hav_reg/47-1CO.usfm

\id 1CO
\ide UTF-8
\h 1 Abakorinto
\toc1 1 Abakorinto
\toc2 1 Abakorinto
\toc3 1co
\mt 1 Abakorinto
\c 1
\cl Chigabi 1
\p
\v 1 Paulo, owahamangalwa kuba ntumwa ya Yesu Kristo okubulonza bwa Nyamuzinda na mwenewabo Sustene,
\p
\v 2 n'oku shengero lya Nyamuzinda liri Ekorinto na kubachesezwe omu Yesu Kristu, abahamangere oku batakatifu, n'oku balala bahamagala ngasi hoshi ezino lya nahamwerhu Yesu Kristo muchiza wabo na werhu:
\p
\v 3 muhabwe obonjo n'omurhula kugerera Darha Nyamuzinda na Nahamwerhu Yesu Kristo.
\p
\v 4 Nagenderera oku kuza Nyamuzinda oku binjiro by'obonjo ku mwabo, n'okubonjo bwa Nyamuzinda mwahabirhwe omu Yesu Kristu.
\v 5 Omu yewe mwanyunjwire obugale bwoshi buyerekere omwazi n'obumanyi.
\v 6 Obuhamirizi bwa Kristu bwayikere bwenene omu mwewe,
\v 7 Okubulyo murhabulaga oluhembo omu kuli k'okubonekana kwa Nahamwerhu Yesu Kristu.
\v 8 Nj'abakomeza kugera oku buzinda, yi rhagengwa olusiku lwa Nahamwerhu werhu Yesu Kristu.
\v 9 Nyamuzinda ali mwizerwa wabahamagalaga omu chinyabuguma ch'omugala Yesu Kristu Nahamwerhu.
\p
\v 10 Mbayingingire, beneberhu, okw'izino lya Nahawerhu Yesu Kristu, muderhe mweshi nderho nguma, murhabolanaga mwenyine oku mwenyine, s'aliko mube omu chinyabuhuma chikomere, omu murhima muguma, n'omu ntanya ziguma,
\v 11 bulala, beneberhu, abantu b'Eklowe bambwirir'oku mugwerh'obuhaka.
\v 12 Ndonzize mbabwir'oku ngasi muguma wenyu aderha ntya: nyono ndi wa Paulo, nani ndi wa Appolo, nani ndi wa Kefa, nani ndi Wakristu.
\v 13 Ka Kristu agabirwemo? Ka Paulo ababwirire ku mwabo, mwabatizwaga okw'izino lya Paulo?
\v 14 Nta muntu ohirage obukuze bwage omu bantu, bula byoshi biri byenyu
\v 15 akaba Paulo, akaba Apolo, akaba Kefa, akab'egulu akaba kalamo, akaba lufu, akaba bintu biri buno, akaba bintu nji byayinja,
\v 16 byoshi biri byenyu, nenyu muli ba Kristu, na Kristu ali wa Nyamuzinda.
\v 17 Kurhali kubatiza ku Yesu Kristu antumire, s'aliko kuyamagiza emyazi y'omurhula, buzira obulenga -burhimanya bw'enderho, ly'omusalaba gwa Kristu gurhajirwa busha.
\p
\v 18 Bulala enyingirizo z'omusalaba lir'isire oku balala baherere, s'aliko kurhwabo rhuchugukire, omusalaba guli buhashe bwa Nyamuzinda.
\v 19 Kandi binanyandikirwe: nji nabihya obulenga bw'abalenga, n'okushagula obwenge bw'abenge.
\p
\v 20 Ngahe omulenga ali? ngahe omwandisi ali? ngahe ali ojira obuhaka mugano mango? Ka Nyamuzinda arhajiraga obulenga bw'egulu okuba 'sire?
\v 21 Bulala ab'egulu, n'oku bulenga bwabo, barhamenyaga Nyamuzinda omu bulenga bwa Nyamuzinda, bwasimisa Nyamuzinda okuchugula abemezi kugerera esire ly'enyigirizo.
\v 22 Abayahudi bahuna ebisomerene n'abayunani balonza obulenga.
\v 23 Rhwabo, rhuyigiriza Kristo w'abambwaga chisomeso oku Bagereki sire oku bapangani.
\v 24 Aliko buhashe bwa Nyamuzinda, n'obulenga bwage oku balala bahamagerwe bali Bagereki chiro n'Abayunani.
\v 25 Bulala esire lya Nyamuzinda liri n'obulenga bunene kulusha obwenge bw'abantu, n'okubula emisi kwa Nyamuzinda kulushire emisi y'abantu.
\p
\v 26 Mulole, beneberhu, muli mw'abahamagerwe, nta balenga banene, nta banyabuhashe banene nta bakengwa banene omu mubiri.
\v 27 Aliko Nyamuzinda alondwere abahwinja okukoza enshoyi abanyabwenge b'egulu, alondwere abolokazi okukoz'abanyamisi b'egulu enshoyi.
\v 28 Nyamuzinda achishoger'ebintu buzira kamaro bw'egulu, n'ebibonekana, n'ebirhabonekana,
\v 29 ly'ashagula ebibaho yi harhaba owachibona embere za Nyamuzinda.
\v 30 Kugerera ebi Nyamuzinda ajirire, mwaja omu Yesu Kristu, olala, kugerera Nyamuzinda, ajirirwe kuba bulenga bwerhu, n'obushiganyanya, n'obuchese, n'obuchunguke,
\v 31 Leka owachibona nk'oku byana yandikwaga, achishinge omu Nahano.
\c 2
\cl Chigabi 2
\p
\v 1 Amango najang'emwenyu, beneberhu, ntayinjaga n'emyazi ezibuhire chiro burhali bulenga nakoleseze oku bayigiriza obuhamiriza bwa Nyamuzinda.
\v 2 Bulala, ntaligwerhe enganiza y'okumenya ebindi emwenyu olekere Yesu Kristo na Yesu Kristu wabambwaga oku musalaba.
\v 3 Nyenine, naliri emwenyu omu kuchirhohya, n'okuyubaha, n'okudirhimana bwenene;
\v 4 omwazi gwani n'enyigirizo zani zirhaliyimangire oku nderho z'okuyemeza z'obulenga, aliko oku kuyerekana omurhima n'obuhashe,
\v 5 ly'obuyemere bwenyu buyumangira arhali okubulenga bwa bantu s'aliko oku buhashe bwa Nyamuzinda
\p
\v 6 Chiro birintyo, buli bulenga rhuyigiriza oku bashinganyanya, bulenga burhali bwagano mango, burhali bwa bakulu barhegeka abandi nji baba busha.
\v 7 Rhuyigiriza obulenga bwa Nyamuzinda burhamenyikana bunachibishire, bulala Nyamuzinda arhagayaga oku bukuze bwerhu.
\v 8 Bulenga burhamenyikana n'abarhegeka ba gano mango, bulala nkababumenyaga, barhakakambabire Nahano w'obukuze.
\v 9 Aliko nk'oku biyandikirwe, biri bintu elisho lirhasaga bona, n'okurhwiri gurasaga yunva, burhasangi bonekana omu murhima gw'omuntu, ebi bintu Nyamuzinda arheganyaga oku bamusima.
\p
\v 10 Nyamuzinda arhufunulira oku muka, bulala muka ashuza byoshi konako omu bilehere bya Nyamuzinda.
\v 11 Nde omu bantu oyinji eby'abantu arhali omurhima gw'omuntu? Konakuguma ntaye wakamenya ebya Nyamuzinda arhali Muka gwa Nyamuzinda.
\v 12 Aliko rhwabo, rhurhayakiriraga omuka gw'egulu saliko Muka gurhega emwa Nyamuzinda, mpu li rhumanya ebi Nyamuzinda arhuhereza oku bonjo bwage.
\v 13 Rhwanabiderha arhali omuderho ziyigirizwa n'obulenga bw'omuntu, aliko ebiyigirizwa na Muka omu kukolesa enderho echere okubintu bichere.
\v 14 Aliko omuntu w'omubiri arhayankirira ebintu bya Muka gwa Nyamuzinda, bulala biri bya ihwe emwage, arhabimenye bulala bimenyikana omu Muka.
\v 15 Omuntu w'omuka achij'emurhima s'arhalijiswa lubanja n'omuntu.
\q
\v 16 Bulala ndomenyere enganiza ya Nahano ly'amuyigiriza? Aliko rhwabo, rhugwerhe enganiza za Kristu.
\c 3
\cl Chigabi 3
\p
\v 1 Oku nyono, beneberhu, ntababwiraga nk'abantu bw'omuka s'aliko nk'abantu ba mubiri, bana muli Kristu.
\v 2 Nabahere amarha, birali biryo bikomere, bulala murhakabigalire, na bunola murhabigalire bulala muchiri ba mubiri
\v 3 Ahagarhi kenyu hali okugayana, n'okulwa, ka murhali ba mubiri? ka murhaherhe mwalambagira ka bw'omubiri?
\v 4 Amango aderha: nyono ndi wa Paulo, n'owundi ndi wa Apolo, ka murhali ba mubiri.
