Fri May 17 2019 22:18:10 GMT+0700 (SE Asia Standard Time)

01/01.txt

@@ -0,0 +1 @@
+\v 1 Surat ari Paulus, ulun Yesus Kristus, \v 2ke dikangauka nyadi rasul, lalu dipilih nusui Berita Manah Allah Taala, ti udah disemaya Allah Taala dulu kelia nengah sida nabi Iya, dalam Bup Kudus, \v 3iya nya Berita Manah pasal Anak Iya, ke ada nyadi mensia ari peturun Daud;

01/04.txt

@@ -0,0 +1 @@
+\v 4lalu dikumbai Anak Allah Taala ulih Roh pengudus, laban pengangkat Yesus Kristus Tuhan kitai ari mati. \v 5Ulih Iya, Allah Taala udah meri kami pengasih enggau pengawa nyadi rasul mai semua orang bansa bukai arap sereta ngasika nama Iya, \v 6nyengkaum kita ke dikangauka nyadi nembiak Yesus Kristus.

01/07.txt

@@ -0,0 +1 @@
+\v 7Ngagai semua kita ke dikerinduka Allah Taala di Roma, ke udah dikangauka nyadi nembiak Tuhan: Awakka Allah Taala ti Apai kitai enggau Tuhan Yesus Kristus meri kita pengasih enggau pemaik.

01/08.txt

@@ -0,0 +1 @@
+\v 8Tang aku enda tau enda dulu meri terima kasih ngagai Allah Taala aku dalam nama Yesus Kristus, ke semua bala kita, laban pengarap kita benung ditusui di serata dunya. \v 9 Laban Allah Taala, ke dipetuaika aku enggau pengabis ati aku lebuh aku nusui Berita Manah pasal Anak Iya, nemu aku endang enda ngetu ingatka kita \v 10 dalam sampi aku, minta Allah Taala, ari peneka Iya Empu, ngasuh aku ulih nemuai ngagai kita,

01/11.txt

@@ -0,0 +1 @@
+\v 11laban aku balat lelengauka kita, ngambika aku ulih bekunsika berekat Roh enggau kita, kena ngeringka kita. \v 12Utai ti ku aku nya, ngambika kitai sama diperansang ulih pengarap pangan diri, iya nya pengarap kita, enggau pengarap aku.

01/13.txt

@@ -0,0 +1 @@
+\v 13Aku dekaka kita nemu, menyadi, aku suah udah deka nemuai ngagai kita ngambika aku ulih mai orang ari bala kita arap, baka ti udah dikereja aku ba orang bansa bukai. Tang aku seruran bisi utai nanggul. \v 14Aku bisi tanggungjawap atas semua orang, orang ke udah mansang, enggau orang ke apin mansang, orang ke bisi pelajar, enggau orang ke nadai pelajar. \v 15Nya kebuah aku keran mega deka nusui Berita Manah ngagai kita ke diau di Roma.

01/16.txt

@@ -0,0 +1 @@
+\v 16Laban aku enda malu ke Berita Manah, laban nya kuasa Allah Taala kena nyelamatka genap iku orang ke arap, keterubah orang Yahudi, lalu mega orang bansa bukai. \v 17 Laban Berita Manah mandangka chara Allah Taala ngasuh orang bebaik enggau Iya, iya nya nengah pengarap kenyau ari pun datai ke ujung. Munyi ti ditulis, “Orang ke lurus deka idup ngena pengarap.

01/18.txt

@@ -0,0 +1 @@
+\v 18Laban pengeringat Allah Taala dipandangka ari serega ngelaban semua dosa enggau penyai mensia ti nagang sida nemu pemendar. \v 19Laban utai ti patut ditemu sida pasal Allah Taala, endang nyata ba sida, laban Allah Taala udah ngayanka utai nya ngagai sida.

01/20.txt

@@ -0,0 +1 @@
+\v 20Kenyau ari penumbuh dunya, kuasa Allah Taala ti meruan belama iya enggau kualiti Iya ti enda ulih dipeda, udah ditemu sereta dipeda mensia ari utai ti digaga Iya. \v 21Nya alai sida nadai kebuah enda nemu; laban taja pen sida nemu Allah Taala, tang sida enda ngemesaika Iya nyadika Allah Taala sida, tauka meri terima kasih ngagai Iya, tang sida berundingka utai ti nadai guna, lalu runding sida mapap sereta penuh laban pemetang.

01/22.txt

@@ -0,0 +1 @@
+\v 22Sida ngumbai diri bepenemu-dalam, tang sida beli, \v 23lalu sida nyilih mulia Allah Taala ti idup belama iya, enggau engkeramba ti digaga neladan gamal mensia ti enda ulih idup belama iya, tauka neladan gamal burung, tauka jelu, tauka ular.

01/24.txt

@@ -0,0 +1 @@
+\v 24Nya alai, Allah Taala nejuka sida ngereja ulah ti kamah ti dikinginka sida, ngambika sida ngamahka tubuh diri enggau pangan diri, \v 25laban sida nyilih pemendar pasal Allah Taala enggau pemula, lalu nyembah sereta betuaika utai ti digaga Allah Taala, ukai nyembah Allah Taala Empu ke ngaga semua utai lalu patut dipuji belama iya! Amin.

