tbl-x-southtboli_mat_text_reg/25/31.txt

\v 31 Kesok bud kól yóm Ngà Dwata mò mogot klamangen,”mon Jisas, “tódô kdéen hógów Dwata gu bè longit gotu selomong du, ne angat myón bè yóm gónón myón kmukum. \v 32 Angat tódô kdéen tau bè klamangen benwu gotu stifun ebè soluhen, nesen tólóngen lu. Lómó kmò kestólóngen kul, lómón yóm tau semgyok ógóf, gel sentólóngen yó kem ubiha bè yó kem kambing. \v 33 Yó kmoen kul, suen bè kwananen yó kem tau tedeng kmò le, ne suen bè iwóngen yó kem tau gel mò sidek.