Wed Mar 20 2024 14:20:23 GMT-0400 (Eastern Daylight Time)

01/01.txt

@@ -0,0 +1 @@
+1 Ora Iesu Keriso riaga gahiga ga vara, Dirava moimane, auka au gamtuhe vasiba gahi geisa, otadovana orogisa vima. Aneru varaki au gamite Ioanne vasiba gahanu. 2 Ioanne raki Dirava gare riaga gahanu renu Iesu Keriso meve tage riaga gahanu, au eragevene iaganiva aubouge. 3 Magera aiera, a ga o orogane dahare koitava a, renu  ihare koitava a renu ga o torevane riaga gahima koitava a, ama dibana goisa vani varamu o orogoima.

01/04.txt

@@ -0,0 +1 @@
+4 Ioanne, seni oti dubu iatiriaga yau Asia uhura: Mage yaie renu mai au seni, renu auna unuhunu au seni, renu au seni orogare e, renu sua iatiriaga au seni orogi teronave gaika, 5 renu Iesu Keriso seni, gabidadama riaga, gami rahovara hogeva seni goiragi oroganu, auka mata o kini vara. Iaukaki no mage gahigeima renu ni daure au taokehe seni no maguri gevenu- 6 noni ge auki kini yaga Bauge nagate be kinu, haroro gahaya au Diravave renu au Mame yauni- au seni mage renu hedo negu oti behi behi. Amen.

01/07.txt

@@ -0,0 +1 @@
+Eragiahe, aukame orogima va uhura, ni be ni be ra, erara vara, au bodine bine gahava ya gaitage, mata o gahava ya, au bougi, au dainehe nigo ragohi ravara. Dodihegera, Amene. 8 "Daka Alepa vara renu daka Omega vara, Rohi Bauge Dirava raki roma, " auna unuhunu, renu era aukaki, renu auna unuhuna auka ororo vara, auka Bauge vara."

01/09.txt

@@ -0,0 +1 @@
+11 9 Da, Ioanne- ai ogonane, dakaki a ruta huhu nagima kindom va renu uhu  berebe vima, o aubougi gera Iesu maguri ve uhura hegera- Patmos motumotu va, Dirava gare dainehe renu Iesu raiga gahiga dainehe. 10 Daka Horu Aena ruta gera Rohi  Bauge vani vehe. Di iatahe ge daki eno raho be ihinu biugili duduva nagate. 11 Onaki ronu, " Idi vadaka maema a eragare, renu besugi dubu iatiriaga yau - Efeso yau, Smana yau, Pegamon yau, Tatira yau, Sadis yau, Piladelfia yau, renu Laodocia yau."

01/12.txt

@@ -0,0 +1 @@
+12 Daka, anigoi eragisa unuhuna da ga gahima, Idi ada lamepa iatiriaga ge daki eragevenu. 13 Lamepa e yau tanahe ge daki be lamepa be eraganu, gami mo be nagate, ogona ege be kinu ti au vasehe renu au Kemenehe gera ogona bera.

01/14.txt

@@ -0,0 +1 @@
+14 Au omote renu au omo homoke wol kae be nagate- au ni era vene bubu nagare nagate. 15 Au vase ra bronse va dahuane nagate, vene uhura hedoka gahare nagate, au enogera tinavai eia ruru vare nagate ra. 16 Au ada vamaga hegera hisiu iatiriaga gera ,egi bauge be, nika ganono vera hakira hakira gera, au avage uhura seni hakivi oroge ge. Au erara vage ra vani abaga hedoka te nagate.

01/17.txt

@@ -0,0 +1 @@
+Da eragane daki, au vasi gaikehe moru gohonu hoge atabe nagate, Au ada vamaga vemi auki di omote ada maemare, onaki ronu, " Anegu sigoime. Daka urugoi renu dokona vara 18 renu maguri vara. Dakamu hoge raganu, eduge eraga, Daka maguri vi behi behi vara! Hoge renu Hades ki varamu o di gasina .

01/19.txt

@@ -0,0 +1 @@
+19 E dainehe, a eragevene ama tore geisa, negu renu o itaharahe orogare ya. 20 Hisiu iatiriaga va a di ada vamaga he erage vene renu golo lamepa iatiriaga idi ada norena makava ra: Hisiu iatiriaga vara aneru yabera dubu iatiriaga yau, renu idi ada lamepa iatiriaga yabera dubu iatiriaga yabera."

01/title.txt

@@ -0,0 +1 @@
+Revelation Kobabe

02/01.txt

@@ -0,0 +1,3 @@
+1 " Efeso dubu aneru va onaki toreva:
+' Ga biava ada vamaga hegera hisiu iatiriaga gera, renu auka idi ada golo lamepa va yau vagehe ge auki ogi yoaima, 
+2 "Daka yai mageve dibanara, renu yai me isukeve ya dibanara, renu yai uhu berebeve daka dibanara, renu yaka hegiri veitera daure kiare gahava yau, yakamu yau mi aena gaha ro gevene eragevenu eduge veitera, badivara yakamu behu gevenu, avanage yauki ragoha.

02/03.txt

@@ -0,0 +1,3 @@
+3 Daka dibanara yaka uhu berebe tera renu di dainehe yakamu huhu nagoha, renu yaka besibe ragohi ra veitera. 
+4 Eduge daka hegiri veitera, ya urugoi me mage garehane. 
+5 Eduge yama anaisa, ya deru ragohane. Yai uhure bao geiahe ya urugoi kine iaganiva gaitana kiyahe. Ya, yai uhure bao geige veite, daka yai gasina ororo vara renu daka idi ada lamepa va, koki geige vara.

02/06.txt

@@ -0,0 +1,2 @@
+6 Eduge ora ai gera: Aka Nikolati gahava  yau maguri ve gahara veitera, da tagera. 
+7 Ana ihikoke tenu, ga o ihi, Sua ya dubu ga gahare ihi yahe. Unuhuna mage kima daka riaga gahege auka maguri idiva tamuta vivi vara, era Dirava Paradaiso ve uhurahe gera.