\v 5 Apolo ali nde, Paulo ali nde? Bakozi bakoleseswe mpu yimuyemera kuguma n'oku Nyamuzinda ahaga ngasi muguma.
\v 6 N'abyalaga, Apolo ashukiira amenji, aliko Nyamuzinda y'ekuza,
\v 7 obyala arhali chintu, n'oshukiira amenji, s'aliko Nahano okuza.
\v 8 Obyala, n'oshukira amenji bombi balikuguma, gasi muguma nj'ahabwa olwage luhembo oku kasi ajirire.
\v 9 Bulala rhuli bakozi haguma na Nyamuzinda, omwishwa lyage, nju ya Nahano.
\p
\v 10 Haguma n'obonjo nahabwire, nahira hebale lirhanzi, kuguma n'omumbaasi w'obwenge, n'owindi ayumbakaga enyanya, aliko ngasi mugumu achilange omu bulyo ayumbakire enyanya.
\v 11 Bulala ntaye wakaheba echindi chiriba olekere echiriho, okumenya Yesu Kristu.
\v 12 Aliko akab'omuntu akayumbak'enyanya y'ogu murhondero n'ehoro, changw'efuranga, changw'amabale g'engulo nkali, changw'emirhi changw'ebirhi by'obukere, akasi Ka ngasi muguma nji karhangulwa.
\v 13 Bulal'esiku nji zabiyerekana, bulala nji byagera omu muliro, n'omuliro gwana yerekana akasi Ka ngasi muguma.
\v 14 Eyi obubake bwage nji bwaba burhahire nja ahabwa oluhembo.
\v 15 Nakaba obumbake b'omuntu bwakahya, anabula oluhembo, oku yewe, nj'achungulwa nk'owayaka omu muliro.
\p
\v 16 ka murhenji oku muli nju ya Nyamuzinda, n'Omuka gwa Nyamuzinda gubalimo?
\v 17 Nk'omuntu akabihya enju Nyamuzinda, na Nyamuzinda ana mulimbula, bulala eshegero lya Nyamuzinda liri licheswe, nantyo kumuli.
\p
\v 18 Ntaye ochirhebekage yenine, nka muguma wenyu akaganiza okuba mwenge wagano mango, achijire musire, ly'aba mwenge.
\v 19 Bulala obwenge bw'egulu liri sire embere za Nyamuzinda. Na kandi biyandikirwe: Afarha abenge omu bushuma bwabo.
\v 20 Nakandi Nahano ayinji enganiza za balenga, ajinyi oku ziri za busha.
\v 21 Nta muntu ohirage obukuze bwage omu bantu, bula byoshi biri byenyu
\v 22 akaba Paulo, akaba Apolo, akaba Kefa, akab'egulu akaba kalamo, akaba lufu, akaba bintu biri buno, akaba bintu nji byayinja,
\v 23 byoshi biri byenyu, nenyu muli ba Kristu, na Kristu ali wa Nyamuzinda.
\c 4
\cl Chigabi 4
\p
\v 1 Ntya, murhulole nka bakozi ba Kristu, bahirhi byebichibishirwe bya Nahano.
\v 2 Oku biyorhere bihemerwe oku bahirhi kuli gasi muguma abonekane mwerukweru.
\v 3 Oku nyono, okuchirwa olubanja nenyu kurhabwirire bishi olubanja lya benebantu. Ntakichirire olubanja, bulala ntagwerhe obubi boshiboshi.
\v 4 Aliko kurhali kuderha oku ndi muchesibwa, owakachira olubanja ali Nyamuzinda.
\v 5 Cho chirumire murhachaga olubanja embere za kachanji, kuhika amango Nahano ndi ayinja, ye ndi wabishula bwoshi byali bibishirwe omu mwizimya, nja ayerekana obulonza bw'emirhima. Ngasi muguma nja ayakirira obukuze bumushiganene.
\p
\v 6 Mwe murhumire, benewerhu, nakolere ebibintu bibonekane emwani, n'emwa Apolo lyo muyigirizwa kugerera rhwabo, lyo murhaja hale n'ebyayandikirwe na ntaye ohabwage okuchikuza muguma kulusha wundi.
\v 7 Bishi bikuberhwire n'abandi? Bichi ogwerhe arhahabagwa? N'akaba wabihabirwe, chirumire wachikuza, kuguma n'orhabihabwagwa?
\v 8 Bunola muyugurhire, muchirire buzira rhwabo orhangire okurhegeka, mwakanarhegeka mpu lyo nerhu ndi rhurhegeka haguma nenyu.
\v 9 Bulala Nyamuzinda arhujirire ntumwa, bazindazinda b'abantu, bachirirwe olubanja l'okufa bula rhwabere bimayinso by'egulu, oku bamalayika n'okubantu.
\v 10 Rhuli bichuchu enyanya za Kristu aliko mwabo muli benge muli Kristu, rhurhagwerhe misi aliko mwabo mugwerhe emisi, mulimwakuzwa rhulirwagayaguzwa
\v 11 mugano mango, rhulibuzizwe n'eshali, n'enyorha, n'obutambara, rhukolerwe kubi, rhuja hano na halira.
\v 12 Rhurhamire omu kukola n'efune zerhu, rhudukwa rhwanagisha, rhulibuzwa rhwanalembera,
\v 13 rhukabesherwa rhwanaderha n'obonjo, rhwabere nka bubi bw'egulu, ezinga lya boshi na kuhika mugano mango.
\p
\v 14 Ntabanyandikir'ebibintu mpu lyo mbakoz'enshoyi, aliko nabahanula nk'abana bani bazingirwa.
\v 15 Bulala mukagwarha bigiriza chihumbi muli Kristo, s'aliko murhagwere bazere banene, bulala nyono nyi nababurhire omu Yesu Kristo kugera omwazi gw'obuholo.
\v 16 Mbahunire ntyo, mundolereko.
\v 17 Cho charumire n'abarhumira Timoteyo, omwana wani muzigirwa, ali mwikubagirwa muli Nyakasane. Nji abayibusa enjira yani muli Kristu, enjira yani y'okuyigiriza omu gasi Ka Nyamuzinda.
\v 18 Baguma bayunjwire buchibone ka ntali kwanene okuyinja emwenyu.
\v 19 Omu kachanji nayinja emwenyu, Nyamuzinda akalonza, ndi namenya arhali ebinwa bwabo.
\v 20 Obwami bwa Nyamuzinda burhali omukuderha aliko omu buhashe.
\v 21 Bichi mwalonza? ka nyinje emwenyu n'enkoni chiru haguma n'obuzingire n'omu murhima gw'obwirhonzi.
\c 5
\cl Chigabi 5
\p
\v 1 Binaderhwa buli mango oku hali emwenyu abahushi, obuhushi burhali chiro emwa abapangani, n'okubulyo muguma omumwewe anarhola amukazi w'eshe.
\v 2 Muyujwire n'oburhe, murhanagwerhe omujinya mpu lyo owakolere echo chijiro akulwe ahagarhi kenyu.
\v 3 oku nyono, ntaliho oku mubiri aliko ndiho oku murhima, nachirira bunola olubanja, kuguma k'owaliriho, oyundi wakola echijiro ch'obuhushi.
\v 4 ok'izino lya Nawerhu Yesu, mube n'omurhima gwani, muchigushire n'obuhashe bwa Nawerhu Yesu,
\v 5 omuntu oli ntyo bamukabulire Lyagombe ly'omubiri gwage gulibuzwe mpu ly'omurhima gwage nji guchunguke olusiku lwa Nawerhu Yesu.
\v 6 Kuli kwabusha munachikuza. Ka murhamenyere oku ehomo ligeke linazingisa omugati goshi?
\v 7 Mukule ehomo lya mira, lyo muhinduka mugati muhyahya, bulala muli buzir'ehomo muli kristu, pasaka werhu wahanirwe nterekero.
\v 8 Rhuchisimise ntyo oku lusiku lukulu, arhali n'ezinga lya mira, arhali haguma n'ezinga l'obulyalya, n'obukali s'aliko haguma n'emigati buzir'ezinga n'obuchese n'omukunali.
\p
\v 9 Nalibayandikire omu lwandiko oku murhalunganaga n'abahushi. Ntaderhere abahushi bomw'igulu,
\v 10 changwa n'abachifinja, n'abagayana, n'abaharamy'ebishushanyo, akaba ntyo mwakashinganene okurhenga omw'igulu.
\v 11 Aliko, bunola, mbayandikire murhalunganaga n'omuntu ochiyirika mwenewenyu, Aliko muhushi, w'ochifinja, w'okuharamy'ebishushanyo, n'okujachirwa, n'omulalwe, onyegana, murhazigaga mwalya haguma n'omuntu oli nk'oyo.
\v 12 Bula gurhe mperhe obulenganjira b'okuchira abali embuga w'eshengero olubanja. Mwabo murhachira abalimo olubanja.
\v 13 balala bali embuga, Nyamuzinda abachirir'olubanja. Mukule omuntu mubi ahagarhi kenyu.
