Merge branch 'master' of C:\Users\hp\AppData\Local\BTT-Writer\temp\ach-SS-acholi_act_text_reg\ach-SS-acholi_act_text_reg

13/01.txt

@@ -0,0 +1 @@
+\c 13 \v 1 I kare meno lwak jo muye Yecu ma tye i Antiokia onoŋo doŋ gitye ki lutit lok pa Lubaŋa ki lupwony, Barnaba, Cimeon ma gilwoŋo Niga, Lukia me Cirene, ki Manaen ma odoŋ kacel ki Kerode laloyo, ki Caulo. \v 2 I kare ma gitye ka miyo woro bot Rwot ki ri kec, ci Cwiny Maleŋ owaco ni, “Wukwannya Barnaba ki Caulo pi tic ma alwoŋogi pire-ni.” \v 3 Lacen ka doŋ gutyeko lega ki ri kec, ci guketo ciŋgi i komgi ka gucikogi.

13/04.txt

@@ -0,0 +1 @@
+\v 4 Ka Cwiny Maleŋ ocwalogi, ci gucito i dog nam i Celeukia; ka gua ki kunnu gukwaŋ gucito i Caiprac. \v 5 Ka guo i Calamic, gutuco iye lok pa Lubaŋa i kacokke ducu pa Lujudaya; onoŋo gitye kacel ki Jon ma lakonygi.

13/06.txt

@@ -0,0 +1 @@
+\v 6 Ka guwoto gurumo i cula ducu nio wa i Papo, ci gurwatte ki laco mo ma obedo latyet, lanebi ma lagoba ma Lajudaya, ma nyiŋe Bar-Yecu. \v 7 En obedo kacel ki laloyo, Cergio Paulo, en laco ma laryeko. Laloyo olwoŋo Barnaba ki Caulo bote kun noŋo mito winyo lok pa Lubaŋa. \v 8 Ento Elima ma latyet (meno aye te lok me nyiŋe) ocako pyem kwedgi kun mito ŋako laloyo woko ki i niye.

13/09.txt

@@ -0,0 +1 @@
+\v 9 Ento Caulo ma gilwoŋo bene ni Paulo, ka opoŋ ki Cwiny Maleŋ, ociko waŋe i kome, \v 10 ci owacce ni, “In latin pa Larac, in lamerok me kit ducu ma tye atir, ipoŋ ki lok me bwola, labal wi dano, in pud ibimedo ka dwanyo yo pa Rwot mucuŋ atir-ri?

13/11.txt

@@ -0,0 +1 @@
+\v 11 Kombeddi ciŋ Rwot opoto i komi; waŋi bicor woko, pe ibineno ceŋ kare mo” Lupu ocido waŋe oyotoyot, ci opaŋŋe pi yenyo dano wek omak bade opeye kwede. \v 12 Laloyo oye Yecu ka oneno gin ma otimme-ni, pien obedo ka uro kit pwony ma gimiyo i kom Rwot.

13/13.txt

@@ -0,0 +1 @@
+\v 13 Lacen Paulo ki luwote gukwaŋ gua ki i Papo, gucito i Perga i lobo Pampulia. Jon owekogi odok woko i Jerucalem. \v 14 Ento gin gua ki i Perga gucito i Antiokia me lobo Picidia, ci gudonyo i kacokke i nino me cabit, gubedo piny. \v 15 Ka doŋ gityeko kwano cik pa Moses ki lok pa lunebi, ci ludito me kacokke gucwalo lok botgi kun gipenyogi ni, “Utmego, ka wutye ki lok mo me cuko cwiny dano, ci wuwaci.”

13/16.txt

@@ -0,0 +1 @@
+\v 16 Ka Paulo ocuŋ ci ojukogi ki ciŋe kun waco ni, “Jo Icrael, ki wun dano ma wulworo Lubaŋa, wuwiny. \v 17 Lubaŋa pa rok man, jo Icrael, yam oyero kwarowa, ci omiyo dano gunya madwoŋ i kare ma gubedo i Ejipt, ci oryeyo bade okwanyogi woko ki kunnu ki tek mere. \v 18 Odiyo cwinye i komgi i tim mwaka pyeraŋwen.

