bhb-x-billori_mrk_text_reg/07/14.txt

\v 14 ताहा येशूय लोकाहान तियाही हादीन आख्यो, “ तुमा बादे माउनाया आन होमजी ल्या.” \p \v 15 एहेंकी केललीज वस्तु नाहा जी माहाम बारेने जाइन अपवित्र केहे, पेन जी वस्तु माहामने निंगेहे तोज माहाल अशुध्द केहे जियाहा उनानु खातोर कान हाय, तियाहांय हारकी उनाय ल्या. \p \v 16 \v 17 तियांय लोकाहान तिहीज रां देदो, आने कोमे गियो ताहा तिया चेला तियाल दाखला बोद्दल फुच्यो, \p \v 18 येशूय तियाहान आख्यो, “तुमाहान आती बी आकल नाहा हाय का ? जी वस्तु माहा माजमे जाहे ती माहाल अशुध्द केतो नहा इ तुमाहान नाहा होमजातों का ? \p \v 19 खावनु वस्तु मोनाम नाय पेन डेडीम जाहे, आन फाचे तियाहाल ओगी टाकतेहे, एहेंकी आखीन येशूय बादी खावनु वस्तु चोखी हाय इ आख्यो.” \p \v 20 आजी तियांय आख्यो, “जो माहा अंत:करणामने बारे निंगेहे तोंज माहाल अशुध्द केहे.” \p \v 21 काहाका माजमेने म्हणजे अंत:करणामने खाराब विचार बारे पोडताहा जेहकी, खारोब कामे, चोरी, खुन, \p \v 22 सिनालों, लोब, खोटोपोण, ठोगबाजी, हुनाटाय, हेवा, खोटी नजरीकी वेअनू, निंदा केअनु, अभिमान केअनु, मुर्खता इ. बांदो निगेहे. \p \v 23 ए बाद्या गोठ्या माहामनेज निगत्याहा, आन माहाल अशुध्द केत्याहा, \p \v 24 फाचे येशू तिहीने निगीन सोर आन साीदान प्रांताम आलो आन तो तिही एका कोवाम गियो इ केडाल मालुम नाय पोडा जोंजे एहेंक तिया बिचार आथो पेन तो दोबी नाहा सक्यों. \p \v 25 ताहा तुरुतूज एकी बाई पोयरील पुथ लागलो आथो, ती येशु बोद्दल गोठ्या उनायन येशूय आली आन तीया पागे पाडी. \p \v 26 ती बाई ग्रीक आथी आने सिरीयामने फिनीशीया इही जन्म वेली आथी, तियुय येशूल रांव्या किइन आख्यो,”मा पोयरीमने पुथडो काडी दे. \p \v 27 येशूय तियुल आख्यो, ”पोयराहान पेहली तारायन खाय ला दे काहाका पोयरांहा मांडो लिइन कुतराहान टाकनु इ हारो नाहा हाय” \p \v 28 ताहा ती बाईय येशूल आख्यो, “इ खेरीज हाय प्रभु, पुन कुतरे बी ता टेबला थुले पोयराहा वेने टाकाय जाहे ती मांडो विसीन खातेहे,” \p \v 29 ताहा येशूय बाईल आख्यो, “तो आखनु हारो हाय, तु जेा, तो पोयरीमाने पुथडो निगी गियोहो.” \p \v 30 जाहा ती बाई तियु को गियी ताहा तियुय ती पोयरील खाटलापे हुतली देखी, आन तियुमने पुथडो निगी गेहलो आथो. \p \v 31 फाचे येशू सार आने सिदान प्रांतामने निगीन दकापलीस प्रांताम लुगीन गालील पुगाराही जाय पोच्यो. \p \v 32 ताहा लोक एका बेरा आने तातऱ्या माहाल येशूय ली आवीन रावया किइन आखालग्या तो आथे इया पे थोव \p \v 33 ताहा येशू ती माहाल लोकाहा टोलामने बारे ली जाइन तिया कानाहाम आकड्या काल्या आन फाचे आकडीपे थुकीन तिया जिभील आथल्यो. \p \v 34 आने होरगावेल विइन हां टाकी आने आख्यो, “इफ्फाथा” (इया अर्थ खुली जो.) \p \v 35 ताहा तो माहु उनाया लाग्यो आने तिया जिभी गाठ तुरुतूज सुटी वी गियी आन तो हारी रिते गोगा लाग्यो. \p \v 36 ताहा येशूय तीया लोकाहान हारकी होमजावीन आख्यो, इ गोठ केडालुज आखाहा मां, पेन येशू जियाहान आखलो ते वादुज तिया गोठ्या आखा लाग्या. \p \v 37 तिया लोकाहान खुबूज नोवाय लागी आन ते आखा लाग्या “तियाय जो बी काय केयो तो हारो केयोहो, बेराहान उनानु आन मुकाहान गोगनु सोकती देदी.”