\c 6
\cl Chigabi 6
\p
\v 1 Amango muguma wenyu agwerhe obuhaka n'owundi, munasidakane emw'abapagani, chi arhali embere za bachesibwa?
\v 2 Ka murhamenyere oku abachesibwa njibacha olubanja lw'egulu? N'akaba kugerera mwabo y'egulu nji lyachirwa olubanja, ka murhagwerhe obuhashe bw'okuch'olubanja lw'ebintu bigeke?
\v 3 Ka murhamenyere oku nji mwachira bamalayika olubanja? ka bilushire okuch'olubanja, omubilolere kano kalamo?
\v 4 Akaba mushinganene okucha olubanja muzino siku zakala kalamo. Bichi byankarhuma mwankahira emyazi embere zabarhaganjirwe chintu omushengero?
\v 5 Nababwira omu kubakolesa eshonyi. Ntamuntu mugwerhe w'obwege, ntaye wakach'emyazi ya benewabo?
\v 6 Aliko omukristu ajakulega owabo mukristu emw'abapagani!
\v 7 Okola kuli kubi okulegana mwenyine oku mwenyine. Bulala kurhe murhakalembera amabi? Bulala gurhe murhayemera kulikula?
\v 8 Aliko muli mwakola ebirhakwanene n'okuyambisa benebenyu obusha.
\v 9 Ka murhamenyere oku banyakolamaligo nji barharhegeka omu bwami bwa Nyamuzinda? murhabeshwaga: chiro n'abaharamya ebishushanyo, Chiro n'abahushi, chiro n'abarholana bakazi oku bakazi,
\v 10 n'ababi, n'abishambo, chiro nabenyifinjombi, chiro n'abalalwe, chiro n'abadukana, chiro n'abayagana, barhakayima omu bwami bwa Nyamuzinda.
\v 11 Nenyu ntyo ko mwaliri baguma benyu, aliko mwashukirwe, mwachesezwe, mwajirirwe bashiganyanya omu izino lya Nawerhu Yesu Kristu n'oku Muka gwa Nyamuzinda werhu
\p
\v 12 Ebintu byoshi bili binja emwani; aliko ebintu byoshi birhagwerhe bunguke. Ebintu byoshi bili binja emwani; aliko nta hebwa eshishi y'obuhashe bw'echintu.
\v 13 Ebiryo okunda, n'enda oku biryo: aliko Nyamuzinda nja bibihya byombi bibiri, ebiryo n'enda. Omubiri arhali oku buhushi, aliko guli gwa Nahano; na Nahano naye oku mubiri;
\v 14 na Nyamuzinda afulaga Nahano, naye nja rhufula nerhu ntyo ntyo oku buhashe bwage.
\v 15 Kamurhamenyere oku omubiri gwerhu bili bigabi bya Kristu? Na ntyo ntole ebigabi bya Kristu n'oku bijira bigabi by'obuhushi? Nanga, chiro n'ehityu!
\v 16 Kamurhamenyere oku olala wabugananaga n'omuhushi boshi guli mubiri muguma naye? Bulala aderhere: Bombi baba mubiri muguma.
\v 17 Aliko olala wa buganana na Nahano guli muka muguma.
\v 18 Muyake obuhushi, ngasi chaha omuntu anajira chiba ch'embuga y'omubiri; alikonolala ojira obuhushi anajira echaha enyanya y'omubiri gwage yenine.
\v 19 Ka murhamenyere oku omubiri gwenyu ka Nyamuzinda ka Muka Muchesibwa oli mu mwabo, mwahabwaga na Nyamuzinda? Murhanali buchire bwenyu mwenine;
\v 20 Bulala mwagulwaga oku ngulo nkali; Ntyo mukuze Nyamuzinda omu mibiri yenyu n'omu mirhima yenyu, enyanya za Nyamuzinda.
\c 7
\cl Chigabi 7
\p
\v 1 Na ntyo enyanya w'emyzi mwayandikaga kuli kwinja omulume arhahumaga oku mukazi.
\v 2 Aliko, enyanya y'obuhushi, ngasi mulume abe na mukage yenine, na ngasi mukazi abe n'omulume wage.
\v 3 Omulume ahe mukage okuli kwage; na ntyo omukazi ahe omulume wage okuli kwage.
\v 4 Omukazi nta buhashe agwerhe oku mubiri gwage, aliko ali w'eba: Na ntyo omulume nta buhashe agwerhe oku mubiri gwage, aliko gwa mukage.
\v 5 Harhajiraga owalahirira owabo, chi bombi bayunvikane, omu kashanji, yi muba n'esiku z'okurhalya n'oku huna, na ntyo mushubi buganana haguma, na ntyo Lyangombe arhabonaga gurhe abarhangula enyanya y'obuzamba bwenyu.
\p
\v 6 Aliko nderher eyi myazi oku bonjo s'aliko lirhali rhegeko.
\v 7 N'enyanya w'okusima abantu boshi babe nka nyono. Aliko ngasi muntu ajira eshokano yage kurhenga Nyamuzinda, muguma eyi, owundi eyi.
\v 8 Aliko mbwirire balala barhazi shaba, n'abakana, kuli kwinja oku lama nka nyono.
\v 9 Aliko nkaba murhakagala kuchilanga, mushabe: Bulala kuli kwinja okushaba hali h'okuba n'enyifinjo.
\v 10 Nabalala bashabire, mba bwirire, s'arhali nyono. aliko Nahano, omukazi arhalekanaga n'eba.
\v 11 Aliko akaba alekene naye, abere buzira mulume, changwa bayunvikane n'eba: N'omulume arhalekaga mukage.
\v 12 Aliko oku bandi bantu mba bwirire, s'arhali Nahano; mpu nkaba mwene wenyu muguma aherhe omukazi orha yemerere, anye anayemera okulama naye, arha mulekaga.
\v 13 N'omukazi akaba n'omulume orhayemerere, n'akayemera oku lama naye, arha mulekaga.
\v 14 Bulala omulume orhayemerere, ana cheswa na mukage, n'omukazi orhayemerere ana cheswa n'eba: Nkaba arhali ntyo abana benyu banaba n'ezinga.
\v 15 Aliko olala orhayemerere akagenda, agende: Mwene werhu changwa mwali werhu arha shwekerwe n'omwazi guli ntyo: Aliko Nyamuzinda arhuhamagalire omurhula.
\v 16 Bulala omenyere bichi, woyo mukazi, wachungula balo? Changwa omenyere bichi, woyo mulume, mpu wachungulamukawe?
\v 17 Aliko ntyo ntyo Nahano agabire ngasi muntu, kukulikira Nyamuzinda ahamagalaga ngasi muntu, agende ntya. Na ntyo kumba bwirire omu ka Nyamuzinda koshi.
\v 18 Muntu ahamagerwe eya na kembwirwe? Arhachijiraga nk'orhakembwirwe. Muntu ahamagerwe arhana kembwirwe, akembulwe.
\v 19 Oku kembulwa kuli busha, n'okurha kembulwa nako kuli busha; aliko okushimba amarhegeko ga Nyamuzinda.
\v 20 Ngasi muguma ayorhe okwanali yorhere eri ahamagalwa.
\v 21 Ka wali muja amango ohamagalwa? Orhabonaga nka kubi: aliko nkaba wakagala kurhenga omu buja, kuli kwinja obukolese.
\v 22 Bulala owali muja eri ahamagalwa omu Nahano, akaba muja, ali huru wa Nahano: Na ntyo owahamagalwaga, akaba huru ali muja wa Kristu.
\v 23 Mwagulirwe oku ngulo, murhaba baja b'abantu.
\v 24 Bene berhu, ngasi muguma abere omu bworhere alirimo haguma na Nahano amango ahamagalwa.
\p
\v 25 Oku balamba, nta gwerhe rhegeko lya Nahano: Aliko hano mba here, nka muntu okwanene oku chikubagirwa oku bonjo bwa Nahano okuba mushinganyanya.
\v 26 Na ntyo mbwene ntya kukuli kwinja enyanya y'entambala ya zene, kuli kwinja omuntu abere nk'okwa naliri.
\v 27 K'oli mushweke oku mukazi? Orhachilonzaga oku shwekulwa. K'oshwekerwe n'omukazi? Orhachilonzaga mukazi.
\v 28 Aliko oka shaba, orha herhe chaha; n'omunyere eri akashabwa; arha herhe chaha; aliko balala bashabene baherhe oburhindibuke bw'omubiri; aliko ndonzeze oku bahanza ezo ntambala.
\v 29 Aliko nderhere ntya, mwene werhu, gayorhere mango mageke, ntyo gurhe mugano mango abaherhe abakazi babe nka barhabaherhe;
\v 30 na bali balaka nka mira; na balala bali bagula babe nka barhaherhe chintu.
\v 31 Abagwerhe balya eri gulu, nka kula barha gwerhe balya. Bulala ebintu bya lino gulu byagera.
\v 32 Aliko ndonzeze mulame buzira malibuko. Olala orhashabire alibuke enyanya y'emyazi ya Nahano, nka kulonza asimise Nahano.
