \v 1 Mesêre piyá áláŋ Îsa–sí arri–ii: Îsa–sí asá kʉo tiyyêŋa suúr pis ɨŋɨ, namás tuuŋa ná roo Ʉ́rdʉnꞌíŋ eré wá̱ɨ́ŋɨ́tɨ́eŋɨ yeeŋ namá kʉo tiyyáŋa ka̱ɨ́ŋ nás a̱rgɨ́e ná jutá nyééŋe, \v 2 Ila lóó–le mesêre namá yee–sí kí soga oŋŋaal arra. Kila soga'ŋ dɨó walá a̱rɨ tog dog á amíba, na liya asá kila sooga agíŋíe namás kí duur tɨɨma.

04/03.txt

@@ -0,0 +1 @@
+\v 3 Mesêre namás in kwǎ, "Abás Jɨ́ Wʉ́o'ŋ kwě jaŋ in dɨ́tó sís in juwa áláŋ karaŋ eeŋ." \v 4 Îsa namá in jáwí, "Alá Wʉ́o'ŋ dombore  toya'ŋ dɨóin rímmeŋ eŋa, 'Dʉókí karaŋ déllin áiba ná ǎ̱w."

04/05.txt

@@ -0,0 +1 @@
+\v 5 Mesêre namás débbé keré namás selemꞌíŋ dɨó da̱ldɨ'ŋ kʉrɨŋ nyét páálí. \v 6 Mesêre namás in kwǎ, "Ká bá gíŋ jɨɨdɨ́eŋ ába kuri awí naŋ gíŋ kɨ́eŋ sagala nyét dóŋa aa, iláiŋ ná yeeŋ nyét kaa kaníe, na ká báŋ dʉó bi dʉó ɨd–sí aní ǎl ǎl ká wéel. \v 7 Na naa abá gîs kaa kʉrŋo'ŋ jóóŋó, kin ótá báŋ nyét kɨ́ɨ́ŋ ge."

04/08.txt

@@ -0,0 +1 @@
+\v 8 Îsa namá in jáwí, "In rímmeŋ eŋa, ásáŋ Loŋpii dɨ́ɨ́ŋ Wʉ́o–sí kʉrŋo'ŋ jôŋ, na yees táárí jâ."

04/09.txt

@@ -0,0 +1 @@
+\v 9 Mesêre namás Jʉrɨsalam keeré namás toŋ tiyyâ'ŋ írísíbít–le nyáŋa, "Naa abás Wʉ́o'ŋ wě jaŋ, kaǎl íne jápúŋo ná já̱pʉ́ŋo. \v 10 Ɨdɨ̂ɨ̌ŋ ná in rímmeŋ eŋa, Yé áláŋ dɨ́ɨ́ŋ ʉʉ́ŋ kééŋ melega ádden piá áísáŋ jɨɨ jaane. \v 11 Ná gís kí maale jáánol melega báŋ jɨ–sí kɨ́ kɨ́e koŋa bawe, náŋ dɨ́tó tog taar âŋ gíŋ tʉgóba."

04/12.txt

@@ -0,0 +1 @@
+\v 12 Îsa namá in jáw, "Dombore'ŋ dɨó in kee, Loŋpii dɨ́ɨ́ŋ Wʉ́o–sí a jarriba." \v 13 Ǎlbás mesêre kéŋ jarriŋa nyét agé namá Îsa–sí júndí, namanꞌíŋ paraga dig giǐŋ tin bʉ́ló.

04/14.txt

@@ -0,0 +1 @@
+\v 14 Nazáríŋá Îsa–sí kaaríŋíe: Îsa Galíli wá̱ɨ́ŋa nás kí kʉo tiyyâŋa pis eŋa, na dééŋ ʉʉ iláiŋ ɨrɨ́ ba̱rʉŋa'ŋ túgáŋá–sí nyét mééré. \v 15 Kila kwa asá'ŋ yé Ya̱ʉ́da'ŋ daaraŋa–lé gʉʉdpáálíti, kwa nyét namás yee mʉjjé káwe.

