tbl-x-southtboli_mat_text_reg/21/01.txt

\c 21 \v 1 Ngang le Jisas mógów ne yó kem gel lemolò du efet le moni bè Jirusalim. Deng le gefet bè yóm sotu benwu udì boluyen Bitfid, nô lembuten yóm Bulul Ulib. Bè yóm kkól le bè yó, wen le wu bè yó kem gel lemolò du hógów Jisas tukô gna kul, \v 2 monen mò kul, “Mógów ye do etu bè tum benwu udì ditu tu u. Sok ye kól ditu, enget wen ton ye asnu fét hanà malak nati. Tódô ntó ye, nit ye do edini. \v 3 Ke wen tau smólók kuy, mon ye, ‘Wen muhen du yóm gónó tekuy mogot.’ Kaem tódô kendel hlusen kuy.”