01/26.txt

@@ -0,0 +1 @@
+\v 26Nya kebuah Allah Taala nejuka sida nurutka pengingin sida ti jai. Indu beleman enggau indu; lalu baka nya mega lelaki enggai beleman enggau indu. \v 27Lelaki tetengukka lelaki, lalu sida enda nemu malu beleman enggau orang ke sama lelaki baka sida empu, lalu sida nerima ukum ba tubuh sida empu ketegal penyalah sida.

01/28.txt

@@ -0,0 +1 @@
+\v 28Nyadi laban sida ngumbai diri tau enda ibuh nemu Allah Taala, nya alai Iya nejuka sida diperintah runding ti jai, ngambika sida ngereja utai ti enda patut dikereja sida.

01/29.txt

@@ -0,0 +1 @@
+\v 29Sida penuh laban genap macham penyalah, penyai, pengamu, ati ti begedika orang. Sida kepapas, munuh orang, belaya, ngelakar, bedendam, bejakuka orang, \v 30bejai orang, begedika Allah Taala, nadai nemu bebasaka orang, sumbung, temegah, ngaga penyai, ngelaban apai indai, \v 31beli, enda tetap ati, nadai nemu berundingka orang, nadai nemu kasihka orang.

01/32.txt

@@ -0,0 +1 @@
+\v 32Sida nemu adat Allah Taala endang madahka orang ke ngereja utai nya patut dibunuh, tang sida ukai semina ngereja utai nya aja, tang sida mega meransang orang bukai ngereja utai nya.

01/title.txt

@@ -0,0 +1 @@
+1 -

02/01.txt

@@ -0,0 +1 @@
+\v 1Nya alai, enda milih sapa-sapa kita nya, kita nadai kebuah ngakim pangan diri, laban lebuh kita ngakim orang, kita ngukum diri empu, laban kita ke ngakim orang, mega ngereja utai ti dikereja sida. \v 2Ku kita, “Kitai endang nemu, ukum ti diberi Allah Taala ngagai orang ke ngereja utai nya, endang beduduk ba pemendar.”

02/03.txt

@@ -0,0 +1 @@
+\v 3Enda milih sapa-sapa kita nya, kati kita ngumbai diri ulih nyeliahka ukum Allah Taala ketegal kita ngakim orang ke ngereja utai nya, tang kita empu ngereja utai nya baka sida? \v 4Tauka kita ngeleseka pemesai penelap Allah Taala, pengetan enggau pengeliat ati Iya? Kati kita enda nemu, Iya nelap enggau kita laban Iya dekaka kita nesal ati ke dosa kita?

02/05.txt

@@ -0,0 +1 @@
+\v 5Tang laban kita kieh lalu enggai nesal ati, kita nugungka ukum ke diri empu lebuh Hari Pechara, lebuh pengelurus ukum Allah Taala dipandangka. \v 6Laban Iya deka ngupah orang nitihka utai ti dikereja sida siku-siku. \v 7Orang ke liat ati ngereja pemadas, lalu ngiga mulia, basa enggau pengidup ti meruan, deka diberi Iya pengidup ti meruan belama iya.

02/08.txt

@@ -0,0 +1 @@
+\v 8Tang orang ke semina berundingka diri empu aja, lalu enda ngasika pemendar, tang ngasika penyai, deka natka pengeringat enggau pemedis ati Allah Taala. \v 9Pemerinsa enggau penusah deka ditatka semua orang ke ngereja penyai, keterubah orang Yahudi, lalu mega orang bansa bukai,

02/10.txt

@@ -0,0 +1 @@
+\v 10tang mulia, basa enggau pemaik deka diberi ngagai genap iku orang ke ngereja pemadas, keterubah orang Yahudi, lalu mega orang bansa bukai. \v 11Laban Allah Taala enda bepilih mata. \v 12Semua orang ke bedosa ari luar Adat, deka mati ari luar Adat, lalu semua orang ke bedosa di baruh Adat, deka diakim Adat.

02/13.txt

@@ -0,0 +1 @@
+\v 13Laban ukai orang ke mendingka Adat ke dikumbai Allah Taala lurus, tang orang ke ngasika Adat. \v 14Orang bansa bukai nadai ngembuan Adat; tang tiap kali sida ngereja utai ti diletak Adat, nya nyadika adat sida, taja pen sida nadai ngembuan Adat.

02/15.txt

@@ -0,0 +1 @@
+\v 15Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadang-kadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah \v 16lebuh hari nya datai, nitihka Berita Manah ti ditusui aku, lebuh Allah Taala, ulih Yesus Kristus, ngakim resia runding semua mensia.

02/17.txt

@@ -0,0 +1 @@
+\v 17 Tang enti kita ngumbai diri orang Yahudi, lalu manggaika diri ba Adat, \v 18 lalu temegahka kaul kita enggau Allah Taala lalu nemu peneka Iya, lalu nemu ngira utai ti manah laban kita diajar pasal Adat,\v 19  lalu enti kita nemu diri nyadi malin ke orang ke buta, nyadi penampak ke orang ke diau dalam pemetang, \v 20 nyadi pengajar ke orang ke beli, enggau nyadi pengajar ke orang ke mit, laban Adat kita ngembuan semua penemu enggau pemendar,

02/21.txt

@@ -0,0 +1 @@
+\v 21lalu udah nya kita ngajar orang bukai, kati kita enda ngajar diri empu? Kita ngajar orang, enda nyagi orang ngenchuri, kati kita ngenchuri? \v 22Kita ke enda nyagi orang butang, kati kita butang? Kita ke begedika engkeramba, kati kita ngerumpak rumah sembiang engkeramba?

