\v 13 Tey dê hentaw ton nmò yóm lóbô huli sut yó. Balù ofi gu bè longit gdek ete tonok, botong gbeken mò du, ne tódô kdéen tau gotu mton du. \v 14  Ne lemwót bè yó kem hentaw ton gel nmoen, gónó le gotu gsukat yóm kdéen tau nô te tonok. Bè yóm gel kmoen du ni kem ni, gel nô klohok yóm lóbô tanay sut, abay se yóm lóbô gna sut gel hmò du béléen. Yóm lóbô huli sut yó, wen lennged hmoen yó kem tau, yóm lennged mkél bè yóm lóbô tehe hnalì bè sudeng, okóm deng bud mowil.