04/16.txt

@@ -0,0 +1 @@
+\v 16 Îsa namás Nazaras nyâŋa, ila lóó ǎl yé dê–lé rʉnyʉŋo, Îsa namá kí Mooaŋa'ln soog Ya̱ʉ̂da'ŋ dáára nyáŋa, aláŋ addí dúíti, namás írí jáwla áláŋ árden piyá \v 17 Namá Isiyá domoŋdʉŋo'ŋ dombore kaníe áláŋ árden piá, in nâŋ ǎlmíŋ paaro namá tébin ila lóó–le pa̱a̱lɨ́ ǎl in rímmeŋ eŋa,

04/18.txt

@@ -0,0 +1 @@
+\v 18 Loŋ piíŋ kʉo dúíŋ írí ka̱ɨŋ iláíŋ náy–ii kaa in jáwí áláŋ–si da̱ɨ́ba–sí belé tullê'ŋ gʉʉd áwlíti. Yé in gî ádden piá áláŋ êl nás túmnáŋá–sí baj úlŋi–ii, na kʉʉrʉŋa–sí ná kʉ́ŋɨ́ á̱wlɨ, na kwa asá kɨgɨ́tíya ná jɨgé–le aráŋ, \v 19 Na áísáŋ ila tin úlŋi–ii asá dê–lé Loŋpii–sí kwa'ŋ rɨɨŋ tullé–ii."

04/20.txt

@@ -0,0 +1 @@
+\v 20 Namá ila dombore–sí nɨo ná ila sábá ta̱bʉ kurrâ kʉŋo–sí jáwí, namá nyáŋa ná dû ooŋo. Kwa nyét kila alá ya̱ʉ̂da'ŋ dáárá ka̱ɨ́ŋ namás gaŋ kɨŋɨ ná yee ka̱lʉwe. \v 21 Namás tuuŋa nás yeeŋa–sí in belé'ŋ, "Attô Wʉ́o'ŋ domboretoy ása a gííŋí aísa dɨ́eŋ ta̱bʉ'ŋ árden â nás kil bámi, \v 22 Yeeŋ namá dééŋiíŋ túllén diŋ kɨ́rsɨ́ŋʉl naŋ–si kila ʉʉŋa tulléŋa–sí pírjen káwe ǎl dééŋ utó kʉrʉl, yeeŋ namá suur–sí in kɨ́ŋʉl, "Yé in bát Ɨ́sɨbꞌíŋ kwě ásibâ?"

04/23.txt

@@ -0,0 +1 @@
+\v 23 Îsa namá in jáwí, "Kí see'ŋ seebɨ́ kaa bágíŋ in mitíl bawí, 'Dawâd dɨ́ɨ́ŋ suur dááweŋ jâ. Na naa íne dɨ́ɨ́ŋ ba̱rɨ jâ a̱rɨ ɨd ǎl kɨ́ kelkámi ná Kapanaam jâ." \v 24 Namás jáá nás in belé'ŋ ká áísa kí see'ŋ see ʉʉ'ŋ see ámiŋ, domoŋdʉŋo á keba nás dééŋ ba̱rʉ́ táráásiŋ kɨtɨ́rɨ́ŋɨ́e.

04/25.txt

@@ -0,0 +1 @@
+\v 25 Na kí see gîs ámiŋ Elíya'ŋ tin–lé íne Israîl dɨó ba̱rmɨ́ta soŋŋâ ka̱ɨ́ŋna in alá ila tin–lé kéŋá asá jaawil kí ayéŋá ɨɨs na dééŋ sabba ʉ́rrɨ́ŋɨ́, naŋ gal ba̱rʉ́dɨó duur jɨttɨ poí. \v 26 Marraŋ Elíja–sí kila ʉ́dóŋá tog dogꞌíŋ áddn á káweba, marraŋ bá ila bɨrmɨ̂tꞌíŋ ádden káwe, ǎl Zarapasꞌíŋ ba̱rʉ Sɨdon–lé kééŋá, \v 27 Na Israîl dog mattâgeŋa soŋŋâ ka̱ɨ́ŋ ila tin–lé ǎl domoŋdoŋo Elísiha kéŋá, marraŋ kila kwa'ŋ dɨó dʉó tog dog tiyyá á eŋaba, bá Sʉ̂rɨya dʉŋo kééŋá alá namaŋ ka̱rɨ̂ŋɨ  ná tiyyá eŋa."

