ach-SS-acholi_1co_text_reg/09/24.txt

\v 24 Pe wuŋeyo ni, jo ma gipyem i ŋwec ducu giriŋo, ento dano acel keken aye ma limo mot me pwoc? Wun bene wuriŋ kumeno wek wunoŋ mot me pwoc. \v 25 Dano acel acel ma pyem i tuko myero ogwokke kene i yo ducu. Gitimo meno wek ginoŋ lalukana ma balle woko, ento wan watimo pi noŋo lalukana ma pe ballene. \v 26 An mera ariŋo atir ma pe acabbe atata; ka awacci atye i tuko me doŋŋe, pe adoŋo piny macalo ŋat ma doŋo yamo ata. \v 27 Acano koma, kun bene aloye calo opiina, wek ka doŋ atyeko tito lok bot jo mukene, pe abed ŋat ma pe gipwoyo.