13/19.txt

@@ -0,0 +1 @@
+\v 19 Doŋ ka otyeko rok abiro ma i lobo Kanaan-ni woko, ci omiyogi lobo meno me bedo megi pi mwaka ma romo miya aŋwen ki pyerabic. \v 20 Lacen omiyogi luŋolkop o wa i kom Camuel ma lanebi.

13/21.txt

@@ -0,0 +1 @@
+\v 21 Dok gupenyo pi kabaka; ci Lubaŋa omiyo botgi Caulo wod pa Kic, laco ma i kaka pa Benjamin, pi mwaka pyeraŋwen. \v 22 Ka doŋ okwanye woko, ci dok otiŋo Daudi, oketo me bedo kabakagi. Otito pi Daudi kun waco ni, ‘Atyeko noŋo Daudi wod pa Yece; en laco ma yomo cwinya, ma bitiyo gin ma amito ducu.’

13/23.txt

@@ -0,0 +1 @@
+\v 23 Lubaŋa okelo Lalar bot jo Icrael ki i kin likwayo pa laco meno, macalo yam, ociko, en Yecu. \v 24 I kare ma peya obino, Jon otito lok i kom batija me ŋut bot jo Icrael ducu. \v 25 I kare ma Jon cobo ticce, owacci, ‘Wun wutamo ni an aŋa? An pe a dano ma wukuro-ni; ento dano ma bibino ma lubo kora, an pe amyero me gonyo war tyene.’

13/26.txt

@@ -0,0 +1 @@
+\v 26 “Utmego, wun likwayo ma i kaka pa Abraim, ki jo mukene ma i kinwu ma gilworo Lubaŋa, wan aye gicwalo botwa lok man me larre. \v 27 Ento jo ma yam gibedo i Jerucalem, ki luditogi, onoŋo pe giniaŋ i kome, pe bene guniaŋ lok ma yam lunebi gutito ki ma gikwano nino ducu i ceŋ cabit. Ci gucobo lok pa lunebi kun giŋolo ni kop oloyo Yecu.

13/28.txt

@@ -0,0 +1 @@
+\v 28 Giŋolle kop me to, kadi pe gunoŋo bal mo i kome, ka dok gulego Pilato wek oye gineke. \v 29 Ka doŋ gutyeko cobo lok ma yam gicoyo i kome ducu, ci gukwanye woko ki i kom yat, gupyelo kome i lyel.

13/30.txt

@@ -0,0 +1 @@
+\v 30 Ento Lubaŋa ocere woko ki i kin jo muto; \v 31 ci obedo ka nen pi nino mapol bot jo ma yam gua kwede ki i Galilaya gubino kwede i Jerucalem, ma koni gin aye cadenne bot lwak.

13/32.txt

@@ -0,0 +1 @@
+\v 32 Wan bene wakelo botwu lok me kwena maber ni, gin ma yam Lubaŋa ociko pire bot kwariwa, \v 33 en ocobo bot wan likwayogi pi cero Yecu, macalo yam gicoyo bene i jabuli me aryo ni, ‘In i Woda, tin doŋ anywali.’ \v 34 “Lok i kom cero en ki i kin jo muto, ma pe kome dok bitop woko, yam oloko kit man ni, Abimini gum maleŋ ki ma gene ma yam aciko pi Daudi.’

13/35.txt

@@ -0,0 +1 @@
+\v 35 Dok owaco bene i jabuli mukene ni, ‘Pe ibiweko kom danoni ma geni top woko.’ \v 36 Pien ka Daudi yam otyeko tic kun cobo yub pa Lubaŋa, en oto, ci giyiko kacel ki kwarine, kome otop woko. \v 37 Ento ŋat ma Lubaŋa ocero woko-ni kome pe otop.

13/38.txt

@@ -0,0 +1 @@
+\v 38 Utmego, myero wuŋe ni, pi dano man en aye Lubaŋa weko bal pa dano, \v 39 kun kwanyo i kom ŋat acel acel ma oye en bal ducu ma pe gitwero kwanyo i komwu i te cik pa Moses.