04/28.txt

@@ -0,0 +1 @@
+\v 28 Kwa nyét–sí alá ya̱ʉ́da'ŋ dáárá ka̱ɨ́ŋ namá kilmaŋa tokké ɨŋɨ alá in belé–sí kelkámmíe. \v 29 Namás wá̱rɨg kawle namá Îsa–sí deemꞌíŋ paál ka̱rʉ́l nás pʉ́gó'ŋ ǎ̱rɨkeéŋé,  ila lóó–le alá dɨ́eŋ deem tʉ́mɨ́ŋá áláŋ ká̱rgɨ́yal ná júrúb ka̱bɨ́yal. \v 30 Marraŋ yé namá wá̱rɨg pɨ́t nyáŋa nás kí kwa'ŋ dáldá'ŋ dɨo beto ná dééŋ dorá díbé tɨ́oná nyáŋá.

04/31.txt

@@ -0,0 +1 @@
+\v 31 Îsa ááred–sí jʉ́ʉ́rro: Îsa namás beto ná Galíilꞌíŋ deem Kapanaam–lé bʉʉŋo, liya kí Mooŋa'ŋ soog namás tuuŋa nás kwa–sí gʉʉdpáálíti. \v 32 Kwa namás dééŋ gʉʉd–sí pírjeŋ káwe, iláiŋ nás dééŋ belé kʉrɨŋ kééŋá.

04/33.txt

@@ -0,0 +1 @@
+\v 33 Ɨ́de ya̱ʉ́da'ŋ dáárá namá dʉó kééŋá nás âridꞌíŋ kʉo kéŋá alá rúbbáŋa ka̱ɨ́ŋ, nâŋ ʉrʉ́ kí kééŋ kuyyǐŋ kʉrro nyét laddi, \v 34 Hái! Îsa Nasaras dʉŋodáilé kaa jôil?wǎldán la jêl áíláŋ kɨŋa perra jâ? ká aluŋ–si jɨ́ kii–ii jaŋ? Jɨ́ Wʉ́o'ŋ kwě tiyyâ kwaŋ jaŋ!"

04/35.txt

@@ -0,0 +1 @@
+\v 35 Îsa namá úpúrí, nás in kwǎ, "Dirrig jôŋ! na dʉó'ŋ dɨó joró,liya ârid namás dʉó–sí taan nás dû já̱bbɨ́ya kwa nyéttiŋꞌíŋ ta̱bʉ'ŋ, namá dʉó'ŋ dɨó koro ná kwa–sí áwreŋ á piyába. \v 36 Kwa–sí nyét namás pirje eŋa namás kayé ná suur–síkɨɨ́leli, yé in kaa ʉʉ–ii? kí kʉrɨŋ namaŋ ârida–sí núrgú íní ná kʉrʉl. \v 37 Dééŋ ɨrɨ́ namá deemꞌíŋ túgáŋá–sí nyéttin mééré.

04/38.txt

@@ -0,0 +1 @@
+\v 38 Îsa kwa soŋŋâ dáweŋ piá: Îsa ya̱ʉ̂da'ŋ daara–sí júndí namá Sɨmonꞌíŋ tóŋ nyáŋa. ila tin–lé ǎl Îsa ɨ́de nyáŋa Sɨmonꞌíŋ maré–sínamá saa soŋŋá ɨɨrʉl, yeeŋ namá Îsa–lé sâd kááwe áláŋ dááweŋ piá. \v 39 Yé Îsa namá yáatoyꞌíŋ kíli keera ɨrola namá júndíe, yáatoy namás wá̱rɨg jáwla, namás jáá nás yeeŋa–sí á jíŋá pii.