02/08.txt

@@ -0,0 +1,3 @@
+8 Symna dubu aneru va, onaki toreva:
+' Urugoi renu ihie orogare gare ra, aukamu hoge raganu renu aukamu magurivi goiragane: 
+9 " Daka yai huhuve renu yai goroa ve dibanara, eduge yaka magera. Daka dibanara ogore yabana roeia, yauka Iuda koita yabera, riaga vara yauka veitera. Yauka Satani dubu vara.

02/10.txt

@@ -0,0 +1,2 @@
+10 Ya negu sigo ragohime ya goroa gaharei. Eragiahe! Diabolo vara, ya beya vadibu yagava ya kira geige vara, eige yauna ya toho geisa, eige yana huhu nagohisa vani utube uhurahe. Yama gabidadama ragohisa ate hoge orogare eige dana maguri koronava ya mohi geisa.
+11 Ihikote koita vagu ihe, otadovanu Sua daure dubu yau roma. Unuhuna ga'a va hero kinu auka beta huhu nagina vara, hoge Abu gahigava orogarei .

02/12.txt

@@ -0,0 +1,3 @@
+12 "Pegamon dubu aneru va, onaki toreva:
+Ga biava ra egi bauge tera nikava hakira hakira ganono tera: 
+13 "Daka dibanara ana oreigena a uma, Satani terona hegera. Eduge amu di ihe kamui berebe gahima. Daka dibanara ai gabidadamave daigera monu, Antipas negavehe tage, di gabidadama gamive, yai tanahege yauki gamanu, Satani uiare gabu vahe.

02/14.txt

@@ -0,0 +1 @@
+15 Eduge daka hegiri veitera ai, iaga be yau dainehe: akamu e dagedage Balam uhuaka be kamugei berebe gahima, aukaki Balak kironu Isaraela gami yau gumage vadibu gahege, yauka sua yau demaka isa renu ni muduka me kisa. 15 Guma kobuga ei, be yabemu Nikolaiti uhuake o kamui berebe gaha.

02/16.txt

@@ -0,0 +1,2 @@
+16 Eige, guma daure e garema, veite goiare, daka ai gasina vaina ororo vara renu daka ga'a mi ororo vara yau, egi Bauge di avage uhurahe. 
+17 Ihiko tegu ihe, otadovanu Sua roma dubu yau. Ga'a uhura hero kiare koitava, dakena man's hunivare ya mohigeisa, renu daka muni kar be ya mohigeisa, ihi isage beraki e adahe, ihie bera dibana veitera eduge miare koita vai avahu dibana."

02/18.txt

@@ -0,0 +1,3 @@
+18 Tatirata aneru va, onaki toreva:
+'Ga ora Dirava Moe garera, au niera vene bubu nagera nagatera renu au vase ra bronse va dahugane nagatera. 
+19 "Daka ai meve dibanara: ai mageve renu ai gabidadamave renu ai me gumage renu a ai uhure kamuare gumava. Daka dibanara, a negu nega oi kiare mevera rahora, beta a urugoi kine meva nagatera.

02/20.txt

@@ -0,0 +1,2 @@
+20 Eduge, besibe vime daki: Aka magi vire Jesebel gahara veitera, auka aumi haroro magi roaire. Au uhuvaka gavehe ge auki di besube gahatuhe hero gahigeima auka ni muduka me kisa renu sua yau demaka isa.
+21 Nega tinakibe daki moimanu auka au uhu anana ve isage gasina, eduge auka au maguri daure kiare garege besibe va auki vime.

02/22.txt

@@ -0,0 +1,2 @@
+22 Eraga! Komata yagia gabunahege dana magi e maemisa au renu ni muduka ragohare koitava ya ruta, eige auna huhu nagohisa, yau maguri isage mimi besibe ragohege dainehe. 
+23 Yau gamuhe dana gahi geisa, dubu aubougi gena dibana gahisa daka uhu vaka renu soru vaka eragare ra. Dakena kobakoba yai gahune kisa yai meve dodihe.

02/24.txt

@@ -0,0 +1,2 @@
+24 Eduge yabea Tatira uiare koitava ya, yai bouge, unuhuna a uhuvaka ga o dibana veite renu Satani norena kiare meva - aigera daki onaki roma, ' Daka ai ada isuke maema veitera .' 
+25 Otadovana varaima, yama hero kisa ate da orogarei.

02/26.txt

@@ -0,0 +1,3 @@
+26 Ana unuhuna a hero kima renu di meve kima oti basu basu va, augena dana hedo moimisa mata aubougi yau variada. 
+27 ' Aukena ma meva kisa auri idiva ruta, hodu nagate auna hosagei tina tina.' 
+28 Da di Mame seni mane nagate, dana vagutu bao ragare hisiu va moimisa. 29 Ihikote koitava, ihe otadovanu Horu roma dubu yau. "

02/title.txt

@@ -0,0 +1 @@
+Revelation Abu

03/01.txt

@@ -0,0 +1,2 @@
+1 "Sadis dubu Aneru va onaki toreva, ' Ga kamuvare koitava renu Dirava suave ya aubougi iatiriaga va kamuare renu hisiu iatiriaga kamugevare. " Daka ai meve dibanara. Ai ihera magurivera, eduge aka hoekera. 
+2 Urima otadovanu enu herogaha eduge auka hoge ragiravara, badivara ai mevera beta uhubagera di Dirava ve niehe.

03/03.txt

@@ -0,0 +1,2 @@
+3 Anava, ana otadovanu a manu renu ihinu. Gava riaga gaha, renu ai maguri emene ve garema. A uriru veitege goiege, daka vaho koita nagate ororo vara, aka beta dibana goigovara dana otado vani iagavage da orogima ai. 
+4  Eduge Sadis uhura ihi be yaberamu enu, yau ogonave yabera miro veitera, yauka da ruta ogigi vara, yau ogona ruga, badivara yauka magera.

