Tue May 22 2018 17:56:46 GMT+0700 (SE Asia Standard Time)

01/01.txt

@@ -0,0 +1 @@
+\v 1 Kitab tusut Yesus Kristus,keturun Daud, keturun Abraham. \v 2 Abraham apai Ishak, Ishak apai Yakub. Yakub apai Yehuda enggau sida menyadi iya. \v 3 Yehuda apai Peres enggau Zerah, indai sida Tamar. Peres apai Hezron. Hezron apai Ram.

01/04.txt

@@ -0,0 +1 @@
+\v 4 Ram apai Aminadab. Aminadab apai Nahason. Nahason apai Salmon.\v 5  Salmon apai Boas, indai iya Rahab. Boas apai Obed, indai iya Rut. Obed apai Isai. \v 6 Isai apai ari Raja Daud. Daud apai Salomo, indai iya udah kala nyadi bini Uria.

01/07.txt

@@ -0,0 +1 @@
+\v 7 Salomo apai Rehabeam. Rehabeam apai Abia. Abia apai Asa.\v 8  Asa apai Yosafat. Yosafat apai Yoram. Yoram apai Uzia.

01/09.txt

@@ -0,0 +1 @@
+\v 9 Uzia apai Yotam. Yotam apai Ahas. Ahas apai Hizkia.\v 10  Hizkia apai Manasye. Manasye apai Amon. Amon apai Yosia.\v 11  Yosia apai Yekhonya enggau sida menyadi iya, lebuh maya sida dibuai ngagai menua Babel.

01/12.txt

@@ -0,0 +1 @@
+\v 12 Pengudah sida dibuai ngagai menua Babel, Yekhonya apai Sealtiel. Sealtiel apai Zerubabel. \v 13 Zerubabel apai Abihud. Abihud apai  Elyakim. Elyakim apai Azor.\v 14  Azor apai Zadok. Zadok apai Akhim. Akhim apai Eliud.

01/15.txt

@@ -0,0 +1 @@
+\v 15 Eliud apai Eleazar. Eleazar apai Matan. Matan apai Yakud.\v 16  Yakud apai Yusuf, kejadi enggau Maria. ari Maria adai meh Yesus ke dikumbai Kristus.\v 17  Nya alai, ari Abraham nyentuk  ngagai Daud empat belas serak, ari Daud ngagai maya urang Israel dibuai ngagai menua Babel empat belas serak alu ari maya nya ngagai pengadai Kristus empat belas serak.

01/18.txt

@@ -0,0 +1 @@
+\v 18 Baka tu ko gaya pengadai Yesus Kristus. Indai Iya Maria udah betunang enggau Yusuf, tang sebedau seduai iya jadi melaki-bini, iya betubuh-bisi uleh kuasa Roh Kudus.\v 19  Laban tunang iya, Yusuf, endang urang ke lurus, lalu enggai ngemalu ka Maria di mua urang mayoh, nya alai iya berunding deka muai Maria ngena cara belalai.

01/20.txt

@@ -0,0 +1 @@
+\v 20 Tang lebuh Yusuf benung berunding ka nya, siko malaikat Tuhan pansut di mua iya alam mimpi, lalu bejako, “Yusuf, anak Daud, anang takut ngambi Maria nyadika bini nuan, laban iya betubuh-bisi uleh kuasa Roh Kudus.\v 21  Iya deka ngadai ka anak lelaki siko, alu nuan deka mere Iya nama Yesus, laban Iya deka nyelamat ka nembiak Iya ari dosa sida.”

01/22.txt

@@ -0,0 +1 @@
+\v 22 Semua utai tu nyadi kena ngamat ka jako ti udah disebut Tuhan beseruan ka siko nabi,\v 23  “Siko dara bungas deka betubuh-bisi, lalu ngadai ka anak lelaki siko, lalu iya deka dikumbai Imanuel” (reti nya, “Allah Taala enggau kitai”).

01/24.txt

@@ -0,0 +1 @@
+\v 24 Leboh Yusuf dani, iya lalu nitihka jako malaikat Tuhan. Iya jadi enggau Maria, \v 25 tang iya enda beleman enggau Maria sebedau Maria ngadai ka anak laki iya. Yusuf alu meri anak mit nya nama Yesus.

01/title.txt

@@ -0,0 +1 @@
+PASAL 1

02/01.txt

@@ -0,0 +1 @@
+\v 1 Lebuh yesus adai di nengeri Betlehem, alam menua Yudea, lebuh rambau Herodes nyadi raja, peda meh ,urang Majus datai ari Timur ngagai Yerusalem. \v 2 Ko sida nanya, “Dini endur anak mit ke deka nyadi raja orang Yahudi adai? Kami bisi meda bintang Iya pansut di timur, lalu kami datai deka nyembah Iya.”\v 3  Lebuh Raja Herodes ninga nya, iya enggau semua urang di Yerusalem alu irau ati.

02/04.txt

@@ -0,0 +1 @@
+\v 4 Iya alu ngumpul ka semua tuai imam enggau sida pengajar Adat, lalu nanya ngagai sida endur alai Kristus adai.\v 5  Ko sida madah ngagai iya, “Di nengeri Betlehem alam menua Yudea, laban utai to udah dituleh siko nabi: \v 6 ‘Nuan Betlehem ti di menua Yehuda, nuan ukai nengeri ti pemadu mit enti dibanding ka enggau pemerintah ti bukai di menua Yehuda, laban ari nuan deka datai siko pemerintah ti deka nyadi pengibun Umat- Aku Israel.’ ”

02/07.txt

@@ -0,0 +1 @@
+\v 7 Herodes alu mesau ka urang Majus nya, alu nemu ari sida maya bintang nya pansut.\v 8  Iya alu ngasoh sida mupuk ngagai Betlehem. Ko iya, “Mupuk meh kita, alu giga enggau bebendar endur alai anak mit nya, alu lebuh kita udah tetemuka Iya, padah ka ngagai aku, ngambika aku uleh mega datai alu nyembah Iya.”

