hav_reg/67-REV.usfm

\id REV
\ide UTF-8
\h Kufunulirwa kwa Yohana
\toc1 Kufunulirwa kwa Yohana
\toc2 Kufunulirwa kwa Yohana
\toc3 rev
\mt Kufunulirwa kwa Yohana
\c 1
\cl Chigabi 1
\p
\v 1 Oku chimanyisa kwa Yesu-Kristu, akuhabwaga na Nyamuzinda omu kuyerek'abakozi bage ebintu bikwanene okuba biri hofi, n'oku biyerekana, omu kurhuma Malayika, emwa'omukozi wage Yohana.
\v 2 Naye ye wayinjaga kuhamiriz'omwazi gwa Nyamuzinda n'obuhamirizi bwa Yesu Kristu, oku byoshi abwene.
\v 3 Ragi lyowa soma n'owa yunva emyazi y'obu bulebi, akana bishimba oku biyandikirwe mwo! Bulal'amango g'akola gali hofi.
\p
\v 4 Yohana oku Mashengero mushanvu gali omu Aziya: Olukogo n'omurhula mubihabwe n'olal'oliho, waliliho, njinabaho, nela myuka mushanvu ebera embere z'entebe yage,
\v 5 n'oku lunda lwa Yesu-Kristu, muhamirizi mwimana, mwana murhanzi omu bafire, na mwami mukulu w'abami b'egulu! olala orhusima, owa rhukulaga omu byaha byerhu kugerera eshagama yage,
\v 6 n'oku rhuha obwami, n'oku rhujira bambali ba Nyamuzinda Eshe, ahabwe obukuzwe n'obuhashe emyaka n'emyaka! Amina!
\q
\v 7 Lolaga, ayinjire haguma n'ebichu. Na ngasi lisho nji lya mubona, chiro n'abamubandag'echumu; n'amashanja g'egulu goshi gamulakira. Nechi. Amina!
\p
\v 8 Nyono Alfa na Omega, kwo ku Nahano Nyamuzinda aderhe, oliho, owaliriho, n'olala wayinja, ogala-byoshi.
\p
\v 9 Nyono Yohana, mwene wenyu, oshangira nenyu amalibuko n'obwami n'oku komera omu Yesu, nabere omu chizimba chihamagalwa Patimosi, enyanya w'omwazi gwa Nyamuzinda n'obuhamirizi bwa Yesu.
\v 10 Nali yunjwizwe Muka olusiku lwa Nahano, n'oku yunva emugongo gwani omulenge gunene, guli nka mulenge gw'omushekera,
\v 11 gwa derha: Ebi wabona, obiyandike omu chitabu, ona birhumire aga mashengero mushanvu; Efeso, Simirna, Pergamo, Tiyatira, Sardi, Filadelfiya na Laodikiya.
\v 12 Na chi hindamukire mpu ndole ogw'omulenge gwa nderhesaga. N'oku buzinda nabere na mahindamuka, nabona binara mushanvu by'ehoro,
\v 13 n'omu garhigarhi k'ebyo binara mushanvu, nabona oshushire mwene-omuntu, ayamber'echishuli, azonzeze n'omukaba gw'ehoro omu chifuba.
\v 14 Erhwe lyage n'enviri zage eri biri byeru nka bwoya bwa chibuzi cheru, nka lubula; amesho gage gali nka ngulumira ya muliro;
\v 15 amagulu gage galishushire omulinga omu chibeyi, n'omulenge gwage gwa liri nka lwamo lunene lwa menji.
\v 16 Ali gwerhe omu kuboko kwage kw'amalyo nyenyezi mushanvu. Omu bunu bwage mwarhenga engorho eshongwere, ya moji mabiri; n'amalanga galiri nk'ezub'amango lya kolaga bwenene.
\v 17 Amango nali bonaga, na kumbagala oku magulu gage nka mufu. Ampeba kw'okuboko kwage kwa malyo aderha: Orhayubahaga! Nyono nye Murhanzi nye na Muzinda,
\v 18 nye n'akalamo. Nali na fire; lero nyono, nkalanzene emyaka n'emyaka. ngwerh'efungulo z'olufu n'ez'e kuzimu.
\v 19 Yandika byoshi wabwene, n'ebiriho, n'ebya yinja ebuzinda w'ebyo,
\v 20 ehwe lya nyenyezi mushanvu wa bonaga omu kuboko kwage kw'amalyo, n'ebinara mushanvu by'ehoro. Nyenyezi mushanvu baba malayika mushanvu ba mashengero, na binara mushanvu mashengero mushanvu.
\c 2
\cl Chigabi 2
\p
\v 1 Yandikira malayika w'Eshengero ly'Efeso: Talag'ebiderherwe n'olala ofumbarhire nyenyezi mushanvu omu kuboko kwage kulyo, olal'olambagira omu ahagarhi ka binara mushanvu by'ehoro:
\v 2 Menyer'ebijiro byawe, akasi kawe, n'obukombera bwawe. Menyere okw'orhakagala lama n'ababi; n'oku bala bachiderha ntumwa n'obwo barhali zowe, n'oku barhola babeshi;
\v 3 Wana komera, n'okurhindibuka enyanya w'ezino lyani, na buzira kurhama.
\v 4 Aliko ngwerh'omwazi enyanya wawe, okubona waleker'obusime bwawe bwa burhanzi.
\v 5 Yibuka ngahe wa kumbagalaga, ohungame, ona jir'ebijiro byawe birhanzi, buzira ntyo, njina kuyinjira, n'oku kula echinara chawe ahantu chaliri, okabula ku chichesa.
\v 6 Ogwerh'omwazi, ona shomb'ebijiro by'a Banikolayi, ebijiro nani nshomba.
\v 7 Ogwerhe amarhwiri ayunve oku Muka abwirire Eshengero: owanahime, njina na mulisa oku murhi gw'akalamo, kala kab'omu shwa lya Nyamuzinda.
\p
\v 8 Yandikira malayika w'Eshengero y'e Simirna: Talag'ebiderherwe n'ola murhanzi n'omuzinda, olala wafaga, n'okushubiba mw'omuka:
\v 9 Menyere amalibuko gawe n'obukene bwawe s'aliko bamugale, n'ebijachi ojachirwa na bala bachihamba mpu Bayahudi, n'bwo barhali bowe, aliko ndeko ya Lyangombe.
\v 10 Orhayobohaga ebya yinja ku kurhindibuza. Tala, Lyangombe nj'akabula baguma omu mpamikwa, mpu abarhangule, n'okuba n'oburhindibuke bwa siku ekumi. Ozibuhe, osere kuhika okufa, nani njinaguha eshungwe ly'akalamo.
\v 11 Ogwerhe amarhwiri ayunve oku Muka abwirire Eshengero: Owanahime, arhakabona oburhindibuke bw'olufu lwa kabiri.
\p
\v 12 Yandikira malayika w'Eshengero y'e Pergame: Tal'ebiderherwe n'olala ogwerhe engorho enshongwere, ya moji mabiri:
\v 13 Menyere ahoba olamire, h'entebe ya Lyangombe eba. Ogwarhe ezino lyani bwenene, orhanahakanaga obuyemere bwani, chir'omu zila siku z'Antipasi, muhamirizi wani w'okunali, olala wanigirwaga emwenyu, eyo munda Lyangombe alama.
\v 14 Aliko mperh'emyazi migeke enyanya yawe, eyo mwawe ogwerheyo abashimba enyigirizo za Balama, olala wa yigirizaga Balaka oku hira omurhego omu njira ya Bene-Israeli, mpu baly'enyama za rhulwaga oku bazimu n'oku jira obugonyi.
\v 15 Na ntyo, nawe wenine, ogwerhe nawe abakulikir'enyigirizo z'abashimbulizi ba Nikolayi.
\v 16 Hungama, akaba nanga, nkala na kuyinjira, abola mbalwise n'engorho y'obunu bwani.
\v 17 Ogwerhe amarhwiri ayunve oku Muka abwirire Eshengero: Owanahime, nji namuha amana gabishirwe, nji namuha ebale ly'omweru; na kwelyo bale kuyandikirw'ezino lihyahya, n'elyo zino nta wundi olinji, changw'owalihabwagwa yenine.
\rem v 17 Amango nali bonaga, na kumbagala oku magulu gage nka mufu. Ampeba kw'okuboko kwage kwa malyo aderha: Orhayubahaga! Nyono nye Murhanzi nye na Muzinda,
\rem v 18 nye n'akalamo. Nali na fire; lero nyono, nkalanzene emyaka n'emyaka. ngwerh'efungulo z'olufu n'ez'e kuzimu.
\v 20 Aliko mperh'omwazi enyanya yawe, okuleka ola mukazi Yezebeli, ochihamagala mulebi-kazi, ayigirize n'okurhebek'abakozi bani, mpu bajire obugonyi n'okulya enyama za rhulwaga oku bazimu.
\v 21 Namuhere amango mpwabe ahungama, arhanalonzeze ahungame obugonyi bwage.
\v 22 Tala, nkala na mukabula oku buliri, n'okurhuma malibuko manene ku balala banagonyi haguma naye, yi bahungam'ebijiro byabo.
\v 23 Nani nayirha abana bage, bafe; na ngasi Eshengero zoshi zimenye oku nyono nye nyinji esiku n'emirhima; na nayinji juha ngasi muguma wenyu kugerer'ejibiro byenyu.
\v 24 Nenyu, mweshi b'e Tiyatira, mwe murhaba mw'ebyo, murhanayinji ago mahwe ga Lyangombe, nka kulala bana bahamagala, mbabwirire: nta chibahesa gundi muzigo.
\v 25 Aliko mugwarhe bwenene echi mugwerhe kuhika nyinje.
\v 26 Owanahime, n'okulanga ebijiro byani kuhik'amango ga zinda, nji namuha obuhashe bw'okurhegeka amashanja.
\q
\v 27 Naye nj'agarhegeka n'akarhi k'echuma, kulala bahombola ebintu byajirwaga n'ebumba, nka nyono nyenine na habwaga obuhashe na Darha.
\v 28 Nani nji namuha enyenyezi y'esezi.
\v 29 Ogwerhe amarhwiri ayunve oku Muka abwirire Eshengero.
\c 3
\cl Chigabi 3
\p
\v 1 Oyandikire malayika w'Eshengero y'e Sardi: Talag'ebiderherwe n'olala ogwerhe myuka mushanvu ya Nyamuzinda na nyenyezi mushanvu; menyer'ebijiro byawe. Menyer'okw'ogwerh'ezino nka muntu ozene, nab'ofire.
\v 2 Ochimenye, oseze emisi omubiyorhere biri hofi okufa; bulala ntabonag'ebijiro byawe binja emalangambere ga Nyamuzinda wani.
\v 3 Oyibuke gurhe wahabwaga n'oku yunva, n'okulanga, n'okuhungama. Aliko nkaba orhalolere bwinja, nji na yinja nka chishambo, orhakanameny'amangochi na kurhogerako.