03/05.txt

@@ -0,0 +1,2 @@
+5 Herote koita vara ogona kae kikivara, daka beta au ihe maguri bukava kokivara, renu daka au daureve di Mame renu au aneru yau ihehe. 
+6 Ihi kokete koitava, sua ya dubu gahare ihi yahe."

03/07.txt

@@ -0,0 +1,2 @@
+7 Piladelpia dubu aneru va, onaki torei ro: ' Gara au era auka aena renu riagavara-- Davida ki vera au gera, auka aboaba vara bera beta kouko vara, auka kouko vara bera beta baoba vara. 
+8 " Daka ai meve dibanara. Eraga, dakamu o ai vagotenehe udua be baoanu bera beta kouko vara. Daka dibana ai herovera avira, eduge amu di gare ihare renu di ihe vague gahiga veite.

03/09.txt

@@ -0,0 +1,2 @@
+9 A ihi iauka Satani oreave koitava iabera, tarata ta-te irea, beta Iudea iabera. Dakene iau komukone, ai vasi ḡaikehe ḡoruhi. Iau-bada (dibana) ḡahisa. Daka a lalokau ḡahima. 
+10 Badivara aka di (Haheauka) garea uhuraehe uma, mati daka a iaheisa, daure uhuraehe, au vata oi oroḡi koita iaubada toho gevarehe. 11 Daka me oroḡima inono veite. Otado bene aiea, ege koita bera beta a vaho ḡahi ai kwalimu ḡahue.

03/12.txt

@@ -0,0 +1,2 @@
+12 Kwalimu koita vara di Dirava te Dubu ḡavara vera, renu auka beta ḡare miavara. Daka au torei di Dirava te ihe, renu di Dirava te oḡe ihiva Ierusalema isage, era vava sena uguhi oroḡi Dirava ḡasina. Daka di ihi isageve au tore via-vara.
+13 Ihikote koitava ra sua gare Ekalesia orea va iau ihihi-vara!

03/14.txt

@@ -0,0 +1,3 @@
+GA ORA OTI LAODIKEA EKALESIA OREAVA IAUE.
+14 Ora oti Laodikea Ekalesia orea va torei:
+ora besube gava oroḡi Amene isena, ḡabidadama renu ga riaḡa, auka hama ḡami Dirava iaḡa iaubada kiogevene vaḡaehe. 15 Daka dibana otado bene a kinu; Daka dibana ana ribike se hedoka tenu! 16 Uduke badiva tiahue dainehe, beta hedoka se ribike, a daka di avaḡehe a kakai haki-ra.

03/17.txt

@@ -0,0 +1,2 @@
+17 Aka roma, Daka magera; Dakamu mage manu. Eduge aka dibana veitera, akamu korikorera, vagahutera, ni veitera ren bututa gera. 
+18 Daka a ugoro ḡahima golo dai haeva, vene reḡuane iaḡava, ege ama taḡa koita ḡoisa, mati dabua kae haevi ḡotoma, renu ai variva renu, bututa ve (koua), renu mati gi ḡadiki haevi maema, ege ama ni-ḡahisa.

03/19.txt

@@ -0,0 +1,2 @@
+19 Daka a ugoro ḡahima renu, kodivima, iai-bada oḡorea da ia (lalokau) ḡahigeima, iai uhure tiahuare, iama iai daureve anai ḡoi raḡohisa. 
+20 Ihi! Daka idua va-rami kokokoima; ege koita be di enoḡe ihi idua baoare, daka oroi au iagehe auḡore tamuta, renu auka daḡore tamuta vara.

03/21.txt

@@ -0,0 +1 @@
+21 Kwalimu koitava, daka riaḡa ḡahi da ruta di terona ve guraguara, di naḡate kwalimu, di mame ḡore au terona-ve guraha. 22 Ihikote koita vane sua gare Ekalesia orea va iau ihisa.

03/title.txt

@@ -0,0 +1 @@
+Revelation Abiga ga

04/01.txt

@@ -0,0 +1,5 @@
+ḠORUHI IMIḠARE / TOMADIHO VAVA
+
+1 Iaḡa oiau itahe, daka mati iaḡo vi niḡahi vava idua bera baobare renu, enoḡa be daki ihi-nera biti vaka enoḡa naḡate da ga-ḡahige roma, “Ḡadimi ikoho oroḡo, renu daka a ḡaiho nemi otado bene vara o itahe.” 
+2 Inono veite sua da roheige. Ikehe vava gera (terona) bera, augera koita beraki guramanu. 
+3 Au erara vaḡe ra iaspi renu sadio muniva na ḡoiḡore, renu kevau ara ki terona e oriḡanu, au erara vaḡae ra samaraḡo muniva na ḡoiḡore.

04/04.txt

@@ -0,0 +1 @@
+4 Terona e oriḡane ra uta-abu hakira aba-abu; au gurahane ra eraḡa re koitavaia ḡaina gera, uta-abu hakira aba-abu dabua kae kirogei, omo badu tea golo iabera. 5 Terona vagera va siasia enoḡa renu va dudu hakivige, renu terona vaḡotone lampa abuḡu veite raḡi abaga-abaga ruḡa, eiabera Dirava sua rea abuḡu veitea.

04/06.txt

@@ -0,0 +1,2 @@
+6 Renu terona vairanehe gera, eve uhurava eragare naḡate muni abagare ra .
+Renu terona uhurae renu oriḡane ra, maḡuri iaḡa aba-abu iau nie vairava renu itahe.

04/07.txt

@@ -0,0 +1,2 @@
+7 Maḡuri iaḡa uri-ḡoiḡoara, erara vaḡa vara lion, abu ḡahiḡa, erara vaḡa vara boromakau ḡamika hairanite; abigaḡa ḡahiḡa vairane koita vairane na ḡoiḡore enu aba-abu ḡahiḡa, erara vaḡava borogi huraḡare naḡate ra. 
+8 Iau aba-abu ruḡa gera ahakani-vaia bera, agorokiva gera, itaheraehe ge renu, uhuraehe nikavaia bera dadaḡavara. Vani renu vahi iauka vaḡa roro veite noḡo ḡu raḡa; ona roia: “Aena, aena, aena ra Rohira, tiahu iaubada gera Dirava ra, auka guramige, auka guramima renu, auka so oroḡisa!”

