ach-SS-acholi_luk_text_reg/09/12.txt

\v 12 Ka piny doŋ mito yuto, jone apar wiye aryo gubino bote, guwacce ni, “Cwal lwak gucit i kin gaŋ ki i pacci ma orumo kany, wek guyeny kabuto, gunoŋ cam; pien kany watye i dye tim.” \v 13 Ento Yecu odok iye botgi ni, “Wun wumi botgi cam.” Gugamo ni, “Watye ki mugati abic ki rec aryo keken, nyo ka ce imito waciwil cam pi lwak man ducu.” \v 14 Pien onoŋo gimito romo dano alip abic. Ociko lupwonnyene ni, “Wumi dano gubed piny i dul, i dul acel acel dano pyerabic.”