\v 4 Alik'ogwerhe bantu baguma omu Sardi barhazingisaga emishangi yabo; abo bayinji lamabagira haguma nani omu myambalo myeru, bulala ba kwanene.
\v 5 Owanahime naye ayinji yambikwa emyambalo myeru; ntakana kul'ezino lyage omu chitabu ch'akalamo, nani nji na derh'ezino lyag'emalangambere ga Darha n'emalangambere gaba malayika bage.
\v 6 Ogwerhe amarhwiri ayunve ebi Muka abwirir'Eshengero.
\p
\v 7 Oyandikire malayika w'Eshengero y'e Filadelfiya: Tal'ebiderherwe n'omu chesebwe, now'okuli, olal'ogwerh'efungulo za Daudi, olal'ochingula, na nta muntu wa kachinga, olal'ochinga na nta muntu wa kachingula.
\p
\v 8 Menyer'ebijiro byawe. Tala, bulal'ogwerh'obuhashe bugeke, n'okulang'omwazi gwani, orhanalahirag'ezino lyani, na heber'emalangambere gawe olunvi luchingwirwe, na nta muntu waka luchinga.
\v 9 Tala, nakuha ku balala bw'omu chishagala cha Lyangombe, bala bachihamba mpu bali Bayahudi nabo barhali bowe, aliko banabesha; tala, nji na balerha, n'oku bafukamya oku magulu gawe, n'okumenya oku na nku sima.
\v 10 Bulala walangir'omwazi na kulekeraga, nani nji na kulanga nawe omu mango gw'okurhangulwa nji gayinja okw'igulu lyoshi, omu kurhangul'abantu bw'omw'igulu.
\v 11 Na yinjire duba. Gwarha bwinja echogwerhe, hakajir'omuntu wa kunyeg'eshungwe lyawe.
\v 12 Owanahime, na mujira nkingi omw'Eshengero ya Nyamuzinda wani, arha kanachirhengamo, na muyandika kw'ezino lya Nyamuzinda wani, n'ezino ly'olugo lwa Nyamuzinda, Yerusalemu muhyahya orhenga empingu emwa Nyamuzinda wani, n'ezino lyani lihyahya.
\v 13 Ogwerhe amarhwiri ayunve oku Muka abwirir'Eshengero!
\p
\v 14 Yandikira malayika w'Eshengero y'e Laodikiya: Tal'okwaderhere Amina, omu hamirizi mushinganyanya na mwimana, omurhondero gw'okulema kwa Nyamuzinda:
\v 15 Menyer'ebijiro byawe. Nyinji okw'orhaba mboho changu chuka. Wakabere mboho changwa chuka!
\v 16 Aliko, bulala wabere wabi bembere, orhanali mboho changwa chuka, nkala na kushala omu bunu bwani.
\v 17 Bulala wa ma derha: Ndi mugale, na ngalire, na nta cho ndagirirekwo, na bulal'orhamenyer'okoli muhanya, mubulirwa, mukene, muhurha na butambara,
\v 18 na makuhanula oyinj'ongulir'ehoro ya kwizizwe n'omuliro, y'oshubiba mugale, n'okuba n'emyambalo y'omweru, ona yambise n'eshoni z'obutambara bwawe zirhabonekaga, n'obufumu bw'okushig'amesho gawe, y'obona.
\v 19 Nyono, abansima ba nkalihira. Ba nampana, ohungame.
\v 20 Tala, oku lunvi, n'okulukongorha. hakajira owayunv'omulenge gwani n'oku chingul'olunvi, na naja omu mwage, n'okulya haguma naye, naye haguma nani.
\v 21 Owanahime, na muha ayikale oku ntebe yani, haguma nani, nka kulala nani na himaga na nkala nyikere haguma na Darha oku ntebe yage.
\v 22 Ogwerhe amarhwiri ayunve oku Muka abwirir'Eshengero.
\c 4
\cl Chigabi  4
\p
\v 1 Aha buzinda bw'ebyo, na nabona, olunvi luchingwirwe omu mpingu. N'omulenge gurhanzi na yunvaga, gwaliri nka gwa mushekera, n'oku mbwira, n'oku derha: Yinamukira hanola, na nkuyereke ebi kwanene bibe aha buzinda bwaho.
\v 2 Ho n'aho nabona naba omu muka. Na tala, haliri entebe omu mpingu, na kweyo ntebe haliri omuntu oyikereko.
\v 3 Owali yikereko ali shushire nka bale lya mushangabuye na nka nchuma ya muduku; n'entebe yaliri hofi n'omungere gushushire nka nchuma ya zumaridi.
\v 4 Eburhambi bweyo ntebe nabona zindi ntebe makumi mabiri n'ene, na kwezo ntebe kwa liri Bagula makumi mabiri na bane bali ziyikereko, bayamber'emyambalo y'omweru, n'oku marhwe gabo kwaliri amashungwe g'ehoro.
\v 5 Ebwa ntebe ya kazag'irheng'enyenyezi, emilenge n'emirazo. Emalangambere w'entebe yalichanirwe matara mushanvu gali ga gulumira, y'emyuka mushanvu ya Nyamuzinda.
\v 6 Aha malangambere geyo ntebe haliri eri nka nyanja nene eshushire ebale ligera mwa mesho. N'ahagarhi k'entebe n'eburhambi bwayo, eri hali bashosho bane bayunjwire mesho emalangambere n'emugongo.
\v 7 Shosho murhanzi ashushir'Entale, owa kabiri ashushire na kanyena, owa kasharhu agwerhe eshusho nka muntu, n'owa kane ashushire chibarhula wa balala.
\v 8 Nabo bashosho bagwerhre ngasi muguma byubi ndarhu, na byo biyunjwire mesho omu burhambi n'omu mushishi. Na nta kulek'okuderha ezuba n'obudufu: Mwimana, Mwimana, Mwimana Nahano Nyamuzinda, ogala byoshi, olala waliriho, oliho, n'ola njiwayinja!
\p
\v 9 Amango ezo nyama zizene zili za kuza n'oku simisa n'ebijiro by'obukuze, z'ana mukuz'emyaka n'emyaka.
\v 10 Bala Bagula makumi mabiri na bane banafukamira emalangambere gw'olala oyikere oku ntebe, n'oku mukuza emyaka n'emyaka, n'oku kabula eshungwe zabo emalangambere z'entebe n'oku derha mpu:
\q
\v 11 Nahamweru, Nyamuzinda, oshinganene ohabw'erenge n'obukuze, n'obuhashe, bulala we walemaga ebintu byoshi, n'oku bulonza bwawe bya rhonderaga okubaho byalemwa.
\c 5
\cl Chigabi 5
\p
\v 1 Nabona omu kuboko kwa malyo nk'olala waliyikere oku ntebe n'echitabu chiyandikirwemo n'emugongo chizirikirwe na biziriko mushanvu.
\v 2 Nabona malayika muzibu, oli wayakuza n'omulenge gunene: Ndo kwanene oku bungula echi chitabu, n'oku kula ebiziriko bichizirikire?
\v 3 Oli umu mpingu, oli okw'igulu, oli omu daho, ntaye waka bungula echi chitabu chiro n'oku chilolako.
\v 4 Nalaka bwenene oku bona nta muntu wa bonekene mushinganyanya w'oku bungula echi chitabu n'oku chilolako.
\v 5 Na muguma wa balala Bagula ambwira: Omenye wakalaka; tala, Entale y'obukoo bwa Yuda mwene Daudi, ahimire enyanya w'oku bungula echi chitabu na bilala biziriko mushanvu.
\v 6 Na nabona, mugarhi k'entebe na balala bashosho bane ahagarhi kabalala Bagula, omwana-buzi ayimangire. Ali gwerhe mahembi mushanvu na mesho mushanvu, y'ela myuka mushanvu ya Nyamuzinda arhumaga omw'igulu lyoshi.
\v 7 Ayinja, n'okurhola echitabu omu kuboko kwa malyo kw'olala waliyikere oku ntebe.
\v 8 Amango arholag'echo chitabu, balala bashosho bane na balala Bagula makumi mabiri na bane bafukamire emalanambere gw'omwana-buzi, eyi bafumbarhire ngasi muguma n'omushekera n'orhubehe rhw'ehoro rhuyunjwire mavurha g'esimbu linja, ago g'amahuno g'aba tagatifu.
\v 9 Baligwerhe bayimpiza olwimpo luhyahya, n'oku bungula ebiziriko; bulala wayirhirwe, n'oku rhuchungula n'eshagama yawe, n'okurhuha Nyamuzinda, rhwe bantu ba ngasi bukoo, ngasi lubaga, n'omu ngasi lulimi luderhwa, n'omu ngasi shanja, n'omu ngasi chihugo.
\q
\v 10 Wanarhujira bwami bwa Nyamuzinda werhu n'abadahwa bage, n'okuyima omu gulu.
\p
\v 11 Nashubi bona, n'okuyunva omulenge gwa bamalayika banene bal'eburhambi w'entebe na bala bashosho na bala bagula, n'oluganjo lwabo lwaliri bihumbi ekumi kali bihumbi na buhumbi.
\v 12 Banaderha oku mulenge gunene: Mwana-buzi wa nigagwa akwanene ahabwe obuhashe, obugale, obushinganyanya, emisi, obukenge, obukuze n'emigisho.
\p
\v 13 Na ngasi bilemwa binaba empingu, oku gulu, omu daho, oku nyanja n'oku byoshi bibamo, nayunva bya derha: olal'oyikere oku ntebe n'Omwana-buzi bahabwe obukuzwe, obukenge, n'erengem n'obuhashe omu myaka n'emyaka!
\p
\v 14 Nabalala bashosho bane baderha: Amina! n'abagula bafukama n'okuharamya.
\c 6
\cl Chigabi 6
\p
\v 1 Nalol'amang'omwana gw'echibuzi gw'achingula, echiziriko chigum'omu biziriko mushanvu. Nayunva mugum'omu biremo bine bizene, olyaderha nka mulenge gwa mukungulo: Yinja.
\v 2 Nalola na nabona hahulukira Efarasi y'omweru owayirikw'enyanya aligwerhe omungere; ahabwa eshungwe, anagenda nkamuhimanyi n'okuhima.
\p
\v 3 Amango, ashunulug'echiziriko cha kabiri, na yunva echiremwa cha kabiri chizene chaderha: Yinja.
\v 4 Ha hulukira Efarasi y'ebihogo, owayilirikw'enyanya, ahabw' obushobozi bw'okukul'omurhul'omugulu, abantu bayirhana bonine oku bonine, ahabwa n'engorho nzibuzibu.
\p
\v 5 Amango ashunulag'echiziriko cha kasharhu, na yunv'echiremwa cha kasharhu chizene cha derha: Yinja. Nalola na nabona hahulukir'efarasi y'omukara owayirikw'enyany'aligwerh'omulengo omu fune.
