tpi_1ki_text_reg_ulb_l2/01/38.txt

\v 38 Orait pris Jadok, profet Neten, Benaia pikinini man bilong Jehoida na ol Keretait wantaim ol Peretait, ol i go daun na tokim Solomon i sindaun antap long donki bilong King Devit. Ol i kisim Solomon i kam long liklik wara Gihon. \v 39 Na pris Jadok i kisim kom bilong wanpela animol i gat oil i stap insait, em i kisim long haus sel bilong God Yawe i kam aut na kapsaitim oil long het bilong Solomon. Ol i winim biugul na olgeta manmeri i tok, "Solomon i kamap King!" \v 40 Orait Solomon i go paslain na olgeta manmeri bihainim em i go antap na ol i pilai musik, singaut na hamamas, olsem na singaut bilong ol i mekim graun i guria.