04/09.txt

@@ -0,0 +1,5 @@
+9 Renu maḡuri iaḡa aba-abu ruḡa noḡo raḡohi Dirava moteahi renu, au hairave maḡe ḡahi terona ve guramarei. Auka gurami behu-behu nega ehe.10 Ege eraḡare koitavaia uta-abu hakira aba-abu, ḡoruhi au vaḡotonehe terona va guramege, Dirava va roia, maḡuri behu-behu. Dirava va ḡoruhi (toma diho) ḡahige, iau omo bakue terona vaḡotonehe kiragei ugu raḡohi roia:
+11 “Ni Rohi rahoe, ni Dirava te-e! Maḡe-vara onu
+hairava renu, matau renu, tiahu mi.
+Badiva akaki iaḡa iau bada kiogevenu,
+ai urae kirogei iauka guraha.”

04/title.txt

@@ -0,0 +1 @@
+Revelation Ababu

05/01.txt

@@ -0,0 +1,2 @@
+1 Ege da eraḡane, koitava terona va au ada vamaḡa ehe gera buka bera, uhuraehe renu, itaheraehe gera ihi tea- bera, buka ora bakui berebe herea-vara, kasiva-kasiva gera bere gj;ahi abuḡu veite. 
+2 Ege daki aneru hero te be eraḡi, auki bara rahoi, “unuhune ḡereḡereve, buka o baovisa renu bakuane kohua turugeisa?”

05/03.txt

@@ -0,0 +1,2 @@
+3 Uduke koita be vava se vata renu, vata o derikae beta buka o baovi uhuraehe erara vara. 4 Ege daki nina hereai badiva ra koita bera beta herote bao baoara renu uhurava eraisa. 
+5 Ege eraḡare koita va beraki da gaḡahi roma, “Nivisa ḡare. Eraḡa! Leona Iudea iduhua, David rumukehe sena (kwalimu) aukene, buka o baovisa renu, bakuane (toavaia) abuḡu veite gene turuhisa.

05/06.txt

@@ -0,0 +1,2 @@
+6 Ege daki mamoe eraḡi rami rame terona nomuakaehe, maḡuri iaḡa aba-abu erai gurahare koitavaia iau oroḡanu. Mamoe ḡamika rami rame eraḡi, mimene ḡami hoekare naḡate. Au kokai vera abuḡu veite, renu nikava tagera abuḡu veite e iabera Dirava sua ruhea abuḡu veite, e besu gei vata o uhuḡati iau. 
+7 Ege mamoe gamika oti buka e terona-va guramane ada vamaḡae manu

05/08.txt

@@ -0,0 +1 @@
+8 Au buka e mane, maḡuri iaḡa aba-abu renu, gurahane koitavaia uta-abu hakira aba-abu ḡoruhi mamoe vaḡotonehe. Iau koba-koba gera gita tea mati, iauka golo hodu ḡadiki toboḡa gei Aena Koitava iau ḡuriḡurivea.

05/09.txt

@@ -0,0 +1,7 @@
+9 Iauka noḡo isage mi roege:
+“Aka aena buka o misa
+renu, bakuane kohua hosa-gei baovisa.
+Iauka a ḡami hoeki, renu ai hoḡe vera boubou iaḡa, Dirava ḡasina
+koita ia Iduhu iaubada, ga iaubada, oḡo renu, bese iau bada sena.
+10 Akaki Rohi renu, Aena Koitava iauḡa ki, ni Dirava te meve kisa.
+Ege iauka vata o Rohi ḡahisa.

05/11.txt

@@ -0,0 +1,3 @@
+11 Daki ḡaitana niḡahi renu, daka aneru iau enoḡe ihi daha-daha renu, gerebu-gerebu uara! Iauka terona rahi oriḡi, maḡuri iaḡa aba-abu renu, eraḡi gurahare koita-vaia, 12 renu noḡo raḡohi enoḡa rahoa:
+“mamoe ḡamika ḡami hoekane
+aukaki maḡe, tiahumi, taḡa, aonega renu hero, matau, haira renu heḡiri!”

05/13.txt

@@ -0,0 +1,5 @@
+13 Ege daki ihi iaḡa iaubada vava, vata oi renu, vata uhuraehe, derikae renu eve - uhura iaḡava iaubada - renu iauki noḡo raḡohi:
+“Au terona va gurama nei, renu mamoe ḡamikai,
+moteahisa, renu matau haira renu, tiahu iaune misa,
+negu oti behu-behu!”
+14 Ege maḡuri iaḡa aba-abu geraki roia, “Amen!” Renu eraḡi guraharen koitavaia beraki ḡoruhi au (toma diho) ḡahanu.

05/title.txt

@@ -0,0 +1 @@
+Revelation Adakasiva

06/01.txt

@@ -0,0 +1,3 @@
+PEPA KUMUKU / ḠODO
+
+1 Ege daki mamoe ḡamika eraḡi auki bakuane (toava) uriḡatuḡa va hosai baoanu, ege daki maḡuri iaḡa be enoḡe ihinu, enoḡa era va duare naḡate roma, “Oroḡo!” 2 Daki niḡahi hosi kae eraḡanu, au guramane koita vara peva tera, omo baku (moimi) ege auki tiahu ḡore otinu. Auka guivi oti (kwalimu) ḡahara.

06/03.txt

@@ -0,0 +1,2 @@
+3 Au bakue (toava) abu ḡahiḡave turuhi, ege maḡuri iaḡa abu ḡahiḡa enoḡe daki ihi roma, “Oroḡo!” 
+4 Ege hosi kerekare be raki hakivi, au gura mane ra tiahu moimi (maino) vata oi misa. Koita iabera ḡahi-geisa dainehe. Ege auki kaia ketake be moimanu.