\v 6 Na yunva omu ahagarhi k'ebilemwa bine bizene omu lenge gwa derha: Omulengo muguma gw'engano gugule lumiya na milengo esharhu y'obulo egule olumiya, aliko murhajiraga kubi oku mafurha n'edivayi.
\p
\v 7 Amango ashunulaga echiziriko cha kane, na yunva omulenge gw'ochilemwa cha kane chizene, gwa derha: Yinja.
\v 8 Nalola na nabona hahulukir'efarasi y'enzinga, owaliyikw'enyanya achiyirika lufu n'ekuzimu, n'aba fire bamuherekeze. Ahabw'obushobozi mpu bayirh'echiguma cha kane omu gulu; bayirh'abantu oku ngorho, oku shali, oku chigwisa n'oku binyalubala by'omugulu.
\p
\v 9 Amango ashunul'echiziriko cha garhano, nabon'eshishi w'olurhamba emirhima yabalala babagagw'enyanya y'omwazi gwa Nyamuzinda n'enyanya w'obuhamiriza baderhaga.
\v 10 Bayakuza n'omulenge gunene, baderha: Mangochi Waliha ochere na w'okuli, walegamya okucha olubanja n'okuholer'eshagama yerhu oku bantu b'egulu?
\v 11 Bahabw'omwambalo g'omweru ngasi muguma wabo, babwirwa bahumuke n'okulindira hintyu kuhik'oluganjo lwabakozi na bene babo luhike lwabalala bayirhwa kuguma nabo.
\p
\v 12 Nalola, amango ashunulaga, echiziriko cha ndarhu, hager'omusisi gunene omw'egulu n'ezuba lya yiragula nka chishaho chaboya n'omwezi nago gwa shush'eshagama.
\v 13 Enyenyezi z'oku nkuba za rhogera oku budaka nka kulala omurhi gwamalehe gurhoza amalehe amango g'echihusi ch'echihuyege garhaliziyera.
\v 14 Amalunga ga chikweba nka rhuratasi rwa chitabu; n'entondo zoshi n'ebizimba bya shunikwa kurheng'ahabyaliri.
\v 15 Abami b'egulu, abakulu, abimangizi b'enfola miherho, abagale, abanyabuhashe, abaja, abantu ba chigenga; ba chibish'omu lukunda l'omu shishi w'amabale g'entondo.
\v 16 Baja babwir'entondo n'ebirimbi mpu murhurhogereko, murhubish'emalanga gw'oyiker'oku ntebe y'obwami n'embere z'obukali bw'omwana w'echibuzi.
\v 17 Bulal'olusiku lukulu lw'obukali lwagerere, inde wakalindira?
\c 7
\cl Chigabi 7
\p
\v 1 Ebuzinda bw'ebyo, nabona ba malayika bane bayumangire oku nyund'ene z'egulu, bafarhir'emihusi ene y'egulu mpu; erhahusaga oku daho, ou nyanja n'oku murhi.
\v 2 Kandi nabon'owindi malayika azamuk'okulunda lw'obu shoshokero bw'ezuba, agwerh'echiziriko cha Nyamuzinda ozene; ahamagala n'omulenge gunene ku bamalayika bane bahabwirwe kujira kubi omugulu, n'oku nyanja, ababwira:
\v 3 Murhajir'okubi omu gulu, oku nyanja, n'oku mirhi kugera rhuhir'echimenyis'oku malanga g'abakozi ba Nyamuzinda werhu.
\v 4 na yunv'oluganjo lwabahiragwa kw'echimenyiso bihumbi egana na makumi mane na bane bama shanja gwoshi ga bene Israeli.
\q
\v 5 Omu shanja lya Yuda, bihumbi ekumi na bibiri by'ahebagwa kw'echimanyiso, omu shanja lya Rubeni bihumbi ekumi na bibiri, omu shanja lya Gadi bihumbi ekumi na bibiri.
\q
\v 6 Omu shanja ly'Asheri bihumbi ekumi na bibiri, omu shanja lya Nafutali bihumbi ekumi na bibiri, omu shanja lya Manase bihumbi ekumi na bibiri.
\q
\v 7 Omushanja lya Simeoni bihumbi ekumi nabibiri, omushanja lya Lawi bihumbi ekumi na bibiri, omu shanja lya Isakari bihumbi ekumi na bibiri.
\q
\v 8 Omu shanja lya Zebuloni bihumbi ekumi na bibiri, omu shanja lya Yusufu bihumbi ekumi na bibiri, omu shanja lya Benjamina bihumbi ekumi na bibiri.
\p
\v 9 Ebuzinda bw'ebyo, nalola nabona olubaga lunene ntaye wa kagala kuluganja, bantu ba ngasi chihugo, ba ngasi buko, ba ngasi shanja, na ngasi lulimi bayimangire embere y'entebe y'omwana w'echibuzi, bayamber'emyambalo y'omweru, bafarhir'amarhabi g'emishugushugu omu fune.
\v 10 Yibayakuz'oku mulenge gunene baderha: mpu obuchunguke buli bwa Nyamuzinda oyikere oku ntebe y'obwami n'omwana w'echibuzi.
\p
\v 11 Na malayika boshi bagorh'entebe y'obwami n'abashaja n'ebiremwa bine bizene: Bali baramya n'okuyinamy'amalang'embere y'entebe y'obwami n'okukuza Nyamuzinda.
\v 12 Baderha: Amina! Obukuze, erenge, obulenga, okusima, olukengo, obushobozi, n'emisi bibe bya Nyamuzinda werhu emyaka n'emyaka! Amina!
\p
\v 13 Na muguma omu bashaja aderha: aba bayamber'emyambalo y'omweru, babande na ngahe barhenga?
\v 14 Na mubwira: Waliha weyinji. Ambwira, abo barheng'omu malibuko manene bamesher'emyambalo yabo banayikomy'omu shagama y'omwana w'echibuzi.
\q
\v 15 Chechirhumire bali embere y'entebe y'obwami bwa Nyamuzinda n'okumuoler' ezuba n'obudufu omwishengero lyage. Oyikir' oku ntebe y'obwami njalambul'obumbake bwag'enyanya lyabo.
\q
\v 16 Barhakachifa shali, barhakachiyunva nyorha n'ezuba lirhakachibashurha na nta chuka.
\q
\v 17 Bulal'omwana w'echibuzi ali ahagati n'entebe y'obwami; nj'abayabula n'oku balongola bahik'oku shoko ya menchi g'akalamo na Nyamuzinda nj'ashangul'emiziga yoshi omu mesho gabo.
\c 8
\cl Chigabi 8
\p
\v 1 Amang'ashunul'echiziriko cha mushanvu hab'omu mpingu akahuzo k'echichira k'akashanji.
\v 2 Nabona ba malayika mushanvu bayumangir'emalanga ga Nyamuzinda, bahabwa mirizi mushanvu.
\p
\v 3 Owundi malayika ayinja, ayimang'oku lurhamba aherhe olujo lw'ehoro, bamuha amavurha manene mpu amarhule haguma namahuno g'abachese oku lurhamba lw'ehoro luli embere y'entebe y'obwami.
\v 4 Omusi gw'amafurha gwazamuka haguma namahuno g'abachesibwa omu fune ya malayika embere za Nyamuzinda.
\v 5 Na malayika arhol'olujo alubumb'omuliro g'olurhamba akabula omu gulu, hab'emirenge, y'emirazo, n'emibaraganyo n'emisisi y'egulu.
\p
\v 6 Na malayika wa mushanvu aligwerhe mirizi mushanvu achirheganya oku yibandamo.
\p
\v 7 Omu rhanzi abanda omu mulizi: Haba olubula n'omuliro guli mw'eshagama, abikweba omu gulu, echi gabi cha kasharhu ch'egulu chahya, n'echigabi cha kasharhu ch'emirhi chahya n'ebirhi bibishi bya sirera.
\p
\v 8 Malayika wakabiri abanda omu mulizi: n'echintu chiri nka ntondo nzibizibu eri ya kolera k'omuliro ya rhoger'omu nyanja, n'echigabi chakasharhu ch'enyanja chahindamuka shagama.
\v 9 N'echigabi chakasharhu ch'ebilemwa bizene by'omu nyanja byafa, n'echigabi chakasharhu ch'amarho chazika.
\p
\v 10 Malayika wa kasharhu abanda omu mulizi, omu malunga mwarhog'enyenyezi ekolerere nka chisesi ya rhogera echigabi chakasharhu ch'enyinji n'echoko z'enyinji.
\v 11 Ezino lyeyo nyenyezi gw'omubirizi, n'echigabi chakasharhu ch'enyinji chalula nka mubirizi n'abantu banene bafa n'ako kalulo kago menji, bulala galula bwenene.
\p
\v 12 Malayika wakane abanda omu mulizi, echigabi chakasharhu ch'ezuba chashurhwa, n'echigabi chakasharhu ch'omwezi, n'echakasharhu ch'enyenyezi, mpu ly'echakasharhu guba mwizimya, mpu ly'olusiku luhez'echigabi chakasharhu ch'obuche n'obudufu ntyo.
\p
\v 13 Nalola, na yunva chinyunda oli ager'omu nkub'ebiri, aderha n'omulenge gunene: Buhanya, buhanya, buhany'oku bali omu gulu enyanya ly'endi milenge 'yemilizi ya ba malayika basharhu bayorhere oku band'omuyo.
\c 9
\cl Chigabi 9
\p
\v 1 Malayika wa karhano abanda omu mulizi, nabona enyenyezi yarhog'emalunga yarhibukira oku daho, bayiha oluchinguzo ly'echiriba ch'ekuzimu.
\v 2 Yachingul'omwina gw'ekuzimu. Omulwina mwazamuk'omusi, musi guli nka gw'endugurhira n'ezuba n'ebyalega gwaba mwizimya enyanya by'ogo musi, g'omuchiriba.
\v 3 Omumusi mwarheng'enzige zayunjul'egulu, zahabwa obushobozi, buli nka bushobozi engobe zijira en'ogulu.
\v 4 Zabwirwa zira bihyaga ebiri okudaho, n'ebirhi chiro n'omurhi s'aliko abantu barhagwerh'echimenyiso cha Nyamuzinda oku malanga.
\v 5 Zahabwaa okurhayirha, s'aliko kulibuza myezi erhano n'amalibuko zajiraga galiri kuguma n'amalibuko g'engobe amango gamalum'omuntu.
\v 6 Mwezo siku abantu balonz'olufu barhanalubonaga bachifij'okufa n'olufu lwabayaka.
\v 7 Enzige zalishushire nka farasi zirheganyizw'okubirha, zigwerh'eshungwe okurhwe liri nka horo n'amesho gali nka g'abantu.
\v 8 Zaligwerh'enviri ziri nka nviri z'a bakazi n'amenyo gazo galiri nka gantale.
