hav_reg/49-GAL.usfm

\id GAL
\ide UTF-8
\h Abagalatiya
\toc1 Abagalatiya
\toc2 Abagalatiya
\toc3 gal
\mt Abagalatiya
\c 1
\cl Chigabi 1
\p
\v 1 Paulo, ntumwa, arhali oku b'abantu changwa enyanya z'abantu, s'aliko enyanya za Yesu Kristu na Nyakasani, wa mufulaga omu kagarhi k'abafu,
\v 2 na beneberhu boshi bali haguma nani, oku maka Nyamuzinda g'e Galilaya:
\p
\v 3 Olukogo lube mwenyu n'omurhula kurhenga emwa Nyamuzinda Darha na Nahano Yesu Kristu,
\v 4 wachihanaga enyanya w'ebyaha byerhu, mpu ya rhuchungula n'er'igulu libihire, okubulonza bwa Nyamuzinda na Darha,
\v 5 ye nin'obukuze bw'esiku n'amango! Bibentyo!
\p
\v 6 Insomerwe oku mwa mulekere dubaduba ola wabahamagalaga oku lukogo lwa Kristu, mwahindamukira ogundi mwazi gw'obuholo.
\v 7 Kurhali kuderha mpu hali ogundi mwazi g'obuholo, s'aliko hali abandi bantu bali babalibuza n'okulonza kuhindamula Omwazi g'obuholo gwa Kristu.
\v 8 Aliko, avumwe, eri rhwabo changwa ba malayika bw'omuchalega, rhukaba yigiriz'omwazi g'obuholo gurhali kuguma na gula rhwabayigirizaga.
\v 9 Rhwaderha ntyo burhanzi, yirhwashubi kuderha mukano kasanzi: Eyi haba omuntu nji waderha ogondi mwazi g'obuholo arhali gula mwayakiraga, avumwe!
\v 10 Nantyo lero, nyungu ya bantu yindi kulonza changwa ya Nyamuzinda? Nji nalonza kusimis'abantu? Eyi nakasimisize kandi abantu, ntakabere mukozi wa Yesu Kristu.
\p
\v 11 Mbamenyeseze mwebeneberhu ok'omwazi gw'obuholo na yigirizaga gurhali gwa muntu;
\v 12 bulala nta guyakiraga changwa nkaguyiga n'omuntu, s'aliko bubonekezi bwa Yesu Kristu.
\v 13 Bulala mwayunvirh'emyazi y'oborhere bwani embere omu dini lya Bayahudi, okuntu nalibuzaga n'okusherez'aka Nyamuzinda,
\v 14 n'okuntu nali murhanzi omu dini lya Bayahudi okubandi boshi b'emyaka yani, na b'omulala gwani, na nagenderera kuba n'obushiru bunene b'okufarha emigenzo ya badarha.
\v 15 Aliko byasimisa Nyamuzinda wampirag'eburhambi, kurheng'omunda ya nyama, ampamagala oku lukogo lwage,
\v 16 abona bwinja ayerekan'omugala omu kagarhi kani, kuderha mpu yimuderha ahagarhi k'abarhayemerere. Honaho ntajag'ibaz'ehano oku bantu bw'omubiri changw'abeshagama.
\v 17 Kandi nta shonag'e Yerusalemu kubona bala bali ntumwa embere zani, s'aliko na chigendera e Arabiya, n'oku galuka e Damaski.
\p
\v 18 Buzinda bwa myak'esharhu, na shona e Yerusalemu kubonana na Kefa, n'okubera emwag'esiku e kumi n'erhano.
\v 19 Kandi nta bonaga eyindi ntumwa, olekere Yakobo, mwenewabo Nahano.
\v 20 Na mwebi byoshi mbayandikire, mbabwirire emalangambere ga Nyamuzinda, nta beshere.
\v 21 Buzinda naj'elunda lw'e Suriya n'e Kilikiya.
\v 22 Aliko ntalimenyikene oku bwani emalangambere g'ama Ka Nyamuzinda ga Bayahudi gali omu Kristu;
\v 23 aliko bali bayunvirhe kulala walibuzagabo mira, akali ali ayigiriza obwemere akazagi kuchihangana okubihya burhanzi.
\v 24 Bakuza Nyamuzinda enyanya zani.