13/40.txt

@@ -0,0 +1 @@
+\v 40 Ber doŋ wugokke, wek gin ma yam lunebi guloko pire-ni pe opot i komwu. Guwacci, \v 41 ‘Nen ba, wun luŋala, wuur matek, ci wubirwenyo woko matwal; pien atye ka tiyo tic mo i karewu-ni ma pe wun wubiye kadi matidi mo, kadi ŋat mo otuco pire botwu.’ ”

13/42.txt

@@ -0,0 +1 @@
+\v 42 I kare ma gikato woko, lwak gulego ni lok man myero gitit botgi odoco i cabit ma bino. \v 43 Ka lwak ma gubedo i kacokke doŋ guket woko, ci lwak Lujudaya ki jo mulokke ma luworo i dini pa Lujudaya bene gulubo kor Paulo ki Barnaba, ci gin gubedo ka lok kwedgi kun gicuko cwinygi ni myero gumedde i kica pa Lubaŋa.

13/44.txt

@@ -0,0 +1 @@
+\v 44 I cabit ma olubo pol dano ma i gaŋ meno gucorre gugurre kacel pi winy lok pa Lubaŋa. \v 45 Ento ka Lujudaya guneno lwak, ci nyeko omakogi, gucako pyem ki lok ma Paulo tito, ci guyete bene.

13/46.txt

@@ -0,0 +1 @@
+\v 46 Paulo ki Barnaba guloko ki tekcwiny laboŋo lworo, kun giwaco ni, “Onoŋo myero koŋ kikwoŋ tito lok pa Lubaŋa botwu. Ento macalo doŋ wucwalo woko cen-ni, doŋ wuŋolo giwu kenwu ni pe wumyero pi noŋo kwo ma pe tum. Doŋ wunen, walokke giwa bot Lurok. \v 47 Pien Rwot yam ocikowa kun wacci, ‘Aketo in me bedo ceŋ bot Lurok, wek imi larre oo wa i agikki piny ducu.’ ”

13/48.txt

@@ -0,0 +1 @@
+\v 48 Ka Lurok guwinyo lok man, ci cwinygi obedo yom, gucako pilo wi lok pa Lubaŋa; ci jo ducu ma myero gunoŋ kwo ma pe tum guye Yecu. \v 49 Lok i kom Rwot omedde oromo lobo meno ducu.

13/50.txt

@@ -0,0 +1 @@
+\v 50 Ento Lujudaya gurubo i mon ma giworo Lubaŋa ma gitye i rwom me dito ma malo, kacel ki ludito me gaŋ ma giloyo dano, ci gubalo cwinygi woko; gucako yelo Paulo ki Barnaba ka guryemogi woko ki i lobogi. \v 51 Ento guguteŋo apwa woko ki i tyengi me bedo caden i komgi, ka gucito i Ikonio. \v 52 Lupwonnye cwinygi obedo yom dok gupoŋ ki Cwiny Maleŋ.

14/01.txt

@@ -0,0 +1 @@
+\c 14 \v 1 Ka doŋ gitye i Ikonio, gudonyo i kacokke pa Lujudaya i kit acel-lu, ci doŋ pi kit ma guloko kwede omiyo lwak dano mapol guye Rwot, Lujudaya wa ki jo Grik bene. \v 2 Ento Lujudaya ma pe guye gutugo Lurok kun gumiyo cwinygi odoko kec i kom utmego.

14/03.txt

@@ -0,0 +1 @@
+\v 3 Gubedo kunnu pi kare malac kun giloko pi Rwot ki tekcwiny laboŋo lworo, Rwot bene omiyogi twero me tiyo lanyut ki taŋo mapol ma omoko kwede lok ma gitito i kom kicane. \v 4 Ento jo Ikonio igi opokke woko; dul mogo gudok kom Lujudaya, ki dul mogo i kom lukwena.

14/05.txt

@@ -0,0 +1 @@
+\v 5 Ka Lurok ki Lujudaya guyutte kacel ki lulocgi pi bino ka timogi marac ki celogi ki got, \v 6 ka gugwilo lokke ci gupucce woko wa i Licitra ki Derube, gaŋi ma i lobo Likaonia ki i lobo ma orumo kenyo; \v 7 gubedo ka tuco lok me kwena maber kunnu.

14/08.txt

@@ -0,0 +1 @@
+\v 8 I Licitra onoŋo tye laco mo ma bedo abeda kun pe woto ki tyene; con en laput nia i kare ma ginywale, pe omedo ki wot. \v 9 En obedo ka winyo ka Paulo loko, ci Paulo ociko waŋe onene, ci oniaŋ ni en tye ki niye ma romo miye caŋ maber. \v 10 Owacce matek ni, “A malo, icuŋ ki tyeni atir.” Ci oleŋŋe malo opye, ka cako wot.