\v 9 Zaligwerh'empenzi ziri nkampenzi za chuma n'omululumo gwebyubi byazo gwaliri nka mululumo gw'enindiri y'efarasi zalibirhir'ebirha.
\v 10 Zaligwerh'emichira eri nka yangobe n'emisholo n'omumichira yazo mwomwaliri emisi yoshi y'okulibuz'abantu myez'irhano.
\v 11 Zaligwerh'omwami wazo, Malayika we'kuzimu ahamagalwa omu chiebraniya Abadoni n'omu chigiriki Apoliyoni.
\p
\v 12 Malibuko marhanzi gamagera, lolaga hayinjire gandi mabiri ebuzinda bwagola.
\p
\v 13 Malaika wandarhu aband'omu mulizi nayunva omulenge kurheng'okumahembi mane gw'olurhamba lw'ehoro luli emalanga ga Nyamuzinda.
\v 14 Abwira Malaika wa endarhu waligwerh'omulizi: shwekula ba malaika bane, bashwekulir'omulwinji lunene lw'e Efrata.
\v 15 Naba malayika bane bali chirheganyize oku kachanji, olusiku, omwezi n'omwaka, bashwekulwa mpu libayirha echigabi cha kasharhu ch'abantu.
\v 16 Oluganjo lw'enfula miherho n'abagenda oku Farasi bali milioni magana mabiri.
\v 17 Nantyo nabon'e Farasi omu mbonekezi n'abaliziyikereko baherh'empezi zishushire omuliro, zinashushir'ezige n'echirimi, marhwe g'e Farasi galiri nka marhwe g'e Ntale n'omubunu bwazo mwalemaga mwarheng'omuliro, n'omusi n'echirimi.
\v 18 chiguma chabisharhu chafa, n'ebijirwa bisharhu omuliro, omusi, n'echirimi byarhengaga omu bunu bwazo.
\v 19 Bulala obushozi bw'e Farasi bwaliri omubunu bwazo, n'omu michira yazo, emichira yazo yaliri nka njoka zigwerhe amarhwe, nantyo z'alengez'okulimbula.
\v 20 Abandi bantu barhayirhwaga n'ebijirwa barhahungamaga, ebijiro by'efune zabo, okuntu bakaleka okuhera abazimu, ebishushanyo by'ehoro, g'amarhale, n'emiringa amabale n'emirhi, ezirhabona zirhanalambagira.
\v 21 Barhanahungamaga obunizi bwabo, obukurungu bwabo, obuhushi bwabo n'obushambo.
\c 10
\cl Chigabi 10
\p
\v 1 Nabona owindi malayika oherh'obuhashe, ayandagala kurheng'embingu, achishukir'echichu; okwirhe lyage kuli omungere gw'envula, n'amalanga gage gali nka zuba, n'amagulu gage nka birimi bya muliro.
\v 2 Aligwerh'omufune yage chitabu chigeke chibumbwirwe, aheb'okugulu kwage kw'amalyo oku nyanja n'okugulu kwage kw'amalelbre oku budaka.
\v 3 Ayam'oku mulenge gunene, nka muhiriro gwa Ntale. Amalire yama, hayunvikana omulenge gunene nka gwa mikungulo mushanvu y'enkuba.
\v 4 Amango eyo mikungulo ya yunvikana; nayunv'omulenge kurheng'empingu y'ambwirantya: zirika ebiderhwa mikungulo mushanvu orhana yiandikaga.
\v 5 Na malaika, nabonaga ayimangire oku nyanja n'okubudaka, alambul'okuboko kwage k'okulyo empingu.
\v 6 Ajir'endahiro oku lamir'emyaka n'emyaka owalemaga empingu n'a byoshi bibayo, alem'egulu na byoshi bibamo, alem'enyanja na byoshi bibamo oku harhachib'akasanzi.
\v 7 Aliko oku lusiku lwa malayika wa mushanvu amango abanda omu mulizi, ehwe lya Nyamuzinda lyahikirira nko kw'abwirag'abaganda bage n'abalebi.
\v 8 N'omulenge nayunv'empingu, gwambwira kandi, gwaderha: genda, orhol'ehyo hitabu hityu hibungwirwe omu fune ya malayika oyumangire oku nyanja n'oku daho.
\v 9 Naj'emunda Malayik'ali namubwira ampe echo chitabu. Naye ambwira: rholach'ochilye: s'aliko chalula omunda yawe s'omu bunu chaloka nka buchi.
\v 10 Narhol'ehyo hitabu hityu omu fune za Malayika nahimira: hy'aba omu bunu nka buchi, hyabere hyager'omunda, enda yabumba kalulo.
\v 11 Nantyo b'amwira: oshube olole kandi ku bantu banene, emilala, amashanja, n'endimi n'abami.
\c 11
\cl Chigabi 11
\p
\v 1 Bampa olusheke lushushire akarhi, b'aderha: yumanga ogerul'eshengero lya Nyamuzinda, n'olurhamba, n'abakuzizamo.
\v 2 Alikw'embuga w'eshengero, orhayiyerulaga oyileke bulala yahabirwe abanyamahanga na nji balabarh'amagulu gabo omu chishagala chichesibwa omu myezi makumi mane n'ebiri.
\v 3 Nji naha bahamiriza bani babiri obushobozi b'okuleba, bayamber'ebishoho, siku chihumbi na magana mabiri na makumi gali ndarhu.
\v 4 Abo bahamirizi y'emize kumi n'ebiri na bimole bibiri biyumangire emalanga ga Nahano w'egulu.
\v 5 Nkahali owalonza kubajira kubi, omuliro gwarheng'omu bunu bwabo, gwanaly'abashombanyi babo. Na nkahali owalonza kubajira kubi, bikwanene ayirhwe ntyo.
\v 6 Baherh'obushobozi b'okuchinga emalunga envula erharhogag'omu mango bali baleba; baherh'obushobozi b'oku hindamul'amenji kuba shagama n'okushurh'egulu obuhane bwa ngasi lubero ngasi mango balonzeze.
\v 7 Han'obamala kuhamiriza echinyalubala chanazamuka kurheng'omu kuzimu chanabalwisa, chanabahima n'okubayirha.
\v 8 N'emirhumba yabo nji yaba omu njira z'echishagala chinene, chilahamagala omu by'omuka mpu y'e Sodomo n'e Misri, Ohola ho Nahamwabo abambwaga.
\v 9 Abantu b'amashanja g'oshi, b'emilala, enderho nji balola eyo mirhumba esharhu n'echichira. Barhakayemera bahabwe.
\v 10 Enyanya z'ebyo, abantu b'egulu nji basima n'okushagaluka, n'okushegulana bulala abalebi babiri b'afire b'alemaga barhindibuz'egulu.
\v 11 Hagera siku esharhu n'echichira, omuka gw'akalamo, kurheng'emwa Nyamuzinda, gwanabajamo bana yumangir'oku magulu gabo, obuba bunene bwaja mubalala baligwerhe b'ababona.
\v 12 B'ayunv'omulenge kurheng'empingu gwaderha: muzamuk'eno, bazamukir'empingu omu bichu n'abashombanyi bali balola.
\v 13 Mw'ako kashanji bayunv'omusisi gunene omu gulu n'echigabi chakabiri ch'echishagala, chagwa; bihumbi mushanvu by'abantu b'afa n'omusisi gw'egulu n'abandi bayubaha, b'alerh'obukuze oku Nyamuzinda oli empingu.
\p
\v 14 Obuhanya bwakabiri bwagerere, talaga okw'obuhanya bwa kasharhu buli hofi.
\p
\v 15 Malayika wa mushanvu aband'omu mushekera, haba omu mpingu emilenge minene y'aderha: obwami bw'egulu bukola bwa Nahamwerhu na Kristu wage, b'aburhambula emyaka n'emyaka.
\p
\v 16 Abagula makumi mabiri na bane bayiker'emalanga ga Nyamuzinda oku ntebe y'obwami bayinama kugera ahashi, b'amukuza Nyamuzinda.
\v 17 B'aderha: rhukuvugir'omokwa Nahano Nyamuzinda ogala byoshi, webaho, wanaliriho, w'afarhir'obushobozi bukulu, wanagwarh'obushobozi bw'obwami bwawe.
\q
\v 18 Abanya mahanga baluba; oburhe bwawe bwayinja n'ebichanji by'okuchira abafir'olubanja by'ayinja. Ebyokuhemb'abakozi bawe, abalebi, abachesibwa n'abayubah'ezino lyawe, abadahwa n'abakulu n'okulimbula bala babihy'egulu.
\p
\v 19 Akanyamuzinda k'achingulwa omu mpingu n'esanduku y'endagano yage y'aboneka omushengero lyage. Hab'emibaraganyo, emilenge, emikungulo, n'omusisi omu gulu, n'envula y'olubula lunene bwenene.
\c 12
\cl Chigabi 12
\p
\v 1 Lero echimanyiso chirhali chigeke chalangikan' omu chanya, omukazi oyambere ezuba n'omwezi oku magulu gage n'echilundo ch'ekununu ekumi n'ebiri okw'irhwe lyage.
\v 2 Aliri bukule bukulu eri anali ayunv'emikero y'okuburha.
\v 3 N'echindi chimanyiso cha bonekan' omu chanya; empirijoka eshushire nka muliro, ya marhwe mushanvu na mahembi ekumi na bibandano mushanvu okw'irhwe lyayo.
\v 4 N'ehunga lyayo eri liri labulula echichira cha gasharhu ch'enkununu z'omuchanya, lyanazikweba omu gulu. Eyo mpirijoka ya yumang'emalangambere g'ola mukazi waliri omu kasanzi k'okuburha, yalingiriz'okw'aburha emuly'omwana.
\v 5 Oyo mukazi ayinji burh'omwana w'obuzana, oyola ye wayinji yabul'engabo n'ehikoni hy'echuma; n'oyo mwana njahekw'emweshe oku ntebe yage y'obwami.
\v 6 Nyamukazi ahekw'omu mpinga, ashimana Nyamuzinda amurheganyize ahantu abera n'okuliswa siku chihumbi na magana mabiri na makumi galindarhu.
\p
\v 7 Hazuk'entambala enyanya: Mikaheri na bamalayika bage balwis'empirijoka. Empirijoka nayo yalwisanyaga na bamalayika bayo.
\v 8 Bahimwa banahez' ahabakeberer'omu mpingu.
\v 9 Ela mpirijoka, njoka ya mira, eyibahamagala Ndyalya, mpu ye Lyangombe, olala oshumik'egulu lyoshi, bamukwemba omugulu, bamukulikiza n'abamalayika bage.
\v 10 Nayunv'omulenge gunen'enyanya, gwaderha mpu: ler'obuchire, n'obuhashe, n'obwami bwa Nyamuzinda werhu, n'oburhegesi bwa Kristu wage bwa mayinja! Bulala olezi wa beneberhu, akabwirwe ahashi wakazaga abesherabo ngasi mango emwa Nyamuzinda ezuba n'obudufu.