02/09.txt

@@ -0,0 +1 @@
+\v 9 Udah ningga utai ko raja, sida alu mupuk, alu bintang ti udah dipeda sida di Timur bejalai dulu ari sida datai ke iya nyau ngetu ari atas endur alai anak mit nya. \v 10 Lebuh sida meda bintang nya, sida gaga amat ati.

02/11.txt

@@ -0,0 +1 @@
+\v 11 Sida tama ngagai rumah nya, alu meda anak mit nya, enggau indai Iya Maria. Sida belutut alu nyembah Iya. Udah nya sida muka ma sida, alu meri ngagai Iya emas, kemenyan, enggau mur.\v 12  Sida alu pulai ngagai menua sida empu nengah jalai bukai laban sida udah diberi jako tangkan alam mimpi, enda nyagi sida pulai ngagai Herodes.

02/13.txt

@@ -0,0 +1 @@
+\v 13  Lebuh urang Majus udah mupuk, siko malaikat Tuhan pansut ba mua Yusuf alam mimpi, alu bejako ngagai iya, “Angkat nuan. Bai anak mit nya enggau indai Iya rari ngagai menua Mesir. Diau dia nyentuk ngagai maya aku ngasuh nuan ninggalka menua nya, laban Herodes baru deka ngiga anak mit nya, alu munuh Iya.”\v 14  Yusuf alu angkat, mai anak mit nya enggau indai Iya malam nya, alu mupuk ngagai menua Meisr.\v 15  Sida diau di menua nya nyentuk ngagai maya Herodes mati. To ngamatka jako ti udah disebut Tuhan beseruanka siko nabi, “Aku ngangau ka Anak Aku pansut ari menua Mesir.”

02/16.txt

@@ -0,0 +1 @@
+\v 16 Lebuh Herodes nemu diri udah ditipu urang-urang Majus nya, iya pedis ati. Iya alu meri atur ngasuh semua anak mit ke lelaki, ke umur dua taun ke baruh, di Betlehem enggau di menua ti ngelingi nengeri nya, dibunuh magang, nitihka maya ti udah ditemu iya ari urang -urang Majus.

02/17.txt

@@ -0,0 +1 @@
+\v 17 Nya meh jalai jako Tuhan ti disebut nabi Yeremia dikamat ka: \v 18 “Munyi nyawa bisi didinga di Rama, munyi urang ke bekedui nyabak. Rahel nyabak ka bala anak iya. Iya enggai diperindang, laban sida nadai agi.”

02/19.txt

@@ -0,0 +1 @@
+\v 19 Lebuh Herodes udah mati, siko malaikat Tuhan pansut alam mimpi ngagai Yusuf di menua Meisr,\v 20  alu bejako, “Angkat. Bai anak mit nya enggau indai Iya, alu pulai ngagai menua Israel, laban urang ke deka munuh Iya, udah mati.”\v 21  Yusuf alu angkat, mai anak mit nya enggau indai Iya, alu pulai ngagai menua Israel.

02/22.txt

@@ -0,0 +1 @@
+\v 22 Tang lebuh Yusuf ninga Arkhelaus udah nganti apai iya Herodes nyadi raja menua Yusuf, iya takut mansang ngagai menua nya, alu lebuh iya udah diberi jako tangkan alam mimpi, iya alu mupuk ngagai menua Galilea,\v 23  Iya alu diau ba sebuah nengri ti dikumbai Nazaret. To ngamatka jako ti udah disebut Tuhan beseruanka sida nabi: “Iya deka dikumbai Urang Nazaret.”

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\v 1 Lebuh maya nya, Yohanes Pemaptis datai alu belaboh ngajar di menua puang Yudea. \v 2 Ko iya, “Nesal ati ke dosa kita, laban Perintah surga nyau damping!” \v 3 Yohanes nya meh urang ke dikenang nabi Yesaya leboh iya nyebut, “Siko urang ngangau di menua puang: ‘Sediaka jalai ke Tuhan. Gaga jalai Iya rurus!’ ”

03/04.txt

@@ -0,0 +1 @@
+\v 4 Gari Yohanes digaga ari bulu unta. Belulang ti melit punggung iya digaga ari kulit jelu, alu iya beridup makai buntak enggau ai manyi. \v 5 Urang ari Yerusalem, ari serata menua Yudea, enggau ari serata menua ti damping Sungai Yordan datai ngagai iya. Sida ngako dosa sida,\v 6  alu Yohanes maptis sida ba Sungai Yordan.

03/07.txt

@@ -0,0 +1 @@
+\v 7 Tang leboh Yohanes meda mayoh urang Farisi enggau urang Saduki datai minta iya maptis sida, iya alu bejako ngagai sida, “Kita anak ular beludak! Sapa ngasoh kita rari ari pengeringat ti deka datai?\v 8  Bebuah meh kita kena nunjuk ka kita amat udah nesal ati,\v 9  alu anang nyebut ngagai diri empu, ‘Kami to peturun Abraham,’ laban aku madah ngagai kita, Allah Taala uleh ngaga batu to nyadi peturun Abraham!