\v 33 Aliko olala oshabire arhindibukire enyanya y'emyazi y'egulu, alonze okusimisa mukage.
\v 34 Hali olubero lw'omukazi n'omunyere. Omukazi orhashabirwe analibuka enyanya y'emyazi ya Nahano, abe muchesibwa oku mubiri n'omurhima: Aliko olala oshabirwe analibuka enyanya w'emyazi y'egulu, alonze oku simis'eba.
\v 35 Nderhere eyi myazi enyanya y'obunguke bwenyu mwenine; nta hebaga omurhego embere zenyu, aliko oku myazi minja, mubone gurhe mwakolera Nahano buzira kubahanza omu bintu byoshi.
\v 36 Aliko nkab'omuntu aka kengera mpu abulire obukenge enyanya y'omunyere wage, nkaba akabona arhalukire abwinja bwage, na akaba kuli kwa bulagirire, na ntyo ajire okwalonzeze, arhajirire chaha, bashabane.
\v 37 Aliko olala oyi mangire oku misi y'omurhima gwage, chiro arhaherhe rhegeko, aliko akarhola obusime bwage, n'ebyalonzeze omu murhima gwage mpu okulanga omunyere wage, amajira bwinja.
\v 38 Ntyo owaha omwali omulume eri ajirire bwinja, n'orhamuhere mulume eri ajirire bwinja kulusha.
\v 39 Omukazi ashwekerwe amango eba achiri m'omuka; aliko amango eba amafa, akola mushwekulwa omu kushabwa n'omuntu asimire; omu Nahano konine.
\v 40 Aliko mbwene mpu aherhe obushagaluke bwenene nka kabera ntyo: Nkengerere mpu mperhe Muka gwa Nyamuzinda.
\c 8
\cl Chigabi 8
\p
\v 1 N'enyanya w'ebintu bya rhulagwa nka ntulo y'eshushano: Rhumenyere rhweshi kurhuherhe obwenge. Obwenge bunalerha obuchibone, aliko obusime buyumbaka.
\v 2 Omuntu wa kachikebwa mpu amenyere akantu, arhameyere kubimuhunire okumenya.
\v 3 Aliko nkaba omuntu akasima Nyamuzinda, oyu amenyikene naye.
\v 4 Na ntyo, enyanya y'okulya ebintu bya rhulwaga ntulo y'eshushano, rhumenyere oku eshushano chirhali chintu omu gulu, na nta windi Nyamuzinda aliko muguma yenine,
\v 5 bulala chiro bagaba bahamagalwaga banyanuzinda, chiro omu mpingu changwa omu gulu, nka banyamuzinda banene na banahano banene;
\v 6 Aliko emwerhu haba Nyamuzinda muguma, ye Darha, n'ebintu byoshi birhenga emwage, nerhu rhulamire emwage, hanaba Nahano muguma, Yesu Kristu, kugereraye ebintu byoshi byabaho, nerhu oku yewe.
\p
\v 7 Aliko obu bwenge burhaba bw'abantu boshi: Aliko banene, bulala baba bakomere eshushano kugera zene, bakalya echintu cha rhulwaga ntulo oku shushano; n'entimanyo zabo, zikaba buzira misi lyaba zinga.
\v 8 Aliko ebiryo birharhulerha emwa Nyamuzinda; na nkaba rhurhalire ntacho rhwahezeze chiro; Na nkaba rhwalire ntacho rhwayushwire chiro.
\v 9 Aliko muchilange, obuhashe bwenyu lirhabaga bale ly'oku sirhaza abazamba.
\v 10 Bulala nkaba muntu akubwene woyo oherhe obwenge, okalya ebiryo omu ka nyamuzinda k'eshushano, obukengere bwage, nkaba buli buzamba, burhaba n'emisi y'okulya ebya rhulwaga ntulo y'eshushano?
\v 11 N'oyo muzamba anasherezwa n'obwenge bwawe, oyo mwene werhu, na Kristu afaga enyanya zage.
\v 12 Ntyo mukajira ebyaha enyanya ya mwene wenyu, n'oku yosa entimanyo zabo ziri zi zamba, mwa majira echaha enyanya wa Kristu.
\v 13 Na ntyo, nkaba ebiryo byakaheza mwene werhu, ntalya enyama esiku n'amango, ntahezaga mwene werhu.
\c 9
\cl Chigabi 9
\p
\v 1 Kantali mushwekulwe? Kantali ntumwa? Kantabonaga Yesu Kristu Nahamwerhu? Kamurali mikolo yani omu Nahamwerhu?
\v 2 Akaba ntali Ntumwa okubandi bantu, aliko nyono ndi Ntumw'emwenyu; bulala mwabo mulichimanyiso ch'oburhumwa bwani umu Nahano.
\v 3 Echishubizo chani okubali bandosa chechino.
\v 4 Kantabuhashe b'okulya n'okunywa?
\v 5 karhurhaherh'obuhashe b'okuheka haguma nerhu omukazi olimwali werhu, nkezindi ntumwa, n'ankabene wabo Nahano na Kefa?
\v 6 Okuhandi; kanyenine na Baranaba rhwerhurhaherh'echemezo chokuchikolera?
\v 7 Nfola muherho nchi ekola, omukachanji koshi, okuluhembo lwage yenyine? 'Ndorhwer'eshwa ly'emizabibu arhanaly'amalehe galyo? Changwa ndoyabul'enkavu afunde kunywa n'okumarha?
\v 8 Nderhere eyimyazi nkamuntu? K'erhegeko lirhayiderhere?
\v 9 Bulala biyandikirwe omurhegeko lya Musa; orhashwekag'obunu bw'enkavu amango eli yalabarh'engano. Nka Nyamuzinda analol'emyazi y'enkavu?
\v 10 karhaderher'ebyo enyanya lyerhu? Nechi, biyandikirwe enyanya lyerhu, bulala kushinganen'omuhinzi ahing'oku bulagirire, n'owahul'engano ahul'obulagirire b'okushangir'echigabi.
\v 11 Elyakaba rhwabano rhwabarherere ebintu by'omurhima kaguli mwazi gudarhi nkarhwakashalul'oku byenyu by'omubiri?
\v 12 Elyakab'abandi bashagalukir'obu bushinganyanya arhali rhwerhwakabushagalukira kulusha? Aliko rhurhakoles'emisi, rhwakomerere byoshi, lirhurhaba bihanzo by'ogw'omurhula gwa Yesu Kristu.
\v 13 Kamurhamanyire okw'abakol'omushengero baly'ebintu by'omushengero? n'abakol'okulurhamba, basangir'ebintu by'okulurhamba?
\v 14 Nahano, arhegekere oku abayigiriza emyazi y'omurhula balama kumyazi y'omurhula.
\v 15 S'aliko nyono ntakoles'ebi chiro nehityu. chiro ntanayandikire enomyazi mpu bibentyo kunyono. Bulala kulikwinja nfe hali omuntu ampezez'erenge.
\v 16 Bulala ntayigiriz'emyazi y'omurhula, ntanachisimisa, kul'okuba bili enyanya lyani, bulala buli buhanya bwani nkantayigiriz'emyazi y'omurhula.
\v 17 Bulala ntajir'eyimilimo okubulonza bwani, mperh'oluhembo; aliko akab'arhali kubulonza bwani er'iguli muzigo nahabirwe.
\v 18 Nantyo, oluhembo lwani chiri chichi? kalolu, okw'amango ndi nayigiriz'emyazi y'omurhula, nyi yigiriza buzira kuhembwa, ntanarhol'ebinkwanene okubukozi bwani nka mwigiriza.
\v 19 Bulala chiro byankaba naligwerh'obukwanane okubantu boshi, nachijira muja waboshi limbona bantu banane bwenene.
\v 20 Oku bayahudi nachijira nka muyahudi libon'abayahudi, oku balala bali eshishi w'erhegeko nachijira nkoli eshishi w'erhegeko chirw'akaba ntali eshishi w'erhegeko limbona abali eshishi w'ererhegeko.
\v 21 Okubarhajir'erhegeko naba nk'orhajir'erhegeko, arhali nkorhajira rhegeko e' mwa Nyamuzinda, aliko eshishi werhegeko lya Kristo, libona balala barhajir'erhegeko.
\v 22 oku barhagwerh'emisi, naba nko rhagwerhe misi libon'abarhagwerhe misi. Nachijira byoshi oku boshi, limpikira okuchungul'abantu n'omunjira zoshi,
\v 23 Linanjira ngasi choshi enyanya ly'emyazi y'omurhula limbona mw'echigabi.
\v 24 Kamurhamanyire okw'abalibirhir'oluhembo balibirha bwenene eyi namuguma yiwakalurhola? Mulibirhe nk'okola; yimurhol'oluhembo.
\v 25 Ngasi yeshi olwisa, akoles'enjira zoshi z'okuhimana anajirantyo lyabon'oluhembo lusherera, aliko rhwabano rhulwisa lirhubon'oluhembo lurhasherera.
\v 26 Nantyo, nani yinalibirha, garhali masharha, arhali nk'owashurh'omuhusi.
