ach-SS-acholi_rev_text_reg/21/18.txt

\v 18 Cel onoŋo gigero ki jacipa, ki gaŋ mere gigero ki jabu keken, ma noŋo nen maleŋ calo kiyo. \v 19 Te guti ducu me gaŋ onoŋo gideyo woko ki litino kidi me wel mapatpat. Mukwoŋo obedo kidi ma gilwoŋo ni jacipa, me aryo capir, me adek agat, me aŋwen emeradi, \v 20 me abic onik, me abicel karnelian, me abiro kuricolit, me aboro berul, me aboŋwen topaj, me apar kuricoparac, me apar wiye acel jacint, me apar wiye aryo ameticito.