06/05.txt

@@ -0,0 +1,2 @@
+5 Au bakuane (toava) abigaḡa e turuhi, ege maḡuri iaḡa abigaḡa ḡahiḡa enoḡe daki ihi roma, “Oroḡo!” Ege hosi dubu herea be daki eraḡanu, au guramane ra isuka toho-toho kohua be mi au adehe.
+6 Daka ihi enoḡa bera maḡuri iaḡa aba-abu iau vagaehe sena roma, “uit be damua ra silver moni be, renu bali gogoare abigaḡa damuara, silver moni kobabe vani be. Uduke a enaki olive idia renu vine ḡeḡe daure ḡahima!”

06/07.txt

@@ -0,0 +1,2 @@
+7 Au bakue toava aba-abu ḡahiḡave turuhi, ege maḡuri iaḡa aba-abu ḡahiḡa enoḡe daki ihi roma, “Oroḡo!” 
+8 Daki niḡahi hosi bera (pale colored) eraḡi. Au guramane atava ihiva ra, Hoḡe renu Hoḡe Rohiva, au itahe oronu. Tiahu-ara iau abu moigei, vata o (inoḡove) aba-abu (inoḡo) be biava gahi, (ga ki) tuariva, doe, tamuta veite, renu ura ohoia (or) iaḡavaia iau ga kohuḡe au koita ḡahigei hoekiogeisa.

06/09.txt

@@ -0,0 +1,2 @@
+9 Ege mamoe ḡamika bakuare toava adakasi ḡahiḡava turuhi. Daki pata aena derikae ahata be eragei, badiva Dirava hari maḡeve haroro ḡahigeve dainehe ḡahigevenea (or) ḡahigei hoe kiogevene. 10 Iauka bara ketake raḡohi roia, “Ni biage o aena renu riaḡa! Ana nega orei vata o kotavaia daure damue moigeige, ni taokeau dainehe. 
+11 Ege iau koba-koba dabua kae moigei, auki kirogei ro nega tinabe so vaḡa roro oit iau bamoduhea renu oḡo nanuhea besube ruḡa ḡahigei hoekiogei iau ḡahigevene naḡate, aune ḡereḡereisa.

06/12.txt

@@ -0,0 +1,3 @@
+12 Renu daki mamoe ḡamika eraige auki, bakuane toava agoroki ḡahiḡava turuhi, ege daki niḡahi otige, vata (marere/iahuia) ketake, renu van i tage vadibu ḡoi, dabua dubu naḡate renu bata ra au sivai kereka herea taḡo naḡate. 
+13 Hisiu iabera moru raḡohi vata erara vaḡava nono vava sena oroḡi suke maka isage ruse vare naḡate. 
+14 Va tage pukivi, buka kuivare naḡate, nimu iau bada renu, motumotu iau vataehe raka gevare

06/15.txt

@@ -0,0 +1,3 @@
+15 Ege vata o rohivaia renu, uriḡatuare, renu ḡa rohia/biavaia, taḡa renu hero kota vaia renu besube ḡahavaia renu (ura kwalimu) koitatavaia iau bada kovio uhure, nimu hara-haḡa/derikaehe hata raḡoha. 
+16 Iauki to raḡohi nimuia renu munia, no duha ge renu baku gei iaehe, terona va guramare niehe renu mamoe horehe no huni-geve. 
+17 Badiva iau hore vani-va rahoa ra bina hori-vanu, unuhune negu rami haese ḡahi ḡavanu.

06/title.txt

@@ -0,0 +1 @@
+Revelation Agorokiva

07/01.txt

@@ -0,0 +1,4 @@
+ISARAELA KOITA VAIA Daha Tinahu Utu Ababu hakirava ababu.
+
+1 Oi iau itahera-ehe, daki aneru aba-abu eragei rahirahe daiguni aba abu vata oi, kona aba-abu kougei, ege nono bera beta ḡugu ḡu vata se eve se beta idi ve huroro ḡahiḡa vara. 
+2 Ege daki aneru be eraḡi mairivena kasiva ḡadimi roḡige, au bakuane toava maḡuri Dirava iehe. Auki barai enoḡa ketake va oti aneru aba-abu oḡorea iabena Dirava tiahu moigei vata renu eve hadika or daure ḡahiḡa. 3 Aneru araki roma, “A enaki vata o renu eve se idi daure ḡahigeima, oti-oti da Dirava koita tuheau iau varikehe au ikorove maegeima.

07/04.txt

@@ -0,0 +1,3 @@
+4 Renu da kirone numera vara oḡoreau varikehe gene iau ikoro maemanu gera 144, 000. Iauka utube hakira abu Isaraela Iduhua sena.
+5 Iuda Iduhua sena gerebu be daha-abu, Rubeni iduhua sena gerebu be daha-abu, Gada iduhua sena gerebu be daha-abu. 
+6 Asere Iduhua sena gerebu be, daha abu, Napatali Iduhua sena gerebu be daha-abu, Manase Iduhua sena gerebu be daha-abu.

07/07.txt

@@ -0,0 +1 @@
+7 Simeona Iduhua sena gerebu be daha abu, Levi Iduhue sena gerebu be daha abu, Isakara Iduhue sena, gerebu be daha abu. 8 Sebuluni Iduhue sena, gerebu be daha abu, Ioseha Iduhue sena, gerebu be daha abu, Beniamina Iduhue sena, gerebu be daha abu.