\v 27 Nyono yinalibuz'omubiri gwani n'okugukolesa birhabaga okunayigiriz'abandi njimbe muntu w'okulahirwa.
\c 10
\cl Chigabi 10
\p
\v 1 Bulala beneberhu ntalonzeze mubule kumanya oku badarha baliri eshishi w'ejichu, boshi bager'omunyanja.
\v 2 Boshi babatizwa na Musa omujichu n'omunyanja;
\v 3 boshi balya ebilyo by'omuka.
\v 4 Boshi banywa echinywebwa ch'omuka, bulala banyweraga omuchirimbi ch'omuka gwabakulikiraga n'echochirimbi ye Kristo.
\v 5 Aliko Nyamuzinda arhalisimisizwe na bantu banene ahakarhi kabo: bulala balibuzibwa omu mpinga.
\v 6 Intyo, eyi myazi biri bimanyis'emwerhu lirhurhalalira ebibihire nkebi balaliraga.
\v 7 Murhabaga bakuchikumb'echishushanyo nkokw'abandi bajiraga: nk'okubiyandikirwe: abantu balya n'okunywa, bayimanga bazina.
\v 8 Rhurhanajirag'obuhushi nk'abandi, bowe bajirag'obuhushi barhoga bihumbi makumy'abiri na basharhu okulusiku luguma.
\v 9 Rhunamanye rhwakarhangula Nahano nkabandi bowe bamurhangula balumwa n'enjoka.
\v 10 Mumanye mwanka muveba, nk'okwabandi bamuvebaga, bajirwa kubi n'enkola maligo.
\v 11 Nantyo, eyi myazi yoshi yafarhabo nka bimanyiso, bya yandikwa okurhuhanula rhwagera okubuzinda bw'esiku.
\v 12 Nantyo, omenyere oku oyumangire, achilole akakumbagala.
\v 13 Erhangulo lirhabafarhaga arhali eliri okubantu boshi: aliko Nyamuzinda alimwemezi, arhanalekerera okurhangula kulusha okumwakagala: aliko haguma n'erhangula anajir'enjira y'okulibirhira limugala kukomerera.
\p
\v 14 Enyanya, ly'oku basimwa, mulibirh'oku chikumba ebishushanyo.
\v 15 Nderhere nk'okw'abantu bagwerh'obwenge mugererez'ebinderhere.
\v 16 Engumbu y'emigisho, rhuli rhwagisha kaburhali buguma bw'eshagama ya Kristu? Omugati rhuli rhwachamo, kagurhali mubiri gwa Kristu? bulala rhwerhuli banene rhuli mugati muguma na mubiri muguma:
\v 17 bulala rhweshi rhunashangira echichira ch'omugati muguma.
\v 18 Olole okuba Israeli okubaliri lugenda mubiri, abalyag'enterekero barhaherhe chigabi okulurhamba?
\v 19 Intyo bichinderhere? echintu charhulwaga ntulo okuchishushano chili chintu, ely'akaba echishushano chili chintu?
\v 20 Arhalintyo, aliko ebintu abapagani barhula, banabirhulir'abazimu, s'arhali emwa Nyamuzinda, nani ntalonz'okusangira n'abazimu.
\v 21 Kurhankanywerha oku ngumbu ya Nahano n'oku ngumbu y'abazimu. Murhakashangira oku 'ngoko ya Nahano n'oku 'ngoko y'abazimu.
\v 22 Changwa rhwalerhere Nahano akahinda, changwa rhuherh'emisi kumulusha?
\p
\v 23 Ebintu byoshi biyemererwe, aliko byoshi birhaherhe kamaro, ebintu byoshi biyemererwe aliko byoshi birhayumbaka.
\v 24 Omuntu arhachilonzezag'obunguke yenyine s'aliko alonzenz'ababo.
\v 25 Ngasi chintu chagulwaga omuchambu, muchilye buzira kubaza enyanya ly'okurhimanya,
\v 26 bulal'egulu liri lya Nahano na byoshi birimo.
\v 27 Nk'omuntu arhali mwemezi akabahamagala nenyu mukayemera kujayo, mulye byoshi biri embere zenyu, buzira kubaza enyanya ly'entimanya.
\v 28 Aliko, nk'omuntu akababwira; mpu, echichintu bachiherereko, murhachilyaga enyanya lyage oyo waderher'entyo n'enyanya ly'entimanya bulal'egulu liri lya Nahano na bysohi bilimo.
\v 29 Entimanya nderhere, erhali yawe wenyine aliko y'owindi. Bulala gurh'obushwekulwe bwani bunachirwa olubanja n'owindi muntu?
\v 30 Nkanankalya nkaderha koko changarhuma nachirw'olubanja nabo naderhere koko?
\v 31 Nantyo akaba mwakalya, mukanywa, changwa echi mwakajira choshi, muchijir'oku bukuze bwa Nyamuzinda.
\v 32 Murhakumbagazaga Abayahudi changwa Abayunani changwa Eshengero lya Nyamuzinda.
\v 33 Nka nyono, nakasim'abantu boshi omu myazi yoshi, ntakulikir'obunguke bwani nyenine, alik'obunguke bwabandi bantu babon'obuchunguke.
\c 11
\cl Chigabi 11
\p
\v 1 Munkulikire nk'okunani nkulikire Kristu,
\p
\v 2 baher'obukuze bulala munanyibukire omu myazi yoshi, mumpulir'enyigirizo nk'oku nazilerhag'emwenyu.
\v 3 S'aliko, nshondere mumanye oku; erhwe lya ngasi mulume ali Kristu, n'erhwe lya ngasi mukazi ali mulume, n'erhwe lya Kristu ali Nyamuzinda.
\v 4 Ngasi mulume wakaba alyahema changwa aderh'obulebi akashukir'erhwe lyage, anakoz'erhwe lyag'eshonyi.
\v 5 Nangasi mukazi wakaba ali ahema changwa aderh'obulebi arhanashukir'erhwe lyage, anakoz'erhwe lyag'eshonyi; bulala ali nk'ogemberwe.
\v 6 Bulala nk'erhwe ly'omukazi lirhashukirwe, enviri zage zigembe: aliko, akaba zilishonyi omukazi okugembwa enviri zage, ashulir'erhwe.
\v 7 Bulala birhahemer'omulume okushukir'erhwe lyage okuba yewe ali lwiganyo ly'obukuze bwa Nyamuzinda; aliko, omukazi buli bukuze b'omulume.
\v 8 Bulala, omulume arharhengaga omu mukazi s'omukazi omu mulume.
\v 9 N'omulume arhalemagwa enyanya w'omukazi, s'omukazi enyanya w'omulume.
\v 10 Enyanya ly'ebyo, omukazi ahemerwe okuba n'echimanyiso ch'obukenge okurhwe lyag'enyanya lya Malayika.
\v 11 Aliko harhabag'omukazi buzira mulume changwa omulume buzira mukazi bali ba Nahano.
\v 12 Bulal'akab'omukazi arhengan'omumulume, nantyo omulume aburhwa n'omukazi, n'ebintu byoshi burheng'emwa Nyamuzinda.
\v 13 Mwenyine much'olubanja: Ka kulikwinj'omukazi aheme Nyamuzinda buzira kushukira erhwe?
\v 14 erhegeko ly'echisisi nalyo lirhabayigirize ok'omulume akaba n'enviri zilehere okurhwe zilishoni emwage?
\v 15 aliko nk'omukazi nkagwerh'enviri zilehere, buli bukuze emwage; okub'ahabirw'enviri okumushukir'erhwe.
\v 16 Aliko akaba omuntu alonz'okulerh'obubi, rhwabo rhurhaherh'engeso zilintyo, changwa eshengero lya Nyamuzinda.
\p
\v 17 Aliko okuderha elirhegeko ntabukuze buliho bulala muli mwabuganana, arhali kubunguke s'okubuhanya,
\v 18 bulal'oburhanzi nayunvirhe okw'amango mushimanena omu shengero hanab'akabolo omu ahagarhi kenyu, nani oku lunda luguma nayemerere.
\v 19 Bulala kukwanene akabolo kabeho yi balala balondwerwe babonenakana ahagarhi kenyu.
\v 20 Nantyo, amango mubuganene haguma, murha kwanene okuly'ebilyo bya Nahano.
\v 21 Kul'okuba muguma anarhol'ebyage yenyine, n'owindi alishali, n'owindi alalukire.
\v 22 Kurh'oko kamurhajira enju z'okuliramo n'okunyweramo? changwa mwasuzagwire eshengero lya Nyamuzinda, mwakozeshoni balala barhagwerhe chintu? chichi nababwira? mbah'obukuze si? ntakabaha obukuze okubilintyo.
\v 23 Bulala ebi nabwen'emwa Nahano nabalerhera nenyu ntyo, m'obo budufu ahaanagwa arhola omugati;
\v 24 ahuna, aguchamo, aderha mpu: murhol'ogu, guli mubiri gwani gwachibirwemo enyanya zenu, mujirentyo okunyibuka.
\v 25 Nantyo arhol'engumbu enyuma ly'okulya aderha; eyi elishagama yani omu ndagano mpyahya, mukazijirantyo nkamwanywa omukunyibuka nyono.
