tbl_rev_text_reg/16/04.txt

\v 4 Ne ominen lemwót yóm getlu hógów Dwata koken se kun tukung elem yó kem él mlel ne bè yó kem tbul él. Ne gotu le baling litô yó kem él. \v 5 Ne gungolu se udél yóm hógów Dwata le mkok tukung elem él, monen, “Ó Dwata, laen kô dù belenen yóm kóm kmò. Uu se yóm sana Dwata tenbut bè kbuten efet ni nem kmoen ni. Bong tedeng yóm ktafakem kul ni, \v 6 yakà dengen gamà litô yó kem tau hemtahu béléem ne yó kem tehe tugodem lan le monok kul. Yó gónóm mon, gotu hinumem kul litô yó kem tau monok yó. Bong knóón bélê le nim tafakem kul ni.” \v 7 Ne gungolu yóm mudél gu bè yóm gónó le gel mtem yóm hboo le ebè Dwata, monen, “Bong tahu se, Dwata, yóm hol gónó mogot, yóm laen dù là gbekem du. Bong tedeng yóm ktafakem kul ni.”