02/23.txt

@@ -0,0 +1 @@
+\v 23Kita ke temegahka Adat, kati kita ngelanggar Adat lalu ngeleseka Allah Taala? \v 24Laban endang udah ditulis, “Nama Allah Taala dikeleseka orang bansa bukai laban kita.”

02/25.txt

@@ -0,0 +1 @@
+\v 25Betutus endang bisi reti ba kita enti kita ngasika Adat, tang enti kita ngelanggar Adat, tutus nya nadai guna. \v 26Nya alai, enti orang bansa bukai ke enda ditutus, ngasika Adat, enda ka Allah Taala deka ngira iya sebaka enggau orang ke udah ditutus? \v 27Nya alai orang bansa bukai ke ngasika Adat deka ngumbai kita orang Yahudi, ke bisi Adat sereta udah ditutus, salah laban kita ngelanggar Adat.

02/28.txt

@@ -0,0 +1 @@
+\v 28Laban sapa orang Yahudi ke bendar, ke amat udah ditutus? Orang Yahudi ke bendar nya ukai orang ke semina ditutus ba batang tubuh. \v 29Orang Yahudi ke bendar nya orang ke ngaku diri orang Yahudi dalam ati iya. Lalu tutus ti bendar nya tutus dalam ati ukai ba batang tubuh. Tu pekara roh, ukai pekara tubuh. Orang ke baka nya ukai nerima puji ari mensia, tang ari Allah Taala.

02/title.txt

@@ -0,0 +1 @@
+2 -

03/01.txt

@@ -0,0 +1 @@
+\v 1Enti pia, nama penguntung ke orang Yahudi? Tauka, nama guna betutus? \v 2Mayuh penguntung! Kesatu, orang Yahudi udah diberi pesan Allah Taala.

03/03.txt

@@ -0,0 +1 @@
+\v 3Tang kati enti sekeda orang Yahudi enda tetap ati? Kati nya tau ngasuh Allah Taala enda tetap ati? \v 4Enda! Taja pen semua mensia bula, tang Allah Taala enda bula, munyi ti ditulis, “Ngambika Nuan ditemu lurus lebuh Nuan bejaku, lalu menang lebuh Nuan diakim.”

03/05.txt

@@ -0,0 +1 @@
+\v 5Tang enti penyai kitai nunjukka pengelurus Allah Taala, baka ni ku jalai kitai bejaku? Kati kitai tau ngumbai Allah Taala enda lurus laban Iya ringat ngagai kitai? (Aku bejaku ngena chara mensia.) \v 6Enda tau! Laban enti Iya enda lurus, baka ni ku Iya ulih ngakim dunya?

03/07.txt

@@ -0,0 +1 @@
+\v 7Tang enti pemula aku ngasuh pemendar pasal Allah Taala nyata agi, ke mulia nama Iya, nama kebuah aku agi dikumbai bedosa? \v 8Lalu nama kebuah enda nyebut -- sekeda orang betenah ngumbai kami bisi nyebut tu -- “Aram kitai ngereja penyai ngambika pemadas datai”? Awakka sida diukum.

03/09.txt

@@ -0,0 +1 @@
+\v 9Nama deh? Kati kitai manah agi? Enda! Laban aku udah madah, orang Yahudi enggau orang bansa bukai endang di baruh kuasa dosa, \v 10munyi ti udah ditulis: “Nadai siku ke lurus, siku pen nadai.

03/11.txt

@@ -0,0 +1 @@
+\v 11 nadai siku ke mereti, nadai siku ke ngiga Allah Taala. \v 12 Semua bela udah limpang magang. Semua sida nadai guna magang. Nadai siku ke ngereja utai ti badas, siku pen nadai.

03/13.txt

@@ -0,0 +1 @@
+\v 13Nyawa sida merangap baka lubang kubur ti enda ditutup. Sida nipu orang ngena dilah sida. Rachun liur ular ti bisa di baruh bibir mulut sida. \v 14Nyawa sida penuh laban jaku sumpah enggau pemenchi.

03/15.txt

@@ -0,0 +1 @@
+\v 15Sida jampat deka munuh. \v 16Sida ngerusak sereta ngemerinsa, \v 17lalu sida nadai nemu jalai pemaik. \v 18Sida enda nangika Allah Taala.”

03/19.txt

@@ -0,0 +1 @@
+\v 19Diatu baru kitai nemu, semua utai ti disebut Adat endang ditujuka magang ngagai orang ke di baruh Adat, ngambika semua mulut badu agi bejaku, lalu semua dunya diakim Allah Taala. \v 20Laban nadai siku ke lurus di mua Allah Taala ketegal nitihka Adat, laban Adat semina ngasuh kitai nemu pasal dosa.