04/40.txt

@@ -0,0 +1 @@
+\v 40 âlbá dʉlé kôiliŋi–ii áláŋ poí, kwa namás Îsa–sí kwa kí wajána soŋŋâ kéle. Na yé namá kééŋ koŋa dʉóbi dʉó'ŋ írí jáá namá dááweŋ kɨŋɨ. \v 41 Na ila–lé soŋŋá dog áárida kwa–lé soŋŋâ'ŋ suúrŋá–lé kʉrʉl, kilaârida dog namá nîŋ ʉrʉ́ŋá ladde ná in beléŋá, "Jɨ́ Wʉ́o'ŋ kwě dee jaŋ!" Marraŋ yé bá gúrgúreŋ piá ná ás tɨɨnaba áláŋ risíŋol, ɨdɨ̂ɨ̌ŋ nás yee–sí lʉ́ŋɨŋɨ–ii âl yé Jáásodʉŋo–ii.

04/42.txt

@@ -0,0 +1 @@
+\v 42 Lia namá lóó leela Îsa namá jutá nyáŋa, kwa namá ka̱ɨ́ŋ ná yee kôiliŋi, ǎlbá ila lóó–le ka̱gʉl ǎl yé kééŋá namá kaaríŋíe áláŋ paraga kaníya ná jee. \v 43 Marraŋ Îsa namás in kwǎ, Ká bá síŋ deema kerŋa–sí Wʉ́o'ŋ kʉʉrɨŋꞌíŋ belé tullê áwli, iláiŋ nái–ii kaa déŋꞌíŋ kamíŋíe. \v 44 Îsa namá nyáŋá nâŋ ɨ̂de kee, nás kwa–sí ya̱ʉ̂da'ŋ ba̱rʉ ya̱ʉ̂daŋ daaraŋa–lé gʉʉdpáálíti.

04/title.txt

@@ -0,0 +1 @@
+Mgara 4

05/01.txt

@@ -0,0 +1 @@
+\c 5 \v 1 Majira waar kwǎ'ŋ ta̱rɨ́ jâ: Soog díg ǎl Îsa kééŋá ná Janaseretꞌíŋ pâjꞌíŋ ǎ̱rɨ kɨréliŋ–ii, na kwa'ŋ dáldá nás yee dóróóliŋ piá nás kɨgɨ́tɨ́eŋi–ii ásáŋ Wʉ́o'ŋ belé kel kámmíya. \v 2 Ɨ́da namá pâjꞌíŋ túga pʉllʉŋa a̱w já̱gɨ́la marraŋ pʉllʉŋa kwǎá ka̱ɨ́ŋba. iláiŋ ná keéŋé áláŋ kɨ́eŋ kʉnyɨra kálol. \v 3 Yé namás kila pʉlloŋa a̱wꞌíŋ dɨó díg–sí ooŋo, ila pʉllʉŋ asá yé ooŋo namá Sɨmonꞌíŋ pʉllʉŋ kééŋá, namá Sɨmon–sí ɨŋo ásáŋ tʉʉmꞌíŋ karra keeré. namá pʉllʉŋꞌíŋ írí dû ooŋo nás kwa'ŋ kwa–sí gʉʉdpáálíti.

05/04.txt

@@ -0,0 +1 @@
+\v 4 Asá bás dééŋ belé agé namás Sɨmon–sí in kwǎ, "Pʉlloŋ sís bá̱rgɨ nás koro korrâŋa–lé bááre, námá kɨ́eŋ kʉnyɨra koró biŋí námá púúná bâ̱y–ii. \v 5 Sɨmon namá in jáwí, "Dúíŋ sagal, kɨ́ koóŋá nás púúná karigel, marraŋ púúná tog dog á kiyába, marraŋ naa iláiŋ náis Jɨ́ in jwa áláŋ kʉnyɨra koró kiŋí áláŋ bá kiŋí gél. \v 6 Ǎlbá in nâŋ kááwe namá púúná'ŋ púúná kéyé namaŋ kɨ́eŋ kʉnyɨra kôili áláŋ nyéériŋal. \v 7 Namás kɨ́eŋ ampára kerŋa–sí alá pʉllʉŋ keerꞌíŋ írí ka̱ɨ́ŋ arka káwe, áláŋ kélal nás ká nyíŋíyal, kɨ́eŋ ampára namá kéle nás pʉllʉŋa a̱w dog–sí kí púúná pis tɨ́rrɨŋ káwe  namaŋ kôili ásáŋ ǐmiŋa'ŋ ammíya.