\v 26 Bulala ngasi mango nkamwalya ogu mugati n'okunywa eyi ngumbu, eyimuli mwa yamagiz'olufu lwa Nahano kuger'amango ayinja.
\v 27 Hoshaho ngasi yeshi nji walya omugati n'okunywa eyingumbu ya Nahano arhanakwanene, njaba amachumula okumubiri n'eshagama ya Nahano.
\v 28 Aliko, omuntu achiche lubanja yenyine agali lya ogu mugati n'okunywa eyi ngumbu,
\v 29 bulala owalya n'okunywa arhanakwanene ely'amalya n'okunywa olubanja oku yenyine, arharhimanyiz'omubiri gwa Nahano.
\v 30 Enyanya lyantyo, banene benyu bali bolokazi n'abandi balwala n'abanene balyamire.
\v 31 Aliko nkarhwakachijisa lubanja rhwenyine, rhurhankahekerwe lubanja.
\v 32 Aliko, amango rhwamajiswa lubanja, rhuhanirwe na Nahano linji rhurha kabulwa haguma n'egulu.
\v 33 Lero bene berhu amango muchigushire haguma omukulya mulindirane.
\v 34 N'akab'omuntu ayunvirh'eshali ajilir'emwage. Murhabugananaga haguma enyanya w'okuchilerher'olubanja. Emyazi eyorhere njina yikubul'amango nayinja.
\c 12
\cl Chigabi 12
\p
\v 1 Oku biyereker'enshokano za Muka, ntalonzize bene berhu, mubere buzira kumanya.
\v 2 Mumanyire kw'amango mwaliri bapagani, mwahekwa ku kulikir'ebishushanyo birha derha, nk'oku mwalongolwaga.
\v 3 Bulala ntyo mbamanyisize mwabo, nta muntu wakagala derha ku muka gwa Nyamuzinda, aderha mpu Yesu ali muchibwa: Chiro nta muntu wakagali derha mpu Yesu ye Nahano arhali oku Muka guchere.
\p
\v 4 Intyo, hali enshokano zi nene aliko Muka ali muguma.
\v 5 Hali bakozi banene, aliko nahano ali muguma.
\v 6 Hali milimo minene, aliko Nyamuzinda ali muguma okola emilimo yoshi omu boshi.
\v 7 Ngasi muntu ana habwa ebi bonekezi by'o Muka, nyi boshi bayunguka.
\v 8 Bulala muntu muguma ana habwa n'o Muka echinwa ch'obwenge; n'owindi ana habwa echinwa chokumanya, n'oy'o Muka yenoyo.
\v 9 Oku windi obwemere, n'oy'o Muka yenoyo; oku windi enshokano y'okufumya n'oyo Muka yenoyo.
\v 10 Oku windi ebi kwolw'ebisomezo, n; owindi obulebi, n'owindi oku meny'emyuka, n'owindi enderho, n'owindi oku manyis'oluderho.
\v 11 Aliko eyi mirimo yoshi Muka oyo muguma oyi kola; ogabira ngasi muntu nko kw'anasimire.
\p
\v 12 Bulal'ekab'omubiri guli muguma, guna gwerhe bigabi binene, n'ebigabi byoshi by'omubiri muguma, biri binene, gunali mubiri muguma, nantyo kubiri oku Kristu.
\v 13 Bulal'omu Muka muguma rhweshi rhwa batizwa omu mubiri muguma, nk'Abayahudi, changwa Abayunani nka rhwakaba baja, changwa bashwekulwe; nerhu rhweshi rhwanywesizwe omu Muka muguma.
\v 14 Bulal'omubiri chiri chigabi chiguma, aliko biri binene.
\v 15 Nko kugulu kwaka derha: Bulala nyono ntali kuboko, ntali w'oku mubiri, enyanya lyantyo ka gurhali mubiri?
\v 16 N'akab'ogurwiri kwa nka derha: Bulala ntali lisho ntali wa mubiri; enyanya lyantyo ka gurhali mubiri?
\v 17 Akab'omubiri goshi liri lisho, oku yunva kuli ngahe? n'akaba'omubirti goshi kuli gurwiri, oku huniriza kuli ngahe?
\v 18 Aliko Nyamuzinda ahebere buli chigabi omu mubiri, nko ku byalimusimisize yewe.
\v 19 N'ankaba byoshi byankabere chigabi chiguma gurh'omubiri gwakabere?
\v 20 Aliko lero ebigabi bili binene, s'omubiri guli muguma.
\v 21 N'elisho lirhanka bwir'okuboko: Nta kulagireko; changwa n'erhwe lirhanka bwir'amagulu: Nta balagireko.
\v 22 Nantyo bwenene kulusha, ebigabi by'omubiri bibonekene nka bizamba, biri bya bulagirire bwenene;
\v 23 n'ebigabi by'omubiri bila rhunamenya mpu birhaherhe lukengo, biher'olukengo bwenene kulusha n'ebigabi byerhu birha herh'obwinja biherh'obwinja bwenene kulusha.
\v 24 Bulal'ebigabi byerhu binja birha herh'obulagirire; aliko Nyamuzinda ashweker'omubiri, ah'echigabi chibonerwerw'oku bukenge bunene kulusha.
\v 25 Mpu ly'akabolo karhab'omu mubiri, alikw'ebigabi bilangane.
\v 26 Nka chigabi chiguma chankababala byoshi byana lumwa haguma; changwa nka chigabi chiguma chanka habw'eshagali byoshi byana sima.
\v 27 Muli mubiri gwa Kristu, munali bigabi byage buli chiguma oku lwacho.
\v 28 Na Nyamuzinda aheber'abandi omu shengero, aba burhanzi entumwa, aba kabiri abalebi, aba kasharhu abigiriza, buzinda abaherh'eshokano y'ebisomezo, n'ey'okufumya, ey'okurhabala, y'okurhambula n'oku derha oku nderho zindizindi.
\v 29 Ka boshi bali ntumwa? Kaboshi bali balebi? Ka boshi bali bigiriza?
\v 30 Ka boshi baherh'enshokano y'ebisomezo? Ka boshi baherh'eshokano y'okufumya? Ka boshi baderha oku nderho? Ka boshi basabanula?
\v 31 Mube n'enyorha y'eshokano zizibuzibu. Nabayerek'enjira nyinja bwenene.
\c 13
\cl Chigabi 13
\p
\v 1 Nka na nkaderha oku luderho lw'abantu nolwa bamalayika ntana gwerh'obusime, erindi nka mudende guli gwalaka, changwa nka kasayo kali kavuga.
\v 2 N'akaba na kagwarh'obulebi n'oku manya amahwe goshi n'obwenge boshi; n'akaba naka gwarh'obuyemere chiro b'oku hamis'entondo, nka ntagwer'obusime eri ntali chintu.
\v 3 Nka na kahan'obugale bwani boshi okulis'abakene, ntole n'omubiri gwani guyosw'omu chiko, aliko nka nta gwerh'obusime ntacho na kayunguka.
\v 4 Obusime buna komerera, kuchirhonda, obusime burhajira mujinya, burhajir'okuchibona, burhajir'oburhengu.
\v 5 Burhabula kuba n'obukenge, burha chilonzeza, burha luba duba, burha ganja bubi.
\v 6 Burhashagalukira bubi chi bushagalukir'okuli.
\v 7 Bubabalira byoshi, buyemera byoshi, bulangalira byoshi, bukomerera byoshi.
\v 8 Obusime burhahombera chiro n'ehityu, aliko akaba bulebi nji bwakulwa, akaba nderho nji zahwa, n'akaba bwenge nji bwakulwa.
\v 9 Bulala rhumanyire oku. bugeke, rhujira n'obulebi oku bugeke.
\v 10 Aliko amango ebiyunjwire bya yinja, ebigeke byanarhenga.
\v 11 Amango na liri mwana, na derhaga nka mwana, n'oku ganiza nka mwana, na gerereza nka mwana. Aliko na bere na kula, na lek'eby'obwana.
\v 12 Bulala buno rhuli rhwabonera omu chiyo, nk'okulwiganyo, s'alikw'ago mango mesh'oku mesho; gano mango nyinji bigeke, s'alikw'agomango nji nabimenya nk'okunanyinji.
\v 13 Ntyo lero hayumangire bisharhu: Obuyemere, obulangalire n'obusime, alik'omwazi mukulu omu yoshi buli busime.
\c 14
\cl Chigabi 14
\p
\v 1 Mukulikir'obusime, mube n'enyorha bwenene mubon'ebihembo bya Muka, aliko kulusha eby'obulebi.
\v 2 Bulala oderha okuluderho arhaderha n'abantu, s'aliko na Nyamuzinda; bulala nta muntu oly'amuyunva, aliko omu Muka an'aderh'amahwe.
\v 3 S'aliko oly'aderha obulebi, aderha n'abantu emyazi y'oku yumbaka, y'oku fumbamiz'omurhima n'oku rhuliriza.
\v 4 Oly'aderha olu derho achi yumbaka yenine. S'alik'oly'aderh'obulebi ayumbak'eshengero.