07/09.txt

@@ -0,0 +1,5 @@
+KOITA HUTUMA HEREA RAHI RAHE VAVA
+
+9 Oiau itheraehe daki niḡahi koita era hutuma herea, koita bera beta uhuḡati da geige vara. Iauka bese ḡaita ḡaita renu, Iduhu ḡaita ḡaita ehe renu Oḡo ḡaita ḡaita sena renu iau bada rahi-rahe terona vaḡotonehe renu, 
+mamoe ḡamika vaḡotonehe rahirahe, iau dabuade iabera kae herea renu, adaka vaia bera reta tea. 
+10 Iauki toraḡohi hakirai enoḡa ketake ruta roia: Maḡuri vara ni Diravate ie, terona va guramare Dirava va renu, mamoe ḡamika iau.” 1

07/11.txt

@@ -0,0 +1 @@
+11 Ege Aneru iau bada rahi oriḡi terona va (heitatao) koitavaia renu, maḡuri iaḡa aba-abu. Ege iauka ḡoruhi iau vairea terona beiami vata sena Dirava (toma-diho) ḡahige. 12 ronu, “Amen! maḡe haira renu uhu vaka renu heḡiri renu matau, tiahu renu, hero ra ni Dirava te ne misa,negu oti behu-behu! Amen!”

07/13.txt

@@ -0,0 +1,3 @@
+13 Ege (heita tao) koita beraki da beraḡi, “Oḡorea bene koita oia dabua kae ḡote-gevenu renu, ikorehe sena gene iau oronu?
+14 “Daka dibana veite, Rohi raho e. Akaki (dibana),” Daki ronu.
+Auki da ki-roma, “Koita oiabera huhuherea va sena iauki oronu, iau dabua ve mamoe ḡamika taokehe eto gevenu, kae ḡahigevenu.

07/15.txt

@@ -0,0 +1 @@
+15 E dainehe iauka Dirava terona ve vaḡotone rahi-rahe, renu terona va guramare Dirava vara, iau taruḡehe otiti vara. 16 Iauka beta rauta se eia iroro renu, vani se, tiahu ara beta (rara-geige vara). 17 Badivara mamoe ḡamika vara reḡu geige vara, au (lohivare) eva iabera iau maḡuri ḡaikera. Auka uriḡatu gei renu Dirava ne iau ni nemote iau bada iau niehe sena koriko ḡahi-geisa.

07/title.txt

@@ -0,0 +1 @@
+Revelation Yatiriaga

08/01.txt

@@ -0,0 +1,2 @@
+1 Ege mamoe ḡamika bakuane abuḡu veite vaheḡane, vava gera enoḡa veite (hour hakira) be.
+2 Ege daki niḡahi aneru abuḡu veite era gevenu, iauka rahi Dirava vaḡotonehe.

08/03.txt

@@ -0,0 +1,2 @@
+3 Renu aneru beraki oroḡi (alter) vaḡotonehe rami (golden censer) ruta, renu auka (incence) auhe moimi au ḡuriḡuri ve-iau oti saints (golden alter) terona vaḡotonehe. 4 Renu incense duka va ḡadimi ḡuriḡuri ruta oti aneru iau adehe uriḡatu Dirava vaḡotonehe rahige iau. 
+5 Ege aneru araki (censer) e mi vene-va toboḡahanu (alter) ei, renu vata-ada kira vanu, eraki (peals oh thunder) enoḡa (hlashes) oh lightening renu, vata marere.

08/06.txt

@@ -0,0 +1,4 @@
+BITI VAKA IATIRIḠAVA
+
+6 Ege Aneru iatiriḡava iabera biti vaka abuḡu veite (heḡaeḡae) ḡahigei uhu geige.
+7 Aneru uriḡatuḡa, au biti vaka ve uhui, veni raho renu vene, taḡo ruta oroḡi bohuraḡi uguhi vata oi. Inoḡo abigaḡa vata oi gera raḡo hanu renu idi abigaḡa renu ḡati iaubada.

08/08.txt

@@ -0,0 +1,2 @@
+8 Ege aneru abu ḡahiḡa au biti vaka ve uhui. Iaḡa be erara vaḡava nimu vene raḡare kirai eve. Eve hosai inoḡo abu-geraki taḡo ḡoinu. 
+9 Renu eve abigaḡa ḡahiḡava oroḡi taḡo ḡoinu, a abigaḡa ḡahiḡa maḡuri kohua ia, eve budaraḡohanu renu abigaḡa e (kada) va ia daure ḡahanu.

08/10.txt

@@ -0,0 +1,2 @@
+10 A Aneru abigaḡa ḡahiḡa-va au biti vakave uhune, hesiu raho, vava sena moru ḡohi, bubunaḡi (tosi) naḡate, auka tinavai abigaḡa ḡahiḡae moru ḡohonu, renu kubobo eve vaia koba koba iau ada moru raḡohige.
+11 Hisiu e ihivara “Iditave”. ege eve abigaḡa ḡahiḡava raki ageve ḡahi ge koita hutuma varaki buda raḡohanu, eia dainehe badiva auka agevera.

08/12.txt

@@ -0,0 +1 @@
+12 Aneru aba-abu ḡahiḡa va, au biti vakave uhuige, ege vani vakera abigaḡa ḡahiḡava hakira ḡamige, auki vadibuanu renu, bata abigaḡa ḡahiḡa hakira ḡamige autage, vadibu ḡoinu, renu hesiu abigaḡa, abigaḡa hodigeige iau ḡaita geraki vadibu ḡahanu, ege abigaḡa oiau abage raki vadibu ḡahanu, e dainehe hakira abigaḡa ḡahiḡa vani-vaia, abaga veitera renu vahiva tage.

08/13.txt

@@ -0,0 +1 @@
+13 Ege daki niḡahi, renu daki ihi borogi varaki nivi enoḡa raho ḡore, huraḡi va nomua-kae roma, “Daure o! daure! Vata oi guraharea, aneru abigaḡa ḡahiḡa va iau beti vakave bina uhu geige dainehe, or (negu butu uhu geige dainehe).