\q
\v 11 Bahim'empirijoka eyi shagama y'omwana-buzi n'emyazi y'obuhamiriza bwabo, barhanasimire amagala gabo kuhik'okufa.
\q
\v 12 Chechirhumire mw'empingu mushagaluke, n'enyu mwe mulamire omu mpingu. Buli buhanya oku chihugo n'oku nyanja nene! Bulala Lyangombe ayandagalir'emunda muli, anayujulirene burhe bunene, si bulala agwerhe kasanzi kageke
\p
\v 13 Empirijoka ery'ebona bayikabwir'omu chihugo, ya shimbulira olala mukazi wa burhag'efula ya Lulema.
\v 14 Nyamukazi ahabw'ebyubi bibiri by'enyuda nzibuzibu yagala burudukir'omu mpinga, ahantu aliswa kasanzi, ebichanji n'echichira ch'akasanzi, hale n'oyo wanjoka.
\v 15 N'omu bunu bw'eyo njoka mwashulul'amenji nka nyanja nzibuzibu enyuma ly'oyo mukazi mpu emusule.
\v 16 Aliko edaho ly'alamira nyamukazi, lyamirungusa lula lwinchi lunene lwa shululaga omu bunu bwela njoka.
\v 17 Eyo mpirijoka yagaya nyamukazi, yabangula yajilwis'abaliyorhere oku barhengag'omu nda yage, balala bakeng'amarhegeko ga Nyamuzinda, banagwerhe n'obuhamiriza bwa Yesu.
\v 18 Nantyo ya yumang'eshi y'enyanja.
\c 13
\cl Chigabi 13
\p
\v 1 Lero nabona echiryanyi chayomoka omu nyanja, eyi chigwerhe mahembi ekumi na marhwe mushanvu, oku mahembi gacho galiri kw'ebimiko ekumi na marhwe gacho eyi gali kw'amazino g'ebijachi.
\v 2 Echo chiryanyi nabonaga chali shushire shosho n'amagulu gacho galiri nkaga kapiri, n'obunu bwacho bwaliri nka bwachirimu. Eyo mpirijoka yaher'ochiryanyi emisi yayo, n'entebe yayo n'oburhegesi bunene.
\v 3 Erhwe liguma lyali nkaliri m'oluguma n'olo luguma lwali lwakufa; s'oluguma lwafuma. Oko kwasomezw'egulu lyoshi, lyashimba chilala chiryanyi.
\v 4 Baramya lyangombe bulala yewahag'echiryanyi obuhashe, bana ramya chilala chiryanyi mpu: Inde olikuguma n'echi ciryanyi? Na nde wakagala kuchilwisa?
\v 5 Bachiherez'oluhya lokuderh'emyazi y'obuchibone n'oku jachira Nyamuzinda, bachih'obulenga njira bw'oku kol'ebyacho myezi makumi mane n'ebiri.
\v 6 Chabumbul'obunu bwacho yichigayaguza Nyamuzinda n'oku jachir'ezino lyage, entonga yage nabalama boshi enyanya.
\v 7 Bachiyemerere oku lwisa abachesibwa n'okubahima. Chahabw'obuhashe ku ngasi buko, ngasi lubaga, ngasi lulimi na ngasi chihugo.
\v 8 N'abantu boshi bw'omu gulu bamufukamikara balal'amazino gabo garhayandikwag'omu chitabu ch'akalamo ch'omwana w'echibuzi kurheng'okulemwa kw'egulu.
\v 9 Akaba hali gwerh'amarhwiri gw'okuyunva, ayunve.
\q
\v 10 Oli w'okuj'omu buj'abujemo; owokunigwa na kere, anigwe nako. Hanola nk'oku yerekan'obu yemere bwaba shinganya.
\p
\v 11 Na shubi bon'echindi chilyanyi chafunuk'omudaho, chamahembi mabiri gali nkagalala g'engandabuzi, yayinja ya shambala nka mpiri joka.
\v 12 Chayinja chakoles'oburhegesi mw'echilyanyi cha burhanzi omu masu gacho, charhum'egulu lyoshi n'abalimo bafukamira chilala chilyanyi cha burhanzi chafumag'oluguma lw'okufa.
\v 13 Cha jir'echishushanyo chidarhi kuhik'omuliro gwarheger'oku nkuba kurhoger'okudaho emalangambere n'abantu.
\v 14 cha rhebek'abantu b'egulu n'ebyo bisimezo, chalihabirw'obulenganjira n'okujir'omu masu g'echiryanyi, omu kubwir'abantu b'egulu mpu bajir'eshushany'echiranyi chabandwag'engorho chana lama.
\v 15 Cha habw'obuhashe bw'okuheb'ela shushany'echiryanyi mw'omuka mpu y'eshambala, n'okujira mpu ngasi boshi barhaharamy'eshushanyo bayirwe.
\v 16 charhegek'abantu boshi: Abadorho n'abakulu, abagale n'abakene, abami n'abaja bahebw'ekwechimanyis'oku kuboko kwa malyo changw'emalanga gabo.
\v 17 Na nta muntu yeshi wa chigul'eri kuguz'arhanaherh'echimenyiso, ezino ly'echilyanyi luli luganjo lwacho.
\v 18 B'obushinganyanya buno. Ogwerh'obweng'anje olu ganjo lw'echo chiryanyi, bulala luli luganjo lw'omuntu, n'ezino lyage magana ndrhu na makumi gali ndarhu na ndarhu.
\c 14
\cl Chigabi 14
\p
\v 1 Nabere ndi nalola, nabon'enganda -buzi eyumangire oku ntondo y'e Siyoni, haguma n'abantu bihumbi egana na makumi mane nabine, babaliherh'ezino lyage ne ly'eshe oku malanga.
\v 2 Nayunv'omulenge gwahuluk'omu chanya nka kashalala ka lwinjilunene, nka mukungulo gunene n'ogo mulenge na yunva gwaliri nka chihogero ch'abimpiz'omulizi bali bazin'omulizi gwabo.
\v 3 Baliherhe bayimp'olwimpo luhyahy'embere z'entebe y'obwami n'embere za bila biremwa bine n'abashaja. Na ntaye wakayigire olo lwimpo luhyahy'arhali bila bihumbi egana na makumi mane na bine bya chungulwag'omu gulu.
\v 4 Balala barha chizingisaga n'abakazi, bali bagumaguma, bana kulikir'enganda-buzi ngasi hoshi eja. Ba balala balondwerw'omu bandi bantu, bachi shogwa nka mushaku g'oku rhulira Nyamuzinda n'omwana w'echibuzi.
\v 5 Omu bunu bwabo murhaliri byabubeshi bulala baliri bachere.
\p
\v 6 Nabona owundi malayika ya balal'emalung'ali gwerhe'omwazi g'obuholo gw'esiku n'amango mpu agumanyise oku bantu b'egulu; ku ngasi chihugo, ngasi buko, ngasi lulimi, n'oku ngasi lubaga.
\v 7 Ayinj'ayakuza n'omulenge gunene mpu: Muyubahe Nyakasani muna muh'erenge bulal'asanzi k'okuch'olubanja kayinjire: Muharhamy'owa lemag'amalunga, edaho, enyanja n'eshoko a'amenji.
\p
\v 8 Owindi malayika, owakabiri, ayinja mpu: charhogere, charhogere, chilala chiBabiloni chinene chalalusag'abantu b'amashanja goshi n'obuhushi bwacho.
\p
\v 9 N'owundi malayika wa kasharhu akulikiraho aya kuza n'omulenge gunene eri hakajir'omuntu waharhamy'echiryanyi n'echishushanyo chacho, changwa nakaba n'echimenyis'oku malanga, eri oku kuboko kwage,
\v 10 oyo naye njanywa okulivayi ly'oburhe bwa Nyamuzinda, lihungwirwe buzira kuvanga omu ngumbu y'oburhe bwage, ayinji yikuba n'omuliro n'obusingu omu masu gaba malayika bw'omweru n'omu masu gw'omwana buzi.
\v 11 N'omusi gwamalibuko gabo gwarharama enyany'esiku n'amango, barhana rhamuk'ezuba n'obudufu abaharamy'echilyanyi n'eshushano yacho, na ngasi ojakw'echimanyiso chage.
\v 12 Hano habachesibwa bakomerera, bala bakulikir'amarhegeko ga Nyamuzinda n'oku yemera Yesu.
\p
\v 13 Na shubi yunv'omulenge gwamanuk'emalunga gwa derha mpu: Yandika: Kurhenga mukano kachanji, liri ragi oku mifu yafire omu Yesu! Muka aderha mpu echi, yibayandagala omu mikolo yabo, bulal'ebijiro byabo biba kulikire.
\p
\v 14 Na lolere na bon'echichu ch'omweru eri na kw'echo chichu kuyiker'omuntu oshushene na Mugala wa Nyamuzinda, n'oku rhwe lyage kuli echishema ch'ehoro, n'omu fune yage mwalir'echoji chirhyazizwe.
\v 15 N'owundi malayika ahuluk'omu shengero, ahamagala n'omulenge gunene, ali yikere oku chichu: Lik'echonjo chawe, ona shalule, bulal'akashanji k'oku shalula kagerere, omwaka gwedaho gwayere.
\v 16 Owaliyikere oku chichu akabula akahoro kage oku daho, n'emyaka ya yushulwa.
\p
\v 17 Owundi malayika ahuluka omu luli emalunga, naye eri agwerh'akahoro kakalihire.
\v 18 N'owundi malayika, owaliherh'obuhashe oku muliro, arhenga omu luhya, n'oku derha n'omulenge gunene, abwira owaliherh'echonji chikalihire mpu: Lambul'akahoro kawe karhyazizwe, onache amarhabi g'omulehe, bulal'emburho zago zikola ziyere.
\v 19 Malaika av'akabula akahoro kage okudaho. Arhema emilehe y'omu gulu, arhalira amalehe gay'omu mukenzi gunene g'oburhe bwa Nyamuzinda.
\v 20 Ogo mukenzi gunene gwakandiragamo embuga y'echishagala, n'eshagama ya sheshakala mw'ogo mukenzi, gwanabalala kuhik'okubinogosho by'endogomi, bul'ebwamagulu chihumbi n'amagana ndarhu.
\c 15
\cl Chigabi 15
\p
\v 1 Nashuba bon'echindi chimanyis'emalunga, chaliri chinene na chidarhi: balaika mushanvu baligwerhe mahanya mushanvu, gagobuzinda, bulala gagamalis'omungo goshi gwanyamuzinda.
\p
\v 2 Nanabon'eri nka nyanja, evanzizwe n'omuliro, nabalala bahimag'echilyanyi, eshuchanyo yacho, n'oluganjo lwezino lyacho, eribyayumangire kweyo nyanja yabaraganya, banagwarhir'enzenze za Nyamuzinda.