\c 2
\cl Chigabi 2
\p
\v 1 Ebuzinda bwa myak'e kumi n'ene na shubishona e Yerusalemu na Baranaba, na heka Tito haguma nani;
\v 2 kandi nani najagay'omukubonekerwa, na babwira omwazi gw'obuholo yina yigiriza omu bantu barha yemerere. Narhangagi gubwira burhanzi kubala baherhe akamaro, kuderha mpu yimba nta balibirhire changwa ntalibirhiraga busha.
\v 3 Aliko Tito waliri haguma nani, eyanali Mugiriki, arharhegekwaga ku kembulwa.
\v 4 Nantyo enyanya wa beneberhu bw'obubeshi balibajire ahakagarhi kerhu buzira kumenya, yibagala kulolereza obushwekulwe rhwali rhugwerhe omu kagarhi ka Yesu Kristu, ku derha mpu yibarhuhira omu buja.
\v 5 Aliko rhurhachihiraga eshishi wabo haba na kachanji na kaguma, rhwanalahira kukola okuba balihemere y'okuli k'omwazi gw'obuholo kubera omu kagarhi kenyu.
\v 6 Balala baliherhe olukengo, bali babonekene nkabaherhe akamaro, oku ntako kwalimalir'emwani bulala Nyamuzinda kalondole. Balala baherhe olukengo barhazezaga chintu.
\v 7 Ahubwe bachibona oku nahabirwe omwazi gw'obuholo enyanya ya barhakembwirwe, kuguma n'oku Petero aheberweho enyanya w'omwazi gw'obuholo oku bakembwirwe;
\v 8 bulala ola wajiraga Petero Ntumwa ya bakembwirwe y'ewanjira nani ntumwa ya barhayemerere.
\v 9 Na bachimenyaga olukogo nahabirwe, Yakobo, Kefa na Yohana bali bafarhirwe nka nkingi, bampa nyono na Baranaba okuboko kwa malyo kw'obuguma yirhuja mwabarhayemerere, nabo emwa bakembwirwe.
\v 10 Aliko omwazi muguma balirhurhumire oku rhuyibuke abakene n'ogumwazi nagukola bwenene.
\p
\v 11 Aliko amango Kefa ayinja e Antiyokiya, na mugamba mesho oku mandi bulala alishinganene oku chirwa olubanja ali kolere kubi.
\v 12 Bulala bantu baguma barhumagwa na Yakobo bahike, bakazaga kulya na barha kembwirwe, aliko bachihika, achikula haguma nabo enyanya y'okuyubaha aba kembwirwe.
\v 13 Enyanya zage abandi Bayahudi bachihira haguma naye mw'echo chijiro ch'obulyalya kugera aha Baranaba naye ahekerwe n'obo bulyalya bwabo.
\v 14 Aliko mbona oku barhali balambagira omu kuli kw'omwazi gw'obuholo, na bwira Petero embere z'abantu bwoshi: Akaba woyo w'e Muyahudi, olamire nk'abantu barha yemerere s'aliko arhali nk'a Bayahudi, chirhumire olonza kuhindamula aba pagani oku bakulikir'emigenzo ya Bayahudi?
\v 15 Rhwabo rhuli Bayahudi bw'oluburho, s'aliko rhurhali banyabyaha omu kagarhi k'abarhayemerere.
\v 16 Aliko, omu kumenya oku arhali okubw'ebijiro by'erhegeko ly'omuntu ajirwa mu chesibwa, s'aliko oku bwemere omu kagarhi ka Yesu Kristu, nerhu rhwayemerere Yesu kristu mpu yi rhujirwa bachesibwa oku bwemere omu Kristu s'arhali oku bw'ebijiro by'erhegeko. Bulala nta muntu wejirwe muchesibwa okubijiro by'erhegeko.
\v 17 Aliko akaba amango rhwaliri kulonza kuba bachesibwa omu Kristu, rhwashubiri kubonekana banya byaha, kuli kuderha oku Kristu ali murhwali w'echaha? Arhali ntyo!
\v 18 Bulala eyinakashubi yumbaka ebinashandaga nyenine, eyi namayerekana nyenine oku ndi muntu mubi.
\v 19 Bulala oku bubi bw'erhegeko, nafire oku rhegeko yindama enyanya za nyamuzinda.
