tbl-x-southtboli_mat_text_reg/13/51.txt

\v 51 Snólók Jisas bè yó kem gel lemolò du, monen, “Gotu tengon ye kô lanen ni kem hningónu ni?”  Mon le se,“El, Sér, tengon me.” \v 52 Bud mon Jisas, “Yóm tau gel tmolok hlau gnan, kedeng gfibèkogot Dwata tau, hol lómón ke du yóm tau wen kimu labihen, newen kimu lomi hendeng denfélen bè gónóen mò gónóhen gel ma yóm wen muhen du.” \v 53 Timbow deng gotu deng ktulón Jisas du kul ni kem gel hningónen ni, ominen lemwót bè yóm benwu yó, bud mulék ebè hol kun benwu.