tbl_mrk_text_reg/13/11.txt

\v 11 Ke enget kenfô leyu, nenit leyu ebè yóm gónô skukum, bê ye omin tenafa nawa yóm kmò kbalà yekul. Dwata he bemlay kuy yóm kmò enget kbalà ye kul sok sut yóm kdaw yó. Omin se là kô kuy udél du yóm enget mon ye, udél tódô suen bélê ye yóm Tulus Dwata. \v 12 Bè yóm kdaw yó,” mon Jisas, “enget wen se tau mlef hekfô leyó kem hol kul dumu setwoli mò hfatay le.Wen sekem tau, mlef hekfô leyó kem hol kul ngà mò hfatay le. Dalang seyó kem ngà,enget mlef le hfatay yó kem hol kul tuha. \v 13 Enget tey dê tau kmutó nawa kuy lemwót bèyóm klolò ye do,” mon Jisas. “Okóm yóm tau gbeken hembala du yó kem gónón glayam efet kól bèhol sónen, du se gmuta du yóm klowil laen dù sónen.”