\v 5 Aliko nshondere mweshi muderh'okuluderho, si bwenene muderh'obulebi, bulala oderha obulebi ali mukulu kulusha ow'oluderho orhakagala sabanula ly'eshengero linyumbakwa.
\v 6 Nantyo, bene berhu nka na kayinj'emwenyu n'oku derha olu derho bichi na nka bayungula, nka nta derhere eby'okufunula, changwa eby'oku manya, changwa eby'obulebi, changw'enyigirizo?
\v 7 Chiro na ntyo, ebintu birhajira kalamo biri kw'omulenge, nk'omulizi changwa enanga nkabirhashushene, omulenge guderh'emyazi ya yimpirwe oku mulizi changw'oku nanga gwa nkamanyikana?
\v 8 Bulala nk'eholere likakul'omulenge gurhamanyikene inde wa kachirheganya oku birha?
\v 9 Kona kuguma nenyu, nka murhaderh'olulimi l'okuyunvikana, gurh'omwazi mwa derhere gwanka manyikana? Bulal'erimuli mwa derher'omu chihusi.
\v 10 Hali mberu zinene z'emirenge, s'aliko ntago gurha gwerhe obusabanuzi.
\v 11 Akaba nta manyir'ok'omulenge guderhere na nabamuhwinj'embere zolal'oderha, n'oly'aderha naye anaba nka muhwinj'embere zani.
\v 12 Kona kuguma nenyu, bulala muchifinjir'eshokano za Muka, nka kwa kaba kuyumbaka'eshengero, muzi gwarhe oku bunene.
\v 13 Bulala nka nahema oku luderho, aheme okwagala kusabanula.
\v 14 Bulala nkana hema oku luderho, omurhima gwani gwana hema, alik'obwenge bwani burhanka burh'amalehe.
\v 15 Gurhe njirage? Nahem'oku murhima, mpeme n'oku bwenge, na nyimp'oku murhima nyimpe n'oku bwenge.
\v 16 Oku handi, nkawashenga oku murhima, gurh'oli oku mulongo gw'omuntu wa bantu agashubiza (Amina) oku biwasheng'arhana yunvirh'ebiwaderhere?
\v 17 Nechi, okoli wa shengera kuli kwinja, alik'owindi birha muyumbakire.
\v 18 Nderhere koko emwa Nyamuzinda bulala nderhere oku luderho kulusha mweshi.
\v 19 Alik'omu shengero, nsima nderhe myazi erhano oku bwenge bwani, omu kuyigiriz'abandi ahali h'oku derha myazi bihumbi kumi oku luderho.
\p
\v 20 Bene berhu, murhaba ban'omubwenge, si mube ban'omu buhwinja. s'omu bwenge mube bantu bagumaguma.
\v 21 Biyandikirw'omu marhegeko; oku lulimi lwa bandi bantu n'oku bunu bwabagenzi kunji na derha nabo bantu; barhakanayunva. Ntyo kwa derhere Nahano.
\p
\v 22 Ob'oluderho chiri chimanyiso, arhali cha bemezi s'aliko cha barhali bemezi, obulezi nabo chiri chimanyiso arhali cha barhayemerere, s'aliko cha bayemezi.
\v 23 Akab'omu shengero mweshi mwa kaderha oku luderho muli n'abandi balambagizi changw'abarhali bayemezi, kabarhankaderh'oku muli basire?
\v 24 Aliko nka boshi ba nkaleba, n'omo muyinjir'abarhali bayemezi changwa omuntu konine ana hanulwa na boshi, ana kalihirwa na boshi.
\v 25 Amahwegw'omurhima gwage gana bonekana, ana fukama, anashenga Nyamuzinda, ana yamagiza oku Nyamuzinda aly'ahagarhi kenyu.
\p
\v 26 Bene werhu gurhe rhujirage? Amango mwamabugana ngasi muguma agwerh'olwimpo, agwerh'enyigirizo, agwerhe oluderho, agwerh'obulebi, agwerh'obusabanuzi, byoshi bijirike omu kuyumbakak'eshengero.
\v 27 Akab'omuntu akaderha oku luderho, baderhe babiri changwa barharhalukaga basharhu, baderhe muguma muguma; n'owindi asabanule.
\v 28 Alik'akaba ntaye woku sabanula basire omu shengero; aderher'emurhima gwage na Nyamuzinda.
\v 29 Abalebi babiri changwa basharhu baderhe, n'owindi agerul'emyazi yabo.
\v 30 Aliko nk'owindi oyikere hofi nabo akashukulirwa omwazi, omurhanzi asire.
\v 31 Bulala mweshi mwakagala kuleba muguma muguma, boshi bayigirizwe, na boshi barhulirizwe.
\v 32 N'emirhima y'Abalebi ekeng'Abalebi.
\v 33 Bulala Nyamuzinda arhali Nyamuzinda w'entabange, s'aliko w'omurhula, nka kulala omu mashengero goshi gabachesibwa.
\v 34 Abakazi bazire omu shengero.
\v 35 N'akaba bakalonza oku yigirizw'omwazi, badose beba omu mwabo: Bulala ziri shonyi omukazi okuderha omu shengero.
\v 36 Gurhe? Omwazi gwa Nyamuzinda gwarhengaga emwenyu? Changwa gwa bahikiraga mwabo mwenine?
\p
\v 37 Akab'omuntu akachimenya oku ye mulebi changwa oku ye muntu w'omuka, amenye eyimyazi bayandikire mwabo, oku, eyi myazi eri rhegeko lya Nahano.
\v 38 Alik'omuntu aka chijira chinganyi, abe chinganyi.
\p
\v 39 Enyanya ly'oko, bene berhu, mube n'enyorha y'okuleba, murhana lahizaga oku derha oku luderho.
\v 40 Aliko byoshi bikolwe oku bwinja n'oku bwirhonzi.
\c 15
\cl Chigabi 15
\p
\v 1 Nantyo bene berhu, imbayibusize omwazi naba yigirizaga mwanagugwarha, gumunayumangireko.
\v 2 Na kugererago mwachunguka, nka mugugwarhire nk'okunabayigirizaga gwo, mwaba murhayemerer'obusha.
\v 3 Naba yigirizaga burhanzi bwa byoshi, nk'okuna yigirizwaga nani oku Kristu afaga enyaya z'ebyaha byerhu nk'ok'olwandiko luderhere;
\v 4 Ahambwa, ana fuka enyuma wa siku esharhu, kugerera olwandiko.
\v 5 Abonekana na Kefa kandi n'okw'e kumi na babiri.
\v 6 Kandi abonekana oku bunene na bene berhu magana marhano oku liguma, baguma omubo bazene kugerera zene n'abandi bafire.
\v 7 Kandi abonekera Yakobo n'entumwa zoshi.
\v 8 Oku buzinda lero boshi, ambonekera nani nyenine nka muguma wa balala baburhwag'embere z'ebisanzi.
\v 9 Buno ndi mwana omu ntumwa, ntahunire mpamagalwe ntumwa buno nalirhindibwiz'eshengero lya Nyamuzinda.
\v 10 Oku lukogo lwa Nyamuzinda ndi oku ndi, n'oku lukogo lwage oku nyono lurhali lwa busha, oku bunene nalikolere kulusha boshi, s'aliko arhali enyanya w'emisi yani, s'oku lukogo lwa Nyamuzinda luli haguma nani.
\v 11 Nantyo na kaba nyono, na nka bowe, intyo rwayigiriz'omwazi, nantyo ku mwayemeraga.
\p
\v 12 Lero na nkaba ruyigiriza oku Kristu afukaga omu bafire, chirhumire baguma mu mwabo baderha mpu nta bufuke bwa bafire?
\v 13 Aliko nka nta bufuke bwa bafire k'okuderha ku Kristu arhafukaga.
\v 14 N'akaba Kristu arhafukaga, k'okuderha okw'enyigirizo zerhu ziri za busha n'obwemere bwerhu buli bwa busha.
\v 15 Nechi, byanabonekana oku nerhu rhunali babeshi ba Nyamuzinda, buno rhwajirire obuhamya bw'obubeshi oku Nyamuzinda alifulire Kristu, nabo arhamufulaga; nkab'abafire barhaka fuka.
\v 16 Bulal'akaba, abafa barhafuka, Kristu naye arhafukaga.
\v 17 Nakaba Kristu arhafulwaga obwemere bwenyu buli bwa busha, munachiri omu byaha byenyu.
\v 18 Na balala bafaga omu Kristu baherere.
\v 19 Nakaba mwako kalamo konyine murhulangalire Kristu, rhuherere kulusha abantu boshi.
\p
\v 20 Lero kandi Kristu afukire omu bafire, ali waburhanzi omu bafire.
\v 21 Bun'olufu lwahikaga enyanya za muntu muguma, n'enyanya za muntu muguma obufuke bwa bonekana oku bafire.
\v 22 Na bulala boshi bafa omu Adamu, nantyo boshi nji balama omu Kristu,
\v 23 S'aliko ngasi muntu oku mikolere yage, Kristu nka ntulo na boshi bali bage amango agaluka.