03/10.txt

@@ -0,0 +1 @@
+\v 10 Ndah diato deh kapak udah sedia deka mungga urat kayo. Semua kayo ti enda mansut ka buah ti badas, deka ditebang, alu dibuai ngagai api.\v 11  “Aku maptis kita ngena ai, kena nunjukka kita udah nesal ati, tang Iya ke datai dudi ari aku, bekuasa agi ari aku. Ndah mincing sendal Iya deh aku enda tao. Iya deka maptis kita ngena Roh Kudus enggau api.\v 12  Bekakas ti dikena Iya nampi bisi ba jari Iya. Iya deka nampi alu nyimpan gandum alam setor Iya, tang Iya deka nunu ampa alam api ti enda nemu padam.”

03/13.txt

@@ -0,0 +1 @@
+\v 13 Udah bekau nya Yesus datai ari Galilea ngagai Yohanes di Sungai Yordan ngambika Iya dibaptis uleh Yohanes.\v 14  Yohanes nguji nagang Iya. Ku Yohanes, “Aku baru patut dibaptis uleh Nuan, alu Nuan datai ngagai aku?”\v 15  Tang ku Yesus nyaut iya, “Awakka baka nya aja diatu. Laban kitai enda tao enda ngereja semua utai ti lurus.” Yohanes alu besetuju.

03/16.txt

@@ -0,0 +1 @@
+\v 16 Lebuh Yesus udah dibaptis, Iya pansut ari alam ai. Langit alu tebuka. Iya alu meda Roh Allah Taala nurun alu inggap ba Iya baka burung acang.\v 17  Siti nyawa alu bejako ari surga, “To Anak ke dikesayau ka Aku. Aku rinduka Iya.”

03/title.txt

@@ -0,0 +1 @@
+PASAL 3

04/01.txt

@@ -0,0 +1 @@
+\v 1 Udah nya Roh Kudus alu mai Yesus ngagai menua puang, ngambi ka Iya diuji Sitan.\v 2  Leboh Iya udah bepuasa empat puluh hari empat puluh malam,\v 3  Iya lapar. Penguji datai alu bejako ngagai Iya, “Enti Nuan amat Anak Allah Taala, asoh batu to nyadi roti.”\v 4  Tang ko Yesus nyaut, “Endang udah dituleh, ‘Mensia enda ulih idup makai roti aja, tang beridup ba genap leka jako ti pansut ari mulut Allah Taala.’ ”

04/05.txt

@@ -0,0 +1 @@
+\v 5 Udah nya Sitan mai Yesus ngagai Yerusalem,   nengri ti kudus, ngengkah ka Iya ba langit perabung Rumah Sembayang, \v 6 alu bejako ngagai Iya, “Enti Nuan amat Anak Allah Taala, terejun Nuan ari to, laban udah dituleh, ‘Allah Taala deka ngasoh bala melikat Iya nyaga Nuan. Sida deka nyambut Nuan ngena jari sida, ngambika kaki Nuan enda terempas ba batu.’ ”

04/07.txt

@@ -0,0 +1 @@
+\v 7 Ko Yesus bejako ngagai Sitan, “Munyi ti udah dituleh, ‘Anang nguji Tuhan Allah Taala nuan.’ ” \v 8 Sitan alu mai Yesus ngagai bukit sigi ti tinggi, alu mandangka ngagai Iya semua perintah di dunya to, enggau semua pengaya sida, \v 9 alu bejako ngagai Iya, “Semua utai to deka diberi aku ngagai Nuan, enti Nuan deka belutut alu nyembah aku.”

04/10.txt

@@ -0,0 +1 @@
+\v 10 Yesus alu bejako ngagai iya, “Rari nuan Sitan! Laban endang udah dituleh, ‘Sembah Tuhan Allah Taala nuan, alu betuai ka Iya siko aja!’ ”\v 11  Udah nya Sitan ninggal ka Iya, alu bala malaikat datai alu ngelayan Iya.

04/12.txt

@@ -0,0 +1 @@
+\v 12 Lebuh Yesus ninga Yohanes udah kena tangkap, Iya alu mupuk ngagai menua Galilea.\v 13  Iya ninggalka Nazaret, alu diau di Kapernaum, sebuah nengeri ti ngimbai Danau Galilea, di menua Zebulon enggau Naftali.

04/14.txt

@@ -0,0 +1 @@
+\v 14 To ngamatka jako ti udah disebut nabi Yesaya,\v 15  “Menua Zebulon enggau menua Naftali, ti tunga ngagai tasik, di seberai Sungai Yordan, Galilea, menua urang bansa bukai!\v 16  Urang ke diau alam petang udah meda penampak ti besai. Penampak udah mancar ngagai sida ke diau di menua bayang-bayang pemati.”

04/17.txt

@@ -0,0 +1 @@
+\v 17 Kenyau ari nya Yesus alu belaboh madahka pesau to: “Nesal ati ke dosa kita, laban Perintah surga nyau damping!”

04/18.txt

@@ -0,0 +1 @@
+\v 18 Lebuh Yesus bejalai ba tebing Danau Galilea, Iya tepedaka dua iko urang diri menyadi, Simon ke dikumbai Petrus, enggau menyadi iya Andreas, benung nyala, laban seduai iya urang berikan.\v 19  Ko Yesus bejako ngagai seduai iya, “Titihka Aku. Aku deka ngajar seduai jalai ngulihka mensia.”\v 20  Tekala nya seduai iya alu ninggalka jala seduai, alu nitihka Yesus.

04/21.txt

@@ -0,0 +1 @@
+\v 21 Lebuh Iya mupuk ari endor nya, Iya tepedaka dua iko agi urang diri menyadi, Yakobus seduai Yohanes, anak Zebedeus, alam perau sama enggau apai seduai iya Zebedeus, benung nyeruri jala sida. Yesus alu ngangauka seduai iya.\v 22  Tekala nya seduai iya alu ninggal ka perau enggau apai seduai iya, alu nitih ka Yesus.

