tbl-x-southtboli_heb_text_reg/11/35.txt

\v 35 Ne lemwót bè kul kehtahu yó kem libun, botong bud hlowil Dwata yó kem ngà le deng matay. Wen se kem dumu tau hemtahu deng kenfô le. Balù yóm tey kehsidek le kul efet hatay le, ewenem, là kô tebel le du yóm kehtahu le bè Dwata. Deng eles tngón le tey hyu yóm klowil le ke deng bud hlowil Dwata lu. \v 36 Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu. \v 37 Wen se bélê le matay bè kestudà le kul botu. Wen se bélê le tódô len‑gadì le bè sóól lówóhen. Ne bud wen se matay lan le tmibó kul. Són nes lesek le, són kulit ubiha ne kulit kambing. Balù udì ke wen gónó le ma, ne tey gulé kehlayam le kul ne kehsidek le kul. \v 38 Là kô wen mdengen gónó le nô, abay se deng gotu hdó le lu bè yóm kul benwu. Tódô le kem hlingkag ditu bè yó kem benwu là hyu menwu du ne ditu lem bulul. Són bè kilib gónó le nô ne bè yó kem dumu sol lem tonok. Ni kem tehe tau hemtahu ni, là kóen knóón bélê le kul nim benwu te tonok ni.