03/21.txt

@@ -0,0 +1 @@
+\v 21Tang diatu pengelurus Allah Taala udah dipandangka, ari luar Adat, lalu Adat enggau sida nabi besaksika pasal pengelurus nya. \v 22Pengelurus ti ari Allah Taala nya datai ulih pengarap ke Yesus Kristus, ngagai semua orang ke arap. Laban semua mensia nadai bida ari pangan diri,

03/23.txt

@@ -0,0 +1 @@
+\v 23laban semua bela udah bedosa magang lalu jauh ari mulia Allah Taala. \v 24Diatu sida digaga lurus ulih pengasih ti diberi Iya pechuma, lebuh sida ditebus Yesus Kristus.

03/25.txt

@@ -0,0 +1 @@
+\v 25Allah Taala nyerahka Iya nyadika genselan kena muai dosa, ulih darah Iya, ti diterima ngena pengarap. Allah Taala ngereja nya kena Iya mandangka pengelurus Iya, laban ulih pengeliat ati Iya, Iya enda ngukum dosa ti udah dikereja dulu ari nya. \v 26Iya ngereja nya diatu kena Iya nunjukka Diri amat lurus, lalu ngaga orang ke arapka Yesus Kristus, nyadi lurus.

03/27.txt

@@ -0,0 +1 @@
+\v 27Enti pia, nama utai dikemegahka kitai? Nadai! Laban kitai ngasika Adat? Ukai, tang laban adat pengarap. \v 28Laban kitai nemu, orang digaga lurus ulih pengarap, ukai laban iya ngasika Adat.

03/29.txt

@@ -0,0 +1 @@
+\v 29Kati Allah Taala nya semina ke orang Judah aja? Kati Iya ukai Allah Taala ke orang bansa bukai mega? Iya mega Allah Taala ke orang bansa bukai, \v 30laban Allah Taala semina siku aja, lalu Iya deka ngaga orang Yahudi enggau orang bansa bukai lurus, ulih pengarap siti nya aja.

03/31.txt

@@ -0,0 +1 @@
+\v 31Enti pia, kati kitai muai Adat laban kitai bisi pengarap tu? Enda! Kitai ngeringka Adat.

03/title.txt

@@ -0,0 +1 @@
+3 -

04/01.txt

@@ -0,0 +1 @@
+\v 1Enti pia, baka ni ku kitai bejakuka pasal Abraham ke nurunka bansa kitai? \v 2Laban enti Abraham udah digaga lurus ulih pengawa ti dikereja iya, iya bisi utai ti tau dikemegahka iya, tang ukai di mua Allah Taala. \v 3Laban nama utai ti disebut Bup Kudus? “Abraham arapka Allah Taala, lalu ketegal nya, Allah Taala ngumbai iya lurus.”

04/04.txt

@@ -0,0 +1 @@
+\v 4Ba orang ke bekereja, gaji ukai dikumbai pemeri, tang upah. \v 5Tang orang ke enda ngereja pengawa, tang manggaika pengarap iya ba Allah Taala ke ngaga orang ke jai nyadi lurus, orang nya deka dikumbai lurus ketegal pengarap iya.

04/06.txt

@@ -0,0 +1 @@
+\v 6Nya meh gaya utai ti disebut Daud lebuh iya merekatka orang ke dikumbai Allah Taala lurus, enda ngira utai ti dikereja orang nya. Ku iya, \v 7“Beberekat meh orang ke udah diampun ari penyalah sida, lalu dosa sida dilamun. \v 8 Beberekat meh orang ke bempu dosa ti enda dikingatka Tuhan!”

04/09.txt

@@ -0,0 +1 @@
+\v 9Kati berekat nya semina diberi ngagai orang ke udah ditutus, tauka diberi mega ngagai orang ke enda ditutus? Kami udah madahka Abraham dikumbai lurus ketegal pengarap iya. \v 10Kemaya Abraham dikumbai lurus? Sebedau tauka udah bekau iya ditutus? Iya dikumbai lurus ukai lebuh iya udah ditutus, tang sebedau iya ditutus.

04/11.txt

@@ -0,0 +1 @@
+\v 11Iya ditutus dudi agi ari nya, lalu tutus nya kena nanggam pengelurus iya ketegal pengarap iya lebuh iya apin ditutus. Nya alai Abraham nyadika apai semua orang ke arap, ke dikumbai Allah Taala lurus ketegal pengarap, taja pen sida enda ditutus. \v 12Lalu Abraham mega nyadi apai ke orang ke ditutus, ke ukai semina ditutus aja, tang idup neladan pengarap ti dikembuan apai kitai Abraham sebedau iya ditutus.

04/13.txt

@@ -0,0 +1 @@
+\v 13Laban semaya ti madahka Abraham deka bempu dunya ukai datai ngagai iya tauka ngagai peturun iya ulih Adat, tang ulih pengelurus ti datai ulih pengarap. \v 14Laban enti waris nya diberi ngagai orang ke nitihka Adat, reti nya, pengarap nadai reti, lalu semaya nya mega nadai guna. \v 15Laban Adat mai pengeringat Allah Taala. Tang enti Adat nadai, penyalah mega nadai.

