ach-SS-acholi_mat_text_reg/15/32.txt

\v 32 Yecu olwoŋo lupwonnyene bote ci owaco botgi ni, “Kica maka i kom lwak man, pien doŋ gubedo kweda kany pi nino adek, ma kun pe gitye ki cam mo. Pe amito ni acwalgi woko ki kec, miyo kec bwoyogi woko i yo.” \v 33 Ci lupwonnye gudokke iye ni, “Kara man wabinoŋo mugati kwene ma twero romo lwak macalo man i tim kany?” \v 34 Yecu openyogi ni, “Wutye ki mugati adi?” Gugamo ni, “Abiro, ki rec mogo matitino manok.” \v 35 Ociko lwak ni gubed piny i ŋom.