\v 15 Haho baya benebamanine ugana baachi babo bahuliliche aswenge u tubetcha tunge, na baachana bose bene bagimene hoka, sumbilo lyata, noo, batu bose nenebashamine mnda sii gya Misili, haya Pithlosi, bamgaile Yelemia, baganine,  \v 16 Iya inywa yolitusambile wa china lya MLUME, beswe tushiuuhulicha. \v 17 Bino hashi adugwa twiwilicha kila unywa yine ihumine mnda tunywa twetu, umulilicha aswende mmaoolo gya hegulu, na umwongolwela lutangi lwa byunywa, nahi byatugilile beswe, na bamasetu, na maoolo metu, na baosobu betu, mnda mabugama Yuda, na umasango na ndila ma Yelusalemu; bululimamo mengo tubele na biliwa bee, na uginunywa, natushimonine usona o ose.