\v 3 Eri bali bayimp'olwimpo lwa Musa mukozi wa Nyamuzinda, n'olwimpo Mwana buzi bana derha mpu: Ebijiro byawe biri bidarhi n' oku somezwa, Nyamuzinda, mugala byoshi! enjira zawe zikwanene zina shinganene, Mwami wa mashanja goshi.
\q
\v 4 Nyakasani inde orhanka kuyubaha akakuza ezino lyawe? bulala wenine we mwimana n'amashanja goshi nji gayinja omwawe n'oku haramya, bulal' endane yawe yabonekene.
\p
\v 5 Buzinda gwaho nabon'eshsngero ly'echihando chobuhamirize bw'empingu lyachingulwa;
\v 6 Bala bamalayika mushanvu baligwerhe gala mahanya mushanvu, bahuluka omu shengero, baliyamber' emishangi ekomere y'okubaraganya erhanali kuzabyo, balizngir'omukaba gw'ehor' omuchifuba.
\v 7 Echiryanyi chiguma mubilala, binene, chahereza balal bamalayika mushanvu, rhebehe mushanvu shwamasholo rhuyunjwire burhe bwa lulema olam'emyaka n'emyaka.
\v 8 Eshengero lyayunjula myusi enyanya z'erenge lya Nyumuzinda n'obuhashe bwage; nantamuntu yeshiyeshi wakajire omushengero, kuhik'amango ago mahanya mushanvu gabo bamalaika mushanvu gegerekana.
\c 16
\cl Chigabi 16
\p
\v 1 Nayunv'omulenge gunene gw'arheng'omu kagombe gulu gw'abwira balala ba malayika mushanvu: mugende, muji kudubulira oku gulu rhulala rhubehe mushanvu rhuburhe bwa 'Namahanga.
\p
\v 2 Omurhanzi agenda, ajishesher'akage kabehe omugulu; kaba kafinjo kabi bwenene kubala bantu bali yandikirweko echimanyiso cha chilala chiryanyi n'abakazagi haramya eshushanyo yacho.
\p
\v 3 Owa kabiri ashesher'akabehe kage omun yanja nene. Neyo nyanja nene yahinduka yabashagama, nk'eyo muntu ofire na ngasi chiremwa chiyis'omuka ch'afa, ngasi echaliri omu nyanja nene.
\p
\v 4 Owa kasharhu adubulir'akabehe kage omu nyanja nene bwenene n'omufunukiro z'amenchi. Nazo zahinduka shagama.
\v 5 Nava nayunva malayika w'amanchi aderha: oli mwinja, weliho, wanaliriho; oli mweru kweru wenachire olu lushinja.
\q
\v 6 Bula bashesher'eshangama y'abaru kweru n'eya balebi w'anahabo eshagama y'okunywa; nabo bashinganene.
\p
\v 7 Nashubi yunv'owindi malayika oku lurhamba, aderha mpu nechi, waliha Nyamuzinda, mugala byoshi, okuch'emanja kwawe kuba kwinja kunashinganene.
\p
\v 8 Malayika wa kane ashesher'akabehe kage oku zuba. anahunwa okw'ayose abantu n'omuliro;
\v 9 abantu b'asirera n'echuka chinene, n'abo bantu bajachir'ezino lya Nyamuzinda ojir'obuhashe kw'ago maligo, barhanachijag'emurhima libamuh'obukuze.
\p
\v 10 Naye malayika wa karhano ashesher'akabehe kage oku ntebe ya chilala chiryanyi. N'obwami bwacho bwashukirwa n'omwizimya; n'abantu bayinja bachihekeny'endimi elikulumwa n'amagala kurhuma.
\v 11 Amalumwa gabo n'orhufinjo rhwabo byarhuma bagayaguza Darha w'enyanya, barhanachishubyagako elibijiro byabo bibi birhumire.
\p
\v 12 Owa ndarhu ashesher'akabehe kage omu nyanja nene, Efrata. Amenchi gayika lyabami b'ebushoshokero bw'ezuba babon'ahabagera.
\v 13 Nalangira ahuluk'omu bunu bw'empiri joka, n'omu bunu bwa chila chiryanyi n'omubunu bw'omulebi mubi, bazimu basharhu bali nka myorha.
\v 14 Bul'eyo myuka y'abazimu enjir'ebidarhi, n'okuj'emwabami b'omugulu lyoshi, yibabagushagusha enyanya ly'entambala y'olusiku lukulu lwa Nyamuzinda ogala byoshi.
\v 15 Mulole, nayinja nka chishumusi. Ali muragiragi oyorha amesher'emishangi yage, yarhalambagira butambara yibarha mubona bushugunu!
\p
\v 16 Bava babagushasha, bashimanana ahantu hahamagalwa Harmagedoni omu chi eburania.
\p
\v 17 Malayika wa mushanvu ashesher'akabehe kage omu byalega. Oku ntebe y'omushengerero mwahuluk'omulenge gunene gwaderha mpu: hoshaho.
\v 18 Hab'emyengezi, emirenge, emikungulo, n'omusisi gunene, nk'okubirhaliziba gurheng'omuntu aba oku gulu.
\v 19 N'echizungu chinene chagabika mubichira bisharhu, n'ebizungu by'ebihugo byashanduka, na Nyamuzinda ayibuka Babiloni mukulu, mpu yamuhekera akabehe k'edivayi ly'obukunizi b'oburhe bwage.
\v 20 Ebizimba byoshi byayika n'entondo za hirima.
\v 21 N'olubula lunene luli nka mabale kurheng'emalunga lwarhoger'oku bantu. Abo bantu bagomera Nyamuzinda, bulala obuligo bwage buli bunene bwenene.
\c 17
\cl Chigabi 17
\p
\v 1 Kandi muguma wa bala ba malayika mushanvu bali fumbarhire rhula rhubahe mushanvu ayinja, anambwira omwazi mpu: oyinje, nakuyereka gurhe wachire olushinja l'ola mukazi oguza omubiri gwage bwenene, Nyamukazi oyikere eshishi w'enyanja nene.
\v 2 Haguma naye abami ba mulino gulu bachihanire omu kubaraga, n'obuhushi bwage bwalalus'abantu balino gulu.
\v 3 Ampeka omu muka kuhika omu mpinga. Nava nabona omukazi oyikere oku chiryanyi chidukula bwenene, china yunjwire mazino g'ebijachi, chaliherhe marhwe mushanvu na mahembi ekumi.
\v 4 Oyo mukazi aliyambere eby'omuduku ne by'omukara, ali abishukire enchuma, amabale g'engulo ndarhi n'amagerha. Alifumbarhire omu fune yage akabehe k'enchuma, yali yunjwire obibi n'emiziro y'obuhushi bwage.
\v 5 Oku malanga gage kwaliyandikirw'ezine echirhangazo; BABILONI MUKULU, NYINA W'ABAHUSHI N'OBUBI B'OMUGULU.
\p
\v 6 Nabona nyamukazi alalukire eshagama y'aberukweru n'eshagama y'abemezi ba Yesu. N'omukubona, nasomerwa bwenene.
\v 7 Malayika abwira: Bichi birhumire wa somerwa? nji nakubwira echisomezo choyo mukazi n'echechiryanyi chimuhekere, chiherhe marhwe mushanvu na mahembi ekumi.
\v 8 Echiryanyi wabonaga, chaliriho si chirhachiliho. Chikwanene okuja omu nyenga n'okujihirima. N'abantu balama oku gulu na balala amazino gabo garhayandikwaga omu luganjo lw'akalamo gurheng'okulemwa kwegulu nji basomerwa omukubona echo chirinyi, bulala chaliriho, chirhanachiriho aliko nji chashubi langikana.
\v 9 Hano h'obumanye buherh'oburhimanya. Ago marhwe mushanvu z'entondo mushanvu oyo mukazi ayikereko.
\v 10 Banabami mushanvu; barhano barhogere, muguma abaho, owindi arhazi yinja, n'amango ayinja, nj'abera bichanji bigeke.
\v 11 N'echilyanyi chaliriho, chirhanachibaho yena mwami wa kali munane anali m'olu luganjo lwa gula mushanvu, anayerekeze awa lufu.
\v 12 Amahembi ekumi wabonaga babami ekumi barhazi bona obwami aliko bahabirwe oburhegesi nka bami kachanji haguma n'echiryanyi.
\v 13 Boshi bagwerhe muhigo muguma banahan'obuhashe n'oburhegesi bwabo oku chiryanyi.
\v 14 Nji balwisa omwana buzi, n'omwana buzi nj'abahima, bulala ye Nyamuzinda wa bamungu na Mwami wa bami, n'abahamagalwa, abalondwerwe n'abemezi bali haguma naye n'abo nji babahima.
\v 15 Anambwira: Amenji wabonaga, agoyo muhushi ayikeremo g'amashanja, ebigusho by'abantu, ebihugo, n'endimi z'abantu.
\v 16 Ago mahembi ekumi wabonaga n'echiryanyi, nji byamuhogoz'emishanji binamuleke butambara; nji byamukanjagul'eminyofu n'oku mulambik'okuchiko ahye n'omuliro.
\v 17 Bula Nyakaseni agwasize omu mirhima yabo olozo lukuyeneza omuhigo gwage, omuhigo muguma gonogo n'okuhana obwami bwabo oku chirinyi kuhika emyazi ya Lulema enjirike.
\v 18 N'oyo mukazi wabonaga, chechizungu chikulu chiherhe oburhambo oku bami b'eligulu.
\c 18
\cl Chigabi 18
\p
\v 1 Enyuma waho nabona owindi malaika ayandagala kurheng'empingu ely'agwerhe obuhashe bunene n'egulu lyamolekera oku bukuze bwage.
\v 2 Ayama n'omulenge gunene n'okuderha: Amarhooga, amarhooga Babiloni mukulu chikola chikalo chabazimu mahumukiro n'abazimu ba ngasi buko, chibuso.
\q
\v 3 Bulal'amahanga goshi ganywere okudivayi y'obuhushi bwage n'abami b'egulu chachihanire haguma naye omu buhushi n'abarhunzi b'egulu bachirir' obuhashe bw'obulimbi bwage.
\q
\v 4 Nashub'iyuva ogwindi mulenge gwahuluka omumpingu gwaderha: rheng'ahagarhi kabo lubaga lwani, kujira mp'orhashangira obubi bwage, rhana yambukuzwa okubuligo bwage.
\q
\v 5 Bulala ebyaha byage bikulikirene kuhika omu mpingu na Nyamuzinda ayibukir'ebijiro byage bibi.
\q
\v 6 Mumujuhe k'okw'ajuhag'abandi mumurhegeke kabiri kulingana n'ebijiro byage. Omungumbu ashesheragamo ashesheramo kabiri.
\q
\v 7 Okwa chihag' obukuze n'okuchih'obugale, mu muh' amalumwa, n'oburhe kolo lugero. Bulal' ana derh' omu murhima gwage: mpu nyikere mwamikazi, ntali mushumbakazi, chiro ntakaba n'omugayo.
