\c 9 पुरिम नांए दे त्‍याहरा दा मनाया जाणा \v 1 जाह़लु बारम्‍में मिहन्‍नें दा तेरम्‍मां दिन होएआ, उस दिन राजे दे
  दित्ते हुक्‍म पूरे होणे थे, तां यहुदिआं दे दुसमण तिहनां जो मारणे तांईं पुरिआ तयारिआ‍ च बैठ्ठेओ थे, पर दुग्‍गे पास्‍से यहुदी भी अपणेआं दुसमणां कन्‍ने मकाबला करणे तांईं इक दम तयार थे \v 2 फिरी सारे यहुदी अपणेआं-अपणेआं सैंरां च कठरोई गैह़, तिह़नां अप्‍पु च सलाह बणाई कि जेह़ड़ा भी तिह़नां पर हमला करगा, तिसजो जिन्‍दा नी छड़णां है, पर कोई भी यहुदिआं दा सामणा नी करी सक्‍केआ, तिह़नां दा ड़र लोक्‍कां देआं मनां च दुरा-दुरा तिकर फैल्‍ली गिआ था।