byi_jer_text_reg/19/06.txt

\v 6 bino, lingaminywe, masugu mali huchwa,MLUME gwagana, ugana, ha mamo masugu ino ihana hashigiswa iyaka Tofethi, na ata ibetabeta ya baana ba Hinomu, haho higiswa ibetabeta ya Ushinjicha. \v 7 Nene nibela mihungo gya Yuda na Yelusalemu ha ino ihana; nene nibahaga wa ahilu umbele wa meeso ma tumangu twabo, na wa uboo wa batu bene balihuenga mitima gyabo; na bitumba byabo nituha tunonyi twa ha hululu na binyama bya buhuchi bya mmibaloo, bibe iliwa yabyo. \v 8 Nene niita gino mbuga uba itu ya ugagicha batu, na uzomenywa; mtu gegese mine gwihita hoka nagyo gwigagilwa, na uzomeya yulu ya bihulo byage. \v 9 Nene nibasambila baye nyama cha baana babo, na nyama cha bawamisiha gyabo, nabo biiya kila gumwechi nyama cha genda lyage, na mengo ma mishaminyi na asusu, haho tumangu twabo, na batu baya bene balihuenga mitima gyabo, bibasusula.