ach-SS-acholi_act_text_reg/18/01.txt

\c 18 \v 1 Ka meno otum, Paulo oa ki i Atene, ocito Korint. \v 2 Kunnu en onoŋo Lajudaya mo ma nyiŋe Akwila ma ginywalo i Ponto, ma pud obino kenyo abina nia ki i Itali kacel ki dakone Pricikila, pien laloc madit Kalaudio onoŋo ociko ni Lujudaya ducu myero gua woko ki i Roma. Paulo ocito ka limogi ci obedo botgi, \v 3 pien gin ducu gitiyo kit tic acel, ci gucako tic, pien gin lutim kema.