ach-SS-acholi_heb_text_reg/11/35.txt

\v 35 Mon gunoŋo danogi ma yam guto ma doŋ gucer woko. Jo mukene gigoyogi marac, guto kun gukwero ni pe gigonygi, wek gibicer i kwo maber makato. \v 36 Jo mukene giŋalogi, gipwodogi, gitweyogi ki nyor ci giketogi i mabuc. \v 37 Gicelogi ki got, giŋuno igi woko i dul aryo ki mucumeno, ginekogi ki pala lucwan. Gin guloŋo piny kun guruko laa romi ki laa dyegi, ma noŋo can oketo komgi woko, dano ounogi dok gitimogi ki tim maraco. \v 38 Kit jo macalo meno lobo pe romo bedo kwedgi. Gubedo ka wot awota atata i tim, ki i wi godi, kun gibedo i boro ki bur mugwarre matut piny i ŋom.