04/23.txt

@@ -0,0 +1 @@
+\v 23 Yesus alu bejalai di serata menua Galilea, ngajar alam sinagoge-sinagoge, alu nusi Berita Badas pasal Perintah Allah Taala, sereta ngeraika urang ke kena laban semua macam penyakit enggau pemedih.\v 24  Nya alai berita pasal Iya nyelekai di serata menua Siria, alu urang mai ngagai Iya semua urang ke sakit, ke merinsa laban semua macam penyakit enggau pemedih, urang ke dirasuk antu, ke sakit gila-babi, urang ke sakit bajung, alu Iya ngeraika semua sida. \v 25 Mayuh amat urang nitihka Iya ari menua Galilea enggau ari Sepuluh Buah Nengri, ari Yerusalem, ari Yudea, enggau ari menua ti di seberai Sungai Yordan.

04/title.txt

@@ -0,0 +1 @@
+PASAL 4

05/01.txt

@@ -0,0 +1 @@
+\v 1 Lebuh Yesus meda bala urang mayoh, Iya niki ngagai bukit sigi, alu leboh Iya nuduk ka Diri, sida murid Iya alu datai ngagai Iya. \v 2 Iya alu belaboh ngajar sida, ko Iya:\v 3  “Beberekat meh urang ke seranta alam roh, laban Perintah surga endang enggi sida.\v 4  “Beberekat meh urang ke ngulit, laban sida deka di perindang.

05/05.txt

@@ -0,0 +1 @@
+\v 5 “Beberekat meh urang ke baruh ati, laban sida deka bempu dunya.\v 6  “Beberekat meh urang ke lapar sereta aus ka pengelurus, laban Allah Taala deka ngemuas ka sida.\v 7  “Beberekat meh urang ke kasih ka urang, laban sida deka nerima pengasih.\v 8  “Beberekat meh urang ke tuci ati, laban sida deka meda Allah Taala.

05/09.txt

@@ -0,0 +1 @@
+\v 9 “Beberekat meh urang ke bekereja ke pemaik, laban sida deka dikumbai anak Allah Taala.\v 10  “Beberekat meh urang ke kena perinsa ketegal pengelurus, laban sida deka bempu Perintah surga.

05/11.txt

@@ -0,0 +1 @@
+\v 11 “Beberekat meh kita leboh urang mecat kita alu merinsa ka kita, alu nyebut semua macam utai ti bula ngelaban kita ketegal Aku.\v 12  Lantang sereta gaga meh kita, laban upah ti besai udah disedia ke kita di surga, laban nya mega cara urang merinsa ka sida nabi ke dulu ari kita.

05/13.txt

@@ -0,0 +1 @@
+\v 13 “Kita to garam dunya. Tang enti garam nadai age masin, baka ni ko jalai ngaga iya masin baru? Iya nadai guna agi, tang dibuai alu di indik kaki mensia.\v 14  “Kita to  penerang dunya. Nengri ti di dirika ba atas bukit, enda ulih dilalai ka.

05/15.txt

@@ -0,0 +1 @@
+\v 15 Nadai mega urang nungkun lampu, alu nangkup iya ngena bisin, tang ngengkah ka lampu nya ba penuduk lampu, alu lampu nya deka meri penerang ngagai semua urang alam rumah nya. Baka nya mega kita;\v 16  awak ka penerang kita mancar ngagai urang, ngambika sida meda pemadas pengawa kita alu ngemulia ka Apai kita ti di surga.

05/17.txt

@@ -0,0 +1 @@
+\v 17 “Anang ngumbai Aku datai deka muai Taurat, tauka muai ajar sida nabi. Aku ukai datai deka muai Taurat, tang deka ngamatka iya. \v 18 Laban, enggau bendar Aku madah ngagai kita, sebedau langit enggau dunya lesap, nadai leka jako tauka titik ti pemadu mit deka enyau ari Taurat, sebedau semua utai di kamatka.

05/19.txt

@@ -0,0 +1 @@
+\v 19 Nya alai, barang sapa ngelanggar pesan ti pemadu mit to, alu ngajar urang ngelanggar iya, deka dikumbai pemadu mit alam Perintah surga, tang barang sapa ngasi ka pesan, alu ngajar urang ngasi ka iya, deka dikumbai besai alam Perintah surga. \v 20 Laban, Aku madah ngagai kita, enti kita enda lebih agi lurus ari sida pengajar Taurat enggau urang Farisi, kita enda ulih tama Perintah surga.

05/21.txt

@@ -0,0 +1 @@
+\v 21 Kita udah ninga pasal utai ti udah dipadah ka ngagai urang ke dulu kelia, ‘Anang munuh urang; barang sapa munuh urang deka kena pecara.’\v 22  Tang Aku madah ngagai kita, enti kita ringat ngagai menyadi lelaki tauka menyadi indu kita enggau nadai kebuah-buah, kita deka kena pecara; alu enti kita ngelese ka menyadi kita, kita deka dibai ngagai Makamah Agama; lalu enti kita nyebut, ‘Nuan to beli’, kita deka dibuai ngagai api neraka.

05/23.txt

@@ -0,0 +1 @@
+\v 23 Nya alai lebuh kita deka meri pemeri kita ba altar, alu teingat ka menyadi lelaki tauka menyadi indu kita bisi nda nyamai ati ngagai kita,\v 24  tinggal ka pemeri kita dia di mua altar, bebaik dulu enggau iya, udah nya baru kita mansang alu meri pemeri kita.