04/16.txt

@@ -0,0 +1 @@
+\v 16Nya alai semaya nya bepanggai ba pengarap, ngambika semaya nya beduduk ba pengasih lalu dijamin deka diberi ngagai semua peturun Abraham, ukai semina ngagai orang ke nitihka Adat, tang mega ngagai orang ke bisi pengarap baka enggi Abraham, laban iya apai semua kitai, \v 17munyi ti udah ditulis, “Aku udah ngaga nuan nyadi apai ke mayuh bengkah bansa.” Nya meh jalai Allah Taala ti dikarapka Abraham ngaga semaya Iya enggau Abraham. Iya nya meh Allah Taala ke ngangkatka orang ari mati, ke ngasuh semua utai ti nadai, nyadi bisi.

04/18.txt

@@ -0,0 +1 @@
+\v 18Abraham arap lalu andal ati, lalu iya nyadi Apai ke mayuh bengkah bansa, munyi ti udah dipadahka ngagai iya, “Baka nya meh pemayuh peturun nuan.” \v 19Pengarap iya enda lemi lebuh iya berundingka tubuh diri ti nyau deka mati, (laban umur iya kira seratus taun), tauka lebuh iya berundingka Sarah ke mandul.

04/20.txt

@@ -0,0 +1 @@
+\v 20Iya nadai kakang mimit arapka semaya Allah Taala, tang mansang kering sekering dalam pengarap lalu ngemuliaka Allah Taala, \v 21laban iya nemu Allah Taala ulih ngereja utai ti udah disemaya Iya.\v 22Nya alai ketegal pengarap iya, “Abraham dikumbai lurus.”

04/23.txt

@@ -0,0 +1 @@
+\v 23Nyadi leka jaku “dikumbai lurus” ukai semina ditulis ke Abraham aja, \v 24tang ke kitai mega. Kitai deka dikumbai lurus enti kitai arapka Allah Taala udah ngangkatka Yesus Tuhan kitai ari mati. \v 25Iya udah dibunuh ketegal dosa kitai, lalu udah diangkatka ari mati ngambika kitai digaga lurus di mua Allah Taala.

04/title.txt

@@ -0,0 +1 @@
+4 -

05/01.txt

@@ -0,0 +1 @@
+\v 1Nya alai, laban kitai digaga lurus ulih pengarap, kitai diau dalam pemaik enggau Allah Taala ulih Yesus Kristus Tuhan kitai. \v 2 Ulih Iya kitai udah ulih datai ngagai pengasih ti alai kitai bediri diatu, lalu kitai deka temegahka pengadang kitai ke deka enggau bempu mulia Allah Taala.

05/03.txt

@@ -0,0 +1 @@
+\v 3Lalu ukai semina nya aja, tang kitai mega deka temegahka diri ke natka pemerinsa, laban kitai nemu pemerinsa deka ngadaka ati ti tan, \v 4lalu ati ti tan deka ngadaka perangai ti manah, lalu perangai ti manah deka ngadaka pengadang, \v 5lalu pengadang enda ngelebuka kitai, laban pengerindu Allah Taala udah dituang ke dalam ati kitai ulih Roh Kudus ke udah diberi ngagai kitai.

05/06.txt

@@ -0,0 +1 @@
+\v 6Laban lebuh kitai agi lemi, ba maya ti patut, Kristus mati ke orang ke jai. \v 7Iya ti bendar, jarang orang deka mati ngarika orang ke lurus. Nyangka orang berani mati ngarika orang ke manah.

05/08.txt

@@ -0,0 +1 @@
+\v 8Tang Allah Taala udah ngayanka pengerindu Iya ke kitai, iya nya lebuh kitai agi nyadi orang ke bedosa, Kristus mati ngarika kitai! \v 9Nya alai, laban kitai diatu udah digaga lurus ulih darah Kristus, tentu lebih agi ga kitai deka diselamatka ulih Iya ari pengeringat Allah Taala!

05/10.txt

@@ -0,0 +1 @@
+\v 10laban enti kitai, lebuh kitai agi nyadi munsuh Allah Taala, dibai bebaik enggau Iya ulih pemati Anak Iya, tentu lebih agi ga kitai deka diselamatka ulih nyawa Iya lebuh kitai udah dibai bebaik enggau Iya. \v 11Tang ukai semina nya aja; tang kitai mega rami gaga ati ke utai ti udah dikereja Allah Taala ulih Yesus Kristus Tuhan kitai, laban Iya udah mai kitai bebaik enggau Allah Taala.

05/12.txt

@@ -0,0 +1 @@
+\v 12Nya alai, baka dosa ti datai ngagai dunya nengah orang siku, lalu pemati datai laban dosa, nya alai pemati ngelekai ngagai semua mensia, laban semua bela udah bedosa. \v 13Iya ti bendar, dosa endang udah bisi di dunya sebedau Adat diberi, tang dosa nadai kena itung laban Adat apin bisi.

