tbl-x-southtboli_heb_text_reg/04/08.txt

\v 8 Yóm lomi benwu monen gónó le hlós henek nô yó, sundu benwu Kanan du. Ke deng duhen yó yóm benwu gónó Juswa e malak kul, sana là mon Dwata du ne ekni wen benwu gónó le angat hlós henek nô. \v 9 Bè ktahuhen, bélê tekuy kem tau Dwata, tolo wen he gónó tekuy tahu hegnô, lómón yóm tehe kun kehegnô Dwata bè yóm ghituhen kdaw ekni. \v 10 Ke deng guta tekuy yóm fasaden tekuy yó, là bud nmò tekuy du ne yóm kut nmò, tódô tekuy hegnô, hol lómón se yóm tehe kun kehegnô Dwata ekni. \v 11 Duhen yó, hol hotu tekuy són gel tekuy anì guta tekuy yóm kehegnô yó koni. Hol ten‑gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.