\v 20 Nabambirwe haguma na Kristu, k'andi na ndamire, na kaba ndamire arhachiri nyono nyendamire aliko Kristu yelamire omu kagarhi kani. Akaba ndamire zene omu mubiri, ndamire omu bwemere bwa mwene Nyamuzinda wansimire ana chihana yenine enyanya zani.
\v 21 Nantyo nta kabona olukogo lwa Nyamuzinda nka busha; bulala akaba obushinganyanya bwabereho enyanya w'erhegeko, kuliku derha oku Kristu afire oku busha.
\c 3
\cl Chigabi 3
\p
\v 1 Mwabo Bagalatiya, murhagwerhe bwenge! Nde wabalogere yi murhayemerag'okuli? Mwabo mu Yesu abambwaga embere za mesho genyu.
\v 2 Mulole omwazi muguma ndonzeze okumenya enyanya zenyu: Ali enyanya z'ebijiro by'erhegeko yi mwayankiraga empano ya Muka, chango enyanya w'ehanulo ly'obwemere?
\v 3 Gurhe mwakabula obwenge nkantya? Mwarhonderaga oku Muka, mulonzeze mumale omu mubiri?
\v 4 Yi mwalibuka bwenene oku busha? Na kaba oku busha omu kuli?
\v 5 Oli wabaha omuka, n'oku kola ebisomerene omu mwabo, ya bikola enyanya w'ebijiro by'erhegeko, chango oku hano ly'obwemere?
\v 6 Nka kulala Abrahamu ayemeraga Nyamuzinda, aganjirwa obuchesibwa,
\v 7 nantyo mu menye oku bala bali omu bwemere b'abana b'Abrahamu.
\v 8 Konako, olwandiko luchibona oku Nyamuzinda nji aganjira okuli abarhamenyerere oku njira ya bamenyerere, aba rhangaga kubwira Abrahamu og'omwazi gw'obuholo omukuderha: Enyanya zawe embaga zoshi nji za gishwa!
\v 9 Kuderha mpu bala boshi bayemera bagishwe haguma na Abrahamu omwemezi.
\v 10 Bulala balala boshi bachishwekere oku bijiro by'erhegeko bali eshishi gw'omukomo; bula biyandikirwe: Avumwe buli muntu yeshi orha kengere buli choshi chiyandkirwe omu chitabu ch'erhegeko, na buzira kuchihira omu bijiro.
\v 11 Bina chiyerekene oku nta muntu n'omuguma wanka cheswa embere za Nyamuzinda oku bw'erhegeko bula biyandikirwe: Ow'okuli nj'alama oku bwemere.
\v 12 Bulala erhegeko lirhali oku buyemere; aliko liderhe: Owundi wahira ebiyandikirwe mpu bijiro, nj'alama enyanya wabyo.
\v 13 Kristu arhugulire kurhenga omu muvumo gw'erhegeko, achiba muvumo enyanya werhu, bulala biyandikirwe: Avumwe buli yeshi wahanikirwe oku murhi;
\v 14 kuderha mpu y'emigisho ya Abrahamu egere oku barhayemerere kugerera Yesu Kristu, yi rhunayakira Muka muchesibwa wa rhulaganyagwa oku bwemere.
\p
\v 15 Beneberhu, yinaderha oku shushanyo y'abantu, ndagano nyinja, n'eyi ya jirwa n'abantu, ntaye wakayishanda changwa akayi yushula.
\v 16 Bulala endagano zoshi zahabirwe Abrahamu n'olu burha lwage lwoshi. Birhaderhwe mpu: Oku mburho zage, owamenya mpu ziri zinene; s'ahabwa nka luborha luguma, k'oku derha Kristu.
\v 17 Lola emyazi ndikuderha: endagano Nyamuzinda ehirireho embere erhakakulwa, nantyo endagano ya jirirwe ya busha enyanya w'erhegeko lyahiragwaho enyuma y'emyaka magana mane na makumi masharhu.
\v 18 Bulala ey'akashambala kakayijire enyanya werhegeko, karhakachiyinjire enyanya yendagano. Kandi eri enyanya wendagano yi Nyamuzinda ahaga Abrahamu empano yo lukogo.
\v 19 Erhegeko chiri chichi? lyahabwagwa enyanya w'ebyaha kuger'aholuburho lwahabwag' endaganyo n'omuvisikanyi. lwayunjwizwe na bamalayika kugerera omunvisikanyi.