\q
\v 8 Enyanya ly'ebyo obuhane bwage bwayija oku lusiku luguma, olufu, oburhe, eshali, naye alimbulw n'omuliro Bulala Nyamuzinda omuchirir' olubanja alimunya misi.
\b
\v 9 N'abami boshi b'egulu achihanag' omu buhushi haguma naye omubulimbi nji balaka n'oku chivuvunya enyanya zage, amango babon'omusi g'oguhya kwage.
\v 10 Nji bachiheb'eburhambi enyanya w'obuba bw'obuhanya bwage n'oku derha: obuhanya, buhanya oku chishala Babiloni, chishagala ch'obubasha, olubanja lwage nji lwachibirwe oku chisanzi chiguma chonine.
\p
\v 11 N' abajiraga oburhimbuzi omu bihugo balaka bajira n'eshibo enyanya zage bulala ntay'ochibagulir'oku burhimbuzi bwabo.
\v 12 Oburhimbuzi bw'ehoro, amabale g'akachiro, amagerha, emyambalo yagachiro, n'emyambalo y'omuduku,
\v 13 oburhimbuzi bw'emirhi y'obuko boshi, ebintu bikolerwe n'amahembi, n'emirhi yakachiro kanene, ebintu bikolerwe n'emiringa n'omubyuma n'amabale gadukwire, n'agalambuka. Oburhimbuzi bw'echinamomo, n'amomo, obomuganvu, n'obuku, n'eshangi, obw'edivayi, n'amavurha, obweshano, n'obwenkavu, n'ebibuzi, obw'efarasi, n'engale' obwabaja, n'abantu.
\v 14 N'anmalehe gal' omurhima gwawe guchifinja bichigendere byakushaga, n'ebintu byoshi by'obulimbi n'eby'akachiro byakuhirimire orhakanachibibona.
\v 15 balala barhimbuzi b'ebyola bakazaga murangulira bachihir'eburhambi bali bayubaha amalumwa gage. Balaka n'okuboroga n'okumushibuka.
\v 16 Ba derha, buhanya, buhanya oku chila chishagala chinene chali chiyambikirwe emishangi y'echitani, n'eshushir'eshagama, n'edukwire. chabaga chamayambala, n'enjuma z'amabale m'agachiro kanene, n'amagerha.
\q
\v 17 Abagendes' enviyo, ngasi mwekereza, nangasi yeshi oger'omu nyanja, abashana, nabala boshi bakol'omunyanja baj'eburhambi.
\v 18 Bali bayama oku bona omusi gw'engulumira: baderha, chishagala chihe chaliri chinene nkechi?
\v 19 Balibachihira kw'akachulo omu rhwe, n'okuyama, n'okulaka n'emishibo; Buhanya, buhanya echishagala chinene, ngasi bajir'amarh'omu nyanja bugale bwacho bwabagazaga mu kasanzi kaguma chaba mushaka.
\q
\v 20 Mushagaluk'enyanya zage mwe mpingu 'enyu mwe bachesibwa, n'entumwa, n'abalebi, bulala Nyamuzinda amach'olubanja lwenyu enyanya lyage.
\p
\v 21 Namalayika muguma w'omunyamisi abarhul'ebale nka bale lizibuzibu liri nka lushyo, ali kabul'omunyanja, aderha, nkantyo oku misi minene nj'akabulwa Babeli, echo chishala chikulu chirhakana chibokanako loshi.
\q
\v 22 Emilenge y'abazih'enzenze, n'abaziha enanga, n'efirimbi, n'ababuh'omu mushekera birhakachiyunvikan omukarhi kawe loshi, loshi; na ntamulenga w'akasi kwoshi arhakachiboneka omu karhikawe loshi. chiro n'omulenge g'olushyo gurhakachiyunvikana omukarhi kawe loshi.
\q
\v 23 Chiro n'oku kolera kw'olwenge gurhakanachibonekana omu karhi kawe. Chiro n'olenge g'omuhya mulume n'omuhya mukazi gurha kachiyuvikan' okarhi kawe loshi; bulala ba barhimbuzi bawe baliri bakulu b'ebihugo, bulal' abantu boshi balirhebekerwe oku bukurungu bwawe.
\q
\v 24 Mukarhi kage mwabonekan'eshagama y'abalebi n'eya bachesibwa n'eyabala boshi bayirhwag' oku gulu.
\c 19
\cl Chigabi 19
\p
\v 1 Buzinda bwaho, nayunva omu mpingu, omulenge nka mulenge gw'echigusho gwaderha: Haleluya, akachiza, obukuze, n'obuhashe buli bwa Nyamuzinda werhu.
\q2
\v 2 Bulala emanja zage ziri z'okuli na zishinganyanya; bulala njachiraga olubanja ola muhushi wakazagi yohya egulu n'obuhushi bwage; asheshere eshagama y'abagaragu bage n'oku bahema n'enjala zage.
\p
\v 3 Bashubiderha obwakabiri: haleluya, n'omusi gwage gwazamuka emyaka n'emyaka.
\p
\v 4 Na bala bashaja makumi mabiri na bane, na bila biherh'omuka bine bayunama n'okuramya Nyamuzinda oyikere oku ntebe n'okuderha: Amena aleluya.
\p
\v 5 N'omulenge gwahuluka oku ntebe gwaderha: mukuze Nyamuzinda werhu, mweshi mwebakozi bage, mweshi mumuyubaha, abana n'abakulu.
\p
\v 6 Nayunva nka mulenge gw'echigusho chinene, nka lwamo lw'amenji ganene, na nka lwamo lw'oku raza kw'enkuba, gwaderha: Aleluya! Bula Nahano, Nyamuzinda werhu, obuhashe, ayingire omu burhegesi bwage.
\q
\v 7 Rhusime, rhushagaluke, rhumuhe obukuze bulala olusiku l'obuhya bw'omwana w'entama; n'omuhya wage akola achikubwire.
\q
\v 8 Bamuhere oku yambala omwabalo gwinja gw'omweru bulala ogo mushangi gw'omweru by'ebijiro by'okuli by'abatagatifu.
\p
\v 9 Malayika ambwira yandika: ragi okubahamagalwa okubuhya bw'omwana buzi! kandi abwira: eyi myazi eli y'okuli kwa Nyamuzinda.
\v 10 Nafukam'oku magulu gage mpu muramye; aliko ambwira: ochilange kujirantyo! ndi wenyu w'akasi no wabene benyu bagwerhe obuhaya bwa Yesu. Oramye Nyamuzinda. Bula obuhamya bya Yesu, guli muka gw'abalebi.
\p
\v 11 Nashubi bona empingu yachinguka, na Bona yahulukwa endomo y'omweru. Owali yiyikereko ye mulangalirwa no w'okuli, ach'emanja n'okulwa omu kuli.
\v 12 Amesho mage maliri nka birimi bya muliro; okurhwe lyage kwali yunjwire amashungwe manene; aligwerhe ezino liyandikirwe, ntamuntu olyinji arhali yenyine,
\v 13 aliyambere omwambaro gudubikirwe n'eshagama. Ezino lyage g'omwazi gwa Nyamuzinda.
\v 14 Ebigusho by'enfola miherho bili omu mpingu bamukulikira oku ndogomi z'omweru, bayambare emyambaro y'echitani ch'omweru chichere.
\v 15 Omubunu bwage mwahuluka engorho erhyazizwe y'okukubir'amahanga; n'okubalagra n'enkoni y'echuma n'okukamula ezabibu omuchibakuli ch'edivai chibumbiro oburhe bunene bwa Nyamuzinda yenyine w'obuhashe.
\v 16 Aligwerhe okumyambalo yage n'okuchiberu chage ezino liyandikirwe: Mwami w'abami, Nahano wa banahano.
\p
\v 17 Nabona malayika oyimangire omuzuba, ayama na mulenge gunene, aderha abwira enyunyi zoshi zaliri zaguluka omu byalega: muyinje muchigushe oku buhya bwa Nyamuzinda,
\v 18 muly'eminyofu y'abami, eminyofu y'abarhegesi b'abarungu, eminyofu y'abagwerh'obuhashe, eminyofu y'endogomo na boshi bazigendako, eminyofu ya boshi bantagengwa n'abaja, abadorho n'abakulu.
\p
\v 19 Nabona enyamaso, abami b'egulu, n'enfola miherho yabo bachigushire kulw'entambala y'ola wali yikere oku Ndogomi n'oyimangir'enfola miherho,
\v 20 n'eyo Nyama yafarhwa, nahaguma nayo abalebi bw'obubeshi, abajiragi ebisomezwa embere zabo byarhumaga ayohya abarholaga echimenyeso ch'enyamaso n'okuranya eshusho lyage. Bakabulwa bombi bachili bagumaguma omu muliro gurhazima.
\v 21 N'abandi bayirhwa n'engorho yahulukiraga omu bunu bw'owaliyikere oku ndogomi; n'enyunyi zoshi zayugurh'eminyofu yabo.
\c 20
\cl Chigabi 20
\p
\v 1 Enyuma nabona malahika ayandagala kurheng'empingu, oherh'efungulo zekuzimu n'olukoba lunene omufune.
\v 2 Afarha ela mpiri njoka eyo njoka yamira Lyangombe mulenzi, omushweka myaka chihumbi.
\v 3 Amukabula omukuzimu, amushweka, amuhira kwechimenyiso, njarhachihira akarhebeka abantu, eyo myaka chihumbi yebere yahwa byahuna ashwekulwe kasanzi katyu.
\p
\v 4 kandi nabona entebe z'obwami, baziyikalako bahabwa obulenga njira bokucha olubanja. Nabona emirhima yabalala bachibwaga amarhw'enyanya y'obuhamiriza bwa Yesu, n'enyanya lyomwazi gwa Nyamuzinda, nabalala barhaharamyaga chila chiryanyi chagwa echishushanyo chage, abarhehebwaga kwechimenyiso emalanga chang'okukuboka gwamalyo; abo balama, barhambula haguma na Kristu myaka chihumbi.
\v 5 Abo bafu bayorhaga barhagwerhe kalamo kugera ehike myaka chihumbi. Okula k'okufunulirwa kwaburhanzi.
\v 6 Eragi, omuchesibwa yegwerh'echigabi omu kufunulirwa kwaburhanzi: Enyanya lyabo olufu lwakabire lurhaherhe misi; s'aliko njibaba badahwa ba Nyamunda na Kristu, nabo njibarhambula haguma naye myaka chihumbi.
\p
\v 7 N'eyo myaka chihumbi hano njehwa, lyangobe anashwekulwa, arhenge omumugozi gwage;
\v 8 Naye njayinja rhebeka abntu bali munyunda ene z'egulu, Gogu na Magogu, nja bahira haguma okubirha n'oluganjo lwabo luli nkamushenyi gwanyanja.
