tbl-x-southtboli_php_text_reg/04/01.txt

\c 4 \v 1 Duhen yó, kem dumuhu setwoli, tey kogot  nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot. \v 2 Ni wen udélu ebè yó kem lewu libun Iyudiya ne Sintika. Yó hol kóyóu bélê ye ke géhél ye sotun lemwót bè yóm kesetwoli ye bè yóm gónó tekuy mogot. \v 3 Ne uu snéen, Wè, yóm tau là monol nawahen tmóbóng dou, yake uu hol tmóbóng kul anì géhél le sefyu. Tey tehe khotu le nawa le tmóbóng do ekni bè yóm kehbólu yóm Tulón Hyu. Tehe le gel mung ke Klémén ne yó kem dumu gel tmóbóng dou. Yóm kul boluy deng gotu nô bè yóm bok Dwata, duhen yóm bok lowil. a