\v 20 Kandi oyo munvisikanyi arhaba munvisikanyi wa muguma, kandi Nyamuzinda ali muguma.
\v 21 Nantyo, erhegeko lirhafarhene n'echilagane cha Nyamuzinda? Arhali ntyo! Nkahababwag'erhegeko lyaligwerh' akalamo, obuchesibwa bwakayinjire omu kunali nalyo.
\v 22 Aliko omwazi g'olukogo gwashwekere abantu boshi eshishi w'echaha mpu y'echibalaganyaga chihanwa oku bwemere omu Yesu kristu oku bayemerere.
\p
\v 23 Ebere obuyemere buyinje, rhwalishwekerwe n'erhegeko, enyanya w'obwemere bwalikwanene kuyinja.
\v 24 Nantyo erhegeko lyali nka mwigiriza w'okurhuheka emwa kristu, kuderha mpu yirhuchesibwa oku bwemere.
\v 25 Obwemere buchiyinja, rhurhachiri eshishi w'oyo mwigiriza.
\v 26 Bulala muli bene Nyamuzinda mweshi kuger'obwemere mu Yesu Kristu;
\v 27 Mwe mwadubikirwe mweshi omu Kristu, mwayambiswe Kristu.
\v 28 Harhachiri omuyahudi chang'omuyunani, harhachiri muja chango mushwekulwa, harhachiri mulume changw'omukazi, bulala mweshi muli omukagarhi ka kristu.
\v 29 N'akaba muli ba Kristu, muli luburho lwa Abrahamu, balekerwa b'echilagane.
\c 4
\cl Chigabi 4
\p
\v 1 Kandi amango goshi wakalekerwa ebintu ochiri mwana, Yinaderha kw'anali nkamuja n'eyakaba ali nyina byoshi;
\v 2 Bulala ab'eshishi w'abemangizi na barhwali kuger'amango nin'ebintu njaba amakula.
\v 3 Kon'oko, nerhu rhuchiri bana, rhwaliri eshishi w'obuja bw'ebijiro by'egulu;
\v 4 Aliko amango gachigera, Nyamuzinda arhuma omugala, aburhwa n'omukazi, aburhwa eshishi ly'erhegeko,
\v 5 Mpu lyagula balala baliri eshishi w'erhegeko, kuderha mpu yirhujirwa bana bage.
\v 6 Nabulala muli bana, Nyamuzinda arhumire muka w'omugala omumirhima yerhu, olala olem'aderha: Abba! Darha!
\v 7 Nantyo, orhachiri muja, s'aliko mwana, kandi oli mwami w'olukogo lwa Nyamuzinda.
\p
\v 8 Embere murhaza menya Nyamuzinda, mwalemaga mwakolera banyamuzinda barhalibo omuborhere bwenyu;
\v 9 Aliko zene mwamalire kumenya Nyamuzinda, chango bulala mwamalire kumenywa na Nyamuzinda. Gurhe mwankashuba kugalukir'elamyazi y'obolokazi n'obo bukene mwalonzaga mushube mukolerwe?
\v 10 Yimwakeng'esiku, emyezi, amango, n'emyaka!
\v 11 Mwayubahire, birhabonekaga nka nakolere busha omu kubayigiriza.
\p
\v 12 Mube nkanyono, bulala nani ndi nkamwabo. Beneberhu, mbarhebereze.
\v 13 Murhakolerag' obubi n'obuguma. Aliko muyemere ok'omuborhere bobolokazi bomubiri nabayigirizag'omwazi g'obuholo g'oburhanzi.
\v 14 Nerhangulo lyali omomubiri gwani, murhabonereraga, murhanalahiraga, s'aliko mwayegereza nka malayika wa Nyamuzinda, nka Yesu kritu.
\v 15 Nantyo lero ngah'obusime bw'emirhima yenyu buli? Bulala ndinabahamiriz'okunka mwali mwagala, mwakakulire amesho menyu n'okumampa amesho genyu n'oku mampa.
\v 16 Nahindamukire mushombanyi wenyu omukubwir'okuli?
\v 17 Obushiru bokubalonza baherh'enyanya zenyu burhali b'okuli, s'aliko balonzeze babakul'emunda rhuli, kuderha mpu yimuba n'obushiru enyanya zabo.
