byi_jer_text_reg/46/01.txt

\v 1 Inywa ya MLUME ichwilile Yelemia, mbuwa, yulu ya mwano gwa mioga. \v 2 Yulu ya mwano gwa Misili;  mwano gwa basolokoto ba Falao Neko,oolo lya Misili, benebabeli hoka na luudi Flati uya Kalkemishi, haya Nebukadleza oolo lya Babeli, helilwile nabo mwaa gwa buna gwa Yehoyakimu, mwaana gwa Yosia, oolo lya ba Yuda. \v 3 Mulilongeche yuula ya ubandula na ngabo, mwashene yulu ya ulwa bita nabo.\v 4 Mwagande hegulu ha falasi; mushine, benywe bashinyi ba falasi; gimanywe na tukusukusu twenyu, mwaoole na kololo masumo menyu; chwalwe bigela bya bita u byali ili naho ngabo.