iba-x-ibanempran_act_text_reg/26/19.txt

\v 19 “Udah bekau nya, Raja Agripa, aku enda kala enda ngasika genera ti datai ari serega, \v 20  tang madahka, keterubah iya, ngagai sida ke diau di Damaskus, lalu udah nya ngagai sida ke diau di Jerusalem, enggau di serata menua Judea, lalu mega ngagai orang bansa bukai, madahka sida enda tau enda nesal ati ke dosa sida lalu nguing ngagai Allah Taala, lalu ngereja utai ti nunjukka sida amat udah nesal ati. \v 21 Nya meh kebuah orang Yahudi nangkap aku dalam Rumah Sembiang, lalu nguji munuh aku.