\v 24 Nantyo, obuzinda bwanayinja oku lusiku jahana obwami oku Darha Nyamuzinda, amango nja kul'obwimiko boshi, n'oburhegesi boshi n'obukulu boshi.
\v 25 Bulala kuhika nja rhegeke n'okuhir'abashombanyi bage boshi eshishi wa magulu gage.
\v 26 Omu shombanyi muzinda njiwa limbulwa nji lwaba lufu.
\v 27 Bulala byoshi byahirwagw'eshishi ya magulu. S'aliko nkala nderh'oku byoshi abihabirwe kubinali okw'amuhag'ebintu byosh'ayemererwe.
\v 28 N'ebintu byoshi abihabwagwa, nanty'omugala yenyine nji abiheb'eshishi yage y'olala wahebaga byosh'emwage, mpu Nyamuzind'abe byosh'omu byoshi.
\p
\v 29 Nankab'arhalintyo, balala boshi babatizwagw'enyanya z'emifu, bichi nji bajira? Nkab'abafire bakafuka, chirhuma babatizwa enyanya lyabo?
\v 30 Nerhu chirhumire rhwayumang'omu bidarhi ngasi mango?
\v 31 Nechi, bene berhu, enyanya ly'oku chikuza kwani emwenyu omu Kristu Yesu, na nafa ngasi mango.
\v 32 Nkaba enyanya za bantu na lwaga n'enyama zikalihire eyo Efeso, kamaro kanene mperhe nkaba, abafire barhakafuka? Rhulye, rhunywe bun'omusezi rhwafa.
\p
\v 33 Murharhebekwagwa: Emyazi ebihir'ena bihy'olukengo.
\v 34 Muzuke oku bushinganyanya, murhajirag'ebyaha; Bulal'abandi barhenji Nyamuzinda: Imbabwirire ntyo yimbakoz'eshonyi.
\p
\v 35 Aliko hali omuntu wakaderha; gurh'abafire baka yomoka? Mubiri guchi bayinja nago?
\v 36 Ego chihwinja, emburho erhwera erhanalama eri za rhangirekufa?
\v 37 N'ebyo rhwera, wana rhwer'ogo mubiri erigu naliho, aliko mburho ya busha; nkaba ya ngano, chango yindi mberu.
\v 38 S'aliko Nyamuzinda anayih'omubiri nko kwashashire, na ngasi mburho gwage mubiri.
\v 39 Enyama zoshi zirhali kuguma, bulala hali y'abantu, n'eyindi y'enyama, n'eyindi y'enyunyi, n'eyindi y'efi.
\v 40 Hali n'emibiri y'empingu n'emibiri y'egulu: S'aliko obukuze bw'emibiri y'empingu bulihale, n'obukuze bw'emibiri y'egulu bulihale.
\v 41 Hali obukuze buguma bw'ezuba, n'obwindi bukuze bw'omwezi, n'obwindi bukuze bw'enyenyezi, bulal'enyenyezi ngum'eherh'obukuze bwagebwage n'eyindi nyenyezi.
\v 42 N'obufuke bw'abafire nabo ntyo. Bwanashwerw'omu kubola, bwanafuka omu kurhabola:
\v 43 Bwanarhwerw'om shonyi; bwanafuk'omu bukuze: Bwanarhwerw'omu buzamba, bwanafuk'omu buhashe.
\v 44 Wanarhwer'omu mubiri gw'engeso, gwanayomwok'omubiri gw'omurhima.
\v 45 Kubina yandikirw'entyo: omuntu waburhanzi, Adamu, aba muka guzene; Adamu w'obuzinda guli murhima guhan'akamo.
\v 46 S'alik'oyo w'omurhima gurhali gw'oburhanzi s'ogola gw'engeso, n'obuzinda ow'omurhima.
\v 47 Omuntu wa burhanz'arhengaga omw'igulu, w'obudaka, n'omuntu wa kabiri ali Nahano wa rhengag'empingu.
\v 48 Nk'oko w'obudaka ali kubinali ab'obudaka; n'okow'empingu ali, intyo kubanali abali b'empingu.
\v 49 N'okurhwarholaga eshusho lyoyo w'obudaka, intyo kubinali njirhwarhol'eshusho lyoyo w'empingu.
\p
\v 50 Echinderhere chiri ch'echino; eminyofu n'eshagama birhakaj'omu bwami bwa Nyamuzinda, changw'okubola kushole okurhabola.
\v 51 Mulole, mbabwirir'omu mahwe: Rhweshi nji rhurhafa, s'aliko rweshi nji rhwahindamuka.
\v 52 Oku kashanji kaguma, omu kuziba n'okuzibula, oku mushekera gw'obuzinda, bulal'omushekera nji gwayimpa, na bafire nji bafuka barhanabolere, nji rhwahindamuka.
\v 53 Bulala ngasi gubolere nji gwayambala ogu rhabolere, na guno gw'okufa gu yambal'okurhafa.
\v 54 S'aliko amango kubola kwayambala oku rhali kubola, n'ogokufa guyambale ogurhali g'okufa, g'amango nji gwahikirir'omwazi gwa yandikwaga: Olufu lwamirirwe omu kuhima.
\q
\v 55 Ego lufu, okuhima kwawe ngahe kuli? Ego lufu, okuluma kwawe ngahe kuli?
\p
\v 56 Lero, okuluma kw'olufu chiri chaha, n'emisi y'echaha liri rhegeko.
\v 57 S'aliko koko ku Nyamuzinda orhuh'okuhima kwa Nahano werhu Yesu Kristu.
\v 58 Na ntyo bene berhu basimwa, muyumang'omu kuli murhajag'eyi n'eyi, mugendeker'esiku zoshi oku kol'akasi ka Nahano bulala mumenyere kw'akasi kenyu karhali bush'emwa Nahano
\c 16
\cl Chigabi 16
\p
\v 1 Enyanya z'entulo z'abachizizwe nk'oku nabwirag'eshengero ly' e Galatiya nenyu kumunajirage ntyo.
\v 2 Olusiku lwa burhanzi lw'eboso, ngasi muntu abike ehyage, nk'okw'anaherhe, y'entulo zirhajirikag'amango namahika.
\v 3 Nani amango namahika nanarhuma balala mwalondola oku maruba, baheke entulo zenyu e Yerusalemu;
\v 4 Nji bikagalikana ngende haguma nabo, rhwebalame haguma nabo.
\v 5 S'aliko nayinj'emwenyu eri namagera oku Makedoniya; bulala nagererag' e Makedoniya.
\v 6 Akaba naber'emwenyu, nechi, nji nachiberayo amango g'emboho, yimumbalamisa emunda yoshi naja.
\v 7 Bulala ntalonza rhubonane gano mango, bulala ndonzeze mbere haguma n'enyu omu bisanzi bigeke, oku bulonza bwa Nahano.
\v 8 S'aliko naber'Efeso kuger'olusiku lukulu lwa Pentekoste.
\v 9 Bulala nchingulirw'olunvi lunene lwa kamaro na bashombanyi balugire.
\p
\v 10 Na ntyo Timoteyo akayinja, mujire arhayubahaga, bulal'akola kuguma nani akasi ka Nahano.
\v 11 Nta muntu omubonererage, mu muherekeze n'omurhula yager'emunda ndi; bulala ndi na mulinga na beneberhu.
\v 12 Oku bilolere mwenerhu Apolo, nali muyingingire bwenene abalambagirire haguma na beneberhu, s'aliko burhali bulonza bwage oku bikola buno; nj'agenda amango abon'akashanji.
\p
\v 13 Mulole, muyumange bwinj'omu bwemere, mube balume bachirhondere.
\v 14 Ebi mwakola byoshi bib'omu busime.
\p
\v 15 Na ntyo mbayingingire beneberhu. Mu menyere kw'enju ya Stefano, yewe eri ntulo ya Akaya, nabo bonine bachihirire omu kasi k'oku koler'abachesibwa.
\v 16 Na ntyo mukenge abantu bali nkabo na ngasi yeshi okola n'orhama haguma nabo.
\v 17 Nani nsimire omu kurhengerera kwa Stefano na Fortunato na Akaiko: Bulala chilala chakehag'emwenyu ba chimpereze.
\v 18 Bulala basimisiz'omurhima gwani n'omurhima gwenyu; na ntyo mu menyere bwenene abo bantu bali nkabo.
\p
\v 19 Amashengero g'Aziya gabalamusize nenyu. Akila na Prisila babalamusize bwenene oku zino lya Nahano haguma n'eshengero lishimanana omu nju zabo.
\v 20 Beneberhu boshi babalamusize. Mulamusane oku luhoberano luchere.
\p
\v 21 Mbalamusize nyono Paulo oku fune yani nyenine.
\v 22 Nk'omuntu arhakasima Nahano Yesu Kristu, ahehererwe; maranatha.
\v 23 Olukogo lwa Nahano Yesu Kristu lube haguma nenyu.
\v 24 Obusime bwani bube haguma nenyu mweshi omu Kristu Yesu. Bibe ntyo.