05/14.txt

@@ -0,0 +1 @@
+\v 14Tang taja pia, pemati endang udah merintah kenyau ari Adam nyentuk ngagai maya Musa, nyengkaum orang ke bempu dosa ti enda sebaka enggau penyalah Adam, ti ngambarka gaya orang siku ke deka datai. \v 15Tang pemeri ti diberi pechuma nya enda baka dosa Adam. Laban enti mayuh orang mati ketegal dosa orang siku nya, tentu mayuh agi ga pengasih Allah Taala enggau pemeri ti diberi pechuma deka diberi ngagai orang mayuh, ulih orang siku, iya nya Yesus Kristus.

05/16.txt

@@ -0,0 +1 @@
+\v 16Lalu pemeri ti diberi pechuma nya enda baka dosa orang siku nya. Laban atur ti diberi udah bekau dosa siti nya nyadi, mai ukum, tang pemeri ti diberi pechuma udah bekau mayuh dosa nyadi, mai pengelurus. \v 17Enti ketegal dosa orang siku, pemati merintah ulih orang siku nya, tentu lebih agi ga orang ke nerima pengasih enggau pengelurus ti diberi pechuma deka merintah dalam pengidup tu, ulih orang siku, iya nya Yesus Kristus.

05/18.txt

@@ -0,0 +1 @@
+\v 18Nya alai, baka dosa orang siku ti mai ukum ngagai semua mensia, baka nya mega pengawa ti lurus ti dikereja orang siku deka mai pengelurus enggau pengidup ngagai semua mensia. \v 19Laban baka orang siku ke enda ngasi nya mai mayuh orang bedosa, baka nya mega mayuh orang deka digaga lurus laban orang siku ngasi.

05/20.txt

@@ -0,0 +1 @@
+\v 20Tang Adat datai, lalu tu ngasuh penyalah betambah; tang lebuh dosa betambah, pengasih Allah Taala betambah mayuh agi, \v 21ngambika, baka dosa ti merintah ngena pemati, baka nya mega pengasih merintah ngena pengelurus lalu mai ngagai pengidup ti meruan belama iya, ulih Yesus Kristus Tuhan kitai.

05/title.txt

@@ -0,0 +1 @@
+5 -

06/01.txt

@@ -0,0 +1 @@
+\v 1Nya alai, baka ni ku jalai kitai bejaku? Kati kitai majak bedosa, ngambika pengasih nambah-menambah? \v 2Enda! Baka ni ku kitai ke udah mati ke dosa, tau majak diau dalam dosa? \v 3Kati kita enda nemu, semua kitai ke udah dibaptisa ke dalam Yesus Kristus, udah mega dibaptisa ke dalam pemati Iya?

06/04.txt

@@ -0,0 +1 @@
+\v 4Nya alai, kitai udah dikuburka sama enggau Iya laban kitai udah dibaptisa ke dalam pemati Iya, ngambika baka Kristus ke diangkatka ari pemati ulih mulia Apai, baka nya mega kitai deka idup dalam pengidup ti baru. \v 5Laban enti kitai udah begempung enggau Iya dalam pemati Iya, kitai tetap mega deka begempung enggau Iya dalam pengangkat Iya ari mati.

06/06.txt

@@ -0,0 +1 @@
+\v 6Kitai nemu, pendiau kitai ti lama udah diregang sama enggau Iya, ngambika tubuh ti bedosa dirusak, lalu kitai enda agi nyadi ulun dosa. \v 7Laban barang sapa mati, dilepaska ari dosa.

06/08.txt

@@ -0,0 +1 @@
+\v 8Tang enti kitai udah mati enggau Kristus, kitai mega arapka diri deka idup enggau Iya. \v 9Kitai nemu, Kristus ke diangkatka ari mati, enda agi mati. Pemati nadai agi kuasa atas Iya.

06/10.txt

@@ -0,0 +1 @@
+\v 10Pemati ti ditatka Iya nya pemati ke dosa, sekali aja, tang pengidup ti diasaika Iya diatu nya pengidup Iya ke Allah Taala. \v 11Nya alai kita enda tau enda ngumbai diri mati ke dosa, lalu idup ke Allah Taala dalam Yesus Kristus.

06/12.txt

@@ -0,0 +1 @@
+\v 12Nya alai, anang nejuka dosa merintah tubuh kita, ti ngasuh kita ngasika pengingin tubuh. \v 13Anang agi nyerahka tubuh kita ngagai dosa, nyadika senyata kena ngereja penyai, tang serahka diri ngagai Allah Taala baka orang ke udah dibai ari pemati ngagai pengidup, lalu serahka tubuh kita ngagai Allah Taala nyadika senyata kena ngereja pengelurus. \v 14Laban dosa nadai agi merintah kita, laban kita ukai di baruh Adat, tang di baruh pengasih.

06/15.txt

@@ -0,0 +1 @@
+\v 15Nama deh? Kati patut kitai bedosa laban kitai ukai di baruh Adat, tang di baruh pengasih? Enda tau sekali-kali! \v 16Kati kita enda nemu, enti kita nyerahka diri ngagai orang ngambika kita ngasika iya baka ulun, kita nyadi ulun orang ke dikasika kita, nemuka kita nyadi ulun dosa ti mai ngagai pemati, tauka ngasika Allah Taala ti mai ngagai pengelurus?

