ach-SS-acholi_2th_text_reg/03/06.txt

\v 6 Utmegiwa, kombeddi wacikowu i nyiŋ Rwotwa Yecu Kricito ni, wupokke woko ki i kom ominwu mo ma lawackom ma bedo ka wirre kun balo kare nono labaŋo tic mo, ma pe lubo kit ma myero ma wun wumako ki botwa. \v 7 Wun kikomwu wuŋeyo kit ma myero wulub kwede kitwa. I kare ma nene watye botwu pe wabedo luwackom kun wabalo kare nono laboŋo tic mo. \v 8 Wan yam pe wacamo cam pa ŋat mo laboŋo culone, ento wacanne i tic dyeceŋ ki dyewor wek pe waket peko i kom dano mo i kinwu. \v 9 Pe te lokke ni wan wape ki twero, ento wamine giwa kenwa me bedo lanen ma myero wun wulubi.