14/11.txt

@@ -0,0 +1 @@
+\v 11 Ka lwak guneno gin ma Paulo otiyo, ci gudaŋŋe matek i leb Likaonia kun giwaco ni, “Lubaŋa gulor piny botwa macalo dano!” \v 12 Gulowoŋo Barnaba ni Jeuc ki Paulo ni Ermec, pien en aye lalok makato. \v 13 Ajwagi pa Jeuc ma gitye ki ot woro jokgi i nyim gaŋ gukelo twon ma gideyo ki ature i dog gaŋ gimito tyero gitum kacel ki lwak.

14/14.txt

@@ -0,0 +1 @@
+\v 14 Ento ka lukwena Barnaba ki Paulo guwinyo pire, ci guyeco boŋŋigi kun gibaro dye lwak ki daŋŋe ni, \v 15 “Wun co, wutimo kuman piŋo? Wan bene wa dano, ma kitwa rom ki mewu. Wakelo botwu lok me kwena maber, wek wun wua woko ki bot gin ma konnye pe, wulokke bot Lubaŋa makwo ma yam oketo polo ki lobo ki nam ki jami ducu ma tye iye. \v 16 Yam i kare macon en oye ni rok ducu gulub yogi kengi.

14/17.txt

@@ -0,0 +1 @@
+\v 17 Kadi bed kumeno, kare ducu en bedo ki cadenne ma nyuto ni en tye. En otimowu ber kun cwalo botwu kot mucwer ki i polo, dok miyowu kit cam mapatpat ma cek ka karegi oromo ma miyo wuyeŋ ki cam, cwinywu bene bedo yom.” \v 18 Kadi bed guloko lok meno, juko lwak wek pe gutyer gitum botgi obedo tek twatwal.

14/19.txt

@@ -0,0 +1 @@
+\v 19 Ento Lujudaya mogo gucito kunnu ma gua ki i Antiokia ki i Ikonio. Gupiyo lwak, ka gucelo Paulo ki got ci guywayo woko gutere i ŋe gaŋ, kun gitamo ni doŋ oto woko. \v 20 Ento ka lupwonnye gucokke bote, ci oa malo odonyo i gaŋ. Orwone guwoto gin ki Barnaba wa i Derube.

14/21.txt

@@ -0,0 +1 @@
+\v 21 Ka doŋ gutuco lok me kwena maber i gaŋ meno, ki noŋo lwak lupwonnye mapol, ci gudok cen i Licitra ki Ikonio ki Antiokia ma i lobo Picidia, \v 22 kun gijiŋo cwiny lupwonnye, kun gicuko cwinygi ni gumedde i niye, ma giwaco ni, myero wadony i can madoŋo ka wakat kwede i ker pa Lubaŋa.

14/23.txt

@@ -0,0 +1 @@
+\v 23 I lwak jo muye Yecu i kabedo acel acel guketo ludoŋo ma ka-kagi ki lega ki ri kec, ci gumiyogi i ciŋ Rwot ma yam guye-ni. \v 24 Ka guwoto gukato ki i Picidia, ci gubino wa i lobo Pampulia. \v 25 Ka gutyeko tito lok pa Lubaŋa i Perga ci gucito piny i Atalia. \v 26 ka gua ki kunnu gukwaŋ nio i Antiokia, ka ma yam gimiyogi iye i ciŋ Lubaŋa wek en okonygi ki kicane i kom tic ma doŋ gutyeko cobone-ni.

14/27.txt

@@ -0,0 +1 @@
+\v 27 Ka guo i Antiokia, gucoko lwak muye Yecu kacel, ci gutuco gin ducu ma doŋ Lubaŋa otyeko tiyo kacel kwedgi, ki kit ma oyabo kwede doggola me niye bot Lurok. \v 28 Ci gubedo kunnu ki lupwonnye pi kare malac.

15/01.txt

@@ -0,0 +1 @@
+\c 15 \v 1 Ento jo mogo gubino ki i Judaya ma gupwonyo utmego ni, “Ka pe gilirowu macalo kit pa Moses tye, pe wutwero larre.” \v 2 Mumiyo Paulo ki Barnaba gubedo ka laro lok ki pyem kwedgi matek. Ci giyero Paulo ki Barnaba ki jo mukene, gicwalogi Jerucalem bot lukwena ki ludoŋo pi lok man.