06/17.txt

@@ -0,0 +1 @@
+\v 17Tang terima kasih ngagai Allah Taala, laban taja pen kita suba udah nyadi ulun dosa, tang kita, enggau pengabis ati kita, udah ngasika ajar ti bendar ti udah diberi ngagai kita, \v 18lalu laban kita udah dilepaska ari dosa, kita diatu udah nyadi ulun pengelurus.

06/19.txt

@@ -0,0 +1 @@
+\v 19Aku bejaku ngena penemu mensia, laban kita lemi. Laban baka kita suba ke udah nyerahka tubuh kita nyadika ulun pengamah, sereta majak balat-sebalat nyadika ulun penyai, baka nya mega kita diatu enda tau enda nyerahka tubuh kita nyadika ulun pengelurus, ngambika kita nyadi kudus. \v 20Lebuh kita nyadi ulun dosa, kita enda diperintah pengelurus. \v 21Tang nama penguntung kita suba, lebuh kita ngereja utai ti dikemaluka kita diatu? Semua utai nya ngujung ngagai pemati magang!

06/22.txt

@@ -0,0 +1 @@
+\v 22Tang laban kita diatu udah dilepaska ari dosa, lalu nyadi ulun Allah Taala, penguntung kita nya pengudus, ti ngujung ngagai pengidup ti meruan belama iya. \v 23Laban upah dosa nya pemati, tang pemeri ti diberi Allah Taala pechuma nya pengidup ti meruan belama iya dalam Yesus Kristus Tuhan kitai.

06/title.txt

@@ -0,0 +1 @@
+6 -

07/01.txt

@@ -0,0 +1 @@
+\v 1Kati kita enda nemu, menyadi--aku bejaku ngagai orang ke nemu Adat--Adat semina bekuasa atas orang lebuh orang nya agi idup?

07/02.txt

@@ -0,0 +1 @@
+\v 2Ambika banding, indu ke bisi laki, ditanchang adat ngagai laki iya, seagi-agi laki iya idup; tang enti laki iya mati, iya dilepaska ari adat ti nanchang iya ngagai laki iya. \v 3Lalu iya deka dikumbai butang enti iya diau enggau lelaki bukai lebuh laki iya empu agi idup. Tang enti laki iya mati, iya dilepaska ari tanchang adat nya, lalu enti iya belaki baru, iya enda butang.

07/04.txt

@@ -0,0 +1 @@
+\v 4Baka nya mega kita, menyadi. Kita udah mati ke Adat, laban kita diatu udah nyadi raban tubuh Kristus, ngambika kita seraban enggau pangan diri, diempu Iya ke udah diangkatka idup baru ari mati, ngambika kitai bebuah ke Allah Taala. \v 5Lebuh kitai idup dalam tubuh kitai tu, pengingin kitai ti bedosa, ti disungkak Adat, mengkang bekereja dalam tubuh kitai, lalu ngeluarka buah ke pemati.

07/06.txt

@@ -0,0 +1 @@
+\v 6Tang diatu kitai udah dilepaska ari Adat, mati ari utai ti udah nanchang kitai suba, ngambika kitai enda agi nyadi ulun Adat ti lama udah ditulis, tang nitihka jalai ti baru ti diberi Roh Kudus.

07/07.txt

@@ -0,0 +1 @@
+\v 7Enti pia, baka ni ku jalai kitai bejaku? Kati kitai ngumbai Adat nya dosa? Enda! Enti nadai Adat, aku tentu enda nemu utai ti dikumbai dosa. Aku tentu enda nemu reti utai ti dikumbai inginka utai orang, enti Adat nadai udah nyebut, “Anang inginka utai orang.” \v 8Tang dosa udah tetemuka peluang dalam Adat, lalu ngaga semua macham pengingin ke utai orang dalam ati aku. Enti nadai Adat, dosa mati.

07/09.txt

@@ -0,0 +1 @@
+\v 9Aku menya udah idup ari luar Adat, tang lebuh pesan datai, dosa idup baru lalu aku mati, \v 10lalu pesan ti besemaya deka meri pengidup, udah munuh aku.

07/11.txt

@@ -0,0 +1 @@
+\v 11Laban dosa, lebuh iya udah tetemuka peluang dalam pesan nya, nipu aku lalu munuh aku ngena peluang nya. \v 12Nya alai, Adat endang kudus, lalu pesan endang kudus, lurus, sereta badas.

07/13.txt

@@ -0,0 +1 @@
+\v 13Enti pia, kati utai ti badas mai pemati ngagai aku? Enda! Dosa ti mai pemati ngagai aku, ngena utai ti badas, ngambika dosa dipandangka endang amat dosa, lalu ulih pesan, dosa nya dipandangka amat utai ti pemadu jai. \v 14Laban kitai nemu, Adat endang asal ari Roh Allah Taala, tang asal aku ari mensia ke dijual nyadika ulun dosa.

07/15.txt

@@ -0,0 +1 @@
+\v 15Aku enda nemu utai ti dikereja diri, laban aku enda ngereja utai ti dikedekaka aku, tang ngereja utai ti dipegedika aku. \v 16Nyadi enti aku ngereja utai ti dikenggaika aku, reti nya aku besetuju ngumbai Adat nya badas.