08/title.txt

@@ -0,0 +1 @@
+Revelation Abuguveite

09/01.txt

@@ -0,0 +1,4 @@
+BITIVAKA ADAKASI ḠAHIḠA UHUNE
+
+1 Aneru adakasi ḡahiḡava au biti vake uhunei. Daki Hisiu eraḡi vava moru ḡohi uguhi vata, renu aba dobukeherea (key) va au moimanu 
+2 Auka aba dobuke derika veite be baovi, renu uhuraehe du-raki ḡadimege erara vara-mu duka naḡate ra, ege vani renu (nono) vadibu raḡohanu, aba duka hisua.

09/03.txt

@@ -0,0 +1,2 @@
+3 Ege du eisena iso-iso iaberaki vata oi, sena oroḡige, renu iauka hero moigei (scorpions) tiahue naḡate vata oi. 
+4 Uduke iauka kirogei roia, ḡati vata oi vara rai-gevare, se idia beta daure ḡahi geisa, a Dirava ikoro ve mimi veite iau varikehe ḡu-gera.

09/05.txt

@@ -0,0 +1,2 @@
+5 Iauka tiahu moigei beta ḡahigeisa, bata adakasiva huhu moigeisa, huhu era (doadoa) mato gevare huhua naḡate ra. 
+6 Vani e iau koita iabera hoḡe iaḡoisa, renu beta behuisa, iauka ura herea hoḡe, uduke hoḡe ra iau huraḡi ḡaise.

09/07.txt

@@ -0,0 +1,2 @@
+7 Negu, iso-iso e iau erara vaḡera (ḡoḡai) hosiva iau na ḡoiḡorea, iau omotea erara vaḡava iabera golo baku naḡate se, omo baku golo naḡate, iau vairane koita na ḡoiḡore. 
+8 Iau homoke iabera maḡiau omo hanake no ḡoigore, eḡiavaia bera Laioni eḡia na ḡoiḡore. 9 Dokani-vaia bera iaḡa tea, auri na ḡoiḡorea, iau ahakanea, iau enoḡe iabera (kariota) enoḡa naḡate-ra, hosia butugei ḡoḡai uhurae siri raḡare (enoḡava haira nitea).

09/10.txt

@@ -0,0 +1,2 @@
+10 Iauka (doa-doa) teteka haira nitea, iauka ginisa teabera, renu iau tiahue koita iabera bata adakasiva huhua raḡo hia vara, iau teteke gera. 11 Iauka Rohi tea, derika veite abava anerua au ihe Heberu gava-gera Abadon renu, Heleni gava auka (Apoluonu).
+12 Daure urogoigo a kosaige, abu gera uera, iauka so ororoa-ra.

09/13.txt

@@ -0,0 +1,5 @@
+BITI VAKA AGOROKI GAHIGA VA
+
+13 Iauka (doa-doa) teteka haira nitea, iauka ginisa teabera, renu iau tiahue koita iabera bata adakasiva huhua raḡo hia vara, iau teteke gera. 
+14 Iauka Rohi tea, derika veite abava anerua au ihe Heberu gava-gera Abadon renu, Heleni gava auka (Apoluonu).
+15 Daure urogoigo a kosaige, abu gera uera, iauka so ororoa-ra.

09/16.txt

@@ -0,0 +1,2 @@
+16 Tuari gahavaia dagei numera vara million, tinahu abu, daki oti iau numera ve. 
+17 Renu ora da eragi hosi ia di iaḡoehe au gui raḡohane dokaniva ia-bera auria erara vaḡa, vene renu (huakina) enu tero naḡate avaḡaehe, renu hosi eiau omotea iabera (lion) naḡate ra omotodivaia renu vene dukava teio a hakivima.

09/18.txt

@@ -0,0 +1 @@
+18 Daure abigaḡa oiau dainehe, koita abigaḡa uhuraehe koba-koba gera ki buda raḡo hige: Negu vene renu du renu teio, avaḡaehe haki raḡohige iabera ki hoekio gevenu. 19 Badiva iau tiahuea iabera iau avaḡaehe renu tetekehe, iau teteke ra ḡuti naḡate ra, omoto te-aber, ei ge iauki koita ḡahigeva.

09/20.txt

@@ -0,0 +1 @@
+20 Daure abigaḡa oiau dainehe, koita abigaḡa uhuraehe koba-koba gera ki buda raḡo hige: Negu vene renu du renu teio, avaḡaehe haki raḡohige iabera ki hoekio gevenu. 21Badiva iau tiahuea iabera iau avaḡaehe renu tetekehe, iau teteke ra ḡuti naḡate ra, omoto te-aber, ei ge iauki koita ḡahigeva.

09/title.txt

@@ -0,0 +1 @@
+Revelation Igaguveite

10/01.txt

@@ -0,0 +1,4 @@
+ANERU ARENU BUKA AENA AVIE
+
+1 Ege daki aneru hero te be eragi vava sena uguhi, oroḡanu, oriva ḡodomi mati kevaua omotoe ada, renu au vairane ra vani naḡate, renu au vase a iabera (ga vara) bubuke vene naḡate. 
+2 Auka buka aena avie bera, au adehe baobare, renu au vasi vamaḡe ra eve rami, a au vasi vage ra vata.

10/03.txt

@@ -0,0 +1,2 @@
+3 Renu, to hakivi enoḡa ketake ḡore erara vaḡava Lion kanana vare naḡate, au to nei va du-du enoga iatiriḡava ḡadimanu. 
+4 Ege dudu iatiriḡava itaherae, di urae toretore, uduke daka enoḡa be vava ihi roma, va dudu abuḡu veite enoḡa va bakua, torei sa ḡare.

10/05.txt

@@ -0,0 +1,3 @@
+5 Renu aneru da eraḡi au vase rami eve, renu vata, au ada vamaḡe iagemi oti vava. 
+6 Renu gwauhamata behu-behu, unuhune va kinu otado bene uhuraehe, renu vata o kohua ruta, renu eve o kohua ia, era beta isusu kiki-vara. 
+7 Uduke vani era riaḡa ḡahi biti vaka enoḡa aneru abuḡu veite e iau sena, Dirava huni ḡare au toto ḡahi besu beve ia, peroveta ia kirogei rone, riaḡa ḡahiḡa vara.