05/25.txt

@@ -0,0 +1 @@
+\v 25 “Bebaik meh enggau penyampat enggau urang ke bedawa ka kita,  seagi nuan benong begulai besama-sama ba jalai, enggai ke iya nyerahka kita ngagai akim, alu akim nyerahka kita ngagai jejaga iya, alu kita ditutup alam penjara.\v 26  Enggau bendar Aku madah ngagai kita, kita enda uleh pansut ari penjara nya datai ke kita udah mayar semua utang kita.

05/27.txt

@@ -0,0 +1 @@
+\v 27 “Kita udah ninga jako ti munyi to, ‘Anang butang.’\v 28  Tang Aku madah ngagai kita, barang sapa merening ngagai indu enggau ati ti kamah, iya udah butang enggau indu nya alam ati iya.

05/29.txt

@@ -0,0 +1 @@
+\v 29 Enti mata kanan nuan mai nuan bedosa, keruk alu buai iya! Manah agi nuan enyau siti ari perengka tubuh nuan, ari ke semua tubuh nuan dibuai ngagai neraka.\v 30  Alu enti jari kanan nuan mai nuan bedosa, tetak jari nuan alu buai iya! Manah agi nuan enyau jari sepiak, ari ke semua tubuh nuan dibuai ngagai neraka.

05/31.txt

@@ -0,0 +1 @@
+\v 31 “Jako to udah mega disebut, ‘Barang sapa muai bini, enda tau enda meri bini iya surat sarak.’ \v 32 Tang Aku madah ngagai kita, genap iko urang ke muai bini, kelimpah ari bini iya butang, deka ngujungka bini iya butang, alu barang sapa jadi enggau indu ke udah sarak, iya mega butang.

05/33.txt

@@ -0,0 +1 @@
+\v 33 “Kita udah mega ninga pasal jako ti udah disebut ngagai urang ke dulu kelia, ‘Anang bula ka semaya, tang kereja utai ti udah disemaya kita enggau Tuhan.’ \v 34 Tang Aku madah ngagai kita: anang besumpah, nemu ka atas nama surga, laban nya takhta Allah Taala,\v 35  tauka atas nama dunya, laban nya penumpu kaki Iya, tauka atas nama Yerusalem, laban nya nengri Raja ti besai.

05/36.txt

@@ -0,0 +1 @@
+\v 36 Alu anang besumpah atas pala kita empu, laban kita nda uleh ngaga selambar buk kita, burak tauka celum.\v 37  Nya alai, ti au padah au’  ti enggai padah enggai; Utai ti lebih ari nya datai ari Sitan.

05/38.txt

@@ -0,0 +1 @@
+\v 38 “Kita udah ninga urang nyebut jako to, “Mata balas mata, ngeli balas ngeli.’ \v 39 Tang Aku madah ngagai kita: Anang ngelaban urang ke jai. Enti urang nampar kuyu kanan kita, awakka iya mega nampar kuyu kiba kita.

05/40.txt

@@ -0,0 +1 @@
+\v 40 alu enti urang deka nyara kita laban iya deka ngambi baju kita, awak ka iya mega ngambi kelambi kita.\v 41  Lalu enti urang mejal ka kita bejalai sekilometer, bejalai meh enggau iya dua kilometer. \v 42 Beri ngagai urang ke minta ari kita, alu anang nulak urang ke nginjau ari kita.

05/43.txt

@@ -0,0 +1 @@
+\v 43 “Kita udah ninga pasal jako ti udah disebut, ‘Rindu ka pangan kita, alu begedika munsuh kita.’ \v 44 Tang Aku madah ngagai kita: rindu ka munsuh kita, alu besampi ka urang ke merinsa ka kita, \v 45 ngambi ka kita nyadi anak Apai kita ti di surga, laban Iya ngasuh mata panas mancar ngagai urang ke jai enggau ngagai urang ke manah, alu ngasoh hari ujan ke urang ke lurus enggau ke urang ke jai.

05/46.txt

@@ -0,0 +1 @@
+\v 46 Enti kita semina rindu ka urang ke rindu ka kita, nama upah kita? Endah sida pengumpul cukai deh nemu ngereja nya.\v 47  Alu enti kita semina nabe pangan kita, baka ni ko nya tao lebih ari utai ti dikereja urang bansa bukai? Endah urang bansa bukai deh nemu ngereja nya. \v 48 Nya alai kita nda tao nda nyadi pemado badas, baka Apai kita ti di surga.

05/title.txt

@@ -0,0 +1 @@
+PASAL 5

06/01.txt

@@ -0,0 +1 @@
+\v 1 “Anang ngereja pengawa agama di mua urang mayoh, minta diri dipeda sida, laban enti kita ngereja nya, kita nadai buleh upah ari Apai kita ti di surga. \v 2 “Nya alai, leboh kita meri sedekah ngagai urang ke suntuk, anang mandang ka diri ngereja nya baka ti dikereja urang ke pura-pura ngapa alam sinagoge-sinagoge tao ka ba sebelah jalai raya, minta diri dipuji mensia. Enggau bendar Aku madah ngagai kita, sida udah nerima upah sida.

06/03.txt

@@ -0,0 +1 @@
+\v 3 Tang leboh kita meri sedekah ngagai urang ke suntuk, anang ngawak ka jari kiba kita nemu utai ti dikereja jari kanan kita,\v 4  ngambi ka pengawa nya dikereja kita belalai, alu Apai kita ti meda utai ti dikereja kita belalai, deka ngupah kita.