15/03.txt

@@ -0,0 +1 @@
+\v 3 Kit meno ka lwak muye Yecu gutyeko lwokogi ci guwok ki i Poiniki ki lobo Camaria kun gitito kit ma Lurok gulokke kwede bot Kricito ci gukelo yomcwiny madwoŋ bot utmego ducu. \v 4 Ka guo i Jerucalem, lwak muye Kricito, kacel ki lukwena ki ludoŋo, gujologi maber, ci gutuco gin ducu ma Lubaŋa obedo ka tiyone kwedgi.

15/05.txt

@@ -0,0 +1 @@
+\v 5 Ento jo mogo ma guye ma gitye i dul pa Lubaparicayo gua malo bene kun giwaco ni, “Myero koŋ gilirgi, ki cikogi ni gumak cik pa Moses.” \v 6 Lukwena ki ludo jo gucokke gugurre ka laro lok man.

15/07.txt

@@ -0,0 +1 @@
+\v 7 Ka pyem doŋ obedo dwoŋ, ci Petero oa malo owaco botgi ni, “Utmego, wun wuŋeyo ni yam con Lubaŋa oyero an ki i kinwu ni Lurok gibiwinyo lok me kwena maber ki i doga ka guye. \v 8 Dok Lubaŋa ma ŋeyo cwiny dano ducu obedo cadengi pi miyogi cwiny Maleŋ macalo yam omiyo botwa. \v 9 En pe oketo nipoko i kinwa ki gin, ento olonyo cwinygi pi niye.

15/10.txt

@@ -0,0 +1 @@
+\v 10 Piŋo wun wutemo i Lubaŋa ma wumito riyo okol mapek i ŋut lupwonynye ma tiŋone oloyo kwarowa kadi wa wan bene? \v 11 Ento wan waye ni wabilarre pi kica pa Rwotwa Yecu, ki gin bene kit meno.”

15/12.txt

@@ -0,0 +1 @@
+\v 12 Ka doŋ jo mucokke ducu guliŋ mot, kun giwinyo ka Barnaba ki Paulo gitito kit lanyut ki taŋo ma Lubaŋa obedo ka tiyogi ki ciŋgi i kin Lurok.

15/13.txt

@@ -0,0 +1 @@
+\v 13 Ka doŋ gutyeko lokgi, ci Yakobo ogamo ni, “Utmego, wuwinya. \v 14 Cimeon doŋ otito kit ma Lubaŋa okwoŋo nyuto kwede ni eparo pi Lurok kun okwanyo ki i kingi lwak ma gilwoŋo ki nyiŋe.

15/15.txt

@@ -0,0 +1 @@
+\v 15 Man aye lok ma yam lunebi gucwako, macalo gicoyo ni, \v 16 ‘I ŋe meno abidwogo ci abigero aduc pa Daudi ma yam opoto piny-nyi, abigero odoco ka ma yam oballe, abiroco odoco amiyo cuŋ maber, \v 17 wek jo mudoŋŋe guyeny Rwot, kacel ki Lurok ducu ma gilwoŋogi ki nyiŋa. \v 18 Meno Rwot aye ma owaco ma omiyo lok meno oŋene nia wa con.’

15/19.txt

@@ -0,0 +1 @@
+\v 19 Mumiyo an aŋolo ni, pe myero wayelu Lurok ma gulokke bot Lubaŋa, \v 20 ento myero wacoyu warag botgi ni pe gucam gin mo ma gityero i nyim jogi, pien odoko gin me kwer, pe gutim tim tarwaŋ, pe gucam riŋo lee ma gideyo adeya, pe gucam remo. \v 21 Pien cakke i kare macon Moses tye ki jo ma gitito lokke i gaŋ ducu, kun gikwano cikke i kacokke i ceŋ cabit ducu.”

15/22.txt

@@ -0,0 +1 @@
+\v 22 Ka doŋ lukwena ki ludoŋo, kacel ki lwak muye Kricito ducu, gutamo ni ber giyer dano ki i kingi, gicwalgi i Antiokia kacel ki Paulo ki Barnaba. Ci gucwalo Juda ma gilwoŋo Barcaba, ki Cira, gin aye jo ma gidito i kin utmego, \v 23 gumiyogi waraga ma kwanne kit man ni, “Bot utmego ma Lurok ma i Antiokia ki Ciria ki Cilicia. Wan utmegiwu ma lukwena ki ludoŋo wamotowu mada.