\v 18 Biri binja okugwarh'obushiru enyanya ya menja n'omubichanji byoshi s'arhali amango ndi haguma nenyu.
\v 19 Bana bani badorho, mperh'akahinda kanen'enyanya zenyu kugera aha Kristu nj'abonekan'omu mwabo.
\v 20 Ntyo ndonzez'okubera haguma nenyu lero, n'okuhindamula omulenge gwani, bulala mperhe nachishinga enyanya zenyu.
\p
\v 21 Mumbwire, mwe mulonzeze kub'eshishi ly'erhegeko, murhayuvirhe amarhegeko?
\v 22 Bulala biandikirwe oku Abrahamu aliherhe misol'ebiri, muguma w'omukazi w'omuja, n'owindi mukazi Nin'eka.
\v 23 Aliko omukazi w'omuja aburhwa okumubiri, n'olala w'omukazi nin'eka aburhwa kukulikir'echilagane.
\v 24 Eyi myazi guli mugani bulala ababakazi bali ndagano ebiri, nguma y'oku ntondo y'Esinayi, yaburhirw'obuja, ye Hagari.
\v 25 Bulala Hagari Eli ntondo y'Esinayi eli omu Arabiya, eshushanyize n'e Yerusalemu yazene eri omubuja haguma na bana bage.
\v 26 Aliko e Yerusalemu y'enyanya eshwekwirwe, yenyama;
\v 27 Bulala biyandikirwe: Osime, w'oyo w'engumba, olike omulenge, olake, w'erhashwiraga kuyunva amalumwa g'okuburha! Bulala abana bolala walekerwe balibanene kulusha balala bogwerh'omulume.
\p
\v 28 Mwabo bene berhu, rhuli bana bechilagane kuguma na Isaka;
\v 29 Nantyo nkakulala ola w'aburhwaga oku bomubiri alibuzaga olala waburhwaga oku bomuka, kubiri nazene.
\v 30 gurhe omwazi g'obuholo guderhere? olibirhe oku mwana w'omuja n'omuja bulala omwana w'omuja arhayima n'omwana w'oshwekwirwe.
\v 31 Chechirhumire mbabwirire, beneberhu; barhali bana babaja s'aliko bana b'omukazi Nin'olugo.
\c 5
\cl Chigabi 5
\p
\v 1 Kristu arhushwekwire okurhube bashwekulwa Ntyo lero muyimange omukuli murhashuba kugaluka omu mugozi g'obuja.
\p
\v 2 Mulole mbabwirire, nyono Paulo, eyi mwakachikembulisa, ntacho Kristu abarhabalamo.
\v 3 Ndi nashuba kubwira buli mutu yeshi wakachikembulisa, okwa shinganene kukola erhegeko lyoshi.
\v 4 Muli hale na Kristu, mweshi muli kulonza kucheswa oku rhegeko. Mwaherere n'okurhenga omu lukogo.
\v 5 Bulala rhwabo rhugwerhe omunihiro g'okuli omu njira y'obwemere.
\v 6 Bulala omu Kristu Yesu, oku kembulwa ntacho kumalire, changwa okurhakembulwa; s'alik'obwemere bukola akasi omu buzigire.
\v 7 Mwalibirhaga bwinja: Nde wababuzize kukenga okuli?
\v 8 Oko kulahizwa kurharhengene n'olala w'abahamagalaga.
\v 9 Chibolo chityu chinaboza akarhanda koshi.
\v 10 Mperh'omunihiro ku mwabo emwa Nawerhu, oku murhaba n'ogwindi murhima. S'aliko buli yeshi nji wabagayisa nj'ahek'obuhanya bwage yenyine.
\v 11 Beneberhu, eyi nani nakayigiriza eyi myazi y'okukembulwa, chakarhuma ndi nalibuzwa kugera buno? Natyo omugayo gw'empamiko gwahwere!
\v 12 Mpemere balaboshi babalibuza mwabo bachilahir'emibiri yabo.
\p
\v 13 Bulala, beneberhu, mwahamagerwe mube bashekulwa, alik'obo bushwekulwe burhabarhumaga mwakulikir'eby'omubiri, s'aliko murhabalane omu buzigire.
\v 14 Bulal'erhegeko lyoshi lishwekerwe na mwazi muguma gon'ogu: osim'owenyu nk'okochisima wenyine.