07/17.txt

@@ -0,0 +1 @@
+\v 17Nya alai, ukai aku ke ngereja utai nya, tang dosa ti diau dalam aku. \v 18Laban aku nemu, nadai utai ti badas diau dalam aku, reti nya, dalam tubuh aku. Aku keran deka ngereja utai ti ngena, tang aku enda ulih ngereja utai nya.

07/19.txt

@@ -0,0 +1 @@
+\v 19Laban aku ukai ngereja utai ti badas ti dikedekaka aku, tang ngereja utai ti jai ti dikenggaika aku. \v 20Enti aku ngereja utai ti dikenggaika aku, ukai aku ke ngereja utai nya, tang dosa ti diau dalam aku. \v 21Nya alai, aku nemu, tu amat adat ba aku: lebuh aku deka ngereja utai ti badas, aku lalu milih penyai.

07/22.txt

@@ -0,0 +1 @@
+\v 22Laban dalam ati aku, aku endang rinduka adat Allah Taala, \v 23tang aku meda dalam tubuh aku, adat bukai beperang ngelaban Adat ti dalam ati aku lalu nanchang aku ngena adat dosa, ti diau dalam tubuh aku.

07/24.txt

@@ -0,0 +1 @@
+\v 24 Naka meh penusah aku tu! Sapa deka ngelepaska aku ari tubuh tu ti mai aku ngagai pemati? \v 25 Aku meri terima kasih ngagai Allah Taala ulih Yesus Kristus Tuhan kitai! \v 26 Nya alai, ngena runding aku, aku nyadi ulun adat Allah Taala, tang ngena tubuh aku, aku nyadi ulun adat dosa.

07/title.txt

@@ -0,0 +1 @@
+7 -

08/01.txt

@@ -0,0 +1 @@
+\v 1Nya alai diatu orang ke dalam Yesus Kristus nadai kena ukum agi, \v 2laban adat Roh ti meri pengidup dalam Yesus Kristus, udah ngelepaska aku ari adat dosa enggau pemati.

08/03.txt

@@ -0,0 +1 @@
+\v 3Laban Allah Taala udah ngereja utai ti enda ulih dikereja Adat laban mensia lemi. Nya alai Iya ngirumka Anak Iya Empu ngena gamal mensia ti bedosa, ngambika Iya muai dosa, ngukum dosa dalam tubuh mensia \v 4ngambika atur ti lurus ti dibai Adat dikamatka dalam kitai ke idup nitihka peneka Roh Kudus, ukai nitihka peneka mensia. \v 5Laban orang ke idup nitihka peneka mensia berundingka utai ti dikinginka mensia, tang orang ke idup nitihka peneka Roh Kudus berundingka utai ti dikedekaka Roh Kudus.

08/06.txt

@@ -0,0 +1 @@
+\v 6Runding ti ditumpuka ngagai peneka mensia, nuju ngagai pemati, tang runding ti ditumpuka ngagai peneka Roh Kudus, nuju ngagai pengidup enggau pemaik. \v 7Nya kebuah runding ti ditumpuka ngagai peneka mensia, bemunsuh ngelaban Allah Taala. Iya enda nunduk ngagai adat Allah Taala, laban iya ti bendar, iya endang enda ulih nunduk ngagai Adat nya, \v 8lalu orang ke nurutka peneka mensia, enda ulih ngerinduka ati Allah Taala.

08/09.txt

@@ -0,0 +1 @@
+\v 9 Tang kita ukai idup nitihka peneka mensia. Kita idup nitihka peneka Roh, laban Roh Allah Taala diau dalam kita. Barang sapa nadai Roh Kristus, ukai nembiak Kristus. \v 10Tang enti Kristus diau dalam kita, taja pen tubuh kita mati laban dosa, Roh Allah Taala meri kita pengidup laban pengelurus.

08/11.txt

@@ -0,0 +1 @@
+\v 11Enti Roh Iya ke udah ngangkatka Jesus ari mati, diau dalam kita, Iya ke udah ngangkatka Kristus ari mati, deka mega meri pengidup ngagai tubuh kita ti nemu mati, ulih Roh Iya ke diau dalam kita.

08/12.txt

@@ -0,0 +1 @@
+\v 12Nya alai, menyadi, kitai berutang, tang ukai ba mensia lalu idup nitihka peneka mensia, \v 13laban enti kita idup nitihka peneka mensia, kita deka mati, tang enti, ulih Roh Kudus, kita munuh pengawa ti bedosa ti dikereja tubuh kita, kita deka idup.

08/14.txt

@@ -0,0 +1 @@
+\v 14Laban semua orang ke diiring Roh Allah Taala endang anak Allah Taala. \v 15Laban kita ukai nerima roh ti ngasuh kita nyadi ulun penakut baru, tang kita udah nerima Roh ti ngiru kita nyadi anak Allah Taala. Lebuh kitai ngangau, “Abba! Apai!”

08/16.txt

@@ -0,0 +1 @@
+\v 16iya nya Roh Kudus Empu ke besaksi ngagai roh kitai, madahka kitai tu anak Allah Taala, \v 17lalu enti kitai tu anak Allah Taala, kitai bempu waris Allah Taala, sama bempu waris enggau Kristus, laban enti kitai amat merinsa sama enggau Kristus, kitai deka mega dimuliaka sama enggau Iya.