06/05.txt

@@ -0,0 +1 @@
+\v 5 “Alu leboh kita besampi, anang baka urang ke pura-pura ngapa, laban sida rindu bediri alu besampi alam rumah ibadat, enggau ba tisi jalai raya, minta diri dipeda urang. Enggau bendar Aku madah ngagai kita, sida udah nerima upah sida. \v 6 Tang leboh kita besampi, tama ke bilik, tikup ka pintu, alu besampi ngagai Apai kita ti nda dipeda. Alu Apai kita ti meda utai ti dikereja kita belalai, deka ngupah kita. \v 7 Leboh kita besampi, anang besebutka mayuh macam leka jako ti nadai reti baka urang bansa bukai, ke ngumbai sampi sida didinga laban sampi sida panjai.

06/08.txt

@@ -0,0 +1 @@
+\v 8 Anang baka sida nya, laban Apai kita nemu utai ti di peguna kita sebedau kita minta ari Iya. \v 9 Nya alai, baka to ko cara kita patut besampi: ‘Apai kami ti di surga: Kudus ke meh nama Nuan. \v 10 Datai meh Perintah Nuan. Nyadi meh peneka Nuan di dunya enggau di surga.

06/11.txt

@@ -0,0 +1 @@
+\v 11 Beri ngagai kami sehari to pemakai umbas dipakai kami.\v 12  Ampun kami penyalah kami, baka kami ke ngampun urang ke salah enggau kami.\v 13  Alu anang mai kami ngagai penguji, tang lepaska kami ari penyai. [Laban Nuan Meh kebempu Kerajaan, enggau kuasa, enggau kemuliaan nyentuk ke belama-lamaiya. Amin.']

06/14.txt

@@ -0,0 +1 @@
+\v 14 “Laban enti kita ngampun urang ke salah enggau kita, Apai kita ti di surga deka mega ngampun penyalah kita. \v 15 Tang enti kita enggai ngampun urang ke salah enggau kita, Apai kita pen enggai mega ngampun penyalah kita."

06/16.txt

@@ -0,0 +1 @@
+\v 16 “Alu leboh kita bepuasa, anang ngayanka mua ti tusah, baka urang ke pura-pura ngapa, laban sida ngurik mua diri ngambika urang nemu sida bepuasa. Enggau bendar Aku madah ngagai kita, sida udah nerima upah sida.\v 17  Tang leboh kita bepuasa, empungas mua kita, alu sugu buk kita, \v 18 ngambi ka urang nda nemu kita bepuasa, tang semina dipeda Apai kita ti nda di peda, alu Apai kita ti meda utai ti dikereja kita belalai, deka ngupah kita.

06/19.txt

@@ -0,0 +1 @@
+\v 19 “Anang nyimpan pengaya ke diri empu di dunya, endur indu gegat enggau tegar ka ngerusak, alu perumpak tama alu ngencuri,\v 20  tang simpan pengaya ke diri empu di surga, endur indu gegat, enggau tegar nda ngerusak, alu perumpak nda tama alu ngencuri. \v 21 Laban dia endur pengaya kita, dia meh endur ati kita.

06/22.txt

@@ -0,0 +1 @@
+\v 22 “Mata nyadika lampu tubuh. Nya alai, enti mata kita menyana, semua tubuh kita penuh laban penampak, tang enti mata kita enda menyana, semua tubuh kita penuh laban pemetang. \v 23 Nya alai, enti penampak ti alam kita nya pemetang, naka meh pemalat pemetang nya! \v 24 “Nadai urang uleh betuaika dua iko tuan, laban iya deka begedika siko, alu rindu ka siko, tauka angkunka siko, alu mecat siko. Kita nda uleh betuai ka Allah Taala enggau duit.

06/25.txt

@@ -0,0 +1 @@
+\v 25 “Nya alai Aku madah ngagai kita: anang irauka pasal pengidup kita, tauka utai ti deka diempa tauka diirup kita, tauka pasal tubuh enggau gari kita. Ukai nda pengidup beguna agi ari pemakai, alu tubuh beguna agi ari gari? \v 26 Peda kita burung. Sida nadai betanamka utai, nadai ngetau, tauka besimpanka utai alam setor, tang taja pia, Apai kita ti di surga nupi sida! Ukai nda kita lebih berega agi ari burung?

06/27.txt

@@ -0,0 +1 @@
+\v 27 Kati kita uleh nginsur umur diri panjai agi ngena pengirau kita? \v 28 “Lalu nama kebuah kita irau ka gari? Peda kita penumbuh bungai babas ba padang, baka ni ko sida tumbuh, Sida nda kereja, tauka ngaga gari ke diri empu, tang taja pia, \v 29 Aku madah ngagai kita, endah Raja Solomon enggau semua pengaya iya, deh nadai gari ngemanah siti ari bungai nya.

06/30.txt

@@ -0,0 +1 @@
+\v 30 Tang enti Allah Taala ngari rumput ti di babas, ti idup sehari to alu dibuai pagila ngagai api, nda ka Iya deka ngari kita? Naka meh pengemit pengarap kita.\v 31  “Nya alai, anang irau alu nyebut: ‘Nama utai ti deka diempa kitai? tauka, ‘Nama utai ti deka diirup kitai?’ tauka ‘Nama gari ti deka dikena kitai?’

06/32.txt

@@ -0,0 +1 @@
+\v 32 Laban nya utai ti ngirau ka ati urang kapir, alu Apai kita ti di surga nemu kita beguna ka semua utai nya. \v 33 Tang giga dulu Perintah Allah Taala enggau pengelurus Iya, alu semua utai nya deka mega diberi ngagai kita.\v 34  Nya alai, anang irau ka pasal hari pagila, laban pagila bisi pengirau ke diri empu. Penusah ke sehari tu cukup ke sehari tu.