\v 15 Aliko eyi mwakalumana n'okulyana baguma na bandi, mulole bwinja mumenye mwaka rhindibuzanya.
\p
\v 16 Mbabwirire lero: Mulambagire nka b'Omuka changwa murhajirag'eby'omubiri.
\v 17 Bulala omubiri gujira enyifinjo zirhali nkaza muka, na muka nay'ajira ezirhali nka zamubiri baherh'oluhali ahagarhi kabo chechirhuma murhajir'ebimulonzeze.
\v 18 Nka makalongolwa n'omuka murhankaba eshishi wa marhegeko.
\v 19 N'obo ebijiro by'omubiri bibonekene: by'ebi; obuhushi, obumaguza, kuderh'ebyeshonyi.
\v 20 Okuchikumba okurhereker'abazimu, obukurungu, obushombanyi, entabala, obwagalwa, oburhe, akajinya, entonganyi, olugomo, okuchifinja,
\v 21 obulalu, obudanbi n'ebiri nk'ebyo embere nababwira nkakula nabaga nababwirire okw'abajir'ebiri nk'ebyo barhakaja omu bwami bwa Nyamuzinda.
\v 22 Aliko amalehe g'Omuka buli busime, bushagaluke, murhula, kukomerera, obwinja, murhima gwinja, obonjo, obuyemere.
\v 23 Obutudu okuchigerera; enyanya lyebirintya ntarhegeko.
\v 24 N'abo abali ba Kristu Yesu barhindibwize omubiri haguma n'eganiza zago zibi n'enyifinjo zago.
\p
\v 25 Rhukalama oku Muka rhulambagire nk'abanya Muka.
\v 26 Rhurha chikuzaga busha rhwahalangana n'okuyagalirw'aberhu.
\c 6
\cl Chigabi 6
\p
\v 1 Beneberhu, nk'omuntu akafarhwa n'egosa, mwe muli omu Muka, mumugalule n'obuholo. Eyi muchilangire nenyu murhayahukirwaga.
\v 2 Murhabalane oku mizigo yenyu, nantyo mwayunjuz'erhegeko lya Kristu.
\v 3 Nk'omuntu akamanya mpw'ali chintu, eryarhali chintu, achirhebekere yenine.
\v 4 Buli muntu alole emirimo yage, nantyo abon'oku chishinga yenine, birhal'oku windi,
\v 5 bulala buli muguma nj'aheka omuzingo gwage yenine.
\p
\v 6 Omwigirizwa ahe omuyigiriza oku bintu byage byoshi.
\v 7 Murha chirhebekaga: Nyamuzinda arharhebekwa. ech'omuntu ahinga chanashalula.
\v 8 Orhwera oku mubiri nj'ashalula oku mubiri ebibolereza; alik'owarhwera oku Muka n'oku Muka ashalul'akamo k'esiku n'amango.
\v 9 Rhurharhamaga oku jir'amenja; bulala nji rhwashalula nka rhurhavunikiro omurhima.
\v 10 Nantyo nkarhubwene akasanzi rhujirir'abantu amenja, bwenene ab'omu nju y'obwemere
\p
\v 11 Lola oku mparafu nkulu kuyandikire n'okuboko kwani nyenine.
\v 12 Boshi balonz'okubonekana benja oku mubiri, babaseza mpu mukembulwe, kulonza barhalibuzwaga eyanya ly'omusalaba gwa Kristu.
\v 13 Bulala abakemburwe barhakeng' amarhegeko; aliko balonza mukembulwa, yibachikuza oku mibiri yenyu.
\v 14 Oku bindolere, hale n'enganiza z'okuchikuza oku bintu birhali by'omusalaba gwa Nahano Yesu Kristu, kugerera yewe egulu ly'alibuzizwe enyanya zani nani enyanya z'egulu!
\v 15 bulal'arhali oku busha oku kembulwa n'oku rhakembulwa; ech'obulagirire kuliba chiremwa chihyahya.
\v 16 Omurhula, n'obubabale oku boshi beshimbulire obuburhegeke, n'oku Israeli wa Nyamuzinda!
\p
\v 17 Kurhenga zene nta muntu ochindibuzage, bulala mpeker'ebimanyiso bya Yesu.
\p
\v 18 Beneberhu, omurhula gwa Nahamwerhu Yesu Kristu gube haguma n'omurhima gwenyu! Bibentyo!