ach-SS-acholi_php_text_reg/04/04.txt

\v 4 Wubed ki yomcwiny i Rwot kare ducu. Dok anwoyo waco botwu aye ni, Wubed ki yomcwiny. \v 5 Wuwek jo ducu guŋe mwolo ma wutye kwede. Rwot doŋ cok. \v 6 Pe wubed ki par i kom gin mo, ento i lok ducu wumi Lubaŋa oŋe gin ma wumito i lega ki i bako dogwu kacel ki miyo pwoc bene. \v 7 Man bimiyo kuc pa Lubaŋa ma kato ŋec pa jo ducu gwoko cwinywu ki tamwu maber i Kricito Yecu.