10/08.txt

@@ -0,0 +1,2 @@
+8 Ege da enoḡa ihine ra vava sena ḡaitana daki-roma, “Oti buka aena baobare aneru adehe mi unuhu vase ne rami-rame eve renu vata.”
+9 Ege daki oti aneru kiroma, buka aena avie da doima, auki da kiroma, “Mi bai; auka iditave ḡoi ai vaḡatanehe, uduke heiḡa te uamo ai avaḡehe.

10/10.txt

@@ -0,0 +1 @@
+10 Renu daki aneru adehe buka aena mi renu, i au heiḡe uamo di avaḡehe, uduke da ine itahe di vaḡatane iditave ra. 11 Renu daka a kiroma, “Ama ḡaitana perovetai sa - koitaia, renu mei ḡaita-ḡaita iau, renu rohi iau.”

10/title.txt

@@ -0,0 +1 @@
+Revelation Utube

11/01.txt

@@ -0,0 +1 @@
+1 Ege auka maka ḡote be da moimi, idi naḡate, auki da kiroima, Urimi Dirava dubu e makava, terona renu oḡorea ne ikehe (toma-diho) raḡoha. 2 Uduke a enaki kota dubu itaherae makaima, e ḡarema, era mata ora iauki moimi, iauka duhai city aena ada (bata 42) or bata (uta aba-abu hakira abu)

11/03.txt

@@ -0,0 +1,3 @@
+3 Renu di harike roroa abu tiahu moigevege iauka perovetea raḡohi daha be tinahu abu renu, vani utube hakira agorokiva puse dabua ḡotegeige vara. 
+4 Ora olive idi-abu renu lamepa rahira abu iabera, rahi vata o rohiva vaḡotonehe. 
+5 Renu koita be, daure ḡahi-gevare ra vene ra, iau avaḡe bohugei, iauka bubu raḡohia, a koita be daure ḡahi gevare iauka ḡami hoekia vara.

11/06.txt

@@ -0,0 +1,3 @@
+3 Renu di harike roroa abu tiahu moigevege iauka perovetea raḡohi daha be tinahu abu renu, vani utube hakira agorokiva puse dabua ḡotegeige vara. 
+4 Ora olive idi-abu renu lamepa rahira abu iabera, rahi vata o rohiva vaḡotonehe. 
+5 Renu koita be, daure ḡahi-gevare ra vene ra, iau avaḡe bohugei, iauka bubu raḡohia, a koita be daure ḡahi gevare iauka ḡami hoekia vara.

11/08.txt

@@ -0,0 +1,2 @@
+8 Renu iau hoḡe ahatave iabera city raho, orogo tanagaga vara, a huni gava iau ihe toto ḡahi Sodoma renu Aigupito ikorehe gene iau ai Rohite Satauro ḡahanu. 
+9 A vani abigaḡa renu hakira koitavaia au koitavea iduhu nune, mei nunea renu bese nunea, iau hoḡe ahata ve abate geige besibe raḡo hia vara.

11/10.txt

@@ -0,0 +1,3 @@
+10 Renu irea no oḡorea iabenu vata guraha, iau ada heḡiri raḡohia renu headava raḡohisa renu bebe hari-hari ḡahigeisa badiva peroveta e abu ruḡa, vata oi gura hare huhu moigeima. 
+11 Uduke vani abigaḡa kosavare itahe ege maḡuri sorua Dirava sena iau abu iau uhurehe ḡadimige iauki urihi rahanu renu, oḡorea iabene eragevenu siḡo herea varaki idi-gevenu. 
+12 Ege iauki enoḡa raho be ihi vava sena kirogei roma, IKOHO OROḠIAHE, ege iau abu betia ḡahigevare iau niehe ori uhura vava ḡadihanu.

11/13.txt

@@ -0,0 +1 @@
+13 Va ei, era vata marere ketake bera hori vani, ege city vata hakirava raki desuanu, koita daha iatiriḡava ḡahigevenu, vata marere ei koita soko siḡo herea raḡohi va Dirava mote-ahanu. 14 Daure abu-ḡahiḡa vara kosa vanu, uduke daure abigaḡa ḡahiḡa ororoa ra hugure ra.

11/15.txt

@@ -0,0 +1,3 @@
+ANERU IATIRIḠAVA IAU BITI VAKE UHUNU
+
+15uge uta-abu hakira aba-abu iau terona vehe gurahare, Dirava vaḡotone iau vairanehe ḡoruhi Dirava tomadiho ḡahige.

11/16.txt

@@ -0,0 +1,2 @@
+16 Eige twenty-four koita bauge, yau teronave yau gurahi Dirava vairenehe, eden ragohi Dirava mage gahege.
+17 Onaki roege, Akera noki a mage gaha, Ni Rohi Baugeve, era aukaki negu renu aka era subuta, badivara akamu ai herove manu renu aka ai meve kikivara.

11/18.txt

@@ -0,0 +1,5 @@
+18 Bese nune-nune koitavaia ho-raḡa,
+A ai hore ra horivanu,
+ai hari-harive, renu besube koitavaia, peroveta renu aena koitavaia,
+oḡorea iabene au ihe siḡama avie renu baugea
+renu vata o daure ḡahare renu daure kiarea.”

11/19.txt

@@ -0,0 +1 @@
+19 Ege Dirava dubu e vava baora-hanu, renu au taravatu maua ve eraḡi dubu aena uhurae; va sia-sia abaga va enoḡa ren va dudu renu vata marere renu, veni orota raho isukate.

11/title.txt

@@ -0,0 +1 @@
+Revelation Utube Kobabe

12/01.txt

@@ -0,0 +1,3 @@
+MAGI BE RENU SATANI
+
+1 Ege geuso ḡoreḡo iaḡa beraki vava sena dina-vanu, auḡore bata ra vasi deirkehe omoto ehe (crown) hesiu uta-abu. 2 Auka ḡami ḡore renu mara huhu dainehe-auki nivinu.