tbl-x-southtboli_php_text_reg/03/12.txt

\v 12 Ni kem monu ni koni, là monu du dé ke deng gotu ketu mò du, duhen ke denge hol gulit. Okóm yó dé hol nmou, hotuhu gelu kemtes du anì angat gutahu yóm ofol blay Krays Jisas dou, yakà yó du uléken yóm tehe kfunen dou. \v 13 Bè ktahuhen, kem dumuhu setwoli, là deng gutahu du he ni kem ni. Okóm tek sotu ne nmou ni kmoen ni, tódô klifótu yóm gnahen, hotuhu gelu anì gutahu yóm hol nalu nawahu. \v 14 Yó gónóm mon, tódô henktengu yóm dou klóy efet gutahu yóm ofol blay Dwata do, duhen yóm klowil bè longit, yóm tehe tabahen dou hlanen bè Krays Jisas.