06/title.txt

@@ -0,0 +1 @@
+PASAL 6

07/01.txt

@@ -0,0 +1 @@
+\v 1 “Anang ngakim, ngambi ka kita nda di akim. \v 2 Laban cara kita ngakim, deka dikena ngakim kita, alu takar ti dikena kita nakar deka dikena nakar utai ke kita.

07/03.txt

@@ -0,0 +1 @@
+\v 3 Nama kebuah kita betilik ka empeleman ba mata menyadi kita, tang nda bedulika lumpung kayu ti ba mata kita empu? \v 4 Tao ka, baka ni ko kita nyebut ngagai menyadi kita, ‘Awakka aku muai empeleman ari mata nuan,’ tang kita bisi lumpung kayu alam mata kita empu? \v 5 Kita to urang ke pura-pura ngapa! Buai dulu lumpung kayu ari mata kita empu. Nya baru mata kita lansik, alu kita uleh muai empeleman ari mata menyadi kita.

07/06.txt

@@ -0,0 +1 @@
+\v 6 “Anang meri utai ti kudus ngagai uduk, alu anang nibarka batu mutiara ngagai jane, enggai ke sida ngelunjak utai nya, alu mutar ngamuk kita.

07/07.txt

@@ -0,0 +1 @@
+\v 7 “Pinta meh, alu kita deka nerima. Giga meh, alu kita deka nemu. Tekung meh, alu utai nya deka dibuka ke kita.\v 8  Laban genap iko urang ke minta, deka nerima, alu urang ke ngiga, deka nemu, alu ke urang ke nekung, utai nya deka dibuka ke sida.\v 9  Kati kita ke apai meri batu ngagai anak kita enti iya minta roti? \v 10 Tao ka meri iya ular, enti iya minta ikan?

07/11.txt

@@ -0,0 +1 @@
+\v 11 Enti kita ke jai nemu meri utai ti badas ngagai anak kita, Apai kita ti di surga tentu nemu agi meri utai ti manah ngagai urang ke minta ari Iya! \v 12 "Nya alai, kereja ngagai urang baka ke di kedeka ka kita kereja urang ngagai kita, laban nya reti Adat, enggau ajar sida nabi.

07/13.txt

@@ -0,0 +1 @@
+\v 13 “Tama nengah pintu ti sempit, laban pintu ti besai enggau jalai ti luas nuju ngagai pengerusak, alu mayuh urang nengah jalai nya. \v 14 Tang pintu ti sempit, enggau jalai ti mar, nuju ngagai pengidup, alu semina mimit aja urang tetemu ka iya.

07/15.txt

@@ -0,0 +1 @@
+\v 15 “Bejaga ari nabi ti pelesu, ke datai ngagai kita baka bedus, tang iya ti bendar sida nya uduk kampung. \v 16 Kita deka ngelala sida ari buah sida. Kati buah anggur diambi ari madang duri, tao ka buah ara ari madang emperingat? \v 17 Baka nya mega kayu, semua kayu ti galak mansut ka buah ti badas, tang kayu ti nda galak mansut ka buah ti nda badas.

07/18.txt

@@ -0,0 +1 @@
+\v 18 Kayu ti galak nda uleh mansut ka buah ti nda manah, alu kayu ti nda galak nda uleh mansut ka buah ti badas.\v 19  Kayu ti nda mansut ka buah ti badas deka di tebang, alu dibuai ngagai api.\v 20  Nya alai, kita deka ngelala sida ari buah sida.

07/21.txt

@@ -0,0 +1 @@
+\v 21 “Ukai semua urang ke ngangau ka Aku ‘Tuhan, Tuhan’ deka tama ngagai Perintah surga, tang semina urang ke ngereja peneka Apai Aku ti di surga. \v 22 Leboh Hari penudi nya ila mayoh urang deka nyebut ngagai Aku ‘Tuhan, Tuhan! Kati kami udah nusi pesan Allah Taala alam nama Nuan, alu muru antu alam nama Nuan, alu ngereja mayoh kereja ajih alam nama Nuan?’ \v 23 Udah nya Aku deka bejako ngagai sida, ‘Aku nda ngelala kita. Rari ari Aku, kita ke ngereja penyai.’

07/24.txt

@@ -0,0 +1 @@
+\v 24 “Nya alai, semua urang ke ninga jako Aku alu ngasi nya baka urang siko ke pintar, ke niri ka rumah iya ba atas batu. \v 25 Alu ari ujan, ai bah, alu ribut bepuput alu mangka ngagai rumah nya, tang rumah nya enda tumbang, laban iya didirika ba atas batu.

07/26.txt

@@ -0,0 +1 @@
+\v 26 “Tang tiap urang ke ninga jako Aku, alu nda ngasi, nya baka urang ke beli, ke nirika rumah iya ba pasir. \v 27 Alu ari ujan, ai bah, alu ribut bepuput alu mangka ngagai rumah nya, alu rumah nya tumbang. Balat amat rumah nya jai.”

07/28.txt

@@ -0,0 +1 @@
+\v 28 Lebuh Yesus udah nyebut jako nya, urang mayoh alit ati ke ajar Iya, \v 29 laban Iya ngajar sida baka urang ke bekuasa, alu nda baka sida pengajar Adat.

07/title.txt

@@ -0,0 +1 @@
+PASAL 7

08/01.txt

@@ -0,0 +1 @@
+\v 1 Lebuh Yesus nurun ari bukit nya, mayoh amat urang nitih ka Iya.\v 2  Siko lelaki ke sakit kusta datai ngagai Iya, belutut di mua Iya, alu bejako, “Tuhan, enti Nuan eka, Nuan uleh ngasuh aku tuci.”\v 3  Yesus ngunjur ka jari, negu urang nya, alu bejako, “Aku eka. Tuci meh nuan.” Urang nya alu gerai tekala nya.