15/24.txt

@@ -0,0 +1 @@
+\v 24 Wawinyo ni dano mogo ma gua ki botwa gubedo ka yelowu ki lok mapol, ki rubo tamwu woko, kadi bed wan pe wacikogi ki kit lok macalo meno. \v 25 Pi meno wan ka wacokke waneno ni ber wayer dano wacwalgi botwu kacel ki Barnaba ki Paulo, ma wamarogi twatwal, \v 26 gin jo ma doŋ gudyero kwogi pi Rwotwa Yecu Kricito.

15/27.txt

@@ -0,0 +1 @@
+\v 27 Mumiyo wacwalo botwu Juda ki Cira, gin bene kikomgi gibititowu lok ki doggi ma rom ki man ma wacoyo-ni. \v 28 Cwiny Maleŋ oneno ni ber, kacel ki wan bene, pe waket yec mapek twatwal i komwu makato lok magi ma pigi tego: \v 29 pe wucam gin ma gityero bot jogi, pe wucam remo ki riŋo lee ma gideyo adeya, pe wutim tim mo me tarwaŋ. Ka wugwokke i kom meno ducu, ci wubitimo ber. Doŋ wubed maber.”

15/30.txt

@@ -0,0 +1 @@
+\v 30 Kit meno ka gicwalogi, ci gin gucito i Antiokia; ka doŋ gucoko lwak kacel, ka gimiyogi waraga. \v 31 Ka jo kunnu gutyeko kwano, ci cwinygi obedo yom i kom lok ma gicoyo iye me cuko cwinygi. \v 32 Juda kacel ki Cira, ma gin bene lutit lok pa Lubaŋa, gucuko cwiny utmego ki lwak lok mapol ma miyogi teko.

15/33.txt

@@ -0,0 +1 @@
+\v 33 Ka gutyeko nino mapolpol kunnu, ci gulwokogi ki kuc i kare ma gidok bot utmego ma yam gucwalogi-ni. \v 34 Ento Cira otamo ni ber edoŋo kunnu. \v 35 Ento Paulo ki Barnaba gudoŋ i Antiokia, kun gipwonyo dano ki tito lok pa Rwot, kacel ki jo mukene mapol bene.

15/36.txt

@@ -0,0 +1 @@
+\v 36 I kare mo Paulo owaco ki Barnaba ni, “Bin wek wadok ka limo utmego ma i gaŋ ducu ma yam watuco iye lok pa Rwot, wanen kit ma gitye kwede.” \v 37 Ci Barnaba onoŋo mito ni giwot ki Jon ma nyiŋe mukene Marako, \v 38 ento Paulo otamo ni pe dok ber me tero dano ma yam oa owekogi i Pampulia, pe woto kwedgi i dog tic.

15/39.txt

@@ -0,0 +1 @@
+\v 39 Ci gubedo ka laro lok magwa, nio ka kingi opokke woko. Barnaba owoto ki Marako ci gukwaŋo nam gucito i Caiprac, \v 40 ento Paulo oyero Cira ci gua ka doŋ utmego gumiyogi i ciŋ Rwot wek okonygi ki kicane. \v 41 Owoto obaro i Ciria ki Cilicia kun miyo tekcwiny bot lwak muye Kricito.

16/01.txt

@@ -0,0 +1 @@
+\c 16 \v 1 Ka dok oo wa i Derube ki Licitra, lapwonnye mo onoŋo tye kunnu ma nyiŋe Temceo, wod pa dako mo ma Lajudaya ma oye Kricito, ento wonne aye Lagrik. \v 2 Utmego ma i Licitra ki Ikonio giloko ki nyiŋ Temceo maber. \v 3 Paulo omito ni ewot kwede; ka otere, ci olire pi Lujudaya ma gitye kunnu, pien gin ducu onoŋo giŋeyo ni wonne Lagrik.

16/04.txt

@@ -0,0 +1 @@
+\v 4 I kom wotgi ducu ma giwoto iye i gaŋi mapatpat gubedo ka miyo bot dano ma guye Kricito cik me aluba ma yam lukwena ki ludoŋo gumako i Jerucalem. \v 5 Kit meno lwak muye Kricito i kabedo acel acel gumoko matek i niye, gubedo ka medde mapol nino ducu.

