tbl-x-southtboli_php_text_reg/04/10.txt

\v 10 Lemwót bè yóm kessotu me yóm gónó tekuy mogot, tey bong kligalu bè yóm tóbóng ye bud sut béléu. Tngónu yóm gónó ye là géhél hemwit ebéléu, là lemwóten bè yóm là kehedem ye do, okóm lemwót bè yóm klaen dù lan ye hemwit du ebéléu. \v 11 Là kô yó du gónóhu mon du yó koni ke mone gónóhu tmulón du kuy yóm kélélu. Deng hónô dnalangu dou yóm kegsengel nawa balù kihu nô béléu. \v 12 Deng kem hónô lanu ne dou yóm élél, ne deng lanu se yóm kwen gónóhu wen. Deng dnalangu ne dou nim kegsengel nawa ni, balù kihu gónóhu nô, ne kihu kdaw. Gsengel nawahu ke gemtuhe duhen ke bitile, ke wen gónóhu wen duhen ke éléle. \v 13 Laen dù là gbeku du lemwót bè yóm kfasang Krays béléu.