08/04.txt

@@ -0,0 +1 @@
+\v 4 Lalu ko Yesus bejako ngagai iya, “Anang madahka to ngagai urang, tang mansang nuan ngagai imam," minta iya meresa nuan, alu beri persembahan ti diasoh Musa, kena mandangka ngagai urang mayoh, nuan udah gerai.”

08/05.txt

@@ -0,0 +1 @@
+\v 5 Leboh Yesus tama ngagai nengri Kapernaum, siko pemesai sedadu Roma betemu enggau Iya, minta saup Iya. \v 6 Ko iya, “Tuan, nembiak aku sakit, gali di rumah, nda uleh engkebut, alu merinsa amat.” \v 7 Ko Yesus bejako ngagai iya, “Aku deka kin alu ngerai ka iya.”

08/08.txt

@@ -0,0 +1 @@
+\v 8 Tang ko pemesai nya bejako, “Tuan, rumah aku nda patut alai Nuan datai. Tak bejako aja, alu nembiak aku deka gerai.\v 9  Laban aku empu bekereja di baruh urang, alu aku mega bisi sedadu di pegai aku. Aku bejako ngagai siko, ‘Mupuk nuan!’ alu iya mupuk. Aku bejako ngagai siko, ‘Datai kitu!” alu iya datai. Aku bejak ngagai kuli aku, ‘Kereja to!” iya alu ngereja.”\v 10  Lebuh Yesus ninga nya, Iya balat alit ati, alu bejako ngagai urang ke nitih ka Iya, “Enggau bendar Aku madah ngagai kita, endah di menua Israel deh Aku nadai udah kala tetemu ka pengarap/iman ti baka to.

08/11.txt

@@ -0,0 +1 @@
+\v 11 Aku madah ngagai kita, mayoh urang deka datai ari timur enggau ari barat, alu duduk makai enggau Abraham, Ishak enggau Yakub alam Perintah surga, \v 12 tang urang ke patut bempu Perintah nya deka dibuai ngagai endur ti petang, din sida deka nyabak sereta betekerik ngeli.” \v 13 Yesus alu bejako ngagai pemesai sedadu nya, “Mupuk meh nuan. Utai ti di pecaya nuan, deka nyadi.” Nembiak pemesai nya alu gerai amat- amat pas ba maya nya.

08/14.txt

@@ -0,0 +1 @@
+\v 14 Leboh Yesus tama ngagai rumah Petrus, Iya meda mentua indu Petrus gali ba peninduk iya, sakit celap angat. \v 15 Yesus nego jari iya, alu iya gerai. Iya angkat, alu mela empara Yesus.

08/16.txt

@@ -0,0 +1 @@
+\v 16 Leboh maya nyau lemai mayoh urang ke dirasuk antu dibai ngagai Yesus, alu Iya muru roh-roh antu ngena seleka jako aja, alu ngerai ka semua sida ke sakit. \v 17 To ngamatka jako ti udah disebut Tuhan ngena nabi Yesaya, “Iya ngambi pemedih-pemedih kitai alu nanggung penyakit-penyakit kitai.”

08/18.txt

@@ -0,0 +1 @@
+\v 18 Leboh Yesus meda pemayoh urang begelumo ngelingi Iya, Iya alu ngasoh sida murid Iya ngelayang ke seberai danau nya.\v 19  Siko guru Adat datai ngagai Iya, alu bejako, “Guru, aku deka bejalai enggau Nuan ngagai sebarang endur Nuan bejalai.”\v 20  Ko Yesus bejako ngagai iya, “Munsang bisi lubang, alu burung bisi sarang, tang Anak Mensia nadai endur alai ngalika pala Diri.”

08/21.txt

@@ -0,0 +1 @@
+\v 21 Siko ari sida murid Iya bejako ngagai Iya, “Tuhan, awak ka aku pulai dulu alu ngubur ka apai aku.” \v 22 Tang ko Yesus bejako ngagai iya, “Titeh ka Aku. Awak ka urang ke parai ngubur ka bala sida empu ke parai.”

08/23.txt

@@ -0,0 +1 @@
+\v 23 Leboh Yesus nepan ngagai perau, sida murid Iya alu mupuk enggau Iya. \v 24 Tekala nya ribut biau-balai alu mangka ba danau nya, alu perau sida nyau deka karam kena umbak. Tang Yesus tinduk. \v 25 Sida murid mansang ngagai Iya alu ngerak Iya. Ko sida, “Selamat ka kitai, Tuhan! Parai kitai to!”

08/26.txt

@@ -0,0 +1 @@
+\v 26 Ko Iya bejako ngagai sida, “Nama kebuah kita takut? Mit amat meh pengarap kita.” Iya angkat alu ngerara ribut enggau gelumbang. Semua utai alu teduh magang.\v 27  Sida balat alit ati, ko sida, “Sapa urang to, datai ke ribut enggau gelumbang nurut ka Iya?”

08/28.txt

@@ -0,0 +1 @@
+\v 28 Leboh Yesus datai di menua Gadara, di seberai danau nya, dua iko lelaki ke dirasuk antu pansut ari pendam alu mansang ngagai Iya. Seduai to mangah amat, datai ke urang nyau nadai berani bejalai nengah jalai nya.\v 29  Tekala nya seduai iya alu merak ka nyawa bejako, “Nama guna Nuan enggau kami, Nuan Anak Allah Taala? Kati Nuan datai deka merinsa ka kami sebedau maya ti patut?”