16/06.txt

@@ -0,0 +1 @@
+\v 6 Ka guwoto gubaro i lobo Perugia ki Galatia, ci Cwiny Maleŋ ogeŋogi ni pe gulok lok pa Lubaŋa i Acia. \v 7 Ka guo ma gukemo Micia, ci gutemo dok tuŋ Bitinia, ento Cwiny pa Yecu pe oye ki gin, \v 8 mumiyo gukato ki i Micia, gucito piny i Teroa.

16/09.txt

@@ -0,0 +1 @@
+\v 9 Paulo oneno gin mo i waŋ lek dyewor, laco mo me Makedonia noŋo ocuŋ i nyime, obako doge bote kun waco ni, “Kwaŋ nam ibin i Makedonia ikonywa.” \v 10 Ka otyeko neno man i waŋ lek, ci oyotoyot wayubbe me cito i Makedonia, kun watamo ni Lubaŋa aye olwoŋowa pi tito lok me kwena maber bot jo kunnu.

16/11.txt

@@ -0,0 +1 @@
+\v 11 Wacako kwaŋo nam ki i Teroa, wakwaŋ atir nio wa i Camotrake, ci orwone wao i Neapoli. \v 12 Ki kunnu wacito i Pilipi gaŋ pa jo Roma ma en aye gaŋ madit makato ma i lobo Makedonia. Ci wabedo i gaŋ meno pi kare manok. \v 13 I ceŋ cabit wacito woko i ŋe doggaŋ i kabedo mo ma i dog kulu, ma watamo ni gwok nyo ka lega tye kunnu; ci wabedo piny ka lok mon ma gugurre.

16/14.txt

@@ -0,0 +1 @@
+\v 14 Ŋat acel ma obedo ka winyo lokwa en aye dako ma nyiŋe Ludia ma oa ki i gaŋ ma gilwoŋo Tuatira. En lacat boŋo ma lamar lamar, dano ma woro Lubaŋa. Rwot oyabo tamme omiyo oketo cwinye ka winyo lok ma Paulo waco. \v 15 Ka doŋ gibatija en kacel ki jo ma i ode, en obako doge botwa kun waco ni, “Ka wuneno ni an lagen bot Rwot, ci wubin wubed i oda,” nio ka en oridowa, wadoko welone.

16/16.txt

@@ -0,0 +1 @@
+\v 16 Ka ceŋ wacito i kabedo me lega, ci warwatte ki nyako mo ma aŋeca ma tyeto tyet ki jok ma bedo bote, kun kelo lwak lim mapol bot luditone pi lok ma en tyeto. \v 17 En obedo ka lubo korwa, kun daŋŋe ni, “Jo man gin aye lutic pa Lubaŋa Mamalo Twal ma gituco botwu yo me larre.” \v 18 En timo kit meno nino ducu. Ento kiniga omako Paulo, ci olokke owaco ki jok ni, “Aciko in i nyiŋ Yecu Kricito, a woko ki i kome.” Ci oa woko i kome i cawa meno cut.

16/19.txt

@@ -0,0 +1 @@
+\v 19 Ento ka luditone guneno ni gen me noŋo lim doŋ oa woko, gumako Paulo ki Cira guywayogi guterogi wa i cuk i nyim luloc, \v 20 ka guketogi i nyim luŋolkop, ci guwaco ni, “Jo man gin Lujudaya, ci gurubo gaŋwa woko. \v 21 Gin gipwonyo kit mogo ma cikwa pe ye ni wagam nyo walubgi, pien wan Luroma.”

16/22.txt

@@ -0,0 +1 @@
+\v 22 Ci lwak guribbe ka lweny i komgi; luŋolkop bene guyeco ginarukagi ki i komgi ci guciko ni gipwodgi ki odoo. \v 23 Ka gityeko pwodogi matek, ci gucwalogi i mabuc, kun giciko lalo mabuc ni ogwokgi maber. \v 24 Ka doŋ owinyo cik ma kit meno, oketogi i kicika ma i tyelo, oroyo okol i tyengi.

16/25.txt

@@ -0,0 +1 @@
+\v 25 Ento i cwiny dyewor Paulo ki Cira gubedo ka lega ki ka wero wer bot Lubaŋa ma lumabuc bene giwinyogi. \v 26 Ci lobo ocako yeŋŋe matek, guti me ot mabuc oyeŋŋe, ci doggola ducu guyabbe woko cut, ki nyor pa ŋat acel acel ogony woko.