\v 9 Bazamuka omuchihugo bazunguluka echihando chabachesibwa, n'echo chichagalwa chalisimirwe. Omuliro gwayandagala kurheng'empingu, gwabalya.
\v 10 Ola lyangombe orhebekana, akabulwa omunyanja yomuliro n'echibiriti omuchiryanyi chiri n'omulebi w'obubeshi. Nabo barhindibuzwa ezuba n'obudufu chiro n'esiku n'amango.
\p
\v 11 Kandi nabona echichumbi ch'obwami chinene, ch'omweru n'oyiker'okucho; oyo y'egulu n'empingu zayak'emalanga gage na habaliri harhachibonekanaga.
\v 12 Nabona abafire, abakulu n'abadorho, bayumangir'embere zecho chirhi chobwami; n'ebitabu byabungulwa; nechindi chitabu chabugulwa chechakalamo; nabo bafu bachirwa olubanja bikulikirene n'ebyalindikirwe mwecho chitabu kukulikirana n'ebijiro byabo.
\v 13 Enyanja yashala abafire balirimo n'olufu n'okuzimu balerha abalirimo bachirwa olubanja buli muntu nkokw'ebijiro byage byeliri.
\v 14 Olufu n'ekuzimu byakabulwa omu Nyanja y'omuliro olu lolufu lwakabiri eyo nanja yomuliro.
\v 15 Ey'akaba omuntu yeshi arhabonekaga mwecho chitabu chakalamo, akabulwa omunyanja y'omuliro
\c 21
\cl Chigabi 21
\p
\v 1 Kandi nabon'empingu mpyahya n'egulu li hyahya; bulal'empingu pyahya n'egulu lihyahya byabaga byamahera, n'enyanja nene erhalichiririho.
\v 2 Nabona gurheng'empingu, haguma na Nyamuzinda, echizugu chichesibwa, e'Yerusalema mpyahya, erheganyizwe nkamuhy'orheganyizw'enyanya zeba.
\v 3 Nayunv'omulenge gunene kurheng'Empingu, gwaderha; talag'Echilalo cha Nyamuzinda chiri haguma na bantu, njalama haguma nabo, injibaba bantu bage, na Nyamuzinda yenyine injaba haguma nabo.
\v 4 Yeshangul'emiziga yoshi ya masho gabo, n'olufu lurhaka chibaho harhakachiba mishibo changw'endulu, changw'amalumwa, bulala ebintu bya mira byagerere.
\v 5 Nolala waliyiker'okuntebe y'obwami aderha: lolaga najira byoshi bihyahya. Aderha: yandika; bulala eyimyazi eshinganene enali y'okuli.
\v 6 Ambwira: byabere! nyono indi Alfa na Omega, murhondero n'obuzinda. kolala oherh'enyorha nyemuhe eshoko ya menji gakalamo, okubusha.
\v 7 owehimane yeyime mwebibyoshi; nyebe Nyamuzinda wage, nay'anaba mwana wani.
\v 8 Chaliko abuba, abarheyemerere, abagayisa, abahushi, abaloga, abaharamya ebishushanyo, naboshi boshi, echigabi chabo, gw'ebe omu muliro gw'esiku n' amango, olo lolufu lwakabiri.
\p
\v 9 Muguma wabo bamalayika mushanvu baligwerh'ezongumbu zibumbire Mahane mushanvu g'abunol'ashengera n'okumbwira yinja nakuyerek'Omuhya mukazi omwana w'echibuzi.
\v 10 Ampe omu Muka ntondo elehere. Ananyerek'echizungu chichesibwa, Eyerusalema, chayandagalaga gurheng'empingu emwa Nyamuzinda chigwerhe n'obukuze bwa Nyamuzinda.
\v 11 Echengezi chago chalishushanyize n'ebale lyakachiro kanene nka horo, lidukwire nkachiyo(shangabuye).
\v 12 Chaligwerhe n'olugurhu lunene lulehere, chaligwerh'emiyang'ekumi n'ebiri namazino maliyandikirwe, ago mashanj'ekumi na mabiri bana bey'Israeli:
\v 13 Olunda lw'ebushoshokero bw'ezuba nyunvi esharhu olunda ly'emalambo nyunvi esharhu, olunda lw'ekarhongo nyunvi esharhu n'olunda lw'ebuzikiro bw'ezuba nyunvi esharhu.
\v 14 Olugurhu lw'echizungu lwaliherhe nking'ekumi nebiri, na kwezola nkingi mazin'ekumi na mabiri g'entumwa z'omwana buzi.
\v 15 Owalemag'anderhesa aliherhe obule bolusheke lw'ehoro oku buzinda aganje obule bwe chizungu, enyunvi n'olugurhu.
\v 16 Echizongu chaliherhe nyunda zoshi ene zeyumanene, n'obule bwali yumanene kuguma n'obugali aganja obule bwechizungu n'olusheke, aganja bilometere bihumbi bibiri (12 000); obule, obugali n'obunyegera boshi binganangana.
\v 17 Agerer'olugurhu, aganja engana na makumi mane na kane(144) luganjo, lugero l'omuntu, lolwanaliri lwa malayika.
\v 18 Olugurhu lwaliyumbakirwe n'ehoro, ne chizungu chaliri ch'ehoro echere, eshushire n'engumbu echere.
\v 19 Enkingi z'olugurhu lwe chizungu zalikolerwe n'ehoro, mabale makachiro kangasi lubero: Enkimgi ntanzi yaliri y'Eyasipi, eyakabiri Sifilo, eyekasharhu Kaledoni, eyakane Zumaridi.
\v 20 Owakarhano Sasoniki, owandarhu Akiki, owamushanvu Kristiliti, omunane Belulo, owamwenda Topazo, owekumi Krisoparazo, ow'ekumi namuguma Hayikintu, owekumi nakabiri Amazisito.
\v 21 Enyunvi ekumi n'ebiri yaliri ya kachiro kanene; nabuli mulyango gwaliri gwakachiro kaguma. Omuhanda gwechizungu gwaliri gwa horo echere, nka kabehe kali kagera mwa mesho.
\v 22 Ntabonaga shengero omuchizungu; bulala hano Nyamuzinda ogala byoshi luli lubaga lwage, n'enganda buzi.
\v 23 Echizungu chirhaligwerhe kulonza ezuba chago omwezi gokuchikolezeza; bulala obukuze bwa Nyamuzinda bukolezeze, n'engadabuzi liri tara lyage.
\v 24 Olubaga nji lwalabagira omuchengezi chage, nabami b'egulu nji balerhay'obukuze bwabo.
\v 25 Emiryango ye chihogo erhakachingw'ezuba, bulala nji harhaba budufu.
\v 26 Nji baheka y'obukuze n'obukenge bwembaga.
\v 27 Mwecho chihugo murhakaja buli chintu chizingire, chango buli yeshi ojir'ebirhasimisize n'obubeshi; aliko balala bayandikirwe omuchitabu chakalamo chenganda buzi.
\c 22
\cl Chigabi 22
\p
\v 1 Anyereka kandi enyanja nene y'amenji makalamo elangere nka chilahuri ya huluka oku ntebe y'obwami bwa Nyamuzinda n'ey'omwana w'entama.
\v 2 Ahagarhi k'omwanya gw'echishagala n'okunyunda zombi z'olwinji halir'omurhi gw'akalamo gwaburh'amalehe kalikumi nakabiri, kamalerha buli mwezi, n'ebibabi by'ago byakoleswa oku fumy'abantu.
\v 3 Harhakanachib'omuvumo goshigoshi. Entebe ya Nyamuzinda Ney'omwana w'entama nji yab'omuchishagala; abakozi bage nji bamukolera.
\v 4 Nji babona amalanga gage n'ezina lyage nji lyab'okumalaga.
\v 5 Harhakachiba budufu; barhakana chikenera lwenge, eri chimole, bulala Nahano Nyamuizinda nj'abamolekera. najibarhambul'esiku n'amango.
\p
\v 6 Ambwira: eyi mwazi eriy'okuli n'okunali; na Nahano Nyamuzinda W'emirhima y'abalebi arhumire malayika wage okuyereka abakozi bage ebikwanene bihike omu kasanzi.
\v 7 LOlaga nayinjire omu kasanzi. eragi okuyeshi oyubahiriz'emyazi y'obulebi bwechi chitabu.
\p
\v 8 Nyono Yohana nyena yunvaga n'okubon'ebyo bintu. n'amango nabiyunvaga n'okubibona, Nakumbagal'okumagulu ga malayika waliri abinyereka mpu mufukamire.
\v 9 Alik'ambwira: omenye orhajirantyo, ndiwenyu mukozi na mukozi wa benebenyu b'abalebi, n'abayubahiriz' ebinwa by'echi chitabu. Mufukamire Nyamuzinda.
\p
\v 10 Anambwira: omeny'owafundika ebinwa by'obulebi bwechi chitabu. Bulal'akasanzi kali hofi.
\v 11 Omubi agenderere omu bubi, n'owezinga agenderere oku zinga, n'ow'okuli agenderere omu kuli, n'ochere agenderere okucheswa.
\p
\v 12 Tala nyinjire juba n'oluhembo lwani haguma nani, okuhemba buli yeshi kukulikiza ebikolwa byage.
\v 13 Ndi Alufa n' Omega, Omurhanzi n'Omuzinda, Entonderero n'enyusizo.
\v 14 Eragi oku bamesher'emyambalo yabo babe n'obulenganjira oku murhi gw'akalamo, n'okuger'omu nyunvi omu chishagala.
\v 15 Ahambuga banyakabwa, abakurungu, abahushi, abanizi, ab'okuhera, ngasi yeshi osima n'oku derh'obubesi.
\p
\v 16 Nyono Yesu narhumaga malayika wani mpu oku bahamiriza ebibintu omu mashengero. Nyono nyempanda n'omuburhwa wa Daudi enyenyezi ekoleza y'esezi.
\p
\v 17 N'omuka, n'omuhya mukazi baderha: Yinja. Na ngasi yeshi oyunvirhe aderhe: Yinja na Ngasi yeshi olinyorha ayinje; n'owalonz'amenji makalamo amarhole oku busha.
\p
\v 18 Mbahamirize ngasi muntu oyunva ebinwa by'obulebi bw'echi chitabu akayushula kwe hintu: Nyamuzinda nj'amuhira kw'obuhanya buyandikirwe mw'echi chitabu;
\v 19 na ngasi yeshi njiwakol'ehintu omu binwa by'echitabu ch'obu bulebi NYamuzinda nj'akula'echigabi chage ch'omurhi gwa kalamo n'omu chishagala chichere biyandikirwe mwechi chitabu.
\p
\v 20 Oli ahamiriza ebibintu aderha: nechi, nyinjire juba. Amena! yinja Nahano Yesu!
\p
\v 21 Olukogo lwa Nahano Yesu lube haguma nenyu mweshi. Amina. Yinja, Nahano Yesy!