05/08.txt

@@ -0,0 +1 @@
+\v 8 Ǎlbá Sɨmon Patoro–sí já̱gɨ́la ǎl eŋa, bás Îsa–sí kí kʉrŋo ooŋo namás in kwǎ, "Dúíŋ túga karra jawŋí Loŋ pii ká dʉó ka̱ttɨ́yaŋadʉŋo aŋ. \v 9 Ɨdɨ̂ɨ̌ŋ ná yé namaŋ kééŋ ampára nyét–si kila púúná'ŋ jâ̱y–ii sís pírjeŋ káwe. \v 10 Namaŋ–si Zebedꞌíŋ dogóláYa̱gʉ̂bbiŋ kí Yáaye alá Sɨmonꞌíŋ ampára ka̱ɨ́ŋ. Lia Îsa namás Sɨmon–sí in kwǎ, "Ka̱lɨ agítîba, naa miín íne ná ta̱bʉ'ŋ báŋ kwa–sí jéél." \v 11 Liya namá kɨ́eŋ pʉlloŋa koro'ŋ paál kɨllʉl nás tʉʉmꞌíŋ dakki kelé namá kɨ́eŋ ótá kundíe ná Îsa–sí ka̱rɨ kʉ́le.

05/12.txt

@@ -0,0 +1 @@
+\v 12 Îsa mattâge–sí dááweŋ piá: Ila tin–lé ǎl Îsa deem dííg–le kééŋá, bás dʉó dee–lé tána ná mattâge kééŋá, dʉó–sí abá Îsa nʉ́ŋɨ poyǐ, "Namá kʉrgoŋ poyǐ ná Îsa–lé sâd piá, abá jôil áláŋ gi tiyyá jâ kaíla jâ, " \v 13 Îsa namá dóŋá írí já̱gɨ namá il dʉó–sí kurá namás in kwǎ, "Ee, wél áláŋ gi tiyyá â namá in kwǎ tiyyá jeeŋ. "In nálaŋ kewa namá dʉó'ŋ suúr kʉrʉl.

05/14.txt

@@ -0,0 +1 @@
+\v 14 Lia Îsa namá namá sá̱wgeŋ piá namás in kwǎ, "Kabara a jâ ba, marraŋ joo nás dɨ́ɨ́ŋ suur pá̱gɨ–sí jáwli, na kila gôboŋa jaráŋ áis Mûsa kwǎáláŋkíe tiyyá jeeŋ, ásáŋ kwa–sí nʉ́ŋɨ́ dʉŋo jeeŋ.

05/15.txt

@@ -0,0 +1 @@
+\v 15 Marraŋ dééŋ ɨrɨ́ dog bá lóó saa soŋŋá mééré namá kwa'ŋ kwa kéle ásáŋ dééŋ belé kil kammíya na áláŋ dog kɨ́eŋ wjaŋa–lé dááweŋ kɨŋɨ. \v 16 Marraŋ Îsa bâŋ kérrégbi kérrég jutá dûy–ii ná jʉ́mel.

05/17.txt

@@ -0,0 +1 @@
+\v 17 Îsa robog dááweŋ piá: Soog dííg–le alá Îsa kééŋá ná sîŋ kwa–sí gʉʉdpáálítieŋ–ii Parasîsŋa na Mûsa'ŋ dáálí'ŋ gʉʉdpáálíŋá ǎlmǐŋ Galíle na Yʉ̂dɨya'ŋ eleŋa bi elleŋa–lé ka̱ɨ́ŋ na alá Jʉrʉsalam ka̱ɨ́ŋ ná kéle namá ɨ́de kʉ́ʉl. Ɨ́de Loŋ piíŋ kʉrro namá kí Îsa ka̱ɨ́ŋ ná kí kɨ́e wajána dááweŋ pii.