16/27.txt

@@ -0,0 +1 @@
+\v 27 Ka lalo mabuc oco ci onoŋo ni dog ot mabuc oyabbe woko tye twolo, owoto pala lucwanne kun mito nekke kekene, pien otamo ni lumabuc gulwi woko. \v 28 Ento Paulo odaŋŋe ki dwane matek ni, “Pe itimme kekeni marac, wan ducu watye kany.”

16/29.txt

@@ -0,0 +1 @@
+\v 29 Lalo ot mabuc ociko ni gikel mac, ci odonyo i tyelo oyot kun kome myel ki lworo, oryebbe piny i nyim Paulo ki Cira. \v 30 Ka en okelogi woko ci owaccigi ni, “Luditona, myero atim aŋo wek alarre?” \v 31 Guwaco bote ni, “Ye Rwot Yecu, ci ibilarre, in ki jo ma i odi ducu.”

16/32.txt

@@ -0,0 +1 @@
+\v 32 Ci guloko lok pa Rwot bote ki bot jo ducu ma i ode. \v 33 I dyewor i cawa meno kikome oterogi olwoko waŋ retgi, ci gibatija en cut ki jo me ode ducu. \v 34 Ka oterogi i ode, omiyogi cam; cwinye obedo yom ki jo me ode ducu, pien doŋ otyeko ye Lubaŋa.

16/35.txt

@@ -0,0 +1 @@
+\v 35 Ka piny oru, ci luŋolkop gucwalo askari ka waco ni, “Wek jo meno doŋ guciti.” \v 36 Ci lalo mabuc otito ki Paulo ni, “Luŋolkop gucwalo lok ni myero wuciti. Wukat woko kombeddi wuwot ki kuc.”

16/37.txt

@@ -0,0 +1 @@
+\v 37 Ento Paulo owaco botgi ni, “Gityeko goyowa i nyim lwak, ma peya giŋolliwa kop, ma wan Luroma, doŋ gitweyowa i i mabuc, ka kombeddi dok gigonyowa muŋ? Pe; wek gin aye gubin gugonywa pigi kengi.” \v 38 Ci askari gutito lok man bot luŋolkop, ci gubedo ki lworo ka guwinyo ni gin Luroma. \v 39 Ka gubino gubako doggi botgi, ka gukwanyogi woko, gucikogi ni gua woko ki i gaŋ meno.

16/40.txt

@@ -0,0 +1 @@
+\v 40 Ka gukato woko ki i mabuc, gucito i ot pa Ludia; ka doŋ gutyeko neno utmego, ci gucuko cwinygi, ka gucito.

manifest.json

@@ -1,5 +1,5 @@
 {
-	"package_version": 6,
+	"package_version": 7,
 	"format": "usfm",
 	"generator": {
 		"name": "ts-desktop",
@@ -223,9 +223,74 @@
 		"12-22",
 		"12-24",
 		"13-title",
+		"13-01",
+		"13-04",
+		"13-06",
+		"13-09",
+		"13-11",
+		"13-13",
+		"13-16",
+		"13-19",
+		"13-21",
+		"13-23",
+		"13-26",
+		"13-28",
+		"13-30",
+		"13-32",
+		"13-35",
+		"13-38",
+		"13-40",
+		"13-42",
+		"13-44",
+		"13-46",
+		"13-48",
+		"13-50",
 		"14-title",
+		"14-01",
+		"14-03",
+		"14-05",
+		"14-08",
+		"14-11",
+		"14-14",
+		"14-17",
+		"14-19",
+		"14-21",
+		"14-23",
+		"14-27",
 		"15-title",
+		"15-01",
+		"15-03",
+		"15-05",
+		"15-07",
+		"15-10",
+		"15-12",
+		"15-13",
+		"15-15",
+		"15-19",
+		"15-22",
+		"15-24",
+		"15-27",
+		"15-30",
+		"15-33",
+		"15-36",
+		"15-39",
 		"16-title",
+		"16-01",
+		"16-04",
+		"16-06",
+		"16-09",
+		"16-11",
+		"16-14",
+		"16-16",
+		"16-19",
+		"16-22",
+		"16-25",
+		"16-27",
+		"16-29",
+		"16-32",
+		"16-35",
+		"16-37",
+		"16-40",
 		"17-title",
 		"17-01",
 		"17-03",