ach-SS-acholi_2co_text_reg/09/12.txt

\v 12 Pien tic me kony macalo man ma wutiyo bikelo gin ma mitte bot jo pa Lubaŋa; ento pe meno keken, bikelo bene pwoc madit twatwal bot Lubaŋa. \v 13 Pi gin maber ma ticwu kelo, bimiyo jo mapol gimiyo deyo bot Lubaŋa, pien nyuto winy maber ma wutye kwede i lok me kwena maber i kom Kricito ma watito, ki pi cwiny maber ma wupoko kwede limwu bot jo-nu ki bot jo mukene ducu. \v 14 Gibilego Lubaŋa piwu bene kun cwinygi paro piwu, pi kica pa Lubaŋa madit ma okato kare ma doŋ onen i komwu. \v 15 Gipwo Lubaŋa pi motte maber ma pe wacce.